زوجي تابع

[مشكلتي]

سلام عليكم انا صاحبة موضوع زوجي مقدرتش نحط الرابط تاعو المهم كنت قلتلكم بلي تضاربت مع زوجي ورحت لدارنا لان زوجي يكسي خياته المتزوجات ويدللهم وكذا وكذا ...معظمكم قالولي معندكش حق باش تهدري الا اذا كان مقصر في حقك ؛ايه بالفعل مقصر في حقي قلتلكم بلي قيسوقيس روحو وزيد ران حامل ونداوي وزيد ماهو دايرلي حتاحاجة معندي كوزينة كي النسا معندي دوش وتوالات حشكم معندي حتا حاجة حاملة كل حاجة وساكتة جابلي ربي الرجل يفوت فمرتو ومبعد ساهل مش قاعد يدللي في خياتو ويشريلهم الجاج المحمر والشينة وووو ويكسيهم بهوما ببناتهم انا كرهت معاه خلاص كرهت حسو بيا شويا

[*أم سجى*]

شحال نكره هذالنوع من الرجال ربي يكون في عونك اختي

[kacimo.samy]

سلام
ربي يفرج عليك
كاين العكس يلم دراهم ومخسرها في عمروو ومرتو
هذا راجلك يليق يفيقوه لازم شويا يغير من ناس كي يشوف
ديار شابين ويدير قلب ويستركم
سلام

[زبدة ذايبة]

ونبقى على نفس الرد اللي كتبتهولك قبل

مازالكي بعيدة

زوجك ماشي مقصر في حقك نهائيا

المشكلة غايرة من خياتو كيفاش يشريلهم الجاج ويكسيهم

هنا المشكلة

ماراهيش مشكلة كوزينة ولا حمام

درتي في بالك كي راكي بالحمل تحكميه من اليد اللي توجعو

مازال ماتعرفيش الراجل

يطلقك ويرميك بيك باللي في كرشك ومايحوسش عليك

ويزيد يتزوج وحدة ثانية ومايهتمش ليك

غير حطي رجليك في الأرض

إذا تظني أن النساء دارو الديار من ليلته تكوني غالطة

ماكاش اللي ماجوزتش مع راجلها

وماكاش اللي حللها راجلها من ليلة زواجها

كامل النساء جازو على هذ الشيء

اللي دام زواجها واستمر أعرفي أنها كانت صابرة

أما اللي يتصرفو بالطريقة اللي راكي تتصرفي بيها الأكثرية ماطولوش

حملتي منا هربت لدار باباك منا

كيما فهمناك وكتبنالك مع هذا مازالكي راكبة راسك

بالسيف راجلك غالط

على جال شوية شيفون شراه لخياتو

خليتي دارك

ديري في بالك مليح

كيما خرجتي من دارك وحدك كيما يخليك في داركم ومايحوسش عليك

أكرهيه كيما حبيتي

وابقاي في داركم شحال حبيتي

لكن في الأخير مايصح غير الصحيح

تظني الحمل ورقة ضغط على الرجل !!!!!!!!!!!!!!!!

الرجل إذا تأكد له أن الزوجة التي اختارها ماتصلحش

لا للصبر ولا للتحمل يقول نطلقها بواحد خير من عشرة

هذه هي قاعدة الرجل الجزائري

وإذا ماصدقتيش اسمعي للمحاكم وشراه يصرى فيها

حابة تدللي ماشي هكذا

غايرة من خواتات زوجك مافيها والو

بصح تخرجي من دارك !!!!!!!!!!!!!

عليه العوض ومنه العوض

ديريها قاعدة في حياتك

المكان الفارغ دائما يجي اللي يشغله

وانت خليتي مكانك فارغ !!!!!!!!!!!!!

ومع مرور الوقت رح تجي اللي تقعد فيه إذا بقيتي بهذ العقلية ماتروحيش لبعيد.


