أنا في ورطــة ...//

[المـتفائل]

سلام :)
أخوكـــم في ورطة :o
من المفروض أنو نجوزو اختبار الفيزياء على الساعة 8 اليوم
لكن أنا ذهبت على 10
لم أركز في الوق جيدا
ذهبت للمراقب العام
أخبرني أن الأمر بيد الأستاذة الان
واستاذتنا شريرة :mad::mad:
يعني ماذا أفعل الان
لو ماتعاودليش الامتحان
يعني ندي 00 :sdf:
ومستحيل نقبل بهاد الشيء
أرجو منكم مساعدتي ولو بطريقة للخروج من هذا المشكل
ممكن ندير شهادة طبية مزورة :D يعني من عند كاش طبيب تاع معريفة يعاونني
ما رأيكم :confused:
وأين محل الأصدقاء من كل ههذا
يعني كي يشوفوني ماحضرتش
ميعرفوش يبعتو ميساج لصاحبهم ينبهوه
:mh5858::mh5858::mh5858:

[*آية*]

سلام
صراحة لم اجد مااقوله فعلا ورطة
لكن الان ادعو الله ان تعيد لك الاستاذة الاختبار او على الاقل علامة الفرض
و ليست نهاية العالم مادمت ضامن المعدل و الاهم في الباك خذها عبرة فقط
وفقك الله

[ندوشةة]

الشهادة الطبية هيا لي تمنعك و زيد اثبت كلامك بانك اخطات في الوقت و رحت عند الطبيب في الوقت هاداك
لانو الاساتذة مكارين ههه

[المـتفائل]

سلام
صراحة لم اجد مااقوله فعلا ورطة
لكن الان ادعو الله ان تعيد لك الاستاذة الاختبار او على الاقل علامة الفرض
و ليست نهاية العالم مادمت ضامن المعدل و الاهم في الباك خذها عبرة فقط
وفقك الله

يعني ندي double zéro في الفيزياء مش راح تأثر
أكيد ضامن المعــدل لكن يجب الحصول على معدل فوق 15 على الأقل :rolleyes:
مستحيل نسمحلها بهاد الشيء
ان شاء الله تعاودلي الامتحان
شكرا جزيلا لك أختي


الشهادة الطبية هيا لي تمنعك و زيد اثبت كلامك بانك اخطات في الوقت و رحت عند الطبيب في الوقت هاداك
لانو الاساتذة مكارين ههه



لا بالعكس، يعني لما نقولهم بلي مسألة وقت مايعتبروهش عذر
لكن لما نديلهم الشهادة انا عندي عذر
ثانكيو ^^

[رحاب رحوبة]

فعلا ورطة لكن اظن انو تخبر ولي امرك اضل
اولا يعرف يصرف و ممكن يكون عندوا حل افضل
ثانيا الاستاذة تحشم شوية منو و تقدرة و ديرلو الوجه
ثالثا لما يديلها الشهادة الطبية تصدقو
ربي معاك اخي

[المداينية26]

ادي شهادة طبية يمدولك 10,,,
و معدل الفرضين شحال؟ اذا كان مليح قوللها تعطيلك معدل الفرضين
جيب يماك باباك خوك ختك ههههه المهم ما تديش 00
بالتوفيق أخي

[chaima funy]

عدنا في وقت ....ربي يهدي

[mina2004]

صح انت فعلا في ورطة و انا عندي بعض النقاط حطهم كالحلقة في وذنك ( مع انو الرجال ما يلبسوش حلق )
1- اااااااااخر خطرة تديرها هادي اللقطة اللوم عليك ماشي على الاستاذة الشريرة كيفاش ترقد و تنسى امتحانك و انت مستواك الباك
2- وين اهلك و اللي يسكنوا معاك لازم تبلغهم بمواعيد امتحاناتك مثلا انا اذا كان عندي امتحان في الفيزياء دار كاملة علابالها حتى من جدي و جداتي علابالهم .
3- دير خمسين الف روفاي على موعد نهوضك من النوم و اللي يكون قبل بساعتين من امتحانك مثلا تعقب على 8 عمر روفاي على 6 باه تفيق مع روحك.
4- عود نوض الصباح بكري اقرا و راجع دروسك للامتحان . باه لوكان تشوف الساعة تفيق مع عمرك و تروح لل ليسي باه تعقب الامتحان ديالك
5- شوف حط ساعة مقابيل سريرك اي امامك اول ماتفيق تشوفها ....و لازم لازم تكون صحيحة ماسي الساعة غالطة و زيد انت واضح انك خمرة نتاع نووووووووم و هذا شيء طبيعي جماعة الباك كامل كيما هاك لازم ديما تنوض الصباح بكري عود نفسك ديما على الساعة 5 نتاع الصباح تكون متوقظ توكل على ربي و ابدااااااااااا مش معقب حياتك كاملة و انت كيف البومة تقعد ساهر طول الليل زعما زعما ( تتخللها بعض السهرات الفيسبوكية ) و تصبح راااااااااااااااقد . هاديك بومة لاخدمة و لا عملة مسكينة الله غالب عليها ....
6- اما عن حكاية هادي الاستاذة راك جبت الحل بنفسك دير تقرير طبي نتاع معريفة و عقب الموضوع و هي تدبر راسها قوللها انك كنت عند الطبيب و فرات الحكاية .
7- ما تلومش اصدقائك لانهم ما بعثولكش دي ميساج باه ينبهوك لانو و في هذا الزمان الصحبة صحبة و النية ما ثماش كاين اللي يقول ان شء الله يروح في 60 الف حيط و اللي يقول خليه راقد اللي راقد يغطوه يعني و بكل بساطة يا توقف على عمرك و مستقبلك لا والواااااااااااا
وعندك لاتسخاب باللي بنات هادي الايام باه يقبلوا بيك كزوج او خطيب هاكاك و انت جاهل و لا ماصو هوما طبة و ماقبلوش بيهم باه يقبلوا بيك
اللي باغيييييييييييييييي العسللللللللللللللللللل يذوق قرصااااااااااااااااااات النحللللللللللللللللللل
وهذه القراية كي تنجح وقتها تقول ماراحش تعبي خسارة
اmina2004
8- ثامن حاجة فقط نسيتها واضح انك تحب تدي معدل مليح دونك راني باه نقولك الاختصاصات القاوية و المليحة راهي طلعت بزاف يعني على الاقل جيب
16.99 و يا ربي تلحق .......
mina2004