أريد معطرات البيت من فضلكم

[assia 45]

سلام عليكم ممكن تساعدوني كيف نعطر غرفة نومي ونخلي رايحتها دايمن عطرة وايضا بالنسبة للصالون وايضا حاشاكم المرحاض كيف ممكن نخلو الرائحة عطرة ومنعشة أعطوني أفكاركم وخططكم في هذا المجال ربي يحفظكم

[assia 45]

ران نسنا في ردودكم

[assia 45]

من فضلكم يانسوة باش راكم تعطرو بيوتكم

[assia 45]

راني ننتظر ردرودكم من فضلكم

[nihal159]

force expresseبرائحة الورد روووووووعة و ريحتو تدووووووم مانحكيلكش؛ و سعره مناسب جدا 15 ألف.

[آسيا 25]

السلام عليكم
أنا أيضا ننصحك أختي بforce expres هايل لتعطيرالغرف و كتدبيرة أنا نحكم une lingette و نشمخها بيه و نحطها في مكان مخفي( فازة فوق الطاولة,نعلقها خلف التلفاز أو ممكن على مقابض الأبواب من الجهة الخلفية) و أيضا لما نرش من المعطر ما نرشش في الهواء بل نحاول نرش على الطابيات و المفروشات و بهذا تدوم رائحة العطر 24 ساعة أو أكثر, أما بالنسبة للمرحاض أكرمكم الله نستخدم القارورات الصغار تاع المعطرات اللي من نوع saveur du monde ما نعرف إدا تعرفوهم هايلين نستخدم اللي بعطر الخزامة البحرية يا ختي تحطي شوية في لانجات أو حتى قطرات في أحد الزوايا يريحلك المرحاض أسبوع كامل خزامة و أيضا المرحاض تاعي نغسلو يوميا ب aigle الخاص بالمراحيض هو وحدو معطر رائع فقط كتنبيه صغير يا أختي ما تعطريش المنزل حتى تهويه مليح و إلا المعطرات راح تعطيك نتيجة عكسية, سلام.

[nihal159]

السلام عليكم
أنا أيضا ننصحك أختي بforce expres هايل لتعطيرالغرف و كتدبيرة أنا نحكم une lingette و نشمخها بيه و نحطها في مكان مخفي( فازة فوق الطاولة,نعلقها خلف التلفاز أو ممكن على مقابض الأبواب من الجهة الخلفية) و أيضا لما نرش من المعطر ما نرشش في الهواء بل نحاول نرش على الطابيات و المفروشات و بهذا تدوم رائحة العطر 24 ساعة أو أكثر, أما بالنسبة للمرحاض أكرمكم الله نستخدم القارورات الصغار تاع المعطرات اللي من نوع saveur du monde ما نعرف إدا تعرفوهم هايلين نستخدم اللي بعطر الخزامة البحرية يا ختي تحطي شوية في لانجات أو حتى قطرات في أحد الزوايا يريحلك المرحاض أسبوع كامل خزامة و أيضا المرحاض تاعي نغسلو يوميا ب aigle الخاص بالمراحيض هو وحدو معطر رائع فقط كتنبيه صغير يا أختي ما تعطريش المنزل حتى تهويه مليح و إلا المعطرات راح تعطيك نتيجة عكسية, سلام.

أهلا أسيا واش راكي؟ حتى أنا مانرشش المعطر فالهوا هههه نرشو على الأفرشة و الزرابي؛ ريحتو تبقى نهار كامل.
عندك الحق أنو إستعمال معطرات الجو تكون بعد تهوية المنزل؛ و حاجة أخرى؛ أنا كي نعود نطيّب نغلق عليا باب الكوزينة باش ماتروحش ريحة الماكلة فالدار؛ و هكذا تبقى ريحة المعطّر و تدوم؛ لكن إذا اختلطت بريحة لبصل و الثوم هههههههه مانضمنلكش واش قادر يصرا هههههههههههههه

[آسيا 25]

أهلا أسيا واش راكي؟ حتى أنا مانرشش المعطر فالهوا هههه نرشو على الأفرشة و الزرابي؛ ريحتو تبقى نهار كامل.
عندك الحق أنو إستعمال معطرات الجو تكون بعد تهوية المنزل؛ و حاجة أخرى؛ أنا كي نعود نطيّب نغلق عليا باب الكوزينة باش ماتروحش ريحة الماكلة فالدار؛ و هكذا تبقى ريحة المعطّر و تدوم؛ لكن إذا اختلطت بريحة لبصل و الثوم هههههههه مانضمنلكش واش قادر يصرا هههههههههههههه
أهلا حبيبتي نهولة نتمنى تكوني بخير, فعلا باب الكوزينة لازم ينغلق أثناء الطهي و النافذة تنفتح حتى لو الثلج يصب هههه

[ninaricci]

سلام انا نستعمل منعم الملابس نحطو في بخاخ مع شوية بيكاربونات و نرشو علي الطابيات والريدوات:19:جربي راح تدعيلي طول عمرك:mh31:

[nihal159]

سلام انا نستعمل منعم الملابس نحطو في بخاخ مع شوية بيكاربونات و نرشو علي الطابيات والريدوات:19:جربي راح تدعيلي طول عمرك:mh31:

أهلا نينا؛ واش من ماركة تاع منعم الملابس لي تستعملي؟؟؟

[ninaricci]

حبيبتي نهال نستعمل منعم الملابس فورس اكسبريس برائحة باقة عطرية لون القرعة وردي هايل والازرق ثانى مليح ازهار الربيع رائحة المنعم مع البيكاربونات تدوم مدة طويلة جربي واحفظي السر وخلي عديانك يغيرو من شطارتك:1::19:

[nihal159]

حبيبتي نهال نستعمل منعم الملابس فورس اكسبريس برائحة باقة عطرية لون القرعة وردي هايل والازرق ثانى مليح ازهار الربيع رائحة المنعم مع البيكاربونات تدوم مدة طويلة جربي واحفظي السر وخلي عديانك يغيرو من شطارتك:1::19:

لاتوصّي حريص ههههههههههههههه سرّك في بير مالوش قرار ههههههه:1::1::1::1:؛ شكرا حبيبتي

[توتة2008]

ههههه راني عرفت السر..

[ninaricci]

بصحتك توتة هذا ماشي سر على اهل المنتدى اتمتعي حبيبتي بالروائح الزكية في دارك وخلي اللي يدخلها يجيب عام وهو يحوس على واش من ريحة درتي وما يعرفهاش:1:

[آسيا 25]

هههه نينا يعطيك الصحة ختي ليوم نشري المنعم اللي قلتي عليه و نجربو و إذا لقيتو يدوم أكثر من المعطر نداوم عليه.

[ninaricci]

اكيد اختي اسيا 25 رايحة ماتزيديش تشري المعطر يا لوكان تلقايه بلاش بعد ما تديري هذا السر انا حتى كيما ما نديرش في داري تبقى ديما هاذ الريحة تحسيها لصقت في كلش حتي في الحيوط تخيلي معايا اختي اكيد رايحة تدعيلي ما تزيديش تبذري دراهمك في المعطر اشري ديراكت المنعم ووفري دراهمك انا هذا ما نشري نستعملوا كمعطر و للتسياق كي نشف الحالة ومنعم للملابس نشري بالبزاف

[نسمة صبح]

Ninaricci خطيرة فكرتك

بعض الافكار لتعطير البيت من تجربتي:

كي تسيقي استعملي لوشا لي نغسلو بيه لقش..يخلي ريحة هايلة

في المرحاض و الحمام رشي على التشافة الصانيبو و خليها يوم كامل بيتك معطر بشرط متخليهاش بزاااف دير ريحة لاااا

ايضا جربي البخور ..كاين بخور مريم جربتو ريحتو هباال متحطيهش على نار مباشرة حطيه فوق لا لومب ولا لاباغاي تاع ناموس ..فكرة خطيرة نضمنلك

ف مرحاض و حمام خلي دايما رشاشة فيها صاتيبون و ما و ديما رشي وراك

المطبخ غلي الليمون لازالة الروائح

و لادوسيسون لا يعلى عليه حتى و هت فارغ حطيه ف ملابسك ...

