باركولي راني شريتها بصح.....................

[ninaricci]

البنات البارح شريت لاف لانج كوندور 6كغ اوتوماتيكية بعد بحث كبير واستفسارات لانهاية لها المختصر هبلت اعضاء المنتدى وخاصة الاخت زخرفة و سيلين نشكرهم كل الشكر بصح ضرك راني مافهمتها لا تسخن ولا لا لاني كيما نجبد القش نلقاه بارد لكن وقت ما تكون تغسل القزازة نتاعها كي نقيسها نلقاها سخونة والله راني في حيرة:1:

[rejine]

بالبراكة عليك
ممكن راهي تشلل بالبارد

حطيلي صورتها تعيشي

[ninaricci]

https://www.condor.dz/imgs/prds/1867_f3a983ca579065bc9811ff756de347c0.jpgاختي رجين صورتها راني وضعتها في استطلاع الات الغسيل للاخت زخرفة وهذه هي الصورة

[ninaricci]

اختي رجين حطي لاسبيراتور نتاعك في استطلاع الاخت زخرفة باش تزيدي تثري موضوعها اكثر وشكرا مسبقا

[raghado]

بالبراكة عليك شحال شريتها اختي

[ninaricci]

شريتها ب2 ملاين و700 الف

[آسيا 25]

مبروك أختي تهنيتي و الله

[assia 45]

بلبركة عليك حنونة

[توتة2008]

بالصحة والعافيه

[ninaricci]

شكرا لكن حبيباتي من قبل ماعرفتش بروقرامها لكن ضرك راني خرجت عليها هايلة ربي يرزق كل وحدة ما تتمني

[ninaricci]

اختي اسيا 25 هل حتي انت تلقاي القش بارد يعني هل تشل بالبارد ولا نتاعي ما تمشيش فهميني اختي بارك الله فيك واعطيني طريقتك كامل في غسل الملابس راني لاحظت بلي قش لولاد ما يخرجش مليح انصحيني بارك الله فيك

[آسيا 25]

السلام عليكم :mh92:
سامحيني أختي هادا وين شفت سؤالك, هي حقيقة ما تخرجش القش كيما يحب الخاطر كيفها كيف باقي الماركات ههه لأنو ماكانش كيما غسيل اليد لكن أنا ما نكسرش راسي نرنخ الحوايج فالماء مذوب فيه الكريستو(بلورات الصودا) ثم نعصرهم و نحطهم فالمشينة يخرجو يشعلو و إدا ما عندكش كريستو ديري مغرف vanish مع الصابون تع الغسيل هو صح غالي بصح يحكملك بزاف, بالنسبة لأنو القش يخرج بارد طبيعي أختي لأنوالماشينة بعد ما تغسلو بالماء الساخن تشيحو بالهواء على هادي يبرد, مرة أخرى بالبركة عليك إن شاء الله.

[ninaricci]

شكرا ليك اختي لكن هل الكريستو هو الشب وفانيش ديري مغرفة مع الصابون الخاص بالة الغسيل او الصابون العادي اى انك ترنخي بالصابون الخاص بالترناخ اي الغسيل باليد او الخاص بالة الغسيل الاوتوماتيكية وهل هذه الطريقة تخرج القش مليح ارجوك جاوبيني

[آسيا 25]

شكرا ليك اختي لكن هل الكريستو هو الشب وفانيش ديري مغرفة مع الصابون الخاص بالة الغسيل او الصابون العادي اى انك ترنخي بالصابون الخاص بالترناخ اي الغسيل باليد او الخاص بالة الغسيل الاوتوماتيكية وهل هذه الطريقة تخرج القش مليح ارجوك جاوبيني

سلام أختي
الكريستو ماهوش الشب بل هو بلورات الصودا سقسي عليه اللي يبيعو مواد التنظيف يعرفوه و ادا ما كانش متوفر تحطي صابون الغسيل فالمشينة و تزيدي معاه ملعقة فانيش و تبروقرامي la machine تاعك على النظام lavage tiède أو super propre و تخليها تغسل القش يخرج بيض يهبل.

[ninaricci]

شكرا ليك اختي اسيا 25

[ninaricci]

احبائي اليوم الة الغسيل الاوتوماتيكية راهي دارت تقريبا شهر عندي ورايحة نقيمها للي عندها استفسار عليها هي راهي رائعة قليلة عليها مع الاول ما خرجتش عليها لكن بعد ما سقسيت في المنتدي افادوني البنات والحمد لله رانهي تغسل مليح المهم طريقتي هي كالتالي :
شريت صابون بينغو للالة الاوتوماتيكية راني نرنخ فية القش قبل ما نحطو فيها بعد حوالي ساعتين الى 3 ساعات نروح نحط هذاك القش المرنخ في الة الغسيل و نضيفلوا بوشون سائل اورو لغسل الملابس في القجر الخاص بالالة يعطيه رائحة ولا اروع ويزيد يعاون في التنظيف وندير نظام 30دقيقة يخرجلي القش نظيف يللش وريحتو روعة.
بينغو يدير 75الف 3كغ و اورو يدير 58 الف 3لتر يعني المجموع 133 الف تشدلك تقريبا 3اشهر احسن من اريال سائل 3 لتر ب130الف يحكملك شهر ونص