الى الاختsilleene صاحبة غسالة كوندور ارجوووووووك افيدينا

[ninaricci]

اختي سلين ارجوك افيديني قداه عندك منين شريتيها واذا تغسل القش مليح ولا لا وهل عندها عيوب وما هي ايجابياتها

[ninaricci]

37 مشاهدة ولا رد ياختي سيلين جاوبينا ما تحقريناش

[ninaricci]

ارجو التفاعل مع الاخوات اللي يدخلوا ديرولنا بصمة جزاكم الله كل خير

[ninaricci]

هيا كل وحدة تدخل تقولنا واشي هي نوعية ماشينتها واذا مليحة ولا لا

[manel 16]

السلام عليكم.أختي كوندور 8كلغ اوتوماتيكية راهي في دارنا هايلة عندها عامين ماقلتش راسي.تغسل مليح بصح الحاجة لي لازمها حكان حكيها بيدك قبل.ماتخافيهاش تسلك حتى تجيبي ما خير منها اختي

[ninaricci]

اختي منال16 مافهمتش كيفاه تقولي حكيها ماذا بيك تفهميني رجاءا وشكرا لكي مسبقا

[ninaricci]

يعطيك الصحة اختي منال 16 ماذا بيك يحكيلي عليها راه قلبي خرج عليها و خفت منها

[أم أنسN]

اختي سلين ارجوك افيديني قداه عندك منين شريتيها واذا تغسل القش مليح ولا لا وهل عندها عيوب وما هي ايجابياتها
غسالة كوندور تدير من 2الي4ملايين والاهم انها تغسل وتنشف الغسيل مليح
وحسب الكيلوو اللي تتحملو من الملابس كاين صغيرة وكبيرة ومتوسطه بصح الاهم انك كي تشريها لازم تجربيها خصوصا تسخين الماء يعني لازم تجربيها اول ما تجيبيها لتفادي الاعطال وتغييرها بالوقت المناسب

[ninaricci]

شكرا ليك اختي ام انس n حبيبتي راني حابة نشري نتاع6كيلو لقيتها بزوج ملاين وستمية حابة نعرف اذا تغسل مليح خاطر قالولي غير يكرفسو القش هذو نتاع الحديد انا عندي كوندور 12 كغ بلاستيكية وحبيت وحدة اوتوماتيك وراني احترت بين كوندور وبراند ماذا بيك تفيديني اكثر وهل يجربها مول المحل

[ninaricci]

ارجو من الاخت ام نسnاكمال افادتها فيما يخص غسالة كوندور

[ninaricci]

هيا منال 16 و ام انسnزيدوا افيدوني ولكم كل الخير من الله :dj_17:

[ninaricci]

راني ننتظر علي احر من الجمر

[siliine]

السلام عليكم ورحمة الله اسفة اختي لعدم الرد لانني لم ارى الموضوع حتى هده اللحظة اسفة مرة اخرى بالنسبة لغسالة الملابس كوندور خرجتلي مليحة بزاف اشريتها مند اكثر من ثلاث سنوات وجامي قالت اي راسي و الملابس تخرج روعة وصراحة ندمت على الايام لمكانتش عندي تالمو ريحتني واسفة مرة اختي

[ninaricci]

شكرا اختي سيلين راني عارفة مع المشاغل الشخص يلتهى يسمى نشريها ومانخافش ان امكن زيدي خبريني قداه من كيلو نتاعك وبقداه شريتيها وكاش مشكل لقيتيه معاها وواش من صابون تستعملي وهل جربتي وصفة الصابون السائل اللي في اليوتوب نتاع الاخت دداح في الة الغسيل الاوتوماتيكية افيديني ارجوك واسمحيلي راني كثرت عليك ماصدقت حكمت وحدة عندها كوندور والله ما نطلقك حتى نشري وحدة وجزاك الله كل خير

[siliine]

