الى اصحاب المعجزات

[Nyna11]

قرات في موضوع الاخت halima st ان بعض من التلاميذ لم يحالفهم الحظ في للاختبارات لكنهم تفوقو في الباكالوريا فكيف كان نظام دراستهم يا ترى حتى وثلو الى النجاح فانا بدات اياس من حالي

[queen of heart]

اختي فقط إرادة وعزيمة وتوكل على الله وستصنعي المعجزات
ثقي بنفسك وقدراتك فالثقة بالنفس هي مفتاح النجاح
والله برنامج الدراسة كل واحد يدير برنامج اللي يخرج عليه ماشي اذا انا خرج عليا برنامج راح يخرج عليك نتي تاني
موفقة أي سؤال انا هنا

[queen of heart]

نتي من خنشلة !!!
ابنة ولايتي

[Nyna11]

هيه اختي نحن من نفس الولاية لكن ممكن تفيديني

[queen of heart]

بواش حابتني نفيدك اكزاكت
برنامج ولا واش حابة مافهمتكش

[Nyna11]

هيه اختي حابة بنامج يساعدني في هذا الوقت القصير

[queen of heart]

اوكي مكاش مشكل
نقلك كي ديري
ماتضغطيش روحك بزاف ابداي بلاعقل مباعد زيدي فالوتيرة بالشوي تلقاي روحك مليحة
نوضي الصباح بكري احفظي ...... احفظي العدد اللي تقدري عليه مانحددلكش درس ولا زوج وتيرة الحفظ تختالف بين شخص لاخر
كيما تروحي من المدرسة راجعي ملخص شامل لدرس مثلا حابة تقراي رياضات راجعي ملخص شامل على الدالة الاسية مثلا حلي عليها من 3 الى 5 دوال وفوتي للمجال اللي بعدو نفس الشيء راجعي ملخص وحلي تمارين
واذا مازالك ماحليتيش تماريت قاع ماعندكش لاباز تبعي فيديوات الأستاذ نور الدين تهزي المنهجية مباعد ابداي وحدك
قبل ما ترقدي راجعي واش حفظتي
ماديريش في يوم زوج مواد علمية تتخلطي بزاف هاك
كل يوم مادة علمية
هاك مع الوقت تتحسني بزاف وتلقاي روحك ماشية
واهم حاجة ماتحطيش في بالك بلي اللي حل اكبر عدد من التمارين هوا اللي يجيب كثر لااااا معلومة خاطئة المهم تفهمي واش راكي تحلي بحيث اذا كل وين تحلي تمرين قولي هذا اللي راح يجيني فالباك مام تمرين قعدتي معاه ساعة عادي المهم تفهميه مليح
توكلي على ربي وابداي
واغلقي جميع وسائل التواصل الاجتماعي وبعدي على لبنات اللي يضيعولك الوقت يوم الامتحان كيما تقعدي فوق لاطابل ويحطولك السيجي مايجيش الفيس يحللك ولا الطفلة اللي حكيتي معاها تجاوب في بلاصتك لا تجاوبي نتي بواش هزيتي من معلومات
موفقة غاليتي أي استفسار او سؤال راني هنا

[Nyna11]

شكرا لك اختي ممكن نعرف اي شعبة تقراي

[Nyna11]

و شحال كان معدلك

[queen of heart]

شعبة علوم تجريبية
معدلي 14 للأسف لكن أستاذة الادب كان عندي معاها مشاكل حطمتني فالنقاط لكن معليش الصح فالباك

[queen of heart]

ايه اذا ماعجبكش البرنامج وحابة نديرلك واحد اخر مكاش مشكل

[Nyna11]

لالا شكرا مليح اختي

[سارة بسمة نادية]

حبيت نفهم حاجة برك وش معنتها واحد يقرا بجدية؟؟كيييفاه؟واش يدير؟
انا ومنيش عارفة روحي ادا راني نقرا كيمنا يلزم الحال ولالا...معرفتش نحوس نعرف روحي كيفاه ائا راني نقرا ملييح ولالا
جاوبووني على سؤال الاول؟؟؟

[queen of heart]

تقراي بجدية = كيما تكملي قراية تكوني راضية على واش درتي
تاع كل يوم تزيدي تفهمي اكثر ماتبقايش دوري في نفس النقطة
ماتضيعيش وقتك في حوايج تافهمة
نورمالمون هاك هذي وجهة نظري والله اعلم

[وئ___ام الأمل]

نتي من خنشلة !!!
ابنة ولايتي

نفس ولايتي
اذن فنحن الحلف الثلاثي هههه

[المُعادلة الصّعبة]

