فِـــد و استَـفـد~

[أمنية تنتظر التحقق]

السلام1
.
.
.
نتيجة لما أعانيه من سوء تنظيم للوقت #منوعة26-وأعلم أن الكثير مثلي:D- ارتأيت أن أطرح في موضوعي هذا نقطة مهمة ;)...
ما برنامجكم اليومي للدراسة ؟ كيف ؟، ماذا؟ ومتى تدرسون؟ ... :confused: ...
فليشاركنا كل منكم عن تجربته حتى تتسنى لنا الإستفادة من كل واحد قصد تدارك أخطائنا والسعي نحو الأفضل بإذن الله #الاول

الخاتمة1

[pérah tova]

ننصحك ماتتقيديش ببرنامج الغير ديري برنامجك بنفسك نوعي ماشي غير مواد علمية برك دخلي معاهم مادة حفففظ
وخاااصة الحفظ
او الشهر الاخير تندمي ندامة يخرجوا مقترحاات و اللخ تهبليي ميكفيكش الوقت
كيما نقلوها تتخلطلك
امشي بوتيرة نورماال نبعدا زيدي
المهم كل يوم مادة حفظ ما تقولي السمانة الجاية ما والوا يعنسي ماتكتفيش برك بحفظ الدروس
اكيد تكون كاينة اسئلة خارج الدرس خخخ
وين تلقاي روحك ناقصة حلي كثري من تمارين
ماشي يعني اعضاء المنتدى ينصحوا بسلسلة معينة ماشي تحليها هي برك و تقولي صااي لاا
شايفة روحك مافهمتيششش زيدي حتى تخلصي يعني
ماتفوتيش وحدة حتى تكوني فهمتي ملييح
بالتوفيقق

[سُـــمَـــيَّـــه]

بدووون كذب نقولك واش ندير تفصيل بتفصيل
نبدا الاسبوع نهار الأحد عندي TP نتبع الدرس موراها نجي للدار نفطر و نروح نقرا و الحشية نصلي و نرتاح شوية قيس الـ 6 ولا أكثر نحل الـ pc نطل على المنتدى و نجهز الدروس الجايين تاع المواد و نرقد للغدوة قرايا و الحشية نراجع مراجعة خفيفة و نوجد الدروس و نحل تمرين
الثلاثاء نفس القرايا و الحشية عندي دعم في الليسي رياضيات نروح نقرا و مين نجي نعاود نحل التمارين اللي درناهم
الاربعاء تاني قرايا و مراجعة خفيفة
الخميس هو الصح صحا الصباح نقرا و الحشية نريح شوية نبدا القراية على 9 نحل سلاسل مصطفاي في الرياضيات و نحل تمارين في الفيزياء و نراجع العلوم و نسهر حتى للوحدة أو الزوج
الجمعة نصبح في دارنا ندير شغل الدار و نخرج نحوس شوية و فالليل نحفظ اجتماعيات و شريعة
السبت عندي مشارجي بالدعم فيزياء و رياضيات و الحشية نراجع شوية و نعاود نحل تمارين و نوجد صوالحي تاع غدوة و نرقد
روتين مي معليش في سبيل الباك
وفقك الله

[أمنية تنتظر التحقق]

ننصحك ماتتقيديش ببرنامج الغير ديري برنامجك بنفسك نوعي ماشي غير مواد علمية برك دخلي معاهم مادة حفففظ
وخاااصة الحفظ
او الشهر الاخير تندمي ندامة يخرجوا مقترحاات و اللخ تهبليي ميكفيكش الوقت
كيما نقلوها تتخلطلك
امشي بوتيرة نورماال نبعدا زيدي
المهم كل يوم مادة حفظ ما تقولي السمانة الجاية ما والوا يعنسي ماتكتفيش برك بحفظ الدروس
اكيد تكون كاينة اسئلة خارج الدرس خخخ
وين تلقاي روحك ناقصة حلي كثري من تمارين
ماشي يعني اعضاء المنتدى ينصحوا بسلسلة معينة ماشي تحليها هي برك و تقولي صااي لاا
شايفة روحك مافهمتيششش زيدي حتى تخلصي يعني
ماتفوتيش وحدة حتى تكوني فهمتي ملييح
بالتوفيقق

شكراا غاليتي...
ان شاء الله نسيي الماكسيمون نريقل روحي قبل ما يفوت الوقت .. نصائحك قيمة سلمتِ وأعانكِ الله:19:

[〆 بٰٰاولو 乄]

أناا ماعندي حتى بروقرام نتبع بيه
كي تنفحلي نقراا

++ بالتوفيق ^^

[" شاهير خان "]

السلام عليكم .
باختصار المختصر لا احب المقدمات
انا دائما كل يوم ننوض 6 نخصص ساعه ونصف يعني من 6 حتى 7.3 نحفض مرة تاريخ وجغرافيا مرا علوم شرعيه
ومساء ذاك اليوم كي نخرج نبدا حتى 6 نتاع الحشيه عندي ثلاث سوايع نقرا ماده علميه من 6 حتى 9
ومن 9 حتى 10.3 ماده ادبيه كل يوم هاكا
مثلا ادا الاحد درت رياضيات وادب عربي الاثنين فيزياء وفلسفه وهاكا انا مرتبهم ومعين المواد يمكن نغير اذا حسيت لازم نغير
كل يوم هاكا اما الثلاثاء والجمعه والسبت ندرس مادتين علميتين وماده ادبيه مثلا الثلاثاء
نخرج 12 اوك من 2.5 حتى 5.5 ماده علميه ومن 6 حتى 9 ماده علميه ومن 9 حتى 10.3 ماده ادبيه
وكل يوم الصباح على 6 حتى 7.3 يعني ساعه ونصف ونحفظ اللي نقدر م نضغطش على روحي
برك
وتاني كاين اضافات مثلا الجمعه ف الليل نزيد نقصر شوي مثلا م نرقدش 10.3 حتى 11 وهاكا
مع السلامه
-
وكان مشي دروس الدعم ندير 3 مواد نهار الجمعه والسبت قصدي 3 مواد علميه مي الله غالب
الجمعه نقرا من 8 حتى 12 والسبت من 1.3 حتى 4.3