الرجال بالسيف ولا يقدرو يجهزو ويديرو العرس

هما يتزوجوا يقولو خلاص

تفتحو عليهم نار جهنم بالمشاكل

على أمور تافهة

غيرة تاع نساء

ومن قلة العقل دمري دارك بيدك؟؟؟؟؟؟

تطلبي نحسوا بيك !!!!!!!!!!!!!!

أكثر من إحساسنا بالخطر والخوف على بيتك ماكاش

الحالة اللي راكي فيها لاتحتاج للإحساس

بل تحتاج للعقل

إذا حبيتي راجلك يدللك ماديريش حوايج يولي يكرهك

تظني أنه غير انت اللي كرهتيه

لو كان يجي يكتب هنا ممكن يكتب ويقول ماشي ناوي نرجعها خليها ترشى في دارهم

هذاك النهار تنفعك دار باباك.

وتنفعك غيرتك من خواتات زوجك (أو طليقك) ماتدري

لهذا

ردي بالك تخربيها وتقعدي على تلتها

ردي بالك تحطمي ميثاق غليظ بينك وبين زوجك

والزواج السعيد يجي مع الصبر وطولة البال وسعة الصدر

والكثير الكثير من تحكيم العقل والحكمة في الأمور.

رب يهديك ويرجعك لبيتك عاجلا غير آجل

ان شاء الله يكون كلامي عندو وقع على نفسك وعقلك

في انتظار رأي باقي الأعضاء

[zokhrofa]

سلام

من نهار نقرى مشاكل النساء مع رجالهم يدخّلو الماكلة في الوسط

علاش جيعانين ؟ ولا ما شبعتوش والله ما علابالي

المهم انا راني فاهماتك حتى انا كانت تمر بيا ظروف انّ زوجي يشري كادوات لخاوتو و انا لالا لكن انتظري

لماذا هوما ايه و انا لالا ؟

خاطش انا مرتو نفهمو كي ما يكونش عندو لكن هوما خاوتو دارولو كادوات و عيب عليه ما يديرلهمش بالنسبة لنظرتو هو

خاطش ربما كان قادر ما يديرلهمش و هوما يتفهموه كيما انا تفهمتو لكن هو فضّل يديرلهم خاطش اوّلا هوما ناس ملاح و يستاهلو

و ثانيا انا صابرة و الحمد لله

و في الاخير ربي فرّج علينا و حتى انا عاد يديرلي كادواتي و هوما ما يديرلهمش خاطش سبحان الله العظيم قررّو انهم يديرو لأولادنا و اولادهم و الكبار خلاص فاتهم القطار هههههه

حبيت نقولك انو الامر متعلق بالصبر و هذاك غير ابليس لي راه يعمّرلك في راسك

يقدر في حادثة ما زوجك يفقد كل خواتاتو او هو يموت و يفقدوه هوما

في الاخير يبقى غير فاعل الخير

انتي علاش ما تحتسبهاش صدقة على صحتك و ولادك اذا عندك و تخليها على ربي

اذا ما عوضكش في الدنيا يعوضك في الآخرة

و تزهدي لربي سبحانه و تعالى باش اذا شافك صابرة يعطيك

اعيد النظر اختي في الامر بعقل ناضج و مليئ بحس المسؤولية

و خلينا من جاجة و تشينة

خاطش الجاجة دير 700دج و الكوزينة اذا خربتي فيها قادرة تلحقي 30 مليون و يا ربي اذا كملتيها

انا تحت تصرفك في اي وقت و خذيها مني نصيحة من القلب الى القلب ما جيت نعايرك ما جيت نضحك عليك

[samir40]

أعر ف أزواج تطلقو إلا بسبب هذه الأشياء المادية فهي لا تدوم فعليك الصبر لو قلت أنه يضرب أو يشتمك ممكن فالمشاكل أنت من يختلق فيها وبالتالي انت من يحلها فعليك بالصبر حتى لا تخسري ما تم بنائه

[خالد عنابي]

