__ قف على ناصية الحلم وقااتل __

[Aya Ya]

:dj_17: ... أود المراجعة بدءا من الغد _ وذلك لجمييع الموااد _ فهل من منافس/ة ( بشرط ان لا يتجاوز العدد 3 + شعبة ع ت + طريقة المراجعة تكون منظمة بوضع برنامج يومي ..) ؟؟ بالتوفييق للجميع / سلاام :)

#وردة8 #وردة 8#فراشة #وردة8 #وردة8

[إينَاس]

معاكي
من سيضع البرنامج ؟
بالمناسبة غدا عندي اختبارات لكن لاباس سأتحدى

[المُعادلة الصّعبة]

اممم انا اصلا ما فينيش الشروط لي تحوسي عليها مع اني اصلا حتى لوكان استوفيت الشروط ماكنتش رح نقولك وي خاطر مانيش من هواة التحدي
-قوليلي علاش مالا تردي اصلا فالموضوع خخ -
ربي يوفقك حنونة ;)

[الدرر البهية]

انا معكم اختاه
ان شاء الله نحو التميز

[Aya Ya]

إينَاس ... بما انه لديك اختبارات فلا داعي لان ترهقي نفسك اكثر من اللازم / الاسبوع المقبل ان شااء الله انضمي ..... وفقك الله :19:

[Aya Ya]

Issania باذن الله :)

[الدرر البهية]

ما خططك في التحدي
نحبو يكون قوي اوووك

[Aya Ya]

باذن الله ساضااعف مجهوداتي لاستعيد مقامي :) ... انت نظامية ام حرة ؟

[إينَاس]

ياووو أتطردينني ؟؟؟؟

نتمسخر برك اختي
الامتحانات مانيش محسبتها أصلا ،، وش من امتحانات أنا نقرى علاجال الباك و حاجة اخرى ما تهمنيش ##
بالعكس أسبوع الامتحانات هذا حاسباتو مع العطلة xd يعني عطلتي أنا راهي 3 اسابيع xd
راني معاكم

[Aya Ya]

ههه لا بأس اذا فلتضعي جدول اختباراتك والوحدات المقررة لكي نستغلها هذا الاسبوع _ :1:

[إينَاس]

الوحدات المقررة ،،،، جميع الوحدات من بداية العام xd
الرياضيات : للأعداد المركبة ،علوم للاتصال العصبي ، فيزياء للميكانيك ،
التاريخ للجزائر و الجغرافيا للنمور التنانين و لكباش ولا معرف كيفاش
فلسفة الشعور بالأنا و الغير

يعني فوتوكم من اختباراتي أنا ،، أعطوني أفكار أخرى من عندكم

[الدرر البهية]

باذن الله ساضااعف مجهوداتي لاستعيد مقامي :) ... انت نظامية ام حرة ؟

انا نظامية ....

[إينَاس]

اممم انا اصلا ما فينيش الشروط لي تحوسي عليها مع اني اصلا حتى لوكان استوفيت الشروط ماكنتش رح نقولك وي خاطر مانيش من هواة التحدي
-قوليلي علاش مالا تردي اصلا فالموضوع خخ -
ربي يوفقك حنونة ;)



بالسيف قدرت نقرى ما بين السطور :1:

صح كل واحد و واش يحب و واش يخرج عليه

ربي يوفقك اختي

[Aya Ya]

حسنا ... حنا متاخرين في الفلسفة * توقفنا في العلوم البيولوجية *

[Aya Ya]

بالنسبة للبرنامج وما شابه يعود القرار لكن ..

[إينَاس]

أنا معنديش خبرة في البرامج
لكن في رأيي غدوة نركزوا على الفيزياء كطبق رئيسي
و تميرين ولا زوج بروتينات في العلوم مع توابل من مصطلحات و شخصيات تاريخ

وش رايكم ؟

[Aya Ya]

حسناااا اكديلي على الفيزيااء هههه

[إينَاس]

الفيزياء طبقنا الرئيسي غدوة
أووووف ثقيل على المعدة بزاف : ( xd

[Aya Ya]

حسنا .. من اين نبدا ؟

[إينَاس]

نبداو الليلة ؟

[إينَاس]

لأني رح نخرج ضرك

تبانلي نتلقاو غدوة معليهش ؟

[Aya Ya]

قصدي باه نهيئ نفسي من الان ....

