هل هذا امر عادي؟

[مشكلتي]

بغيت نسالكم
هل عادي انو وحدة تشرط في خطييها
ماديرش تصديرة وعرس في لصال خشية التبذير والمنكرات لي توقع فلعراس يعني يجيو ديراكت يديوها
وهو لبغى يدير عرس في دارهم دبر راسه

[هـــدوء]

أكيد عادي .تقدروا في زوج ماديروش عرس بصح لازم التشهير يعني الناس تعرف بلي نتي وليتي مرتو حتى بوليمة صغيرة .

[nihal159]

عادي جدا ياختي؛ عرسك في دار باباك ديريه كما تحبي واحد مايحاسبك.أصلا تفكيرك هو الصحيح.

[بناتي نور العين]

عادي عزيزتي وممكن تديري عشاء صغير للعائلة و الاصدقاء باش يعرفو بلي تزوجتي

و ربي يهنيك

[kacimo.samy]

سلام
مليحة
ربي يسهلك ان شاء الله

[آسيا 25]

عندك الحق أختي و ننصحك كمجربة دراهمكم ديرو بيهم التاويل أفضل ما تبذروهم خوفا من كلام الناس لأنو صدقيني الناس في كل الأحوال ما رح يعجبهم والو, ربي يهنيكم أختي.

[FATIHA131]

اكيد عادي هكذا ربي يباركلكم في زواجكم وفي حياتكم
البداية تكون صحيحة

[siliine]

ديري عشاء لعاءلتك وللمقربين لحظات تعقلي عليها غير مالهراج وتزداع الراس ربي يكملك بالخير

[123منار]

أمر عادي جدا


الله يكملك بالخير

[nilly]

علاه واش يخصك باه متديريش عرس ماتصدقيش الافلام هدوك تمثيل
راح تندمي اد مدرتيش عرس وحت. واحد مسيف عليك ديريه بلصال ديريه فدار وربي يهدنيك ويسعدك امين

[ابو سليمان10]

العرس لا فائدة منه..مجرد تبذير و منكرات و مكان لممارسة النميمة ...و هو من اختراعات النساء
الضروري هو الوليمة ...فطور او عشاء يتم من خلاله الاعلان عن هذا الزواج

[رندة.]

أكيد أمر عادي، بصح ديرو وليمة اعرضو فيها الاقارب والاصدقاء المقربين. ربي يسهل لكم ويوفقكم ان شاء الله

[محمد جديدي التبسي]

إذا كان زوجك رجل ذو دين وخلق بأتم معنى الكلمة وواعي ورزين سيعلم انه محظوظ بك وهو من يطلب هذا ويتجنب منكرات الاعراس هذه...ربي يبارك لكم

[sohaibdz]

اسعد يوم في حياتك ملازمش تقتصدي فيه

[زبدة ذايبة]

انت مازال ماتزوجتيش ورايحة تبداي تهدري على الاقتصاد والتبذير !!!!!!!!!!!!!

في دار باباك ديري كيما حبيتي

وماتقوليلوش على التبذير نهائيا

رايح يبخل عليك حتى بالماء إذا بديتي بهذ الطريقة

سبقناك في هذ الأمر وشفنا الناس كيفاش تفكر إلا ما رحم ربي

في زمن قلت فيه النخوة والشهامة

ماتلعبيهاش تحافظي على دراهم زوجك قبل ماتروحي

خليه يدير الواجب تاعو معاك

ومن بعد الزواج ساهل الحال

كي تبداي ديري الاقتصاد مافيها والو بل بالعكس يكون واجب عليك كزوجة صالحة تحافظي على ماله.

رب يهنيك ويباركلك في زوجك وفي حياتكما

بارك الله لكما وبارك عليكما وجمع بينكما في خير

[*أم سجى*]

يا اختي الكريمة نصيحة من عندي ليك مش فقط في ما يخص سؤالك...يعني في حياتك اليومية ككل ..ديري الشي لي يرضي نفسك ومايغضبش ربك أما أنك تتولهي للناس واش تهدر ديري في حسبانك بلي مكيش مكيش سالكة لامفر من كلام الناس ....عن تجربة ....ربي يوفقك في حياتك ...

[mohamed nadim]

عرسك و انتي مولاتو

[الفارس النبيل 93]

أختي هدا هو الواجب ولا يجب عليه أن يبذر أمواله ، وهدا التبذير يكون بسبب طمع النساء في الغالب

يا سبحان الله ، هادوك الدراهم لي يضيعوهم يروحوا يجيبوا بهم عمرة ماشي خير !!

العرس يجب أن يكون بأقل التكاليف حتى يكون مباركا بإدن الله ؛ أما هاديك الأمور فهي لمن طغت المادة على قلوبهم