المرا تقول راجلي مقصر معايا ويشري لخياتو الجاج محمر

والاخرى تقوللها لالا راكي غالطة بالسيف

منعرف دخلت معاها فالدار وشافت ولا كيفاش

تحير في بعض الردود والتحليلات كيفاه تخدمو

الرجل مطالب بزوجته واسرته قبل كل شيئ

واذا كان هناك كفاية فيمكنه ان يشتري لاخواته واخوته وابناء عمومته كيفما يشاء

لكن يقوم بواجبه اولا

[هـــدوء]

عليك و على ذراعك عزيزتي......اتعلمي كش حرفة و اذا عندك حرفة ديجا اخدمي بيها على روحك:كروشي.أشغال يدوية.خياطة...
الإنسان يتكيف مع كل الظروف عزيزتي ....مانقعدوش نبكيو راجلي مايصرفش راجلي ما يديرش راجلي راجلي
ابداي تعولي على روحك منا لحتى يصلح روحو هذا إذا كان فيها أمل أصلا أنو يتصلح.

[رندة.]

شوفي اختي زوجك انسان طيب وحنون ويحب أخواته البنات ويفرح كي يشوفهم فرحانين بالهدايا تاعو. أنتي قلتي يعطي لأخواته البنات يعني( إناث) مش ذكور، يمكن يكون هو الاخ الاكبر او الأخ الأكثر حنانا على أخواته البنات لأنهم بنااات.

الرجال الي من هذا النوع قلال في وقتنا هذا، كاين الي غير يتزوج ينسى امه وابوه مش اخواته البنات، وباالتالي أحمدي ربي الذي أنعم عليك بهذا الزوج الصالح.

شوفي لازم توقفي معاه مش ضده في الموضوع هذا وتخرجي من الدار ، لو كان جيتي قلتيلنا أنو يصرف على إمراة أجنبية عليه ويشريلها ويهديلها وتبكي وتشكي كنا كااااامل جينا ضده وقلنا بلي عيب وحرام عليه، بصح راكي تقولي على أخواته أفهمي علينا مليح وخممي في كلامنا ملييييييح. يخي ما هوش يشريلهم في الذهب وأنتي مقصر معاك في المصروف، شوية لبسة وماكلة ومش دايما أحيانا برك.

بالنسبة للكوزينة والحمام نقلك علاه مازال ماخدمهمش لانك أنتي مكبرتليلو الحكاية والتكاليف على هذا راهو مؤجلها. وزيدي تقوليلو لو كان راك خدمتلي الكوزينة مش تفسد فيهم على أخواتك، المهم سهليها تسهال وماتخليش الشيطان يزيد يكبرهالك ويخربلك دارك.

أرجعي لدارك وأعرفي كيفاش تتعاملي مع زوجك باش يخدملك الكوزينة و الحمام وأمور أخرى كذلك لكن بالعقل مش بالضغط عليه وبالمقارنة مع أخواته.

ربي يصلح حالك ويسعدك مع زوجك ان شاء الله.

[فايزة1207]

شوفي اختي انه يصرف ما يصرفش عليك هذا خطاء وانه تخرجي من دارك خطاء
مرات الراجل يختبر زوجته مرات امور تكون مفروضة عليه من اهله
لكن انه يقصر في حقك والله خطاء مهما كان السبب باش كل واحد نعطوه حقه لكن انت ماتكبريهاش خليها دنيتك تمشي ربي كفيل يغيرها في ليلة وضحاها ما تعرفي يجي نهار يصرا موقف يخلي راجلك يحط النقاط على الحروف ويعطيك حقك وفي نفس الوقت يحن على اهله لانه الراجل الكريم على اهله اكيد راح يحن عليك اصبري اختي وادعي ربي
كون نحكيلك كيفاه عقبت 19سنة تحيري مرات نقول كيفاه ماطلبتش الطلاق قبل والله ثم والله نحير
لكن الان بدات الامور تتغير اصبري اختي واعرفي اولوياتك في حياتك ماشي على مكانش تهزي روحك وتروحي لداركم