احسن شي بيت مهوي و نظيف و معطر ...

دمتم بود

[assia 45]

force expresseبرائحة الورد روووووووعة و ريحتو تدووووووم مانحكيلكش؛ و سعره مناسب جدا 15 ألف.

شكرا اخت نهال ربي بحفظك بصح مكتوب فيه يحدو بيه الحوايج انا كي حددت بيه خلالي الملابس موسخة لان لونو اسود ؟
مام سؤال .كي نرشوه على الزربية مايتغيرش لونها ويتأثر لان لونو السائل فورس اكسبرس اسود؟

[assia 45]

السلام عليكم
أنا أيضا ننصحك أختي بforce expres هايل لتعطيرالغرف و كتدبيرة أنا نحكم une lingette و نشمخها بيه و نحطها في مكان مخفي( فازة فوق الطاولة,نعلقها خلف التلفاز أو ممكن على مقابض الأبواب من الجهة الخلفية) و أيضا لما نرش من المعطر ما نرشش في الهواء بل نحاول نرش على الطابيات و المفروشات و بهذا تدوم رائحة العطر 24 ساعة أو أكثر, أما بالنسبة للمرحاض أكرمكم الله نستخدم القارورات الصغار تاع المعطرات اللي من نوع saveur du monde ما نعرف إدا تعرفوهم هايلين نستخدم اللي بعطر الخزامة البحرية يا ختي تحطي شوية في لانجات أو حتى قطرات في أحد الزوايا يريحلك المرحاض أسبوع كامل خزامة و أيضا المرحاض تاعي نغسلو يوميا ب aigle الخاص بالمراحيض هو وحدو معطر رائع فقط كتنبيه صغير يا أختي ما تعطريش المنزل حتى تهويه مليح و إلا المعطرات راح تعطيك نتيجة عكسية, سلام.

شكرا اختي ممكن تحطينا صورة للقارورات لي حكيتي عليهم وaigleهذا الخاص بلمراحيض حطينا صورة ليه

[assia 45]

سلام انا نستعمل منعم الملابس نحطو في بخاخ مع شوية بيكاربونات و نرشو علي الطابيات والريدوات:19:جربي راح تدعيلي طول عمرك:mh31:

شكرا اخت واش هو المنعم لي تقصديه ممكن تدعمينا بصور؟واش تقصدي بالريدوات (كاشريدو؟)

[assia 45]

حبيبتي نهال نستعمل منعم الملابس فورس اكسبريس برائحة باقة عطرية لون القرعة وردي هايل والازرق ثانى مليح ازهار الربيع رائحة المنعم مع البيكاربونات تدوم مدة طويلة جربي واحفظي السر وخلي عديانك يغيرو من شطارتك:1::19:

ادعمينا بصور لهذالمنعم
كم ثمنه

[ninaricci]

فورس اكسبريس منعم الملابس ثمنه والله مانعرف يجيبهولي راجلي مع القضية نتاع الشهر ربما يدير 28الف دينار والصورةhttp://www.elmizania-a2zmarket.com/wp-content/uploads/2017/09/IMG20170816103746-Copier.jpg

[ninaricci]

الريدوات هوما les rideaux نتاع النوافذ والابواب

[nihal159]

شكرا اخت نهال ربي بحفظك بصح مكتوب فيه يحدو بيه الحوايج انا كي حددت بيه خلالي الملابس موسخة لان لونو اسود ؟
مام سؤال .كي نرشوه على الزربية مايتغيرش لونها ويتأثر لان لونو السائل فورس اكسبرس اسود؟

لا يا أختي؛السائل لونو أبيض؛ أنا نرشو على الزربية مايبقى لابقع ولا هم يحزنون؛ إذا كان لفراش من الساتان ممكن يبقاو بقع؛ لكن إذا كان فراش عادي مايبان والو؛

[assia 45]

فورس اكسبريس منعم الملابس ثمنه والله مانعرف يجيبهولي راجلي مع القضية نتاع الشهر ربما يدير 28الف دينار والصورةhttps://www.elmizania-a2zmarket.com/wp-content/uploads/2017/09/img20170816103746-copier.jpg

