سلسة عقبة الباكالوريا 2018 العقبة رقم 5 النسيان بعد الحفظ والمراجعة مهم

[yy95-Mecanique]

السلام عليكم ورحمة الله وبركاته

اخواني ارجو منكم قبل كل شيى ان تدعوا لي بظهر الغيب فانا على هامش اعادة السنة هاذا العام بقيت فرصة واحدة فقط فارجوا ن تدعوا لي كل من يقرا الموضوع في ظهر الغيب ليس ضروري ان تترك تعليق

النسيااااا ن مشكلة الجميع المشكلة التي ترهب الجميع وخاصة من هم في طريق التميز يعني لي يحاولوا يتحصلو على 16 في الباك وكانو يديو 12 11 ارجو ان اقول لكم هادا امر طبيعي جدا ولا تقل بان الخطا يوجد في ظاكرتك مهما كانت ضعيفة ان شاء الله تستطيع ان تجتاز بها هاته الامتحانات التوافه مثل الباك وامتحانات الجامعة ماراناش نقولو استعمل الداكلرة باش تخترع نظرية صح هاديك بالاك صعيبة بصح توافه كيما هادو بسهولة تامة تقضوا عليم بداكتركم لي راكم بيها درك صح كاين عيباد من صغر وهوما يحفظوا حتى تعودت الداكرة تاعهم لكن هناك طرق اخرى تعوضك عما فات بنسبة 80/100 المهم ندخل في صلب المووضع

اولا قبل كل شيى والله ثم والله قادر ديرو هاد الطريقة و قاع طرق او متنجحوش لانها سبب فقط ف اول الدعاء دعاء الله بعدم النسيان و ب التوفيق ثم نتسبب ب



1/ التكرار ليست طريقة جيدة ابدا يعني يجب ان تكرر صحيح لكن الفهم افضل بكثير ولكن الفهم وحده لن يفيد مادا يجب يجب المراجعة ادا لنضع بعض الطرق كي نثبت ما نقوم بحفظه لنه صحيح راح تحل 2 تمارين الان باينة بلي على 7 ايام راح تنساهم شوف شحال من معلومة جديدية راك زدت دخلتها لكن لو كنت دكي قليلا ان شاء الله لن تنساهم اقدك لكم السر





----- طبقوها في جميع المواد الحفظ او العلمية او .. غير الفلسفة خاطيني انا درت تحليل النص وهادا واش ننصح بيه لانه ماياخد الوقت ويخرجك سالامات ب 10/20 ولا 12 مليحة خير ماتضيع وقتك كااااامل وتدي 5/20




المهم مثلا حلينا 2 تمارين رياضيات اليوم - الاحد- ممتاز راك تحل نقولو استغرقت 1 ساعة غير تكمل متغلقش وتروح لالا دير رافاي 5 دقاقيق او عاوج اقرا واش كتبت اقرا برك متحوسش تتفكر ولا تفهم

الاتنين نوض صباح حلينا 2 تمارين 5 دقايق اخرى زيد اقرا 2 تمارين بسرعة


الخميس حلينا 2 تمارين 5 دقائق اخرى وزيد اقرى

الجمعة واش دير تقوم ب جمع كل تمارين الرياضيات وير 1ساعة وتعاود تحلهم راح يكفيك الوقت وعلى الاكثر تستغرق 1.30 ساعة او 2 لكن تصبح حاقظهم


تكمل الاسبوع 2 كيما الاول ثم

يوم السبت للاسبوع التالت متحلش 2 تمارين جدد لالا تقوم بجمع كل تماريبن السابقة تاع الاسبوعين لي فاتو وتاخد 4 سوايع وتحله قاع

باذن الله طبقوا هاد الطريقة وردولي بلخبر صدقا طريقة سهلة 5 دقايق وتبقى حافظ وتولي تمارين تلعب بيهم لععععب





المهم طبقوها في كل مواد وباينة كل واحد على حساب جدول الدراسة ديالو انا مديت متال ب السبت المهم تفهم الطريقة وتديرها ورجعولي بلخبر وشكراااا

[Unstoppable.]

لا أحبذ هذه الطريقة و كأنك تنصحنا بحفظ التمارين بينما في الواقع فان الفهم الجيد للدرس يغنيك عن هذا و يجعلك تتأقلم مع جميع أنواع التمارين
ثانيا بخصوص الفلسفة, ربما انت قد ترضى ب 10 او 11 و تدعي انها مادة تضيع الوقت و في الواقع فان فهم الدرس و حفظ الأقوال و ضبط المفاهيم و تطبيق المنهجية ستضمن لك علامة ممتازة قد تصل الى 20/20
في الختام ادعو الله ان يوفقك في امتحاناتك اخي :19:

[yy95-Mecanique]

لا أحبذ هذه الطريقة و كأنك تنصحنا بحفظ التمارين بينما في الواقع فان الفهم الجيد للدرس يغنيك عن هذا و يجعلك تتأقلم مع جميع أنواع التمارين
ثانيا بخصوص الفلسفة, ربما انت قد ترضى ب 10 او 11 و تدعي انها مادة تضيع الوقت و في الواقع فان فهم الدرس و حفظ الأقوال و ضبط المفاهيم و تطبيق المنهجية ستضمن لك علامة ممتازة قد تصل الى 20/20
في الختام ادعو الله ان يوفقك في امتحاناتك اخي :19:


شكرا لك اخي فقط نصيحة قد لا تستوعبها الان اكن عند دراستك في الجامعة ستفهم اكثر ولا انا لا اقول احفظ فقط كي تتذكر الطريقة العلوم ولا رياضيات ولا فيزياء مراحش تحل تمرين خطرة وتبقى شافي عليه هادي حاجة

تانيا ارجو ان تفهم و كما قلت ربما لن تستوعبها الان لكن العوام القادمة ان تفوقت ودهبت لجامعة او مدرسة عليا ستفهم ما اقول وتدكر اخي الباك 95*100 حفيظة

الرياضيات حفيظة الفيزياء حفيظة العلوم حفيظة غير الفرنسة والانجليزية لي 40 /100 راح تكون فهم وال 60/100 الباقي حفيظة

اما الفلسفة ف نعم صحيح قد اخطات انا لاني لا احبها اصلا هههههههههه ف عندك الحق مالزمش ترضى ب 10

او اؤيد ان اقولها مرة اخرى بعبارة مختصرة الباك تاعنا = حفيظة 95/100 تسما لي يحفظ بلا ميفهم يقدر يدي حتى 15 المعدل مارني نزيد عليها ما والو عشنا وشفنا و كيما قلت كي تكلع للجامعة مليحة ولا مدرسة عليا تفهم بزاف عفايس وتفهم لتم الفرق بين الفهامة والحفيظة متزعفش عليا

شكراا اخويا وربي يوفقك ان شاء الله وينجحك