[كاميلا]

راهو مقصر وشرعا يصرف على اللي جابها من دار ماليها وولادو قبل خواتاتو المتزوجات كان جات امو نقولو اسكتي اما اخت متزوجة ويكسي ولادها وانت عريانة بولادك الله لا يباركلهم في اللي داوه ادا كانوا يتعمدوا هدا باش يضروك عشنا هاد الامر جدودي قبل زواج امي كانوا ميتين الله يرحمهم اما اخوة والدي بنات ورجالة كان هو الصغير يديولو من دراهموا وكي تزوج يقسموا معاه كلش عشنا في حالة مادية سيئة بسببهم وخاصة عمي وامي كانت ديما تدعي عليهم كي كبرنا فهمنا كلش وتضحت الرؤية وكلام امي واقع ومش غيرة نسا وعمي توفا وقبل ميتوفا الدراهم اللي كان يديهم من خوه وخباهم جبدهم كي كان مسش في قواه العقلية وطيشهم برا دراهم لحرام ميدوموش وخصوصا ادا راهم متقصدات يضروا بعايلة خوهم

[capitaine]

ونبقى على نفس الرد اللي كتبتهولك قبل

مازالكي بعيدة

زوجك ماشي مقصر في حقك نهائيا

المشكلة غايرة من خياتو كيفاش يشريلهم الجاج ويكسيهم

هنا المشكلة

ماراهيش مشكلة كوزينة ولا حمام

درتي في بالك كي راكي بالحمل تحكميه من اليد اللي توجعو

مازال ماتعرفيش الراجل

يطلقك ويرميك بيك باللي في كرشك ومايحوسش عليك

ويزيد يتزوج وحدة ثانية ومايهتمش ليك

غير حطي رجليك في الأرض

إذا تظني أن النساء دارو الديار من ليلته تكوني غالطة

ماكاش اللي ماجوزتش مع راجلها

وماكاش اللي حللها راجلها من ليلة زواجها

كامل النساء جازو على هذ الشيء

اللي دام زواجها واستمر أعرفي أنها كانت صابرة

أما اللي يتصرفو بالطريقة اللي راكي تتصرفي بيها الأكثرية ماطولوش

حملتي منا هربت لدار باباك منا

كيما فهمناك وكتبنالك مع هذا مازالكي راكبة راسك

بالسيف راجلك غالط

على جال شوية شيفون شراه لخياتو

خليتي دارك

ديري في بالك مليح

كيما خرجتي من دارك وحدك كيما يخليك في داركم ومايحوسش عليك

أكرهيه كيما حبيتي

وابقاي في داركم شحال حبيتي

لكن في الأخير مايصح غير الصحيح

تظني الحمل ورقة ضغط على الرجل !!!!!!!!!!!!!!!!

الرجل إذا تأكد له أن الزوجة التي اختارها ماتصلحش

لا للصبر ولا للتحمل يقول نطلقها بواحد خير من عشرة

هذه هي قاعدة الرجل الجزائري

وإذا ماصدقتيش اسمعي للمحاكم وشراه يصرى فيها

حابة تدللي ماشي هكذا

غايرة من خواتات زوجك مافيها والو

بصح تخرجي من دارك !!!!!!!!!!!!!

عليه العوض ومنه العوض

ديريها قاعدة في حياتك

المكان الفارغ دائما يجي اللي يشغله

وانت خليتي مكانك فارغ !!!!!!!!!!!!!

ومع مرور الوقت رح تجي اللي تقعد فيه إذا بقيتي بهذ العقلية ماتروحيش لبعيد.


الرجال بالسيف ولا يقدرو يجهزو ويديرو العرس

هما يتزوجوا يقولو خلاص

تفتحو عليهم نار جهنم بالمشاكل

على أمور تافهة

غيرة تاع نساء

ومن قلة العقل دمري دارك بيدك؟؟؟؟؟؟

تطلبي نحسوا بيك !!!!!!!!!!!!!!

