محشي الكرمب من مطبخ لهلوبة

[إلهام07]

السلام1


مساء الخير بطبوطات #ارفع القبعة


جبت اليوم وصفة محشي الكرمب كل ما نحط طيابي وطياب ماما تطلبوها مني وما حطيتش الوصفة ببساطة لانها وصفة محشي كرمب عادية ماشي حاجة جديدة لكن لاحظت أنو بزاف تعملو المحشي وخاصة الكرمب بصوص حمراء حبيتكم جربوا طريقتي وطريقة ماما بصوص بيضاء صدقوني مئة مرة ألذ من الصوص الحمراء .



بما أنو رمضان راهو قريب قلت تحتاجوها وتبقاو تطلبوها مني هنا وفي الفايس بوك

تابعوا الطريقة واهم حاجة في بنتها بساطة الطريقة وأصالتها وقلة التوابل في الصوص :

#طبخ2


المقادير :

كرمبة كبيرة
لحم مفروم ( كمية مليحة )
كاس أرز مغلي في ماء وملح فقط

لتتبيل اللحم :
ملح وثوم بودرة و 3 أو 4 فصوص ثوم مرحي ( اللحم يحب الثوم هكذا تقولي ماما ) و فلفل أسود وكمون (شوية برك)

للصوص الأبيض :
حبة بصلة مرحية أو مقطعة مكعبات صغار
قطعة لحم أو دجاج
3 فصوص ثوم مرحي
ورقات رند
شوية زيت للتقلية
ملح و فلفل أسود ومكعب مرق دجاج (اختياري ) و ثوم بودرة
معدنوس للتزيين : سيقان المعدنوس اللي رايحة نقطع اوراقه للتزيين نربطهم بخيط ونرميهم في المرق

الطريقة :

1- نضع في البرمة الماء يغلي ونحط الكرمب نتاعنا يفور وكل مرة ننزع برفق ورقات الكرمب ونحطهم في كسكاس يقطروا

2- نوجد الصوص :

في كوكوط نحط شوية زيت وقطعة دجاج ونبدى نقلي فيها ثم نضيف البصل والثوم ونكمل نقلي مليح باش نتحصل على هذاك اللون الذهبي فيما بعد للصوص
- بعد ما تتقلى وتتحمر نضيف التوابل والملح واوراق الرند وربطة سيقان المعدنوس ونقلي دقيقة فقط ثم نمرق بماء ساخن ومانكثرش الماء لانو المحشي يجي فيه صوص قليلة باش يجي بنين .
- نغلق الكوكوط ونخلي الدجاج يطيب حوالي نصف ساعة على نار هادئة ( كي طيب في راحتها جي بنينة )

3- نعجن كل مكونات خلطة اللحم مع بعض ونخليها جانبا .

4 - هذي نصيحة أمي دائما لي : باستعمال أوراق الطبخ الماصة نحاول نمسح شوية الماء من على أوراق الكرمب باش ما يطيرقش علينا الزيت كي نكونو نقليو فيه وننزع الجزء الأبيض الموجود في وسط الورقة لأنو شوية صلب ومايطيبش .
- اخترت نعمل المحشي هذي المرة على شكل رزمات بدلا من شكل السيقار من باب التغيير بحيث نضع كرة من خليط اللحم ونحاول نلف من كل الجهات بورقة الكرمب ونغطي مليح اللحم و اخترت أن أصنع رزمات أو كرات كبيرة شوية منها جي منظرها يحمر الوجه ومن جهة أخرى نخلص بسرعة

5- بواسطة خيط أبيض نلف الرزمات نتاع باش مايتحلوش في القليان او في الكوكوط ونقليهم ونحمرهم مليح في مقلاة بشوية زيت ونتركم جانبا في صحن حتى يطيب المرق .

6- نفتح الكوكوط ونصفي الجاج من المرق ونتركه جانبا .

7- باش تتحصلو على مرق مافيهش شوائب انا نحب نميكسي المرق نتاعي بالميكسور بعد ماننزع أوراق الرند وربطة المعدنوس
(أما ماما تصفيه وتعمل مايسمى "العقدة " اللي هي تنحي شوية من المرق في صحن صغير وتضيفلو صفار بيضة وتخلط مليح بشوكة وتضيفو لباقي المرق وتحرك .... أنا تبانلي طريقتي أسهل وموفرة للبيض ههههههههههه#ضحك

8- نضع رزمات الكرمب نتاعي برفق في الكوكوط بدون تحريك ونغلق الكوكوط 10د فقط وعلى نار جد هاااااااادئة .