انا ثاني ساره نفس التساؤل نقعد نقعد ونقول اسكو راني نقرا كيما يقراوا العباد ولا طريقتي وحدها هههه ومنبعد نقول مادامها تناسبني وتساعدني فـ حتمًا لازم نحتفظلي بيها سوا كانت كي تاع العباد ولا ماكانتش
بصح الدراسة بجدية هي لي كي تبداي تقراي ما تقربي حتى لـ مشتت لا تليفزيون لا انترنيت لا هم يحزنون القرايه وفقط
و تركزي تماما مع لي تقرايه وتحسي بلي راكي تستفيدي من القرايه تاعك ماشي تقراي خمس دقايق وتخمميلي ال55 دقيقة الباقية
و تقراي بكل رغبتك و كل قواك وماكيش حاطه والو في بالك اخر يشغلهولك
وكي تكملي تقراي تحسي صح que استفدتي من الدراسة هاذي
هاذا هو المعنى تاع الدراسة الجدية بالمختصر

[سارة بسمة نادية]

تقراي بجدية = كيما تكملي قراية تكوني راضية على واش درتي
تاع كل يوم تزيدي تفهمي اكثر ماتبقايش دوري في نفس النقطة
ماتضيعيش وقتك في حوايج تافهمة
نورمالمون هاك هذي وجهة نظري والله اعلم

انا ثاني ساره نفس التساؤل نقعد نقعد ونقول اسكو راني نقرا كيما يقراوا العباد ولا طريقتي وحدها هههه ومنبعد نقول مادامها تناسبني وتساعدني فـ حتمًا لازم نحتفظلي بيها سوا كانت كي تاع العباد ولا ماكانتش
بصح الدراسة بجدية هي لي كي تبداي تقراي ما تقربي حتى لـ مشتت لا تليفزيون لا انترنيت لا هم يحزنون القرايه وفقط
و تركزي تماما مع لي تقرايه وتحسي بلي راكي تستفيدي من القرايه تاعك ماشي تقراي خمس دقايق وتخمميلي ال55 دقيقة الباقية
و تقراي بكل رغبتك و كل قواك وماكيش حاطه والو في بالك اخر يشغلهولك
وكي تكملي تقراي تحسي صح que استفدتي من الدراسة هاذي
هاذا هو المعنى تاع الدراسة الجدية بالمختصر

انا منيش هكا والحل؟؟مع انو عندي لوقت بصح يضيييع وفي نهاري مندير وااالو

[بسمة الامل 1]

بنات حابة نسقسيكم تكتبو برنامج اسبوعي ولا لا واذا درتوه عادي تقدرو تطبقوه انا ماعلاباليش وعلاه نديرو مي نطبقو نهار ولا زوج ونحبس

[queen of heart]

نفس ولايتي
اذن فنحن الحلف الثلاثي هههه

هههههههههه معليش متشرفين معريفة خير ان شاء الله
والله فرحت مين لقيت تاع خنشلة هنا بانتلي روحي وحدي ههههه

[queen of heart]

بنات حابة نسقسيكم تكتبو برنامج اسبوعي ولا لا واذا درتوه عادي تقدرو تطبقوه انا ماعلاباليش وعلاه نديرو مي نطبقو نهار ولا زوج ونحبس

لاااااا انا شخصيا نكرهم كيما قلتي نتي نطبق يوم ولا زوج برك
نوض المادة اللي جاتني في بالي نقراها

[queen of heart]

انا منيش هكا والحل؟؟مع انو عندي لوقت بصح يضيييع وفي نهاري مندير وااالو

حاولي تبعدي على النت والله هيا اللي تضيع الوقت
جيبي ورقة وستيلو وشوفي لحوايج اللي يخليوك تضيعي الوقت ويبعدوك على لقراية وحاولي تنقصي منهم

[المُعادلة الصّعبة]

انا منيش هكا والحل؟؟مع انو عندي لوقت بصح يضيييع وفي نهاري مندير وااالو
بسيطة لازم تبدلي من روحك وتفورسي روحك لازم الله غالب
اضبطي نفسك
هكا حددي مشاكلك خير بش تعرفي وين نقاط ضعفك وتعالجيها وتبدليها

[بسمة الامل 1]

وشحال راكي تقراي ساعة تطولي ولا لا انا راني حايرة وش ندير انا نقعد ماكسيمو 3 ساعات ونفشل

[وئ___ام الأمل]

هههههههههه معليش متشرفين معريفة خير ان شاء الله
والله فرحت مين لقيت تاع خنشلة هنا بانتلي روحي وحدي ههههه

ان شاء الله
انا ثاني فرحت بزاف و الله

[queen of heart]

وشحال راكي تقراي ساعة تطولي ولا لا انا راني حايرة وش ندير انا نقعد ماكسيمو 3 ساعات ونفشل

والله يا اختي واش حابتني نقلك
انك تقعدي ساعة وحدة وتستفيدي احسن من انك تقعدي 10 سوايع وماتهزي والو

[بسمة الامل 1]

صح عندك الحق شكرا اختي هكدا شوية طمنتيني

[queen of heart]

بلا مزية
ابداي بلاعقل برك ماتفورسيش روحك طول من الأول باش ماتكرهيش وربي يجيبها فالصواب
بون كوراج