أكثر من إحساسنا بالخطر والخوف على بيتك ماكاش

الحالة اللي راكي فيها لاتحتاج للإحساس

بل تحتاج للعقل

إذا حبيتي راجلك يدللك ماديريش حوايج يولي يكرهك

تظني أنه غير انت اللي كرهتيه

لو كان يجي يكتب هنا ممكن يكتب ويقول ماشي ناوي نرجعها خليها ترشى في دارهم

هذاك النهار تنفعك دار باباك.

وتنفعك غيرتك من خواتات زوجك (أو طليقك) ماتدري

لهذا

ردي بالك تخربيها وتقعدي على تلتها

ردي بالك تحطمي ميثاق غليظ بينك وبين زوجك

والزواج السعيد يجي مع الصبر وطولة البال وسعة الصدر

والكثير الكثير من تحكيم العقل والحكمة في الأمور.

رب يهديك ويرجعك لبيتك عاجلا غير آجل

ان شاء الله يكون كلامي عندو وقع على نفسك وعقلك

في انتظار رأي باقي الأعضاء

كلام موزون وفي الصميم

[khawla_eleulma]

سلام يا لحبببة ديري براي لبنات ولي لداارك اعتاذري من زوجك قوليلو راكي وليتي تتقلقي بلا سبب قولي عندك اكتئاب تاع الحمل وانشاء الله ينساهالك لانه الراجل مينساش وراح يدير في بالو بلي انت غيارة وحابة تبعديه على دارهم الله يهديك هادوك الكادوات مش راح يفقروكم ودارك يجي نهار وتسقميها كيما يحب خاطرك بصخ بالصبر برك مش هكدا راجلك حنين وربي يخليه لخياتو وانشاء الله تلقاي خوك كيما هكدا.... انا نشوف بلي انت الي غالطة ولازم ترجعي وتعتدري لانو زوجك مرتكبش جريمة واقتنعي بلي هدي راهي غيرة لازم تتحكمي فيها وبشوي برك رتجلك راح يتوله مع دارو ويعمرها كيما يحب خاطرك اضحكي والعبي اجبدي خياتو ليك كي تكسبيهم ايولي ليك بصح بصبر برك ..... ربي يصلح مابيناتكم انشاء اله واعلمينا بااجديد

[فافا مينوشة]

فلول كي يجي يخطب الراجل تقبلوه بعيوبو وسلبياتو مهم تتزوجو وخلاص ودركا ولا مشي مليح ياك كنتي عارفة بلي تسكني مع اهلو ولا راني غالطة؟؟؟ خلال فترة الخطوبة محكيتيش معاه قع زعما معرفتيش قاااع بلي يفضل خياتو
مهم الشرع يسمع من زوج وتاني ادا مقصر في حقك احكي معاه بالعقلية هداك الغضب في داركم ومنا ما يجيب نفع سقسيني نقلك انا راني مطلقة حكمي دارك وحملي لحلوة والمرة خيرمن يلعبلو شيطان بمخو يقولك ريحي في داركم ساعتها ادا مكنتيش خدامة كيفاش تربي ولدك كيفاش تعاوني روحك حكي معاه راسك راسو وفهميه بلي انتي تان عندك نفس وقلب تتشهاي وتحبي تتكساي وتاكلي مافيها حتا عيب خيرمن يسمعو العائلة وميبقاش عشرة بيناتكم نصيحة

[زعترة]

كاين لي راها مشتاقة راجل ومش لاقية
ونتي بعقلية الاطفال
ابقاي هكذا
وربي حللو ربعة يجيب وحدة لي تهنيلو راسو مش ديرلو تكسار راس

[الحياة بسمة]

ربي يكون في العون

[123boutheina]

