الى من يستطيع تحفيزي_خاصة نتي كوثر_

[طالبة لها هدف]

السلام عليكم
رح ندخل في الموضوع ديراكت
سبحان الله نكوون نورمال في راسي لباس نقصر نحكي منا
انا نخمم بلي لازمني نروح نقرى تحكمني السطرة في راسي
نتقلق نحس روحي ماشي نورمال
ما نفهمش مام با واش بيا ولا وش ندير
و زيد كي تحكمني الحالة هادي نتقلق اكثر و تسوء حالتي
ما فهمتش وش ندير
انا ماشي مقلقة باسكو ما بديتش باسكو الحمد لله كاين ناس راهم روطار اكصر مني و مزالو يكافحو
مي والله ما عرفت وش ندير مع حالتي

[rania17]

هادي مشي نتي لينة بلاك سرقولك عضويتك ههههه بركاي من تمسخير نتي قوية ونتي هيا للتشجعينا فترة وتجوز استغفري وحاولي تريحي نهار ومنبعد عودي بقوة اوكي حنونة هاد الوقت ملازمش نتاثروا فيهم اوكي حنونة ايا بالتوفيق الى الملتقى لولو

[طالبة لها هدف]

هادي مشي نتي لينة بلاك سرقولك عضويتك ههههه بركاي من تمسخير نتي قوية ونتي هيا للتشجعينا فترة وتجوز استغفري وحاولي تريحي نهار ومنبعد عودي بقوة اوكي حنونة هاد الوقت ملازمش نتاثروا فيهم اوكي حنونة ايا بالتوفيق الى الملتقى لولو
ههه عجبتيني رانية كي قلتي سرقولك عضويتك
ان شاء الله مي الحاجة لي تزيد تشوكيك
عندي وحد 3 جور وانا مريحة مي بلا فايدة_تبانلي من كثر ما نخمم نحس روحي ما ارتحتش_

[rania17]

وي هاد هو لي ياثر التفكير بزاف يقتل ابنعمي ايا لولو ريحي تاني ليوم وغدوا انطلقي بالتوفيق ربي راه معاك متنسايش

[طالبة لها هدف]

وي هاد هو لي ياثر التفكير بزاف يقتل ابنعمي ايا لولو ريحي تاني ليوم وغدوا انطلقي بالتوفيق ربي راه معاك متنسايش
ان شاء الله يا ربي
مغسي عليك رانية مديتيلي من وقتك حنونة ربي يعاونك

[rania17]

راني حاصلة في حفاظة لينة واش ندير

[rania17]

علوم اسلامية راني نعاود من اول وراني في درس 2 فقط افففف حاسة روحي حفاظة منسلكهاش

[طالبة لها هدف]

علوم اسلامية راني نعاود من اول وراني في درس 2 فقط افففف حاسة روحي حفاظة منسلكهاش
شوفي والله نصيحة الحفاطة ما تحفظيش الا اذا حسيتي روحك نافحة
باسكو كي تكوني كارهة حتى و رح تحفظي درس و لا زوز يفوت يومين تصيبي روحك نسيتيهم
انا والله ما نحفظ الا اذا كنت نافحة نحكمها جورني كامل غير حفاظة ندير فيها 3 ولا 4 دروس رح يكونوا في فايدتي حتى و ننساهم مش رح يكون صعيب نعاود نراجعهم

[طالبة لها هدف]

اون + ما تقوليش مش رح نسلكها
عقلك الباطني رح يعتقد الفكرة ويولي يمشي على اساسها
لذلك _كافحي_

[Aya Ya]

عاااادي انا كرههت كل ما نحل تمرين نحس روحي جامي قريييت .. لكن لن استسلممم ;)

[طالبة لها هدف]

هههههه تشوفيني ننصح و كلش و انا مع روحي مش قادرة نسلكها يا ربي فرجها يا ربي

[اللوتس الاحمر]

حياتك تعتمد على قراراتك
فاذا غيرت قراراتك ستتغير حياتك باكملها
فقط اعثري على شي اهمـ من اعذارك من تسويفك
تخيلي ذلك الحلم الذي اردت يوما ان تعيشيه يقتنص منك بسهولة
الاستسلام سهل بل هو غاية في السهولة
و لكن لعواقبه آثار سيئة
يمكننا كلنا الاستسلام
و لكن الحافز الذي يبقينا نقاوم هو ذلك الحلم
لن يكون الدرب سهلا
الحياة ستذيقنا كلنا طعم الالم و الخسارة
لترى من الاجدر للانتقال للمرحلة القادمة
نهرب من العقبات و
نسينا انها الشهادة
لللرتقاء لمستوى الجدارة
نهرب من الالم
لكنه هو السبيل الوحيد لتحقيق الحلم
من يهرب من المواجهة
نسي انه لا فوز بدون تضحية
توقف بالركض من النجاح
بل اركض نحو
تذكري
your greatest asset is that you are unique

[أميرة النجاحْ]