االوزن ستة كلغ نستعمل اريال فقط اما الساءل استعملت بنقو لم اجرب تلك الوصفة اما ثمنها ثلاثة ملاين والحمد لله لحد الان راهي مليحة والمد لله بالتوفيق اختي

[ninaricci]

شكرا ليك اختي سيلين راهي كيما لي حبيت نشريها حتي انا نتاع 6 كغ يعطيك الصحة يا اختي بصح انا لقيتها 2ملاين و ستمية اختي هذه اللي لقيتها فيها بولون يدور تخيري نتي نوعية الغسيل ماهيش ديجيتال هل هي كيما نتاعك ولا لالا و زىدى قولىلى اذا دير الحس بزاف ولا لا خاطر هذه تبانلي ما تقدريش تتحكمي في سرعة دوران العصير و هل فيها خاصية التجفيف ولا لا خاطرش في الانترنيت قالو تجفف و لكن مول الحانوت قالى تعصر برك وقالي اللي تجفف ما هيش مليحة تاكل بزاف التريسيتي وتفزد بالخف:1:

[ninaricci]

اختي سيلين نتمني تكملي تجاوبيني راني حابة نشريها نهار الخميس انشاء الله غير تجي لاباي برك نجيبها كملي ساعفيني حتي نشريها :19::19::19:

[manel 16]

اسمحيلي اختي على التأخير هادا وين دخلت للموضوع كوندور 8 كيلو هايلة قتلك مثلا سراول الجين ادا كانت متسخة بزاف تحكيها اولا بيدك .كيما انا قليل وين نحك بيديا.و لكن تنحي عليك هم كبييييير و ربح وقت كثييببر ويبان عليك النقا ههههه.وحتى نوعية الصابون عندها دور .انا نستعمل le chat سائل هايل.قالولي على bingo الازرق مازال مجربتوش.مبروك عليك مسبقا.تغسل و تشلل و تعصر ما تنشفش ماعليش فيها براكة هههه

[آسيا 25]

السلام عليكم
أختي أنا عندي غسالة كوندور à lavage tiéde تاع 6 كيلو ما عجبتنيش صراحة القش الابيض لازم نحكو مليح قبل أو نرنخو في كريستو باه يخرجلي مليح أما بالنسبة للتشياح مليحة تنحي القش تنشريه غير ربع ساعة فالشمس تلقايه شاح عجوزتي عندها كوندور تع البلاستيك هايلة تخرج القش يشعل و بالتوفيق أختي

[ninaricci]

اختي اسيا 25 ما فهمت لافاج اتياد فهميني أرجوك انا تاني حابة نشري نتاع 6 كغ:1:

[ninaricci]

ما معنى lavage à tiède هل هي هذه اللي بغيت نشريها 6 كغ نتاع بولون دوريه ماهيش ديجيتال هل ما تسخنش الماء تغسل بالدافيء أرجوك جاوبيني. :1:

[ninaricci]

انا ثاني عندي نتاع بلاستيك 12كغ هايلة بصح تعبتني في التشلال.

[آسيا 25]

أختي lavage tiéde يعني فيها نظام لتسخين الماء المستخدم في الغسيل يعني تغسلك الحوايج بالماء الساخن,و اللي حكيتلك عليها ديجيتال يا أختي و شريتها عندي عامين و نصف ب 2 ملاين و 2000 دج.

[ninaricci]

أختي lavage tiéde يعني فيها نظام لتسخين الماء المستخدم في الغسيل يعني تغسلك الحوايج بالماء الساخن,و اللي حكيتلك عليها ديجيتال يا أختي و شريتها عندي عامين و نصف ب 2 ملاين و 2000 دج.

شكرا ليك اختي اسيا25 تبانلي اللي تهدري عليها كيما اللي حبيت نشريها:1:
144049
هل ما عجباتكش

[ninaricci]

ارجو الرد من فضلكن:1:

[ninaricci]

هيا يا سيلين كملي افيديني راني باذن الله غدوة رايحة نشريها