ليس لنا إلّا الله ودعاؤكم

[مشكلتي]

السلام عليكم أخواني

أنا شاب 23 سنة من ولاية المدية حاليا انا في مدينة الغزوات أفصى غرب الجزائر

يا اخواني الله يرضى عليكم نحتاج لدعائكم لنا بالوصول بأمان الى شواطئ اسبانيا

نحن مجموعة من الشباب الحراقة سنركب البحر متجهين نحو شواطئ اسبانيا



المهم راني صليت ودعيت ربي

الله يرحم والديكم دعائكم

لا تبخلونا بالدعاء

[قدور بن عاشور]

واش نقول لك
تخاطر بحياتك فقط من أجل الوصول إلى الضفة الأخرى
ثم ماذا بعد ذلك؟
المهم مادمت قطعت كل هذه المسافة فلا أظنك سترجع إلى الوراء
ما أنصحك به هو تأكد بنفسك من هدوء البحر خلال الخمس ساعات الموالية لموعد الإنطلاق
و لا تركب في بوطي مكتظ بالغاشي
إجعل لهاتفك غلافا يحميه من الماء
إستعمل تطبيقا يمكنك من إرسال الإحداثيات في حالة إنقلاب البوطي إلى شخص تثق فيه
خذ معك ما يمكنك من التنفس في الماء

بدون هذه الإجراءات راك تلعب بروحك، و المسافة فقط حوالي 200كم لا يغرق إلا من لم يخطط جيدا لها و من لم يعر إجراءات السلامة أي اهتمام.
و نصيحتي الأولى و الأخيرة لا تخاطر بحياتك.

إذا وصلت بالسلامة إن شاء الله خبرنا.
و لعن الله من كان سببا في هذه المأساة

[رندة.]

ربي يحفظكم ان شاء الله

[رضاك يا ربي]

الله ينتقم من الذين كانو السبب
الله يعذبهم في الدنيا قبل الآخرة
نهبوا ثروات بلادنا وتركوا شبابنا يخاطرون بحياتهم
يا اخي الكريم ما لقيت ماتقول
ان شاءالله تلحقو بخير
رغم انني ضد فكرة الهجرة غير الشرعية
لكن ماذا عساي إلا أن أدعو لكن رغم ذلك اتمنى ان تنسحب
وتتذكر والديك وعائلتك

[oumhana]

باسم الله الرحمان الرحيم و به نستعين و الله يا ولدي غير جبتلي الدموع و قلبي تعصر أقرا مليح واش قالك خونا قدور بن عاشور ونتمنى من قلبي دير الكوراج و ما تروحش. وربي يحفضكم ويجازي لي كان السبة فيكم.

[nihal159]

ربي يحفظكم و ينجّيكم من كل شر.

[FATIHA131]

لا حول ولا قوة الا بالله

[toulay]

وعليكم السلام ورحمة الله وبركاته
ساعفني غير ارجع لداركم
خمم في والديك خمم في امك مسكينة قلبها راح يتحرق ويتكوى عليك وراح تشبع بكاء
متغامرش بحياتك راها الدعوة خطيرة وزيد مع البرد هذا والريح والامطار الخوف تاع الصح
ماكش تشوف فالتلفاز كل دقيقة يورولنا وحدين غرقوا مساكن والامهات تاعهم تشواو عليهم
خمم بعقلك خمم في قلب امك لراح يتعصر
واش نقولك يا اخي ربي يسهلك مع انو راني ضد الفكرة تماما
بالتوفيق

[الأصيــل]

الله يحفظكم

[الألمعي]

أتمنى أن يضبطوك ويرجعوك إلى أهلك قبل القيام بهذه المحاولة الانتحارية

[شريعتي]

للهم يا رب السموات والارض يارب الارباب ويمسبب الاسباب اللهم روض لهم بحرك وقرب لهم برك واوصلهم الى مبتعاهم سالميين و سهل امورهم وسدد خطاهم وحفضهم بحفضك فهم عبادك ضاقت بهم الارض والارض ارضك والسماء سماءك وانت الملك بيدك مفاتيح كل شيء ففتح عليهم يا ارحم الراحمين