[سارة بسمة نادية]

بسيطة لازم تبدلي من روحك وتفورسي روحك لازم الله غالب
اضبطي نفسك
هكا حددي مشاكلك خير بش تعرفي وين نقاط ضعفك وتعالجيها وتبدليها

معرفتش عندي غير قراييتي
معنديش طريقة نقرا بيها منيش منظمة نقرا وانا نترعد ومقلقة.....نقرا من ...والقراية تتبخر من....ووو...وهادي الجدية جامي سمعت بيها معرفتش كيفاش نقرا بجدية؟

[المُعادلة الصّعبة]

معرفتش عندي غير قراييتي
معنديش طريقة نقرا بيها منيش منظمة نقرا وانا نترعد ومقلقة.....نقرا من ...والقراية تتبخر من....ووو...وهادي الجدية جامي سمعت بيها معرفتش كيفاش نقرا بجدية؟
هيه نتي تخافي
نحي الخوف والله هو لي هلكك ا صحبتي
اقراي عادي بأريحية و الحاجه لي مافهمتيهاش نشالله تبقاي معاها 10 سوايع المهم تفهميها
سايسي روحك وماتقوليش خلاص ما نعرفش ولا انا حابسه ابدااا واحد ما ولد يعرف رانا كامل نيفو واحد
حوسي فاليوتيوب سقسي الاساتذة ارواحي هنا فالمنتدى المهم ماتفوتي حاجه الا ونتي فهمتيها مليح
وماتبدايش ديراكت تدخلي فيها تمارين ونتي مش فاهمة الدرس ومنبعد تبداي تقولي اني مشني فاهمة مليح، لا
يجي فالمرتبه الاولى فهم الدرس جيدا ومنبعد حل التمارين من "الاسهل الى الاصعب" ماتبدايش ديراكت فالصعيب
وبالنسبه لحل التمارين ركزي مع المعطيات لي عطاهالك جيدا عادة المواد العلمية هي قوانين وتطبقيها شوفي المعطيات وتفكري القانون لي فيه هاذو المعطيات واحسبي بيه
ماتخرجيش على نطاق المعطيات والسؤال وتبدااي تخلطي من راسك -عذرا-
اتمنى افدتك سارة بالعقل برك نحي القلق والتوتر هو لي يهلكك ولله
حلي الرياضيات والفيزيا على انهم حاجه ممتعه تتسلاي بيها هاذي نفعتني بزاف استمتعي بيهم ماتنسايش راكي رياضيه حبي المواد لي تقراي فيهم على قد ما تقدري :19:
اتمنى اافدتك بالتوفيق

[Nyna11]

لا اعرف ماذا اقول لكن ليست الدراسة بالوقت لانو كاين ناس مايرقدوش ومانجحوش فالباك حتى ولو كانو قرايين لازم تقراي بذكاء مش بجهد المهم حنا نديرو ليعلينا والباقي على ربي وفرت انا صراحة سلمت امري لله
شكرا لكم اخوتي الخنشليات على الدعم هههه

[سارة بسمة نادية]

لا اعرف ماذا اقول لكن ليست الدراسة بالوقت لانو كاين ناس مايرقدوش ومانجحوش فالباك حتى ولو كانو قرايين لازم تقراي بذكاء مش بجهد المهم حنا نديرو ليعلينا والباقي على ربي وفرت انا صراحة سلمت امري لله
شكرا لكم اخوتي الخنشليات على الدعم هههه

سلام
انا منعرفش وش معنتها القراية بدكاء وليس بجهد منعرفش؟؟؟
نقرااا بدون فاىدة لي نقراها تتبخر والنتيجة غير مرضية .....

[lotus flower]

:confused::confused:انا دايمن كي نجي نقرا ولا نحل تمارين لازم لازم نعاود نقر درس من دارة و جديد وفي لخر ما نفهم ولا نحل تمارين
عاونوني

[احمد فؤاد0]

سلمت يمناك على الموضوع المفيد4

[احمد فؤاد0]

سلمت يمناك على الموضوع المفيد.. سلمت يمناك على الموضوع المفيد

[احمد فؤاد0]

سلمت يمناك على الموضوع المفيد-

[Nyna11]

سلمت يمناك على الموضوع المفيد.. سلمت يمناك على الموضوع المفيد

الشكر على اقتراحاتكم ونصائحكم المفيدة

[Nyna11]

سلام
انا منعرفش وش معنتها القراية بدكاء وليس بجهد منعرفش؟؟؟
نقرااا بدون فاىدة لي نقراها تتبخر والنتيجة غير مرضية .....

ماتياسيش لهاذ الدرجة تبانلك برك المعلوماا اي في راسك وقت لي تحتاجيها تجيك حتى انا نحس مخي فارغ كانو تعابي وقرايتي كل يروحو فالفيد لكن لازم ندير لي عليا ونكمل في هذا الطريق حتى ولو كان مصيري الفشل