ربي يحفظك بصح علاه يسموه منعم الملابس،يشلو بيه الحوايج؟

[assia 45]

والمنعم هذا نخلطو معاه شوي بيكاربونات داخل القرعة ونستعملو فهميني الاخت يعيشك

[assia 45]

ninaricci خطيرة فكرتك

بعض الافكار لتعطير البيت من تجربتي:

كي تسيقي استعملي لوشا لي نغسلو بيه لقش..يخلي ريحة هايلة

في المرحاض و الحمام رشي على التشافة الصانيبو و خليها يوم كامل بيتك معطر بشرط متخليهاش بزاااف دير ريحة لاااا

ايضا جربي البخور ..كاين بخور مريم جربتو ريحتو هباال متحطيهش على نار مباشرة حطيه فوق لا لومب ولا لاباغاي تاع ناموس ..فكرة خطيرة نضمنلك

ف مرحاض و حمام خلي دايما رشاشة فيها صاتيبون و ما و ديما رشي وراك

المطبخ غلي الليمون لازالة الروائح

و لادوسيسون لا يعلى عليه حتى و هت فارغ حطيه ف ملابسك ...

احسن شي بيت مهوي و نظيف و معطر ...

دمتم بود

ربي يحفظك وش معناتها لادو سيسون

[assia 45]

قولولي كاش معطر للملابس يخلي ريحتها عطرة نشلو بيه ولا نغسلو بيه ولا؟

[assia 45]

واش من صانيبو تستعملو ؟حنا نشرو الامير .واش هو افضل صابون سائل نحطوه فدوش وفي توالات اكرمكم الله

[ninaricci]

اختي اسيا 45 منعم الملابس هو اللي يخلي رائحة الملابس عطرة هذا تديريه مع التشلال تضيفي 2 بوشونات في ماء التشلال وشللي قشك عادي ضرك تلصق فيهم الريحة وتشدلك حتي 3 ايام بعد الغسل وهو نفسه لادوسيسون اللي نعتلك صورته فوق وانا هذا ندير شوية منو في بخاخ ونضيفلوا بيكاربونات حتي 2 مغارف صغار ونرش بيها الزرابي والريدوات والفراش وتجي ريحة الدار روعة وكذلك نستعملوا للتسياق تجي ريحة الدار روعة ياختي جربي ورديلي الخبر

[ninaricci]

اما صابوت سائل راني نستعمل دوف بالخيار ولا تاهيتي روعة

[assia 45]

اختي اسيا 45 منعم الملابس هو اللي يخلي رائحة الملابس عطرة هذا تديريه مع التشلال تضيفي 2 بوشونات في ماء التشلال وشللي قشك عادي ضرك تلصق فيهم الريحة وتشدلك حتي 3 ايام بعد الغسل وهو نفسه لادوسيسون اللي نعتلك صورته فوق وانا هذا ندير شوية منو في بخاخ ونضيفلوا بيكاربونات حتي 2 مغارف صغار ونرش بيها الزرابي والريدوات والفراش وتجي ريحة الدار روعة وكذلك نستعملوا للتسياق تجي ريحة الدار روعة ياختي جربي ورديلي الخبر

ربي يحفظك وهذالمعطر تع الملابس لادوسيسون يصلح لملابس نسا ورجال ولا غير للنساء؟

[assia 45]

قولولي المرحاض حاشاكم كي نسيقو يوميا بالماء والصابون اومو ميربيش هذاك لكالكير ؟وليسبريسال وقتاش نستخدمو ؟

[assia 45]

الاخوات شفتو الكاشريدو يجو فيه زوج دفات من قماش خشين متقابلين ويجي التحت قماش شفاف ابيض باهي شباب هذاك لقماش لبيض الجميل نقدر نخيط بيه عند لخياطات ريدو للباب ؟يجي باهي حبيت نخيط ريدوات لشنابرنا وش ريكم

[assia 45]

غابو عليا اخوات

[maroine1975]

:mh31:AIR WICK