[إينَاس]

فيزياء ان شاء الله
فهم جيد لأول وحدة + تمارين شاملة ومكثفة
عندك مراجع مليحة ؟
لناس ينصحو بالأستاذ شريفي جربتيه من قبل ؟ أنا حابة نجربو غدوة

[Aya Ya]

بالنسبة لي اعتبر ان المراجعة النهائية كاحسن مرجع والذي فرطت فيه منذ البداية ..

[Aya Ya]

فيما يخص الفصل الاول والثاني اعتمدت على تمارين الاستاذ فرقاني فارس مع حل بعض البكالوريات السابقة ( في حصص الدروس الخصوصية ) الا ان ذلك لم يجد نفعاااا

[إينَاس]

ايه فرقاني فارس كان مليح العام يلي فات ،، نحل منو و تتعاود نفس الافكار و ندي 19 على الاقل
ضرك والو توسع المجال بالزاف ، و معادش ينفع ،،
مالا نشوف المراجعة النهائية و نجربو : )

[إينَاس]

اختي وش رايك في التخصصات الجامعية
أي تخصص تشوفيه أحسن ؟

[Aya Ya]

على حسب الطموح يدرك التخصص .. بالنسبة لي اطمح الى الطب اما تخصص اخر فانا في حيرة من امري :o

[إينَاس]

بالنسبة ليا مثلا
الطب ،، لازم احترافية في اللغة الفرنسية و أنا فاشلة فيها ،، و حتى لو تعلمها مستواي مش تع طب للأسف
المدارس العليا لأساتذة قالو اوبليجي عليا نقري 11 سنة بعد التخرج و إلا توصل القضية للمحاكم
و أنا بصراحة مش مستعدة لهكذا التزام و لو بعد التخرج

و ضعت

[إينَاس]

المهم اسمحيلي وجعت لك راسك

نتلقاو غدوة ان شاء الله
تصبحي على خير

[Aya Ya]

وفقك الله ..... 1/2 ليلة سعيدة #منوعة2

[الدرر البهية]

ادا غدا مع الفيزياء
ان شاء الله

[طالبة لها هدف]

bn courage khoti pour moi j suis avec les compositions

[منبع الامل.]

بنات ممكن انظم ليكم ؟ راني كيفكم انا تاني و حابة نبدا على الصح باذن الله
ممكن البرنامج لي راكوم تقراو بيه ؟

[benmoz]

هل لي مكان
انا اود الانضمام اليكن

[Kawtar.7]

المهم اسمحيلي وجعت لك راسك

نتلقاو غدوة ان شاء الله
تصبحي على خير
اينااس هاكا بلا بيا ياه
سمحتي فيا و بدلتيني

[ا̍ڔٰا̍دۃ ۛ ּحۡــدڀــدڀــۃ]

هذا ما اريده هههههه اطلعيني على البرنامج ول كن لا استطيع البدا قبل الخميس

[إينَاس]

اينااس هاكا بلا بيا ياه
سمحتي فيا و بدلتيني

ههههه
اسمحيلي ختيتي
بلاصتك توجور محفوظة عندي ما تخافيش

[Aya Ya]

السلام عليكم ..... اعتذر عن الغياب المطول :d وبما ان الاغلبية غير مستعدين فلنبدا يوم الخميس ان شاء الله ____ بالتوفييق :)

[إينَاس]

أنا انسحب

عندي تحديات نشيطة جدا مع كوثر هذه الايام : )

[Aya Ya]

حسنا .... بالتوفييق :)

[إينَاس]

و لكي أيضا

اذا كان عندك وقت للتحدي ممكن تنظمي لينا

[Aya Ya]

ما هو التحدي ؟؟

[إينَاس]

ما هو التحدي ؟؟

اليوم ندرس علوم ، رياضيات ، درس شريعة ، درس تاريخ
الموضوع هنا
http://www.djelfa.info/vb/showthread.php?t=2133275&page=9

[Aya Ya]

:dj_17:
_ من يبدأ التحدي من اليوم ؟؟؟؟ ام انكم انسحبتم ؟؟