حدة الغضب

[مشكلتي]

السلام عليكم ورحمة الله وبركاته
عندي كي نتلاوم مع واحد بلخف نزعف وفهديك اللحظة منقدرش نفرغ كامل جعبتي يعني نقول وش حضرني فهذيك اللحظة ومن بعد كي نروح للدار منقدرش بلخف ننسى كما لم يحدث شيء نقعد نطلع ونهبط وعلاش قالتلي هاك وووو حتى النوم يحرم عليا ولدرجة نفقد شهيتي للأكل للخرجة للطياب ومن بعد كي نتلاقى مع الشخص إلي تزاعفت معاه نتصرف عادي يعني منعاودش نجبدله ولا نلومه
للعلم أنا إنسانة هادئة الى حد ما وخاطيني مشاكل بصح مرات تصرا سوء تفاهم مع زملاء
ونزعف بسرعة وتغيضني عمري بلخف وبعد مرور أيام نرجع لطبيعتي يعني يروح عليا الزعاف فلهاذا نندم ونقول مالزمنيش نزعف روحي غادي نجيبها في روحي وكيما يقولولي صحاباتي متعمريش راسك بيها بصح نحاول منزعفش لكن منقدرش وكل مرة الغضب يأخذ نصيبه مني
ياريت من الأعضاء الأفاضل الي يملك طريقة يمتص بيها غضبه ومايخليهش يؤثر على أمور أخرى وخاصة أصحاب علم النفس يساعدوني كيفاش منقعدش غي ندور فيها في راسي

[مراد سابقا10]

يا اختي اذا استمريت بهذه الطريقة ستصابين بالوسواس القهري نصيحتي لك في لحظة الغضب اخرجي غضبك كاملا اي واحد يقلقك يسلك لثم في البلاصة

واش ما كانلاه تقعدي تاكلي في بعضاك فيما بعد .

[محارب الحمق]

- الاستعاذة من الشيطان.

- تغيير الوضعية: إن كنت واقفة اجلسي وإن كنت جالسة اضجعي مصداقًا لقول رسولنا الكريم صلى الله عليه و سلم (إذا غضب أحدكم وهو قائم فليجلس فإن ذهب عنه الغضب وإلا فليضجع) .3-

-الوضوء: حيث أن غسل اليدين والوجه بالماء البارد لها أثر كبير في تهدئة الأعصاب وذلك مصداقًا لقول الرسول الكريم صلى الله عليه وسلم (إن الغضب من الشيطان وإن الشيطان خلق من النار وإنما تطفأ النار بالماء فإذا غضب أحدكم فليتوضأ)

[*أم سجى*]

سلام اختي هذاك الفراغ لي يدير هكذاك للانسان يقعد غير يخمم في لي جرحو ولي آذاه ....اذن عمرك لتقعدي هكذاك بلا شغل وتبقاي تطلعي وتهبطي اتخيلي مثلا دوستي مع زميلة ومبعد مين جيتي لدار خرجتي في نزهة زعما راح تأثر عليك الزميلة؟!!بلاك تتفكريها تضحكي...ولا جيتي لدار بسطتي مع مجموعة من الضيوف زعاقة وقصرة..ولا خدمتي كاش شغل وفرحتي بإنجازو ...والله متتفكري حاجة لازميلة لاغضب....بالمخصتر نرجح السبب للفراغ.....وعلماء النفس يحذرو الانسان من الفراغ والدين تاعنا حذرنا منو قبل

[زعترة]

لي تقلقك ولا تستفزك ديما لازم توقفيهت عند حدها وتعطيها حقها
انت قعدي مرضي روحك وهي نسات وش عملنلك وتضحك وعادي
من وجاي ياتكظمي فيظك وتنساي يا تسلكي حقك وتعبري ع روحك ومانخافيش
ناس تليقلهم عين حمرا ، ضعيف يهرسوه
ديري شخصية لرحوك مش لي يحي يرخسك
تجيك صعبة في الاول من بعد توالفي وترتاحي

[Hanan salim]

ما فهمت كلامك بس .. نصيحه لا تعصبي لأنو مافي اشي بدنيا كلهااااا بيستاهل الزعل والغضب . روقّي أعصابك وخليكي كووول

[نبض قلبي]

عاااادي
كي تقلقي اقراي قرآن حتى تحسي بهدوووووء داخلي
وهدي تصرااا بصح موش لدرجة تنقطع الشهية و النوم
ماتعيشيش للعباد لي مايستاهلوش تطفر فييك وهم يعيشو صحاح اللي قلقك اضربيه في 00000

[زبدة ذايبة]

ماعندكش القدرة على المواجهة.

وخوافة.

وضعيفة

شاطرة في روحك برك.

ماعندك لاغضب لاوالو.

الغضب تاعك هو انزعاج من نفسك الضعيفة والجبانة.

ماتعطيش للناس أكثر من حقهم.

وما تكلفيش نفسك فوق طاقتها.

إذا ماحبيتيش نفسك ومااحترمتيهاش واحد مايحوس عليك.

كي تباتي بهذيك الحالة واحد ماجاب خبرك.

في الأخير طفريها غير في روحك.

في حين الشخص اللي غلط فيك يبات مرتاح.

وانت والشخص اللي غلط فيك على نفسك.

يعني ماكفاش الناس تغلط وماتقدريش تجاويهم تزيدي تعافبي روحك على غلطتهم فيك عوض مادافعي على نفسك بشراسة.

وليتي تهاجمي نفسك وتؤذيها بشراسة.

وش خليتي لروحك؟؟؟؟؟

وين راكي رايحة بنفسك ؟؟؟؟؟

إذا ما تشوفي أنك ماراكيش قادرة على كل هذا.

وماراكيش قادرة على المواجهة والتغير

وحتى ماتوصليش للأسوأ مما أنت فيه.

توجهي لأخصائية نفسية تساعدك.

رب يتولاك برحمته

[زهرة جوري]

ربي يعينككككككككككككككك

[بناتي نور العين]

تقريبا عندي نفس مشكلتك و سبب لي القلق عذة امراض نفسية و جسدية (وسواس ، تساقط شعر شحوب .......الخ ) و حاليا اشرب كبسولات سولبريد لاتجنب الغضب
ولكن الى متى ؟
ان شاء الله ربي يعطينا وسع الصدر والبال
و ربي معاك

[رندة.]

كل ما تتفكري الحاجة الي زعفاتك وتبقى تدور في راسك أبداي استغفري واستغفري واستغفري حتان تبدأ تروح وتنساي في واش كنتي تخممي أصلا.