سباقيطي تديرو مرت اخي

[assia 45]

السلام عليكم قصدتكم اليوم تعاونوني مرت اخي تدير وحد سباقيتي بنين بصح معرفتش كفاه نطيبو وحشمت لنقوللها علميني الحصون هو طايب في صوص حمرا بصح ناشف مع لخر ميجيش جاري يجي ناشف وحار مع العلم هي تستعمل جومبو ويجيها الماكلة وسباقيتي بنين بلا جاج ولا لحم .لي تعرف تطيب تنفعني ونكون ممتنة بزاف ليها

[omo maria]

انا نديرو روعة. اغليه في ما وملح وماطيبيهيش بزاف وصفيه وجدي لاصوص بجيها ديري زيت زيتون وزيت مايده وبصل رابي وثوم وطماطم حب وطماطم بوط وفلفل احمر وزعتر بري ولا زعيتره ورند وجمبو وتحبي الحار ولا هريسه واقليهم ومن بعد دري اعليه سباقيتي يجيك احمر وناشف وبنين روعة وتحبي تزيدي اعليه شويه زبده ولا فروماج رابي ولا زيتون اسود

[توتة2008]

طريقتي نفسها مع ام مرية

[assia 45]

انا نديرو روعة. اغليه في ما وملح وماطيبيهيش بزاف وصفيه وجدي لاصوص بجيها ديري زيت زيتون وزيت مايده وبصل رابي وثوم وطماطم حب وطماطم بوط وفلفل احمر وزعتر بري ولا زعيتره ورند وجمبو وتحبي الحار ولا هريسه واقليهم ومن بعد دري اعليه سباقيتي يجيك احمر وناشف وبنين روعة وتحبي تزيدي اعليه شويه زبده ولا فروماج رابي ولا زيتون اسود

صحيتي ختي.قوليلي كي تغليه مع ما وملح تديري مغرف زيت ولازوج؟والاشياء لي ذكرتيها تع الصلصة تتقلى قع مع بعض ولا بالتدريج.وجامبو والهريسة وقتاش نديرهم مع الاول ولا مع الاخر

[assia 45]

طريقتي نفسها مع ام مرية

صحيتي ختي اي نفس الاسئلة عند ام مرية

[زهرة أوركيدية]

شكراً اختي

[kamili1]

بارك الله فيك

[نسمة صبح]

شوفي اختي انا نطيبو ف لا صوص ديراكت

منغليهش و نظن هذا هو لي طلبتيه نت
طيبي لا صوص بثوم و لصل و طماطم و جومبو معدنوس ملح فلفل اكحل طماطم مصبرة هريسة و تقدري تقصي شوي زيتون اخضر يعطيه طعم هايل ..كي يتقلاو مرقي عادي متخافيش مبعد كي هاذو يطيبو ...لوحي سباع¨يتي و خليه يطيب قيس ما يحكم روحو هو اصلا بتلطريفة هاذي مرتحش يولي طري يبقى حاكم روحو

خليه يطيب حتى ينشف

جيبي معدنوس و فرماج روج و حطيه على السطح و خلي لمرت خوك تولي تسقسيك كيفاش درتيه

[وسام.احمد]

هههههه .من الاحسن تقولي لمرت خوك حاجة عادية جدا .كيمة نطلبو من البراني عادي تطلبي من تاع الدار ولا اوقفي قدامها هههههه وهزي بالتخبية هذا حشمانة .ويعطيك الف عافية