المساعد الشخصي الرقمي

مشاهدة النسخة كاملة : شكون لي تعرف مكونات البسيسة ..

ام البنوتة
2018-03-09, 17:27
السلام عليكم
من فضلكن اخواتي لي تعرف مكونات البسيسة تمدهالي لاني وجدت الكثير من الوصفات حتى لي فيها الحلبة
هل من طريقة مليحة و هل يمكنني طحن المكونات في البيت
مياسم الصمت
2018-03-09, 17:39
السلام عليكم ورحمة الله وبركاته
طيب أختي نعطيك الطريقة المعتمدة في عائلتي
بالنسبة للقمح ترحيه في المحلات الخاصة
لانه لازم يكون رطب ومن جهة كميته كبيرة وما تقدري ترحيه الكل
بالنسبة للمكونات
حقيقة ما سمعت بالحلبة

لكن عندنا كاين لي يحطها بدون اضافات
وهناك من يضيف لها العدس المطحون كفائدة صحية
و هناك من يضيف له الكاوكاو مطحون او كمية من اللوز المطحون كنوع من المطيبات

هذوا الكل تقدري ترحيهم في الدار لانه كميتهم ما راح تكون كبيرة

لكن نصيحة لانه ربما الطعم يتغير مع طول المدة خاصة اذا اضفت الكاوكاو
لما يقدم يتغير طعمه خارج الثلاجة
لذلك ننصحك عند الاضافة اضيفي بكميات قليلة
يعني قدري الكمية المستهلكة خلال فترة زمنية مثلا شهر ووجديها
خاصة اذا كانت لنفاسة
و باقي طحين البسيسة احتفظي به دون اضافات


بالنسبة للحلبة ربما اضافتها كعلاج للتوتر
لكن ان كنت تتقبلي طعمها يمكن ان تضيفيها لك فقط ان كنت تستصيغينها
غير ذلك لا انصحك بها لضيوفك
لأن رائحتها قوية و منفرة رغم فائدتها

ارجو ان اكون قد افدتك
أم رقية نسرين
2018-03-09, 19:10
سلام ختي
الأخت راهي كفات ووفات و حنا في الشرق نزيدولها اللبلابي وهو الحمص رقيق محمص مرحي بصح نزيدوه بكمية قليلة للبنة و كيما قاتلك المكسرات كل واحد و مقدورو
و الرحى ارحيها برا
و على الحلبة إذا حبيتي حطي غير شوية قيس ماتاكلي راهي مليحة و مدرة للحليب بصح متكثريش لأنها تعيق إمتصاص الحديد
مياسم الصمت
2018-03-09, 19:20
بالنسبة لما قالته الأخت طالبة تاريخ
حتى احنا نحطوا اللبلابي ( الحمص مرحي) و تلقيه مرحي واجد في محلات العطارة خاصة

و نحطوه بكميات قليلة تخلطي مثلا حفنة من كل حاجة
لكن فقط الحمص المرحي كاين لي تستغنى عليه لانه يسبب الامساك و يكتفوا بالعدس مرحي لانه مفيد لفقر الدم خاصة بالنسبة للنافس
zatch
2018-03-10, 14:34
شوفي حبيبتي البسيسة الاصلية قمح وحمص تقريبا 10-12 كيلو قمح تحطيلهم كيلو حمص حمصيهم مليح مليح باه تجيك بنينة وابعثيها للرحى برى ومن بعد جوزيها في الغربال باه تجي رطبة مليح اما الشي اللي عادو يخلطوهولها هو للنافسة من الناحية الصحية بصح للضياف الوصفة الاصلية هيالافضل من ناحية الذوق لان كل اضافة تؤثر على الذوق
ام البنوتة
2018-03-11, 20:04
بارك الله فيكم ساخذ هذه النصائح بعين الاعتبار...
ام زهر
2018-03-16, 14:21
:dj_17::لزيد فيها الخروب مرحي رووووعة ادا كنت انت من الشرق تشريها وجدة من عند مزابى في عين البيضاء:mh31: