تعبت ... اريد حل ...

[مشكلتي]

السلام عليكم ...
انا فتاة عمري 20 سنة ... نقرا سنة ثالثة بيطرة في الجامعة . متوسطة الجمال .. المهم في اول سنة لي درسني استاذ شاب صغير ... كان يعجبني في بداية الامر من ناحية الجمال و الاخلاق و كلش ... بصح جامي بينتلو اي حاجة ... كانو ديما البنات يهدرو عليه و يقولو بلي هو انسان ماشي مليح و يلعب بالبنات ...
المهم هذا العام شاءت الاقدار انو يزيد يقريني .... صدقوني زاد ولا يعجبني اكثر ... الوقت كامل نخمم فيه ... اخر ايام سحقيت عندو حاجة بعتلو ميساج فال فيس بوك و جاوبني وهدرنا شوية و عرف شكون انا ... المهم البارح زدت هدرت معاه قالي انا تعجبيني من زمان و مقتلكش و انا حاب نكون معاك ... قالي بصح لازم حتى واحد ما يعرف بلي كاين حاجة بيناتنا حتى نولو فالحلال ... معرفتش نجاوبو و مقتلو والو الى هذه اللحظة ... مازلني خايفة و حايرة واش ندير ... هو يبانلي مليح بصح الهدرة لي نسمعها عليه ديما تقلقني ...
عاونوني باي فكرة و شكرا

[مصطفى_س]

السلام عليكم

احذري ثم احذري ثم احذري و اقطعي علاقتك به و عامليه معاملة التلميذ للاستاذ
انه يحاول استدراجك و من ارادك يأتي الى البيت و خير دليل قوله لا يعلم بعلاقتكما احد
توبي الى الله و الزواج مكتوب سيأتي دورك باذن الله لا تتسرعي و انتبهي الى دراستك

اقطعي علاقتك به اذا كنت تريدين ان تعيشي معيشة هنية

احذري فالذئاب كثيرة في وقتنا

[خالد عنابي]

اخبريه ان ياتي ويخطب والى ذلك الحين مايكون والو بيناتكم .

[محمد جديدي التبسي]

كارثة هذا الاختلاط انت رايحة تقراي ولا تتزوجي؟؟
حل تقوليلو يجي يخطب او قصي عليك مالحكايات الفارغة
ولازم تتأكدي من اخلاقو ان كان تاع علاقات ولعب مع لبنات كما يشاع عنه
ربي يهديكم

[جَمِيلَة]

وعليكم السلام ورحمة الله وبركاته
مرحبا أختي السائلة
تسألين ما الحل؟ أجيبك بأن الحل موجود في العفّة،
صوني نفسك يا أختي فالأمر واضح نحن في زمن لم يعد يخفى فيه شيء على أحد
الكل يعلم أن هذه الطريقة محفوفة بالمخاطر ونهايتها مخزية
كما أن طريقته هذه مريبة اسألي نفسك: لماذا يريد علاقة سرية إذا كان هدفه الزواج بك؟
أنت لن ستستفيدي شيئا بحديثك معه في موقع التواصل
فلا تضيعي شرفك والسنين التي قضيتها في الحفاظ على سمعتك من أجل لا شيء.
في مسألة الزواج لا تتدخّلي أبدا:
أرادك شخص ما= يسأل عنك+ يعرف بيتك+ يتكلم مع أبيك+ يحدد موعدا+ يأتي لبيتكم. انتهى
هذه هي السيرورة الطّبيعية بل والضرورية في وقتنا الذي اختلطت فيه الأمور،
وهو الأسلوب الذي يبين مدى جدّية الرجل ومدى صدق نواياه.
فلا تتعدي على سلطة وليّك وادخلي في حمايته، ولا تتجرأي على إعطاء وعد مسبق لأي كان دون علمه.
فإذا أردت أن تجيبيه أخبريه بأن يقصد أباك ويطلبك منه مثلما يقول الشرع واقطعي اتصالك به نهائيا.
أسأل الله عز وجل أن يسترك ويشرح صدرك لاتخاذ القرار الصحيح

[خالد عنابي]

حتى لا نسيئ الظن السائلة في الموضوع هي المبادرة بالحديث معه
والسرية ممكن سببها انه استاذها في الجامعة ولا يريد ان تكون هناك اقاويل لو خرجت علاقتهما للعلن
هذا ويبقى الاحتياط واجب

[المكارم]

منذ سنتين وأنت تتدرجين نزولا من سُلّم الضعف
وها أنت اجتزت آخر درجة من درجات السُّلّم وتريدين فتح باب التيه والضياع في حياتك المستقبلية
أحسن ما فعلت هو أنك كتبت مشكلتك هنا لأخذ الرأي والمشورة ، أناشدك في الله أن تنزعي عن عينيك
غشاوة العاطفة المزيفة وتأخذي آراءنا ونصائحنا على محمل الجد وتعملين بها ...
أغبى تلميذ في الطور الإبتدائي سيفهم الغرض الدنيء ل( الأستاذ ) من خلال كلامه معك في الفيسبوك
اركلي العاطفة بعيدا واستحضري عقلك قبل فوات الآوان
ربي يحفظك من كيد شياطين الإنس والجن

[أم رقية نسرين]

سلام ختي
العاطفة هي لي راهي تهدر فيه خمي بعقلك تلقاي الحل
واش يعطل توليو دركا في الحلال لي ناوي الحلال يجي طول من الباب لا فيسبوك لاهدرة لا والو
ربي يقدمك للخير

[um hajar]

احذري ثم احذري ثم احذري
الي يحوس عالحلال يدخل من الباب مشي من الفايسبوك

[الأصيــل]

تعبت ؟؟
ما الذي أتعبك ؟
اجتهادك في الدراسة ؟ المحافظة على صمعة اهلك ؟ المحافظة عللى شرفك ؟ أتعبك خوفك من الله ؟ اتعبك كيف تقيمين علاقة سرية دون خسائر ؟
أتعبك جماله وشكله ؟؟ انتي اصلا متوسطة الجمال فأكيد لن يتزوجك مهما قدمتي له .. ومهما كان كلامه معسول فهو سيستغلك فترة إلى حين يجد الجميلة مثله ..
تحاولين الرهان على كسب قلبه والزواج منه لو لبيتي رغباته ؟
بالعكس بعد ما يلطخ شرفك سيرميك حتما فلن يأخذ فتاة فرطت في شرفها وعرضها ..
لن أنصحك ... فإجاباتك على اسئلتي كافية
كلمة أخيرة .. بئس التعليم الذي يجعل من الطالبة سلعة ومن الاستاذ زبون .

[فافا مينوشة]

كي بعثتيلو انتي جاوبك هكدا يسما راه ذئب هدا يستغل منصبو كاستاذ يا ما تحت سواهي دواهي وانتي راكي صغيرة ومواليك بعتوك تقراي مشي تتمعشقي ومكاش دخان بلا نار لوكان مشافوهش ناس يلعب بالبنات ميهدروش ستغل ربما او اغتر بمميزات فيه كملي قرايتك وحوسي على خدمة تنفعك ومبعد يفرج عليك ربي بزواج مازالكي صغيرة واشبيكم غي لي تفقس مي البيضة تقولك نتزوج بعقلكم في بالكم زواج ساهل ورمي عليك هاد الانسان راه يستغل فيك متكونيش ساذجة راني ننصح فيك كاختي الصغيرة راهي بمتل سنك ربحت الباك وخطبها ميقري من لافامي مكملتش قرايتها وتزوجت وراهي في كندا مشربها المرار ندمت نهار لي مكملتش قرايتها

[هـــدوء]

ممم عزيزتي الراجل قوليلو صباح الخير برك يقولك نموت عليك

غلطتي عزيزتي كي بادرتي نتي بالخطوة و حكيتي معاه من باب العلم "زعما" ماكنتيش قادرة تسقسيه و هو في القسم لازم يعني تسقسيه عبر الفايسبوك الشخصي له ؟ هاكي سقسيتيه و جاوبك علاه تكثري في الهدرة و تقوليلو شكون و يعرفك و تعرفيه طالما غرضك الجواب على السؤال و فقط و هو كأستاذ مهمتو يجاوبك برك علاه يحوس شكون نتي ؟

نتوما من لول فاهمين بعض نتي مديتي عذر لنفسك تحكي معاه بداعي السؤال و هو مد عذر لنفسو بداعي جوابو على السؤال . لكن في سريرتكما الاثنين الغرض واحد و هو مختلف عن ماسبق ذكره.

الخلاصة عزيزتي في الجامعة أنت طالبة و هو أستاذ أي علاقة أخرى خارج إطار الزواج راح تخليك علكة في فم الناس . و تهناي السيد ماهو ناوي حلال ماهو تع زواج .لقى طالبة ساذجة ماحطتش حدود في كلامها معه يستغلها بكل الطرق و هي تضحك.

ماتزيديش تحكي معاه و التاي بقرايتك . راهي حرم جامعي مش وكالة لتزويج الشباب.