المساعد الشخصي الرقمي

مشاهدة النسخة كاملة : لي يخرجلها المسمن شباب تدخل تفهمني

*أم سجى*
2018-02-24, 17:46
سلام ..فهموني المسمن كفاه تطيبوه .كي نخلط العجينة ونخليها ترتاح نقطعها قرصات صغار يرتاحو .........ومبعد نحل بالوحدة حتى تولي العجينة شفافة ندهنها بيدي بالزيت ونطويها على 4وبين كل طبقة واختها ندير شوي زيت ...حتى نكمل باقي القرصات .......ومبعد نجي نطيبهم نحط طاجين الحديد يسخن نديرفيه القليل من الزيت ونحل القرصة الاولى ونخبزها شويا وندهنلها وجهها بالزيت ونديرها تطيب هنا عندي اشكال هل نستناها حتى تطيب كامل ملتحت باش نقلبها ولا بلخف نقلبها ؟وهل ران غالطة فلخطوات التحضير من قبل؟وهل نضيف فوقها الزيت ولا ندير الزيت فطاجين فقط؟......فكرة القليان لي نسمع يتحدثو عليها مفهمتهاش هل تكثري الزيت ؟وميجيكش مزيت بزاف؟ أفيدوني تعيشو تعيشو متطلوش وتهربو هان نستنى فيكم ماتبخلونيش رجااااااااااااااااااااء
*أم سجى*
2018-02-24, 17:54
وهل فلخلطة تع العجينة تديرولو الخميرة تع الكسرة والسكر ولا متديروهملوش؟
ام هدول
2018-02-24, 18:07
ان شالله. يفيدك هاد الرابط
http://djelfa.info/vb/showthread.php?t=720010




http://djelfa.info/vb/showthread.php?t=1010013
*أم سجى*
2018-02-24, 18:42
اختي ام هدول شكرا على المساعدة لكن للاسف الرابط لايعمل منيش عارفة المشكل وين
حياة نور الدين
2018-02-24, 21:58
https://www.djelfa.info/vb/showthread.php?t=2109767
zokhrofa
2018-02-25, 13:09
اختي الخميرة يديروها لي ما يحبوش يعجنو بزاف

اما لي تعرف تعجن و تدلك مليح بلا ما تعيا ماديرهاش كامل

انا شخصيا يُسرية عندي اليمنى تعيا قبل اليسرى عمري ما قدرت ندلك مليح العجينة لذلك نديرها

خاطش ماشي مدربة مليح مليح على العجين نادرا ما ندير هاذ العفايس

لكن ان شاء الله نولي ندلك بلا ما نعيا ههههههه
oum el banat
2018-02-25, 13:21
شكرا اختي على السؤال نتمنى الاخوات يفيدوك ونزيد على سؤالك كاين لي جيهم مورق وماشي مزيت اكيد فيه سر باش يجي هكداك خاصة اللي يتباع في سوق دبي بالجرف باب الزوار رائع الحبة كبيرة ومورقة وماشي مزيتة انا هبلت عليه نموت ونعرف السر يا ناس
zokhrofa
2018-02-25, 13:44
اختي هذوك يذرذرو بين الطويات السميد المتوسط يفصل بين الاوراق و يشرب الزيت
*أم سجى*
2018-02-26, 14:29
شكرا الاخوات ربي يحفظكم
بناتي نور العين
2018-02-26, 14:43
سلام

انا ندير المسمن و يجيبي شباب

شوفي ندير زوج كيلات سميد متوسط رقيق فالنص يعني و حفنة بيدي كبيرة تع فرينة و قرصة ملح

و نخلط بالماء و نبدا فالدليك فيت نص ساعة ندلكها مليحة مليح مع كل 5 د اضافة القليل القليل من الماء

كي ندلكها غاية غاية نتركها 10 د و نرجعلها نبيزها يعني نديرها قرصات يساعدني الزيت

و نحطهم على صينية مدهونة بالزيت

نخليهم يرتاح نصف ساعة او اكثر

كي ينزلو نبدا نحل فيهم وانا عندي طريقة رائعة تساعد في الحل يوم السيت القادم باذن الله يلا قدرت

نديرلكم موضوع في تطبيق للمسمن لاجلك حبيبتي

نبدا نحل و نديرو على اربعة

الطاجين يكون سخون نبدا نطيب و كي تطيب جهة نقلب الجهة الثانية

و هكدا

اي استفسار راني هنا
*أم سجى*
2018-02-26, 17:43
شكرا اختي الهي يسر أمري
بناتي نور العين
2018-02-26, 19:12
العفو اختي
paloma.laila
2018-02-27, 06:30
http://img.over-blog-kiwi.com/0/56/99/15/20170208/ob_5da529_14517410-1767271870198006-281663689690.jpg
akhti jarbi hada dyal om walid kayji zin
olamsamn likander ana chi marrat kander nas fors onas rtab oki n9arras nder nas zabda onas zit ondardar a3lih smid hada makan kitaybi dahni tajin o dahni lamsamna mn lfo9 safe kithassi tabt ltaht 9albiha osafe otani dahniha whd shwi
*أم سجى*
2018-03-13, 23:19
شكككككرا اختي بارك الله فيك