البطالة

[مشكلتي]

السلام عليكم
أنا شاب في 26 من العمر و حائز على شهادة ليسانس في إدارة الموارد البشرية
مشكلتي مع أبي حيث أني لا أعمل ولا اتقن أي حرفة كما اني لا استطيع رفع الأوزان الثقيلة بسبب المرض ولم أجد عمل في الخاص حتى الأن
وهذا ماسبب لي مشاكل معه حيث انه متقاعد وراتبه لا يكفينا وهذا ما جعله يسبني طوال اليوم و ينعتني بالمرأة و أنه علي النهوظ والعمل في الحقول والبناء
حيث انني كرهت الدخول الى المنزل بسببه
كاش واحد جاز في هاذ المرحلة
أعطوني حل بارك الله فيكم :sdf:

[رندة.]

شوف أخي، الكثير من خريجي الجامعات لا يعملون في مجال تخصصهم، وبالتالي ماتبقاش تنتظر حتان تلقى خدمة في التخصص تاعك لأنو يمكن يطول انتظارك، الأب تاعك يقلك هذاك الكلام باش يشجعّك أنك تخرج وتحوّس على خدمة على الأقل باش تعيل نفسك وزيد راك 26 سنة الله يبارك، هذا الوقت الي تعاون فيه باباك مش تكون عالة عليه، كنت راح نقلك على البناء والحقول بصح انت قلت أنك مريض وماتقدرش على الوزن الثقيل،
شوف التجارة يعني تعاون تاجر في السوق ولا صاحب محل، او قابض في حافلة نقل، او مساعد دهّان، كل هذه الأعمال مؤقتا حتان ربي يفرج عليك وتلقى خدمة في تخصصك، العمل في المجالات المذكورة مايعنيش أنك تتخلى على طموحك وأهدافك، راك تعمل وفي نفس الوقت تبحث على عمل أفضل وهكذا.
ربي يفرج عليك ويرزقك العمل الحلال في القريب العاجل ان شاء الله

[محارب الحمق]

البطالة أمر صعب على الرجال, صعب جدا. عليك أن تسترزق وان تدعو الله أن يعينك ويرزقك, والأهم أن تتقي الله قدر المستطاع فالتقوى مجلبة للرزق. والدك يحبك ويريد أن يشجعك, لكن وكحال معظم الجزائريين, لم يحسن التعبير عن الأمر

[ع.عيسى]

انسى يا اخي الوظيف العمومي وخدمة الدولة ،اولا لانك ماكش رايح تصيبها بسهولة ، ثانيا صدقني خدمة الدولة عبودية وأجرها اشبة بقرعة الصيروم مادير منها والوا ، تمضي حياتك كاملة وانت تستنى في زوج دورو اخر شهر، لذلك اليك النصيحة اسس مشروعك الخاص ،ابتدأ بالتجارة ،اولا اعرف مجال التجارة الذي يخرج عليك ثم اعمل لدى شخص حتى لو بأجر زهيد جدا ، لان الهدف هنا هو كسب الخبرة وليس كسب المال ، وبعد ان تكتسب الخبرة ستفتح لك الابواب لتأسيس مشروعك من حيث لا تدري .

[محمد جديدي التبسي]

كاين اعمال لا تحتاج مجهود بدني كالتجارة او اصلاح اجهزة الكمبيوتر او الاجهزة الكهرومنزلية
عندي اصدقاء جامعيين مرضى بضيق التنفس ومرض العظام لكن يعملو في البناء واعمال شاقة لانهم اضطروا ليها وليس حبا فيها رغم ان صحتهم في تدهور
توكل ع ربي و دير حل وتحرك زخالط الناس وراح تلقى باذن الله ..ربي يفتح عليك

[سيرين راجي]

كامل الاباء والامهات هاك يحوسلك على صلاحك باه تقفز على روحك
ويقصد اخدم اي حاجة ما تقعدش تستنى غير فالدولة عندوا الحق
وكامل رانا بلا خدمة بصح الواحد يخدم اي حاجة بلاما صاب
بالنسبة للصحة شوف خدمة خفيفة والله يوفقك

[هـــدوء]

ما تلومش باباك هو في بالو جاب راجل يعاونوا على مصروف الدار و اذا ماكانش على الأقل يريحهم من مصروفو.
مادام قدرت تروح للجامعة و تقرا يعني ماكش انسان عاجز او مقعد .
و عليه كاين بزاف خدمات بلا الاعمال الشاقة تاع البناء و الحقول تقدر ديرهم
عساس,سائق أجرة,مصلح اجهزة,نادل,غسال صحون,بائع في المحلات....دير ليكور للولاد الصغار
شفت شهادتك ماخرجتكش لوكان على الاقل درت ديبلوم حرفة و لا تكوين
و ماراحش الحال تقدر دير ضرك مثلا تتعلم سياقة الحافلات و لا الخياطة .صناعة الحلويات.الكهرباء....
و اذا ماكانش خلاص. كاين فرص عمل على الانترنت
مثلا تكتب مقالات بالعربية و تبيعهم أو بأي لغة تعرفها,ترجمة , مصمم شعارات أو مطور مواقع ...مبرمج.
هذوا مايحتاجوش ديبلومات تقدر تتعلمهم من الانترنت و تطبق مباشرة.
26 سنة مابقالكش تعول و تقول بطالة لازم تشمر على ذراعك و تخدم أي حاجة .

[بناتي نور العين]

توجه الى الله بالدعاء و أكثر منه

أسجلي مروري بدعاء لك عسى ان يفتح الله عليك

اللهم إني أسئلك يا رزاق ان ترزق أخانا بعمل حلال عاجلا لا آجلا ياااارب

[ابو سليمان10]

اعمل اي شىء اخي...ناس بالماجستار و الدكتوراه و راهم يعملوا اي شىء لان البطالة مست جميع المستويات...

[المـتفائل]

وعليكم السلام ورحمة الله
حط ربي بين عينيك وثيق فيه وابدا حوس على خدمة من غدوة
ماتبقاش تقول مانيش قادر / ماراحش نلقى / ....//
تفائـــل يا أخي وخالط الناس وصيهم على خدمة
بلاك ربي يفتح عليك
بالنسبة للأب نتاعك اعذرو يا أخي
هو راه يقول فهاد الشيء من أجل مصلحتك وفقط
ربي يجيبلك اللي فيه الخير
بالتوفيق