9- في المقلاة بشوية زيت نحمر قطعة الدجاج باش يجي مقرمش الجلد نتاعو و بريزونتابل في التقديم

10- ننزع الخيوط من رزمات الكرمب ( نجبد بالحبة ونحط في صحن ونقص كل الخيوط من فوق ونجبدهم برفق من الجنب يخرجو بسهولة على هذي قلت كي نقلل عدد الحبات نسهل على روحي العمل )

11- يقدم مع أو بدون عصرة ليمون ولكن اكيد مع رشة معدنوس مقطع


جربووووووووه لذيذ جدا يلحسو الصحون هههههههه
أنا قدمتو مع سلطة خضراء وماسيدوان وخبزة محشية مرقاز وتونة وجبن وصوص طماطم وزيتون


أترككم مع الصور :

#تصوير






https://up.djelfa.info/uploads/151898895267041.jpg

https://up.djelfa.info/uploads/151898895271442.jpg

https://up.djelfa.info/uploads/151898895275223.jpg

https://up.djelfa.info/uploads/151899098291321.jpg

https://up.djelfa.info/uploads/151899098294972.jpg

https://up.djelfa.info/uploads/151899098298053.jpg

https://up.djelfa.info/uploads/151899110670762.jpg

https://up.djelfa.info/uploads/151899110666911.jpg

https://up.djelfa.info/uploads/151899110674083.jpg



آه كنت رايحة ننسى وهذي صورة محشي ماما اللي شفتوه وطلبتو الوصفة للتذكير فقط :

https://up.djelfa.info/uploads/151899155278091.jpg





تحياتي ,,,,,,,,,,,,,,,, انا لهلوبة #شاف

[حياة نور الدين]

اهلاااا الهامو يعطيك الصحة خسارة البارح درتوا كما قلتي تقليدي صص حمرا ي مي ملحوقة نجربوا طريقتك ان شاء الله
بارك الله فيك

[ام هدول]

اممممممم ولا أروع..شكرا على الطريقه المفصلة في ميزان حساناتك ربي يبارك فيك وفي ميمتك

[الاميرة سميرة]

اممممم و لله غير يشهو لزوج الف شكر اختي الغالية على الوصفة الى ممكن رابط صفحتك على الفيس بوك و شكرا لك بالتوفيق

[RIMA.87]

السلام عليكم ،
بارك الله فيك على الوصفة و ربي يحفظك و يحفظلك أمك و جميع امهات المسلمين،
ما شاء الله الطبق يشهي و يستحق التجريب.
أحلى تقييم:19:

[Fifilondon]

اممممم تشهي يعطيك الصحة ان شاء الله نجربو يبان بنين ربي يسلم هادوك اليدين

[سحابة باردة]

أممممممم يشهي ومحمر كيما يحب الخاطر تسلم الأيادي

[مسعودي خولة]

اممممم يشهي اذا ممكن وصفة خبزة الطن و المرقاز

[توتة2008]

شهيتيني....امممم

[إلهام07]

مشكورات اخواتي على المرور


خولة ما تشبعيش وصفات هههههههه
هذيك الخبزة عبارة عن كاس كبير فرينة وملح و 1 م ك سكر و نصف م ص خميرة حلويات و 1 م ص خميرة خبز (معمرة مليح بارد الحال) و جمعتها بحليب دافي وعجنتها مليح وزدتلها 1 م ك زيت وعجنت شوية و كي خمرة قسمتها على زوج كرات وحدة كبيرة ووحدة صغيرة . دهنت المول نتاعي بالزبدة و طرحت القرصة الكبيرة رقيقة (مانحبوش العجين خشين) بحيت تبقى العجين شايظ على الاطراف وحطيت الحشو ثم طرحت القرصة الثانية بالرولو أيضا والفرينة وحطيتها فوق الحشو وكسلتها مليح غطيتها باطراف القرصة الأولى وماتدهني ماولو طيبتها على فرن مسخن من قبل 180° وحمرتها شوية من فوق وخليتها بردت شوية برك وقلبتها في صحن التقديم والتزيين حسب الرغبة
الشحو :
دهنت صلصة طماطم نتاع بيتزا
فوقها حطيت طون طماطم وفوقو مرغاز مقطع (نحب نحطو نيء يطلق الصوص نتاعو في الشحو يجي بنين بصح انا كانو عندي طايبين فضلو من الغداء واحد ماحب ياكلهم قلتلهم تكبرتو عليهم ماكلينهم ماكلينهم :D
وفوقهم حطيت زيتون أسود وأخضر مقطع
وفوقهم جبن أبيض قطع صغار وجبن مبشور وغلقت الخبزة

