تسجيل الدخول

مشاهدة النسخة كاملة : نصائحكم !!!

~ هبة الله ~
2018-02-25, 20:18
مرحبا بالجميع . اتمنى ان يكون الكل بخير
سادخل في صلب الموضوع
انا من جماعة باك 2015 و ربحت بمعدل 13.02 ثم سجلت في الجامعة و حبست و اعدت باك 2016 و ربحت بمعدل 14.29 و من بعد استسلمت و سجلت شبه طبي تخصص قابلة في الصحة العمومية و انا الان في السنة الثانية حيث مدة تكويني 5 سنوات و لكن راودتني نفس الاحاسيس و ها انا اعيد للمرة الثالثة باك 2018 لكن لدي مشكلتين يشغلان بالي كثيرا و ارجو نصائحكم لو سمحتم
المشكلة الاولى ليس لدي وقت للمراجعة ابدا فانا ادرس من 8 صباحا حتى 5 مساء و عندما اصل للبيت تكون حوالي 6 و اصل جد منهكة بدون نسيان فترة السطاج نخدم دوام 24 ساعة (قارد)
المشكلة الثانية حتى و ان ربحت الباك المرة هادي لا ادري ما التخصص الدي اتوجه اليه اضافة الى دراستي التي دامت سنتين هل انسحب ام مادا !!!
طالبة لها هدف
2018-02-25, 20:21
الانسحاب للضعفاء
عادي كاين ناس راها تقرى 24 ساعة على 24 ساعة و ما صار فيها والو
قادرة توصلي لوكان تبداي من ضرك و ما تتحيريش في التخثث من الان انتي اطمحي لاعلى معدل
و النتيجة رح تحددلك التخصص
~ هبة الله ~
2018-02-25, 20:24
لا فهمنيني غلط . اقصد هل انسحب من تخصصي الحالي و ليس الباك
و شكرا لك اختي
zokhrofa
2018-02-25, 20:26
علاش ماتكمليش قرايتك و منا ل 2020 يكون جاز على باك 2015 خمس سنوات تعاودي تجبديه و تقراي بيه حاجة اخرى
طالبة لها هدف
2018-02-25, 20:26
لا فهمنيني غلط . اقصد هل انسحب من تخصصي الحالي و ليس الباك
و شكرا لك اختي
بون هنا عندك زوز خيارات الا شايفة روحك صح رح تتعبي و تقراي و توصلي لمرتبة اعلى من وصلتيها ننصحك تنسحبي من التخصص و اقراي للباك
اما الا كان علبالك بروحك مش رح تلتزمي بالباك ابقاي في التخصص و اتركي امرك لله
queen of heart
2018-02-25, 20:27
لاااااا ماتستسلميش قاع
كل العظماء كانت عندهم 24 سا كيما حنا درك وماقالوش مايكفيناش الوقت
كملي في تخصصك + قراية الباك راح تتعبي شوي مي معليش كيما تشوفي فرحة الباك تنساي التعاب
حاولي توفقي برك وتوكلي على ربي واكيد ماراحش يضيعك
بما انو معدل 14 يعني عند مستوى مليح يخصك تدربي برك شوي على التمارين
عودي نوضي الصباح بكري احفظي وبعد ما تروحسي ريحي وشوي واقراي مادة علمية
بون كوراج ربي ييسرلك
*** عبق الزهور ***
2018-02-25, 20:29
السلام عليكم
انا ايضا هذا المرة الثالثة لي مع الباك
وماعنديش بزاف ملي بديت نوجدلو لان قراية الجامعة دات كامل وقتي
نصيحتي ليك
شوفي هذه قالهالنا استاذ كان يقريني قالنا اذا عاودت الباك اختر هدفك واخدم على جالو وخليه يكون المرة الاخيرة لانك اذا عاودتو بعدها رح يكون مجدرد روتين
شوفي راني فاهماتك وعلى بالي وش معناها انك تقراي زوج قرايات في نفس الوقت انت ماتكذبيش على روحك اذا كان عندك حلم وحابة تحقيه فاخدمي على جالو وشوفي كيفاه تنظمي وقتك اما اذا كنت تعاودي برك لانك حابة تعاودي فانصحك انك تتلهاي بقرايتك الحالية وتنسحبي
انت افهمي روحك قبل
بالتوفيق
المُعادلة الصّعبة
2018-02-25, 20:30
اختي مشكلتك الثانية توحي بأنه لا داعي اصلا لانك تعاودي الباك
انا فهمت هكا
يعني مكيش حاطة في بالك هدف معين اكيد ماكانش داعي تزيدي تقراي وتجيبي معدل
وكي تجيبي هذاك المعدل تبقاي غي حايرة وش من تخصص تخيريه
تبانلي ماعندهاش حتى معنى
مانيش رح نقولك ما تقرايش للباك
بصح الاحسن انك تحددي هدف بش تبدلي مالباراميديكال هاذي اذا ما عجباتكش وتديري الحاجه لي تعجبك
بالنسبة للوقت حاولي تتخيري وقت مناسب مثلا يوميا اخطفي ساعتين مالزمان اقراي فيهم
يوميا
يوميا
احب الاعمال ادومها وان قل
وطبعا فالويكاند رح يكون الوقت اكثر
مانعرف قضية الوقت خاطيتني انا اكثر شخص مسرف للوقت و ما يعرفش يتحكم فيه وينظمه
ان شاء الله يفيدوك
سلامي
~ هبة الله ~
2018-02-25, 20:35
علاش ماتكمليش قرايتك و منا ل 2020 يكون جاز على باك 2015 خمس سنوات تعاودي تجبديه و تقراي بيه حاجة اخرى
نتخرج ف 2021 و ليس 2020
ممكن توضيح اكثر على الجملة الاخيرة فحسب علمي الباك بعد سحبه لا يعترف به
~ هبة الله ~
2018-02-25, 20:39
شكرا لكم جميعا . ساعمل بنصائحكم
زهرة جوري
2018-02-25, 20:41
انصحكي الاستمرار بمجالكي و التوكل على الله
زهرة جوري
2018-02-25, 20:41
صدقيني مجالكي رااااااااااااااااااااااااااااائع
زهرة جوري
2018-02-25, 20:41
بالتوفيق.....
zokhrofa
2018-02-25, 20:56
المهم تتخرجي و تولي تخدمي و هكذا تولي متفرغة اكثر خير من راكي تقراي و تزيدي تقراي

على الاقل في الخدمة عندك كيفاش تروحي للجامعة في ايام الراحة

روحي للادارة تاع الجامعة يفهموك مليح على شهادة البكالوريا التي تستعمل بعد 5 سنوات من التحصل عليها

ما نعرف اذا مزالت كاينة هاذي الحاجة خاطش انا باكالوريا 2003
islam0524
2018-02-25, 21:15
انصحكي بصلاة الاستخارة

لوكنت مكانك لاكملت التخصص
كونه رائع ولكي اجر عظيم