كيف ابدو

[مشكلتي]

سلام انا فتاةعمري 25سنة طولي 1متر و59سم ووزني50فاصل 4كيلو يعني قريب خمسين ونص..احس اني نحيفة ومنظري ناقص وغيرمقنع ...يعني راها تنقصني9كغ هل ران فعلا ناقصة بزاف وكيف يبدو شكلي في نظركم ؟وسؤالي موجه للاخوة الرجال ماهو الطول والوزن المثالي لي تحبونه في الزوجة مثلا ؟الاخوةوالاخوات لي راح تردو عليا ارجوكم لااريد مشاركات مطولة واحاديث مملة عن الثقةبالنفس وماشبه ذلك .اريد معالجة الامر بالارقام والأمر الواقع فهمتوني وشكرا لكم

[هـــدوء]

عزيزتي المهم في الموضوع هو الصحة.ممكن و أنت بوزنك هذا تكون صحتك لباس أكثر من لما تولي 59 كغ.
ثانيا أنت مش صورة يرسمها الرجل حسب مزاجو يعني لو مثلا واحد يقولك نحب سمينة تروحي تجري تسماني! شوفي أنت وش يناسبك صحيا أولا و شخصيا ثانيا.
ثالثا المسألة مش مسألة أرقام لأنو جمال جسم المرأة مش بالوزن و إنما بالتناسق لي فيه .
و أخيرا الموضوع مش ثقة هو وعي و احترام للذات لأنو بش تخلي مجموعة أشخاص يحددوا كيفاش شكلك لازم يكون هو المشكلة الحقيقة.

[ابو سليمان10]

الرجل غالبا يريدها اقصر منه ببضعة سنتمترات ..يعني صاحب 1.60متر تعجبه صاحبة 1.55 او 1.5 ..هذا هو الذوق السائد

[فافا مينوشة]

نعلي بليس راكي لاباس بيك مهم بصحتك وعقلك ميهمكش الباقي لي يحبك يحبك كيما راكي ويدا حبك على شكلك معندك ما ديري بيه

[محمد جديدي التبسي]

هذا خلق الله لازم ترضي بيه وتشكريه على نعمه الكثيرة السمع والبصر والعقل ووو
المهم تركزي على غذاء متوازن طولك عادي ووزنك ايضا مليح الواحد يكون خفيف خير من السمنة والشحوم
وديري حجاب شرعي يسترك عن أعين الرجال والأهم تقوي علمك ووعيك الديني وربي يرزقك الزوج الصالح

[النجمة القطبية]

مالا كي وليتي توجهي سؤالك للاخوة الرجال ما هو الطول والعرض اللي يعجبكم
اسمحيلي نقولك ادا كان هدا هو تفكيرك فانتي منعدمة الثقة بالنفس بل ثقتك بنفسك صفر
وبهده العقلية حتى لو كنتي مانكينا راح تبقاي دون الصفر من ناحية الشخصية
انتي الليي تفرضي روحي باحترامك وشخصيتك واناقتك وثقتك بنفسك التي لا يزعزعها بشر
انتي اللي لازم تحوسي مميزاتك وتطوريها
ماشي تسقسي الرجال مادا تريدون !!!
هام مثلا مثلا قالولك احنا نحبوا واحدة طولها 1 و 90 ووزنها معلابالش شحال
واش راح تديري !!! تجعدي روحك مثلا ولا تجحدي بعم الله
كوني عاقلة يا اختي واحمدي ربي انك سليمة ومعافات
ووزنك ممتاز اما طولك فمتوسط
اهم شئ تهتمي بنفسك وتطوري شخصيتك لان الجمال بلا شخصية معندوا حتى معنى

[رندة.]

قولي الحمد لله على الصحة. وحاولي تطوري شخصيتك. أنتبهي لأخلاقك هاذيك أهم حاجة. والي يحبك يحبك كيما راكي الآن.

[sohaibdz]

بالنسبة ليا نسبة و تناسبا مع طولك 6
59-63 kg نشوفو وزن مليح ليك

[nadir_telecom]

walah r vrément bditen7ire men les probléme ntawkoum rakoum grave walah el 3adhim

[ايمان4]

شوفي اختي علابالي راكي معقدة م الوزن و جل مل سنقوله لن يفيدك انصحك اذن ب musculation للبنات ابحثي في الانترنت عن ليلى مراد و victoria mua مثلا هذا ما حضرني الان و ستفهمين طريقة الرياضة و بغذاء متكامل ستحصلين على جسم مثالي و عليك بالستر و الله يوفقك

[زبدة ذايبة]

كيف أبدو؟؟؟؟؟؟

بالنسبة لمن؟؟؟؟؟؟

لزيد أو عمر؟؟؟؟؟؟

أحمد أو محمد؟؟؟؟؟؟

ملايين الرجال موجودين في الحياة.

ولكل واحد منهم نظرته الخاصة للمرأة

هل فيه مجال أن تجدي نموذجا واحدا لرجل واحد حتى تقنعيه بشكلك؟؟؟؟؟؟؟

لهذا

من رأيي غير حبسي التفكير فيما يفكر فيه الآخر.


لأن هذا الآخر كثير وكثير جدا.

مستخيل تلقاي قالب واحد يتفق عليه الرجال جميعا.

كل واحد عنده التصور الخاص بشريكة حياته.


لذا المشكلة ليست قياس بالأمتار أو وزن بالكيلوغرامات!!!!!!!!

الموضوع أعقد من هذا بكثير.

حاولي تركزي على ما أنت فيه من دراسة أو عمل.

وارضاي بما قسم الله لك من شكل ومن وزن وصحة. واحمدي الله على ذلك

ومايهمكش وش يحب الرجل الطويلة أو القصيرة.

النحيفة أو السمينة

البيضاء أو السمراء

مقارنات لاتنتهي أبدا

إذا خليتي هذ الباب مفتوح راكي رايحة ماتعرفيش الراحة نهائيا

إذا سمنتي قلت علاه

وإذا بقيتي رقيقة قلتي علاه.

لذا الرضى بماقسم الله يريح النفوس والعقول.

ويعطيك ثقة بنفسك وبشكلك.

وتعيشي مرتاحة ومطمئنة.

ويبقى الزواج نصيب ومكتوب قبل أن يخلقك الله بهذا الشكل الذي تتسائلين عنه.

رب يهديك لما فيه الخير والصلاح.

[ع.عيسى]

اذا كانت هذه مواصفاتك الشكلية دون مبالغة فانت افضل من نناسي عجرم الذي طولها 1.5 ووزنها 48 كلغ ، اما مسألة انك نحسين انك نحيفة فهو ناتج عن عدم الثقة في النفس ، لانه هناك رجال الذين يفضلون النحيفة على السمينة والقصيرة على الطويلة ، ولولا اختلاف الاذواق لبارت السلع .

[سَامِيَة]

يمكن أن تكوني نحيفة وأنت ادرى بحالك
وإذا ما حاولت أن تزيدي من وزنك
فافعليه من أجل نفسك
قبل أن يكون إرضاء لغيرك
بالتوفيق

[ندوشةة]

المشكل راهو كيتكوني سمينة مش نحيفة
اذا راكي بصحتك ما عندكش مساكل بسبب نحافتك أحمدي ربي ختي
ناس راهي تحوش على النحافة و الطول عادي ما هوش مشكل المشكل كي تكوني طويلة بواف

[صمت الرجوله]

لا عليك ...انت مثالية جدا في اعيننا نحن الرجال...انت بمواصفات زوجتي و وصيتها تحافظ على نفسها كما هي لاني لا احب السمنة