مجرد فضفضة

[نور<3]

السلام عليكم ورحمة الله وبركاته
أنا أسماء تلميذة سنة رابعة متوسط
راح نحكيلكم قصتي في عام الي فات 3 متوسط
المهم الفترة الأولى جبت 14:30 كنت مليحة شوي وللأسف في الفترة الثانية
تهاونت وليييت أنا بين القراية والفيسبوك وماعرفتش نستغله مليح ديت 13.98 وكلما نتفكرها تغيضني عمري ايييه المهم كان نهار تاع ثنين وبدات استاذة المات كانت عندنا من 10 حتى 11
تملي علينا في النقاط أنا دائما المرتبة 4 ماقالتش اسمي اوو أنا خفت كي ماقالتش حسبتها نساته ولا حتى قالت اسما المرتبة السابعة
13.98 وتعرفوا المنافسة في الاقسام بداو صحباتي في وجوههم فرحانيين

حتى قالت صحبتي اووه أسماء غلبتك يعني فاتتني ثما أنا خلاص بديت غير شاذة ذيك البكية وفي نهارها رحت للدار وبديت غير نبكي حتى بدات ماما تقولي ماعليش وقاع راهم نقصو والفصل الثالث عوضيها وختي تقولي تلاقلك لخطرش نتي تظلي مقابلة ميكرو وبداو ....
من بعد أنا بديت نواسي في روحي وزيرت روحي ملييح وخدمت في الفروض والاختبارت لخطرش ديما نشوفو بعض التلاميذ يتهاونو
في الفصل الثالث يقولو الفصل الثالث وماعندنا مانديروا بيه رانا ضامنيين الطلعة بصح أنا لا استغليت فرصة وخدمت
وفي رمضان بداو يبانو لبيلتا وأنا كنت موصية خويا قتله اذا جبت فوق 15 نوضني وذا لا خلاص حطها فوق بيرو وروح
حتى نوضني وقالي هاكي :sdf: قتلو شحال قالي شوفي وحدك حتى شفتها ولقيت 15.07 وبديت واااي واي ههههه

ولحد ضروك الان ولا الفصل الثاني نخاف منه من عام اللي فات كي فاتوني وثاني نشجع روحي بيه كي نمل من القراية نشجع روحي بيه ونتفكر واش صرا فيا
;):sdf:

[ندى2002]

هكذا نستعرف بيك
مام انا صراتلي هكذا راني اولى ثانوي و لا أمتلك أي حساب ولا حتى هاتف
اصدقائي يقولون لي لمماذا
ولكن كي نوعى مليح ندير هاتف و ماش حاجات ماترضيش ربي لا لعكس
و أول حاجة ننصحك بيها راكي bem نحي لفايس و أقراي و ف صيف تجي لفرحة تا نجاح و تكوني متهنية
ربي يوفقك.

[malake1967]

السلام عليكم ورحمة الله وبركاته
أختي أسماء لا يجب أن تملئي رأسك بهذه الأفكار لأنها تحبطك
وإن تقهقرت العام الماضي في الفصل الثاني
فهذا لا يعني أنه سيحدث لك نفس الشيء ولن تكون أبدا قاعدة تمشين عليها
إلا إذا كانت نفسك تدفعك إلى ذلك
وهذا أكبر خطأ ترتكبنه
فثقي بنفسك ودائما قولي سأحصل على نتائج جيدة وسأتحسن ومهما كان سأتفوق بإذن الله
لأن التفاؤل والأمل عاملين أساسين للنجاح
لأن لا أحد يساعدك إلا أنت بإرادتك وجدك وعملك وخاصة ثقتك كما قلت
ونصيحتي الأخيرة ابتعدي عن كل ما يشغلك عن دراستك ويشوش تفكيرك
وإن كانت لك صديقة تغارين منها وترين بأنها ستفوتك و تتحصل على معدل أحسن منك كما ذكرت
حاولي وضعها نصب أعينك واجعليها هدفا لتكوني أحسن منها وهذا بالاجتهاد أكثر طبعا
ودائما ثقي بنفسك بأنك تستطيعين فعل ذلك لأن الجانب النفسي له أكبر دور
وبالتوفيق إن شاء الله في شهادة التعليم المتوسط.
حفظك الله

[توتة2008]

ربي يوفقك بنيتي

[نور<3]

هكذا نستعرف بيك
مام انا صراتلي هكذا راني اولى ثانوي و لا أمتلك أي حساب ولا حتى هاتف
اصدقائي يقولون لي لمماذا
ولكن كي نوعى مليح ندير هاتف و ماش حاجات ماترضيش ربي لا لعكس
و أول حاجة ننصحك بيها راكي bem نحي لفايس و أقراي و ف صيف تجي لفرحة تا نجاح و تكوني متهنية
ربي يوفقك.

ايه تهناي يضيع وقت بزاف ** أنا لحد الان مزالو يقولوهالي يقولولي شكون في هذا الوقت معندهش فيس ورانا نطلعوا منه سوجيات وهكذا ... وانا مانبغيش نفتح :cool: **
واه صح تكمل شهادة ومن بعدها يجي كلشي ساهل
++
وفقنا الله واياكم
شكراااااا :19:

[نور<3]

ربي يوفقك بنيتي

امين
شكراا

[نور<3]

السلام عليكم ورحمة الله وبركاته
أختي أسماء لا يجب أن تملئي رأسك بهذه الأفكار لأنها تحبطك
وإن تقهقرت العام الماضي في الفصل الثاني
فهذا لا يعني أنه سيحدث لك نفس الشيء ولن تكون أبدا قاعدة تمشين عليها
إلا إذا كانت نفسك تدفعك إلى ذلك
وهذا أكبر خطأ ترتكبنه
فثقي بنفسك ودائما قولي سأحصل على نتائج جيدة وسأتحسن ومهما كان سأتفوق بإذن الله
لأن التفاؤل والأمل عاملين أساسين للنجاح
لأن لا أحد يساعدك إلا أنت بإرادتك وجدك وعملك وخاصة ثقتك كما قلت
ونصيحتي الأخيرة ابتعدي عن كل ما يشغلك عن دراستك ويشوش تفكيرك
وإن كانت لك صديقة تغارين منها وترين بأنها ستفوتك و تتحصل على معدل أحسن منك كما ذكرت
حاولي وضعها نصب أعينك واجعليها هدفا لتكوني أحسن منها وهذا بالاجتهاد أكثر طبعا
ودائما ثقي بنفسك بأنك تستطيعين فعل ذلك لأن الجانب النفسي له أكبر دور
وبالتوفيق إن شاء الله في شهادة التعليم المتوسط.
حفظك الله







وعليكم السلام ورحمة الله وبركاته
ايه راني نتغلب على خوف تاعي وراني نحاول نحيها من راسي فكرة هذي والمنافسة راها في قسم دايرة حالا علابيها
بديت نخمم هكا وان شاالله نتغلب من هذا الخوف وينجحنا ربي
++
شكراااااااا

[فتاه.عنوانها.حزن]

وفقك.الله.يا.اختي

[toufik447]

ربي يوفقك

[فتاه.عنوانها.حزن]

ربي. يوفقك

[الفتاة السعيدة]

وفقكي.الله