وهنا الصور للتوضيح :
https://up.djelfa.info/uploads/151916765885291.jpg
https://up.djelfa.info/uploads/15191676588952.jpg
https://up.djelfa.info/uploads/151916765893033.jpg
https://up.djelfa.info/uploads/151916774077861.jpg
https://up.djelfa.info/uploads/151916774081892.jpg

[جوهرة الشرق سكيكدة]

بارك الله فيكي اختي وصفاتك كلها روووووو.عة

[ام ورود]

جزاك الله كل خير اختي الهام...من كتر حبي ليك راني نحوس نزوجك لحيجل هكدا نجي ناكل من يديك ..غدوة ندير الكرمب..اما والخبزة شكلها يشهي.ديما نشوف هداك القالب يتباع لكن مخممش نشريه لاني ..لكن اليوم نجري نحوس عليه عجبتني فكرتك جاك روعة بريزونطابل يصلح للعرضات..الله يبارك من طريقة كلامك باية شخصيتك مرحة ما نملوش فس قراءة مواضيعك ..ربي يحفضك اختي

[فايزة1207]

وصفاتك يستاهلوا كتاب ما شاء الله ولا تروحي لسميرة

[افكار خياطة]

يعطيك الصحة طبق يشهي

[MALIKA06]

شكرا لك يعطيك الصحة

[لمسة ابداع]

الهام طولت الغيبة علينا نستنى وصفاتك بقارغ الصبر
افتحيلتا مدونة و لا قناة في اليوتبوب

[loudjaine]

ابشري مثواك الجنة أن شاء الله ... خيرك كبيييييير

[Toufikkar]

مشكورة حبيبتي اطباقك كلها فيها لمسة خاصة بيك اكيد جاري تجريبها ربي يحفظلك الوالدة الكريمة

[شمس الملوك]

بارك الله فيك

[MALIKA06]

شكرا لك يعطيك الصحة

[samsouma70]

شكرا هاايل يعطيك الصحة

[أم ياسين الزهراء]

امممم روعه روعه

[nihal159]

ولا أروع و لا أجمل و لا أبن هههههههههه يعطيك الصحة و ربي يحفظلك أمك و يعطيك ماتتمناي.

[7anine 87]

شكرا على كلشي تقدميه و نتمنى تحطيلنا وصفة لقريوش تاعك لانو باين حطة

[fatiha1902]

بارك الله فيك أختي على ما تقدميه و جزاك الله خيرا
أودّ منك أختي ان تعطيني عنوان صفحتك او حسابك على الفايس بوك اذا أمكن
احبك في الله

[kikimo73]

SALAM

MERCI c'est très bon

[om mita]

دائما الأفضل بدون منازع
وعصير مورينو نسيتني فيه نزلت متفجرات هههههههه
شريرة انا

[ام لقمان02]

تسلم الايادي

[pearl.joujou]

الله يعطيك الف عافية حبيبتي ممكن فيسبوك نتاعك

[star20]

شكرا على الوصفة

[ام رضوان]

بوركتي يالهلوبة
وصفاتك روعة
باذن الله نجربو بطريقتك وباذن الله تخرج فووور
الله يحفظك امين

[هبة الرحمان انشراح]

احنا دائما نديروه صوص بيضه لكن طريقه تقليديه يعني صبيعات والى المرق مباشرة يطيب فيها لكن طريقتك في االقلي تبان رووووعه قيد التجريب وبارك الله فيك

[Omaima mina]

جربت الطبق من قبل من أشهى الأطباااااااااق

[jojo dj]

ماتتخيليش كيفاش نفرح كي نشوف وصفاتك لانك انت الوحيده لي بقيتي هنا فالمنتدى البنات كامل انتاع بكري راحو وضرك ماعدش يعجبني المنتدى صراحه المهم حنونه عندي استفسار حبيت تجاوبني قلت هذا رمضان نجرب عفسه توابل لي هي الثوم مع الكسبر يرحوهم ويبسوهم ويديرولوهم للشربه الحمرا اذا تعرفي الطريقه قوليلي يعني الكميات وشحال والظريقه الله يعطيك ماتتمناي

[سحر الليل]

شكرا يا إلهام ربي يعطيك ما تتمناي وصفاتك دائما رائعة

[ام يونس 2]

شكرا يعطيك الصحة

[حياة مليزي]

الله يبارك روعة اطباق رمضان كريم

[ROZA LA ROSE]

روعة نفس الطريقة نستعملها يجي بنة لا تقاوم و يعطيك الصحة زينة و قوليلي اسم صفحتك على الفايس تعيشي

[رحمة 20]

لديك صفخة في الفيسبوك

[BTHINA BKRI]

يعطيك الصحة اختي روعة مشكورة على الشرح

[رحمة 20]

لي ماعندهاش كوكوط تطيب في القدر العادي؟ والخيط نربطو بالخيط العادي أو خيط مخصص للطبخ؟

[نادية رهف]

انا هاكا نديره يجي بنين

[متروجة]

امممممممممم

يعطيك الصحة

[samiasoma]

بارك الله فيك جات تهبل يعطيك الف الف صحه حبيبتي

[Mama Sousou]

بارك الله فيك أختي اعجبتني الوصفة
ان شاء الله رايحة نجربها

[إلهام07]

مشكورات اخواتي على الردود والكلام الطيب ... تحياتي للجميع :mh31::mh31:


لي ماعندهاش كوكوط تطيب في القدر العادي؟ والخيط نربطو بالخيط العادي أو خيط مخصص للطبخ؟
عادي يطيب في قدر والخيط عادي فقط اختاري لون أبيض باش مايطلقش اللون نتاعو في المرق .


لديك صفخة في الفيسبوك

روعة نفس الطريقة نستعملها يجي بنة لا تقاوم و يعطيك الصحة زينة و قوليلي اسم صفحتك على الفايس تعيشي

ماتتخيليش كيفاش نفرح كي نشوف وصفاتك لانك انت الوحيده لي بقيتي هنا فالمنتدى البنات كامل انتاع بكري راحو وضرك ماعدش يعجبني المنتدى صراحه المهم حنونه عندي استفسار حبيت تجاوبني قلت هذا رمضان نجرب عفسه توابل لي هي الثوم مع الكسبر يرحوهم ويبسوهم ويديرولوهم للشربه الحمرا اذا تعرفي الطريقه قوليلي يعني الكميات وشحال والظريقه الله يعطيك ماتتمناي
مانعرفش المقادير ولكن نشري توابل الدجاج نتاع الميزان صراحة ولا أروع وألف مرة خير منهم ريحتهم روووعة


جربت الطبق من قبل من أشهى الأطباااااااااق
بصحتكم :)


الله يعطيك الف عافية حبيبتي ممكن فيسبوك نتاعك

دائما الأفضل بدون منازع
وعصير مورينو نسيتني فيه نزلت متفجرات هههههههه
شريرة انا
ههههههههههههه فكرتيني نسيت عليه نهائيا إن شاء الله


بارك الله فيك أختي على ما تقدميه و جزاك الله خيرا
أودّ منك أختي ان تعطيني عنوان صفحتك او حسابك على الفايس بوك اذا أمكن
احبك في الله

شكرا على كلشي تقدميه و نتمنى تحطيلنا وصفة لقريوش تاعك لانو باين حطة
حطو بزاف وصفات قريوش مانحبش نعاود


وصفاتك يستاهلوا كتاب ما شاء الله ولا تروحي لسميرة
فااااايزة توحشتك ياموصيبة وين هذي الغيبة ؟:sdf::mh31::mh31:


البنات اللي سألو على الفايس : ilhem zahra

[lamia zina]

اكيد بنين يعطيك الصحة

[minina2601]

ان شاء الله ربي يوفقك وجزاك الله خيرا

[ikramm011]

شكراااااااااااااا اختي

[روضة 88]

ماشاء الله إبداع ما بعده إبداع
يعطيكم الصحة انتي والوالدة

[إلهام07]

شكرا على المرور حبيباتي


روضة واش راكي حنونة ؟ توحشت الحكايات والضحك نتاعنا والله أيامات روووووووعة

[حياة مليزي]

يعطيك صحة انتي فنانة في طبخ واصلي

[آية نور اليقين]

روووووووووووعه حبيبتي

[Dahlia 90]

نسيتوني في اليوتوب هههه وليت مدمنة عليكم وصفات هايلة و ديكور المحترفات ماشاء الله تبارك الرحمن 👍👍👍👍👍👍👍👍👍

[Maryam140]

ماشاء الله روعه ربي يحفظك

[ياسين هشاام]

تبدو شهية جدا سوف اجربها

[فاطمة 2018]

فحلة الله ايبارك كي انت كي امك ربي يحفظكم في زوج شكرا*

[حسناءالقمر]

تسلمك ايديك ياشيف

[سمر أحمد 2019]

جميييييييييييلة
تسلم ايدك اختي
الله ينور عليكي