[zokhrofa]

انا حابة حاجة برك عاود ادخل و قولولنا لحقتو ام لا

ربي يكون معاكم و يبعد عليكم الشر هذا ما نقولو

مادام خلاص قررتوا نتمنى تكملو للأخير

خاطش انا عندي مقولة نقولها بزاف " اذا درت حاجة ماشي مليحة على الأقل ديرها مليح و باتقان"

[سيرين راجي]

ما تروحش ما تقنطش من رحمة الله هاذيك بلاد مشركين ما راح ينفعوك بوالوا راك مازال صغير ويفرج ربي على كل حال صلي استخارة وربي ما يخيبكش بلاد الاسلام خير من بلاد الكفار وزاد الرحلة ما هيش مضمونة فكر مليح مازال الحال ربي ورحمتوا اذا رحتوا وكلخالكم الشيطان يوصل غير الي ما لحقش اجلوا ادوا العبرة ملي سبقوكم

[وهراني 31]

روح يا خويا ربي يسهلك ان شاء الله

ادهب واعمل و كون نفسك ستجد كل متطلبات الحياة هناك حيت العدل والرفاه

وما ديرش على كلام الناس والاعضاء هنا ماراح يفيدك حتى واحد

المهم انك قد اخبرت والديك بالامر دعوة الخير مليحة خويا

[زبدة ذايبة]

الإنسان نهار تتخلطلو يرجع للدين يفصلو في أمور الدين والدنيا.

بإجماع العلماء الهجرة إلى بلاد الكفر لاتجوز.

وفيه حديث للرسول صلى الله عليه وسلم أنه يتبرأ فيمن يقيم بين اظهر المشركين.

تخلي دولة الإسلام للسفر لدولة الكفر فيها الكثير من المجازفة.

زيادة على وش فيها من فتنة الدين هذا كي توصل. كاين فيها الهجرة غير الشرعية.

والواقع غير الحكايات اللي تسمعها.

المسلم يمشي على نور وبصيرة من ربه.

مانظنش والديك موافقين على هذا الشي.

وإذا كانو والديك ماشي راضيين راك ماتربحش.

الناس راحو بشهادات عليا وماصابوش رواحتيهم في بلاد الغرب.

فمابالك رايح بيديك فارغين.

رب يهديك ويصلح حالك.

[sohaibdz]

انت ماراكش قانع بالحاجة اللي راك تدير فيها و الدليل جيت هنا و تحوس على اي رد يشجعك ،،، عندها حوالي شهر عندنا في المسجد الامام دار خطبة الجمعة على الحرقة و قال بلي حرام و السبب انك الروح تاعك ماش ملكك انت هي امانة عندك و ما تقدرش تغامر بروحك ولو واحد بالمية
زيد خمم مليح

[هـــدوء]

اسيدي راك وصلت .زعما خلاص راح يمدولك منصب عمل جاهز و دار و شهرية؟؟!
راح تعيش ذل ما بعده ذل و تخدم كل أنواع الأعمال لي هربت منهم هنا ...
و لو فرضنا الحكومة لهيه أفضل .الناس لهيه العكس .ماعدهمش الرحمة و ماهمش راح يحطوك فوق راسهم.
هذا إذا وصلت حي أصلا .
ندعيلك نعم .بصح مش بش تروح لهيه . ندعيلك بش تبقى هنا و تجرب الخطة b لي هي التكيف مع ظروف بلادك و تطور نفسك بقدراتك و بالموجود هنا.

[siliine]

ربي يحفضكم من كل سوء ويحميكم

[لمسة ابداع]

ربي يهديك و يردك لطريق الصوااااب
راح تحرق قلب ميمتك مسكينة

[قدور بن عاشور]

إن شاء تكونوا وصلتوا بالسلامة.
طمنا إن كنت تقرأ هذا الموضوع.