تخيّـــلوها بــــرك !!

[المُعادلة الصّعبة]

سـلام عليكم كااامل
توحشتكم :d


ان شاء الله تكونوا ملاح !!

بصح انا جيتكم وحايرة ماداخلاش لعقلي الهدرة لي رح نقولها
كيفاش يجيونا نهار الخميس يعلقوا افيشاج يقولوا الامتحانات يوم الاحد وحنا ماكانش علابالنا !!
+



كاين اساتذة تفصلوا ومنهم استاذنا تاع الرياضيات


والاساتذة تاع الليسي تاعنا رجعوا يقرّوا كأن شيئا لم يكن !!!




و الادهى والأمَرّ أنو الامتحانات موحّدة على مُستوى الولاية
والمشكل انو اغلب ثانويات ولايتنا -في اضراب- .. ماعدا الليسي تاعنا -_-

والمشكل الاخر كيعاد موحّد وكاين اضرابات ؟ الواحد مايعرفش وش يراجع وش يخلي
قسما بالله افتجأنا
حيرة جات مع بعضاها فرد خطره
اذا فهمتوا حاجه فهموهالي معاكم

حتى الوقت مالقيناش باش نتفاهموا ليسي كامل بلي ما نجوزوش وماندخلوش لليسي
واصلا كلاستنا تدخل بهاذي ولا هاذي -_-
الواحد ما فهمش وين يقسم روحو جايينلو نهار الخميس يقولولوا نهار الاحد عندك اختبار
حتى رزنامة الاختبارات ماداروهاش يا عجابا
اصلا كنا حاطين في بالنا بلي مكانش اختبارات الفصل هذا واذ بهم يفجعوننا
والله قلبي تعمر فرد خطرة جيت هنا فرغت كلش
ماناش حتى موجّدين رواحنا معلابالناش اصلا وش نراجعوا قالك موحّد السيد -_-

لنــا الله ..

ها قولولي برك وش ندير انا ضرك
باختصار ؟
ض ي ع و ن ا

[مريم المتفائلة]

حنا اليييييوم مقريناش تضامناااا مع الاسائذة المعزوليين والامتتحانات اجلت الى 4 مارس

[مريم المتفائلة]

ربي يكون معاك حبيبتي لا عليك هوني على نغسك

[kikimo73]

Salam

ربي يكون معاك

[queen of heart]

سلااااام
حنا لغاولنا الاختبارات قاع لانو فصل قاع ماقرينا فيه والوووووو من بعد العطلة مارجعناش
والأساتذة ت اعي قاع فصلوهم مي ماهمش راح يبقاو ساكتين هاك باذن الله
بعد الإضرابات وراح يرجعوا الأساتذة قاع ولا يروحولها لهيه يكسرولها راسها ههههههههه ياك معروفين الشاوية صعاب زعمة
انا بانلي اذا درتو راح يجيبولكم من الفصل الأول بويسك ياك ماقريتو والووووو
والله ربي يجيب الخير انا تحيرت في بلاصتك تبحرتلي قاع الهدرة مالقيتش واش نقول غير ربي يكون م عاكم

[سوسو الزينة]

كرهنا لعوج

[houda04]

hi
kul 5atra ye5rjulna b 5arja jedida
kifah te3agbu w les profs makch *-*
rebbi yehdihum
tqp cherie kima jat 3egbiha
rebbi yekun m3ak
diri wch te3rfi w 5las

[ترانيم الامل]

اهلا ريان
ربي يكون في العون ان شاء الله
حنا مابان حتى خبر مازالو الاساتذة مضربين وكي سقسينا قالونا مش رايحين تديرو الاختبارات حتى يوقفو الاضراب

[!~•عًــ سُــيّــدٍ ــلــيّ •~!]

روحي ماتروحيش كيف كيف وتبقى عبارة الصح في الباك طلعي بيها المورال
هذا الفصل زيادة برك والاختبارات نورمالمون 4 وكي عدنا في اضراب نورمالمون ياخروهم زادو قربوهم والله تحير

[*** عبق الزهور ***]

ربي يفرج برك

[طالبة لها هدف]

صدقيني على قد ما دارولكم مكمش كيفنا
علبالك وش قالولي الاساتذة
قالولي نهار الاحدي كيما تجي داخلة لليسي ديراكت تطلعي للكلاسة و تجوزي امتحان و تعقبي المادة لي داروهالك _بلا ما دارولنا جدول_
معنااها اقراي كلش _المواد الكل_ و اراواحي نتي وزهرك تفوتي

[Mr.R]

ربي وكيلهم
ضرك راجعي الدروس الأخيرة اللي قريتيهم
و سيي تحفظي و تفهمي قد اللي تنجمي
.....
مالقيتش وش نهدر

[Mr.R]

ربي وكيلهم
ضرك راجعي الدروس الأخيرة اللي قريتيهم
و سيي تحفظي و تفهمي قد اللي تنجمي
.....
مالقيتش وش نهدر

[*آمنة*]

ريونة اين انتي ،،،الم تعديتي بشيء

[〆 بٰٰاولو 乄]

https://www.m5zn.com/newuploads/2018/02/23/jpg//m5zn_948e7d621d0e9ad.jpg (https://www.m5zn.com/out.php?code=16831930)

[فآإط♥̨̥̬̩مـ♥̨̥̬̩ة]

حنا اساتذتنا سناو بلي دايرين اضراب مي قراوننا كاين شي اساتذة ماقراوش مي ماثروش على سير المنهج الاختبارات حبرونا سومان وقبل وعلقونا الجدول وراها ماشية عكس اللسي الي بقربنا دارو لاقراف وماقراوش ووحروا الاختبارات لل4

اختلال غرييب