المرا تقول راجلي مقصر معايا ويشري لخياتو الجاج محمر

والاخرى تقوللها لالا راكي غالطة بالسيف

منعرف دخلت معاها فالدار وشافت ولا كيفاش

تحير في بعض الردود والتحليلات كيفاه تخدمو

الرجل مطالب بزوجته واسرته قبل كل شيئ

واذا كان هناك كفاية فيمكنه ان يشتري لاخواته واخوته وابناء عمومته كيفما يشاء

لكن يقوم بواجبه اولا


بارك الله فيك

[شريعتي]

ط§ظ„ط³ظ„ط§ظ… ط¹ظ„ظٹظƒظ…


ط³ط¨ط*ط§ظ† ط§ظ„ظ„ظ‡ ظپط¹ظ„ط§ ط¹ط¯ظˆط© ط§ظ„ظ…ط±ط£ط© ط§ظ…ط±ط£ط© ظˆ ظ„ظٹط³ ط±ط¬ظ„ ط£طھط¹ط¬ط¨ ظ…ظ† ط±ط¯ظˆط¯ ط§ظ„ظ†ط³ط§ط، ط¹ظ„ظ‰ ط£ط®طھ طھط·ط§ظ„ط¨ ط¨ط*ظ‚ظ‡ط§ ط§ظ„ط´ط±ط¹ظٹ ط§ظ„ظ„ظٹ ط±ط¨ظٹ ط³ط¨ط*ط§ظ†ظ‡ ظپط±ط¶ظ‡ ط¹ظ„ظ‰ ط§ظ„ط²ظˆط¬ ظˆ ط£ط¸ظ† ظ„ظˆ ظƒط§ظ† ظƒط§ظپظٹظ‡ط§ ظ…ط§ طھط*ظƒظٹط´ ط¹ظ„ظ‰ ط§ظ„ط£ظƒظ„ ظ†ظ‡ط§ط¦ظٹط§ ط§ظ„ظ…ط±ط§ ظ…ط*طھط§ط¬ط© ظƒظ„ ط´ظٹ ط§ظ„ظˆط§ط*ط¯ ظ…ظ†ط§ ظ„ط§ط²ظ… ظٹظƒظپظٹ ط¯ط§ط±ظ‡ ط£ظˆظ„ط§ ط«ظ… ظٹظ‚ط¯ظ… ط§ظ„ظ‡ط¯ظٹط© ط§ط*ظ†ط§ ظ†ط³ط§ط، ط؛ظٹط± ظ…ظپط±ظˆط¶ ط¹ظ„ظٹظ†ط§ ط§ظ„ظ†ظپظ‚ط© ظˆ ط±ط§ظ†ط§ ظ†ظ‚ط¯ظ…ظˆ ط¯ظٹط§ط±ظ†ط§ ظˆ ط£ظˆظ„ط§ط¯ظ†ط§ ظˆ ط£ط²ظˆط§ط¬ظ†ط§ ط¹ظ„ظ‰ ط§ظ„ط¹ط§ط¦ظ„ط© ط§ظ„ظƒط¨ظٹط±ط© ط¥ظ„ط§ ظپظٹ ط*ط§ظ„ط© ط§ظ„ظ…ط±ط¶ ط£ظˆ ط§ظ„ط*ط§ط¬ط© ط§ظ„ط´ط¯ظٹط¯ط©.


ط§ظ„ظ„ظ‡ظ… ط§ط؛ظپط± ظ„ظٹ ط¥ظ† ط£ط®ط·ط£طھ

[moulmoul]

كاين واحد الردود مستفزة
قولوا خيرا او اصمتوا
كي شغل عايشين معاها وعارفين واش صاريب معاها
لازم غالطة بسيف

[Elwawy]

أختي أطلبي منه ما تريدين مباشرة, أريد دجاجة, أريد تشينة, متضايقة و أريد تقلاش, حامل و ضاقت نفسي. صراحة فقط و بدون مبالغة أو ولدنة.

كلنا عباد, بنو أدم أحيانا نحتاج القليل من الراحة, القليل من المتعة, القليل من السعادة القليل من التقلاش فقط لا تملئي رأسكي بما يفعله للأخين...حقك.