كرهت نفسي

[مشكلتي]

اهلا
انا فتاة في عمر 15 كرهت نفسي
امي تقول لي انك صفر لحد الان في طبخ انا اعرف اطبخ غراتان وغيرها و مرق بانواعها و اتعلم الكسرة و لست من نوع اذا طبخت تكون سيءة لدرجة كبيرة و اعرف امورا لكن هي تودني ان اتعلم طبخا اصعب علي ومشكل تود ان تكون ممتاز. من اول حتى هناك نساء مزالوا يتعلمون تلك طبخة و انا احب تعلم و ان اكون مميزة و انا متفوقة في دراستي و اعاونها في كل شيىء و اذا عملت اعمل عمل متقن و الحمد لله لم يشتكي مني احد و مشكلتي هل امي تقول لي هذا لاتشجع اكثر او اتا صفر صح و انا صرت اخاف ان اعمل شيىء و لا يعجبها لانها ما زالت تفولي احنا بكري و تقارن جيل الامس باليوم لا عيب انوا تكون فتاة متعلمة حوايجها لكن بجملتها ذيك راهي تحطم فيا مش تقويني ولم يولد انسان عالما ر غم اني متميزة و نتقن كامل حوايجي و لست من نوع متكاسل و متكل ع اخرين و كثيرة نوم على عكس اتعب نفسي و اود رايكم و تجربكم هل هي تقسوا عني لمصلحتي و هي تدعي كذالك لابذل مزيد
رغم انها تكره كوني هادءة تقول لي تكلمي

[سيرين راجي]

السلام عليكم
امك تقولك هاك غير باش تشجعك وتتحسني اكثر ومش قصدها تجرحك الام تحب بنتها تكون احسن منها واحسن من كل الناس وراكي شاطرة كي راكي متعلمة وانتي عمرك 15 راكي تشعلي كاين الي متزوجين وما زالوا هذا وين يتعلموا

[مياسم الصمت]

السلام عليكم ورحمة الله وبركاته
ما شاء الله عليك راكي فحلة
طيب سأقول لك
الكثير من الأمهات يعاملن بناتهن على هذا النحو حتى يكون دافعا لهن نحو الأفضل
المهم لا تبتئسي و لا يكن كلامها مثبطا لعزيمتك بل اجعليها لرفع التحدي
طبعا التحدي الايجابي
لتثبتي لها أنك تتحسنين و ستكوونين المتميزة الأفضل لأنها هكذا تريدك
الأم دوما تريد أن ترى ابنتها أحسن من الجميع
فكوني فخر والدتك
ربي يوفقك و ينجحك عزيزتي

[siliine]

ما يغضكش الحال من امك هي تريد ان تكوني الافضل لانه يجي النهار وين تعتدي فيه غير على نفسك وتاكدي انه ستكونين ربة بيت ممتازة ولما تجي تعلمك اسمعي لكلامها وقولي نعم حتى تحس انك تريدين التعلم فعلا واعلمي ان امك هى احسن مدرسة تتعلمي منها كلش حاولي تتقربي منها وتبيني لها انك بنت مطيعة والحاجة للازمة دريها في بالك انه مكانش ليحبلك الخير مثل امك فانت الجوهرة النفيسة التي داءما تحافظ عليها وتحمييها

[هـــدوء]

ماكان حتى مشكل في مواضيعك لي طرحتيها لا هذا الموضوع و لا تاع الحجاب.
كامل حوارات عادية بين ام و بنتها فيها اختلاف وجهات النظر .
و انت كي تخالفك ماماك في رايك و تقولك زوج كلمات تكرهي و تحسي بلي راكي في مشكل.
احمدي ربي لي راكي قادرة تشوفي ماماك وتسمعيها و تناقشك و تناقشيها بغض النظر عن رايكم في بعض.
و حاجة اخرى لاحظت بلي عندك نوع من الافتخار بالذات و عليه عسي روحك لا ييتطورلك و يصير جنون عظمة.
و لازم تتقبلي وجهة نظر الآخرين و انتقاداتهم لأنك في النهاية انت عارفة روحك
و اذا انت شايفة روحك تعرفي ماتستنايش من الناس يقولولوك يا فلانة انت تعرفي كذا و كذا.
يكفي انك تعرفي انت و تكوني واثقة من نفسك.

[*** عبق الزهور ***]

السلام عليكم
بالعكس حبيبتي هي تحبلك مصلحتك وباسلوبها هذا تحب تخليك تزيدي من وتيرة عملك
لا داعي لاعطاء الموضوع ابعاد اخرى
بالتوفيق

[رندة.]

هدف أمك أنك تتحسني أكثر وأكثر و بطريقتها هاذي راهي تشجع فيك باش تتعلمي كل شيء و ما ذابيها تكوني أحسن منها حتى هي. ما تزعفيش وديري في بالك مكانش واحد يحبك ويحبلك الخير أكثر من أمك. إذن طيعيها وطبقي كل واش تقلك راكي في نعمة أحمدي ربي عليها.

ربي يوفقك ان شاء الله

[زعترة]

ياختي مازالك صغير بش تدخلي للنت وتحطي مشكالك
التاي بقرايتك
ومهما ديرلك امك عادي
هذه هي الام الجزائرية حبيتي ولا كرهتي
وقاع جزنا على لي حاز عليك واكثرواصبرنا وفاتت
ماتركزيش على تصرفات امك
منذاك افرضي روحك وشخصيتك
بصح جامي تلعبي دور الضحية
وخطيك من النت

[نبض قلبي]

بالعكس هيا تشجعك هكااا خير بيناتنا لوكان يخلونا على هوانا مانتعلمو والووو و ديججا راكي فحلة ربي يبارك
انا عندي عامين هكاك ملي تعلمت و الحمد لله كلش نديرو
بشوووي برك اختي و الللي راها شايفاتو امك انت ماعلابالكش بييه
جااامي تغلطي وتقولي نتحقر من امي
لانو نتحدااااااك تمديلي شخص يعرف صلاحك و ويعرف اي حاجة تخصك من صغرك غير امك
الام راااهي جوهرة وحدة برك
ربي يخليهملنا ان شاء الله

[*أم سجى*]

هذا المشكل في الأمهات تع بكري ...أمي وأمك وأمهات الاخرين يحبو يعلمو بناتهم ويجهلو كيفية التعليم ..يعني يعلمونا بطريقة خاطئة معليهش انتي ساعفيها وشوفي مصلحتك وفرات متخليش منها مشكل يؤرق حياتك

[noble1994]

يوماما سوف تحمدين الله على قسوة امك