عقدة الرجال

[مشكلتي]

السلام عليكم
لا ادري هل هو امر طبيعي ام عقد متراكمه
انا فتاة في الصامن و العشرين عاملة في عمل محترم جدا و الحمد لله
مثلي مثل أي فتاة تحلم بالارتباط بالسيد الفارس خطبت عدة مرات و لم اقبل اخر مرة عملت خطبة كبيرة ثم فسختها و السبب هو عقدتي تجاه الرجال
نشوف روحي نحلم نلقا راجل و غير مانلقاه حتى نعيفو و نكرهه اي شخص يتقرب مني او يتقدم رسميا اكرهه و اتقزز منه ضيعت الكثير من الفرص لا أدري دائما اشعر ان شيئا في داخلي يرفضهم و يجعلني ابتعد عن اي شخض يتقرب مني و المشكل ان كل من يعرفني يحب التقرب مني لا ادري هل لي جادبية خاصية ام كرهي لهم يحسسني بوسواس تقربهم
تعرضت عدة مرات للتحرش في صغري من طرف الرجال الكبار و حتى الشباب لا ادري هل اثر دلك علي

والله انا في حيرة الايام تمضي و الفرص تضيع و انا في نفس الدوامة ندور

[زبدة ذايبة]

ما كاين حتى سيد وفارس

الرجال كامل كيفكيف

وأنسبهم للزواج من ترضون خلقه ودينه

وهذي تاع تفسخي كيما تحبي تقدر تكون عواقبها وخيمة عليك

28 سنة ماعندك ماتفسخي خلاص.

تظني الناس لعب بين يديك

يتقدمولك الرجال وتوافقي ويوافقو أهلك

ويجب الراجل مواليه ويشيع لخبر أنه سيتزوج عند كامل الناس

ومن بعد ديريلوا ضربة كيما هذي !!!!!!!!!!!!!!!!!!!!

من المستفيد ؟؟؟؟؟؟

أنت الخاسر الوحيد في هذا كله

وستدفعين ثمنه غاليا

إلا أن يشاء الله عكس ذلك.

إذا تشوفي أن وضعك النفسي سيء لدرحة عدم قدرتك على الارتباط بزوج

ماعليك سوى بالأخصائية النفسية تساعدك

لعل جلسات علاجية مكثفة تنحل عقدك.

وماعندك علاه تطمعي الناس بالموافقة وأنت عندك مجموعة مشاكل

نحي من ذهنك فكرة الزواج حتى تشوفي المختصة.

رب يفرج عليك

[عسجدة]

بارك الله فيك

28 سنة واش راكي تستناي

انتي والله ماكي جايبة الخبر لروحك
لوكان جيتي قدامي نعطيلك العصا
حتى تقولي يارأسي .
يا اختي افطني احنا عندنا راهم
يخطبوا مولات 17 سنة وانتي 28
ومزال تشرطي .
مكان لا عقدة لا والوا غمضي عينيك
وروحي وبالطول توالفي .
بنت البارح والفت وانتي الكبيرة متوالفيش .
ولا روحي ارقي كاش ماراهم دايريلك .

بصح راكي روطار بزاف بزاف .

درك تكبري وتوصلي لسن اليأس واحد مايجي يحوس عليك .

وراكي خدامة منين راكي خايفة
حتى وكاش ما حدث ارفدي ولادك
وروحي .

المهم ربي يرزقك بالزوج الصالح
الناصح .

سلام

[first first]

لعلها مكاتيب وحسب ونصيبك سياتيك حبيتيه او كرهتيه...ولعلك فعلا في مشكلة وعندك عقدة لازم تتفك

المهم ايا كان.....اسال الله ان يهديك وييسرامورك كلها بما فيها الزواج.
باختصار ادعي ربي يهديك لما فيه خير...وماتخافيش مازال الفرصةامامك لتصحيح الوضع وتدارك الامور...وفي الاخير حتى لو كنا مخطؤون فاخطاؤنا ارتكبت لتخدم الاقدار.
فرج الله همك.

[سيرين راجي]

السلام عليكم
هدا التفكير لن يخدمك باي شكل من الاشكال
لان هذه سنة الحياة عليك ان تغيري طريقة تفكيرك
ماتعرضت له في الصغر كان من اشخاص محددين لا تعممي الحكم
حاولي ان تفكري في الزواج بطريقة ايجابية واقراي مواضيع
للشيوخ عن فضل الزواج وكيف تستقر به النفس
كل ما شرعه الله سبحانه وتعالى فائدته عظيمة

[رندة.]

أنا ننصحك أنك تداومي على سماع سورة البقرة وقراءتها. وبالنسبة لرفض الخُطاب مش مليح بالنسبة ليك لأنو راح يشيع عليك الأمر هذا، وبالتالي راح يخلي الخُطاب يتجنبوك خوفا من رفضك ليهم، راكي في 28 سنة الله يبارك، نحي من راسك الأفكار السلبية ماكاين حتى عقدة من الرجال، أرقي روحك وان شاء الله ربي يفرج عليك ويرزقك الزوج الصالح.

[محمد جديدي التبسي]

راني حاير في أهلك كيفاه يرفضو الخطاب وانت في هذا السن لازم يقنعوك ويفيقوك راك كبيرة لازمك تتزوجي؟؟
ادعي ربي يصلح حالك ويطمئن قلبك ويعيدك لطبيعتك كل امرأة تتمنى الزواج والأمومة هذه فطرة فيها.. ربي يشفيك ويرزقك زوج صالح

[عثمان الجزائري.]

أخشى أن يكون منصب عملك ملأ قلبك غرورا و تكبر، إياك أن تحتقري الرجال، تخيلي أن الرجل يعافك ! لست أدري مشكلتك ليست رقية بل هي نفسية، زوري مختص في أقرب وقت، أما قضية التحرش فلا توجد فتاة فوق الأرض لم تتعرض للتحرش... ربي يعدل لحوال

[فطيمة 03]

شوفي طبيب نفسي

[مراد سابقا10]

انت امراة وتعافين الرجل لوكان اكتشف خطيبك او زوجك المستقبلي ذلك لعايرك بما للنساء من حيض ونفاس

انا ننصحك شوفي اخصائية نفسانية مقتدرة اولا ومبعد روحي تزوجي

['القعقاع 23']

عقدتكى هى التكبر ,,,فلو تعرفين قيمة الزواج و الزوج لما رفضت أحد

[22bilal bilal]

اقعدى اشرطي بفففف 28 سنة

[الفتاة السعيدة]

اختي.عليك.بصلاه.اباستخاره.والرقيه. ومداومه.على.الادكار.فرج.الله.همك

[الباحث الجديد]

انت تضيعيين نفسك