السلام عليكم
انني في حالتك بالضيط
كل وقتي و أنا نائمة
وش نقلك ربي يعينا على هذي الحالة
حقيقة وش وصلني لهنا وهو انني حاولت تنظيم وقتي و الاستفادة منه لكنني فشلت في الاسبوع الاول من العطلة كالعادة

[amina.77]

عليك بالفيديوهات التحفيزية
طلع المورال :d

[Kawtar.7]

شوفي مين هاك متبقايش تخمي نوضي اقراي و صاي متخميش حتى يوجعك راسك
اقراي هادو مشي تاوعي

[Kawtar.7]

^_^
لا تدع أحد يخبرك أنك لا تستطيع فعل شيء*😉*إن كان لديك حلم فيجب أن تحميه*👊*الناس لا يستطعون تحقيق أحلامهم*😂*لذلك يخبرونك أنك لا تستطيع أنت أيضا*👌
لاتضحي بمستقبلك بسبب لحظات عابرة*✌*و إذا إتصل بك ماضيك فلا تجب فليس لديه شيء جديد ليقوله ✔ فقدم لنفسك معروف بمسح بعض الأشخاص من حياتك ، لا تستلم ممكن أن تخسر معركة ولكن يمكن بعدها أن تفوز بالحرب*🎉
أحلامك لا تعترف بأوقات الراحة وعطلة نهاية الأسبوع
توقف عن تشتيت ذهنك بأشياء ليس لها علاقة بأحلامك* وإن لم تقاتل من أجل ما تريد فلا تبكي على ما خسرت
تذكر جيدا " الخوف مؤقت لكن الندم دائم "
===============================
الطريق الى النجاح*😍
*صحيح ان الوصول الى النجاح طريقه طويلة وصعبة ومتعبة لكنها اجمل فترة قد تمر علينا ونتذكرها في المستقبل وهي اكثر فترة تتعلم فيها الكثير الكثير الصبر عند الصعاب. وتحمل الضروف ولا ننسا تلك الابتسامة وتلك الفرحة عندما تكمل حفظ درس او فهم درس وحل تمارينه*😍😍😍😍😍*اتعرف لن تشعر بهذه الفرحة ان قلت استسلمت ! او ماذا افعل ! ماذا حصل لي انت الوحيد القادر على مواجهة مشاكلك لانك طبيب نفسك تصالح مع نفسك وذكرها دائما انك مصمم على النجاح مصمم على الفرح في نهاية الطريق اقنعها انك لا تريد دموع حزن واسى بل فرح*😊*يجب ان تفعل ذلك باي طريقة قم بايقاض ضميرك*😡*باي طريقة كانت*😊*لا تترك شئ لا تفهم بل حاول ثم حاول الى ان* تفهم.
حاولو ان لا تحرمو انفسكم من فرحة طريق النجاح وفرحة الوصول اليه وفقني الله واياكم*💕💕💕💕💕💕💕💕
===========================
لم يبقى إلا القليل! عن البكالوريا أتحدث !؟؟
*اغتنموا الوقت المتبقي!؟عليكم بالمثابرة الجد الإجتهاد التعب التضحية!؟لديكم الفرصة لتخرجوا ما بداخلكم !؟حان الوقت لفرض شخصيتكم!فلا تتركوا الفرصة لمنتقديكم ومن شككوا بقدراتكم!؟لا تتركوا المجال للحاقدين عليكم! ؟كونوا أوفياء لأوليائكم وأحبتكم!؟لا تخيبوا ظن الذين ينتظرون نجاحكم!؟
*لو تعلمون قيمة الانتصار فهذا الإمتحان؟ !نعم إنه إنتصار!؟هل تعلمون لماذا!؟لأن بنجاحكم تنتصرون عن من شككوا فيك!؟و تسكت من قلل من ذاتك!؟لا تخيبوا ظن أمهاتكم هل تهون عليكم دمعة الأم حزنا!آآآآه !؟و آآآه لو تعرفوا لذة النجاح في هذا الإمتحان! ؟ والله الكلمات لا تكفي للتعبير!؟
*تذكر جيدا كلامي عند احساسك بالتعب أو اليأس قلتها ومازلت ألح عليها! ؟تذكر! تذكر! تذكر دمعة الأم فرحا! وضحكة الأب افتخارا واعتزازا الاحبة شانا! ؟
والله الموفق لكل خير*❤❤❤

" لم اكتب انا هذه وجدتها فقط

[pérah tova]

https://www.djelfa.info/vb/showthread.php?t=2135377

[Kawtar.7]

مبقاش قد اللي فااات

شوفي كيما صبرتي لازم تزيدي تصبري و لازم تزيري روحك و تتعبي شوفي الا نتي ما تعبتيش ةاحد ما يتعب في بلاصتك
push yourself because no one else is going to do it for you

و صاي لازم تحبسي الاعذار راهي ما تفيدك بوالو و متربحكش الباك excuses don't get results

و ااتفكري دايما بلي لي يتعب يبقا و ربي مينسى حتى واااحد
ايا نودي عليا ما راسك ما والو اياا وين راهم تحديات تاوعك وريلي شطارتك


هادي تاعي :1::1: