مشوشة التفكير

[مشكلتي]

السلام عليكم و رجمة الله و بركاته ان شاء تكونوا بخير المهم بدون اطالة
انا بنت مخطوبة وقرب عرسي كي جاء خطبني خطيبي لم اقتنع بشكله ولكن ارتحت له نفسيا و ابي بعدما سقسا عليه و جد انه شخص متخلق و شاطر يتحمل المسؤولية يعني فيه كامل الصفات لي تبحث فيه الفاتة و انا قبلت على هدا اااساس المهم تمت الخطبة بسلام و بديت نهدر معاه باش نتعرف عليه بشوية والفت شكله و كل شيء كان مليح بصح كي قالولنا على تاريخ العرس و انا في دوامة خطرة نخاف ما نتفاهمش معاه خطرة نخاف من اهله و من المشاكل مع العلم هو عندو اخ عازب ولكن الان بديت نخاف نميل لخوه ونتعلق بخوه و نخدع خطيبي و نخونه و الله راني خايفة من هاد الموضوع بزاف مع العلم دوك نسكن معاهم
الله يخفظكم اريحوني بكلمة طبية لان في داخلي ما يعلم به غير ربي سبحانه وتعالى هاد الفكرة ترعبني كثيرا و خصوصا كي نتفكر قصص من هاد النوع و يا المتزوجات بعد الزواج الفتاة تميل لزوجها فقط ؟ و ارجوكم اعطوني من خبرتكم قليلا حول الموضوع و هل جالت في دهنكم مثل هده الافكار ارجوكم ساعدوني

[زبدة ذايبة]

مدام بديتي تفكري تميلي لخوه غير حبسي.

أنت عندك الاستعداد تميلي لأي شخص ماشي غير لخوه.

وهذي مشكلة أخلاقية.

كاين بنات ماحصلش الميل عندهم لأي ذكر.

فمابالك بعدما يحدث الارتباط الشرعي والنفسي.

إن دل هذا على شيء فإنما يدل على أنك خايفة من نفسك من جهة

وأنك غير مقتنعة بهذا الشخص من جهة ثانية.

خلي الراجل يروح لحال سبيله.

ماتحصلي روحك ماتضيقي على نفسك بزواج نهايته واضحة.

اللي دوختني خوه ماشفتيهش( في حد علمي).

وجاتك الفكرة أنك تميلي ليه.!!!!!!!!

ماقلتي نميل لشخص آخر أو قلتي نولي مانحملوش!!!!!!!!

مباشرة التفكير فيما لايرضي الله

وثم ما لايرضي زوجك.

كاين لبنات اللي يوافقو عليه.

خلي الراجل يروح يشوف حياته.

وصارحيه أنك غير موافقة عليه

ماشي بالسيف الزواج.

مدام فكرتي بهذ الطريقة حتى هو ماعندو مايدير بيك.

افسخي العقد، واستناي شخص آخر يجي يخطبك على الأقل تظمني أنك ماتخونيهش مع خوه حتى وإن كانت الخيانة عاطفية.

الزواج لماتبقى من حياتك.

ماتربطيش روحك بهذا الشكل مدام عندك الاستعداد للميل لأول ذكر تشوفيه في محيطك حتى وإن كان خو راحلك!!!!!!!!!!

من الأحسن تفسخي الزواج هذا.

الزواج لتحصين النفس من الفاحشة وبناء أسرة.

ولما يغيب المقصد من الزواج تكون الامور منتهية قبل ما تبدأ.

ريحي روحك وكوني شجاعة كيما كتبت هنا قوليلهم مارانيش موافقة.

ماتلعبيش بدينك أولا

وماتلعبيش بشرف الرحال ثانيا.

[مسرورة بحياتي]

عندك تفكير الميل نحو اخوه مع انك لم تري اخوه ؟؟؟ معناها اثرت فيك المسلسلات التركية والهندية العشق الممنوع ، العشق المر ، الحب المحرم ....اسمحيلي اختي ، انت غير سوية نفسيا وغير طبيعية ، لان المراة السوية والطبيعية مستحيل انها تفكر في خيانة زوجها مهما كانت الظروف ومع مع من يكون ....ومادام غير مقتنعة بشكله ، فافترضي ان اخوه اجمل منه ، اكيد انك ستميلين نحوه ويحدث المحال وتتسبي بكارثة انسانية وتتسبي بمأسات عائلة باكملها ... الله يعين خطيبك على ماهو مقدم عليه .

[محمد جديدي التبسي]

وعليكم السلام ورحمة الله وبركاته
موضوع غريب انت وقيل مريضة بديتيها بشكل خطيبك وانتهيت بخوفك من خيانة زوجك مع أخيه
شوفي أخ زوجك ماعندك حتى علاقة بيه سلام سلام وحتى السلام مش لازم
نقطة الى السطر عيشي حياتك ويزي بلا توسويس مشكلتك غير واقعية بتاتا وهي مجرد وهم تبعي الدراما كثير.ربي يصلح رايك.

[abd el nour 2017]

سبحان الله
والله انت غريبة جدا
تميل للاخ زوجها وهي اصلا لم تتزوج ولم تراه
كفاش حتى جاتك هدي فكرة اسكو حكاولك عليه ولا تخيلتيه ولا قالولك صفاتو

[khelifa09]

أنا أطرح عليك السؤال التالي ماذا لو كان خطيبك أو زوجك مكانك أي ينظر الى أختك ماذا تفعلين.

أعتقد أن الهدف من الزواج هو حفظ النفس وتحصينها. والذي عينه زايغة سواء أكان رجل أو امرأة لا يصلح للزواج. سوف يتعب نفسه و يتعب زوجه وقد يحصل الطلاق.

أختي ان كنتي ستحافظين على خطيبك وتجعلينه كل شيء بالنسبة اليكي وتخافي الله فيه فتزوجيه. وان كان العكس فاخطيه أحسنلك انتي قبل هو.

أختي أدعوكي أن تجددي ايمانك بالله والتقرب لله أكثر. لأن المؤمنة الحقيقية لا تفكر هكذا

[مراد سابقا10]

لا حول ولا قوة ألا بالله

بصراحة شديدة خطيبك طفرت فيه اذا هذا هو تفكيرك

مادام بسهولة دخلتي في راسك بلي قادر تخونيه مع خوه قادر تخونيه مع الزبال مع الكناس مع راعي الغنم مع اي واحد ...............

انا تبالي الماشكل هذو كامل بسبب انوا زوجك غير جميل لا مشكل في ذلك مادام تحبين الجمال افسخي خطبت بسرعة وانتظري الجميل ببساطة .

[رندة.]

شوفي اختي هي في الاول ماكنتيش مقتنعة بشكل خطيبك ووافقتي لأنهم أهلك سقساو عليه وجابو عنو اخبار طيبة. لكن طيبته واخلاقه العالية ما شفعلوش عندك وما غطاش على شكله الغير مرغوب لديك على هذا راكي في دوامة وخايفة تخونيه مع اقرب الناس ليه الي هو أخوه.

السيد مسكين راهو فرحان ويوّجد للعرس الي راهو قريب وانتي تخممي هكا.

الحيرة الي راكي فيها خطيرة جدا. لأنو مادام شكل خطيبك ماهوش عاجبك أي واحد تشوفيه راح يظهرلك اجمل واحسن منو ولو كان خطيبك هو الاجمل.

استغفري الله وتعوذي من الشيطان باش تتخلصي من هاذي الافكار الهدامة وما تخليش الشيطان يتغلب عليك ويزينهالك.

عرسك قريب خممي في حياتك الجديدة وحوسي واقراي على واجباتك كزوجة وحقوق زوجك عليك.

ربي يهديك وينورلك بصيرتك ان شاء الله

[kacimo.samy]

سلام
سبحان الله
على دنيا سلام
على دنيا سلام
خافو ربي برك
شكرا مشرفة زبيدة

[FATIHA131]

المسلسلات ومادارو فيكم
حسبنا الله ونعم الوكيل ولا حول ولا قوة الا بالله

[*أم سجى*]

نظن راكي تتمسخري بينا وتجوزي فلوقت وتتلذي بمشاهدة ردودنا والوقت لي ضيعناه مع الرد تاعك

[sohaibdz]

لا حول ولا قوة الا بالله
ويقولو علاه الشباب عزفو على الزواج
الله يبعدنا عليكم

[بسمـة أمل]

الله يسترنا
واش اداك تخمي فهاذ الأمر ؟؟؟

الله يهديك يا اختي ...استغفري و ارجعي لعقلك

[ابو سليمان10]

لا شك انكي رايتي اخاه خلال مراسم الخطبة و انت الان لديك القابلية للميلان نحو اخيه او نحو اي كان ربما

[um hajar]

الأخت زبدة ذايبه لا فض فوك
وفيت وكفيت والله أثلجت صدري
بارك الله فيك
وأصلح الله حالنا يا رب

[هـــدوء]

من حام حول الحمى وقع فيه!
سقسي روحك علاش حابة تتزوجي ؟ هل حابة ديري دار وولاد و تستري روحك؟ ولا من أجل المتعة ال....؟
و عليه إذا كان جوابك الخيار الثاني نصيحة عزيزتي افسخي كلش و ماتتزوجي لا بيه و لا بغيرو حتى تفهمي فعلا وش هو الزواج .لأنك حتما راح تخونيه مع أي كان

[لمسة ابداع]

العني الشيطان عليك
بلاك الردود تاع الاعضاااء
تردك لطرييييق

لبنات يتمناو زوج صالح
و انتي لقيتي راجل بالحلال
خليتيه و رايحة لخوه

[oumhana]

ماتقوليش تجيح هذي خيانه مع سبق الإصرار و الترصد. خافي من ربي .الله يهديك

[kheirakheira]

الله يهديك ياختي تفكري مولاك و كثري من الاستغفار و نعلي بليس يبعدك ماكاش غير الجمال فوق الارض، جمال الروح هو الصح و هو الي يدوم

[زعترة]

نصيحة ليك بطلي ماتظلمي روحك ملتظلمي خطيبك
من ضرك بديتي تحطي مبررات للخيانة
الله يهدينا

[فافا مينوشة]

يخي عقلية يخي اطلقي وليد ناس يروح يحوس راهم لبنات عليمن يرضا هدا الخير كي يوصل للخنافر وشمن زين ولا شين واشبيك هدا علاش انتي قمرة واقيل ولا حسناء ولا منعرف ها عبدة كي العباد وكي البنات نعلي بليس الراجل معيبوش قادرة تطلقيه من يدك درك تسمعي بيه تزوج من وشنو هدي خوه ولا منعرف هلكوكم مسلسلات تركية راكي تبانيلي صغيرة في عقلك بزاف وزوااج ماااازالو بعيد عليك بزاااف ناس تخمم كيفاش تبني دار و تعيشي مع عايلة وتقومي براجل وانتي تخمي تنغرمي بخوه مهيش مشكلة هدي بنسبة ليا