المساعد الشخصي الرقمي

مشاهدة النسخة كاملة : جماعة المدرسة التطبيقة للهندسة-بجاية- دفعة 20/01/2018 مازلتو هنا !!!

naim49
2018-01-16, 14:42
لي مشا دفعات لي قبل يقلنا الاوضاع كفاه شحال تهزالكازيرنا وعدد لي حكموهم ولي ماحكموهمش واش تدي معاك حويج اساسية وحال تدي معاك المصروف علما اني مدخن
naim49
2018-01-16, 15:57
khawti ch7al na9der ndir routar rani 7ab namchi le 25/1/2018
naim49
2018-01-16, 19:47
khawti ch7al na9der ndir routar rani 7ab namchi le 25/1/2018
naim49
2018-01-16, 20:56
:confused: بديت نحس بلي رايح للكازيرنا وحدي
جاهز
2018-01-17, 11:47
هههه مراكش وحدك مي انظن تاع بجاية بلاك كامل راحوا في 15 البلاصة مليحة ما يريسكوش بلاك من الاخير يعطوهم سورسي ومن بعد يرسلوهم لصحرى والله اعلم
انا رايح للحراش نهار الاحد الجاي ان شاء الله ولي ليها ليها سديقي
جاهز
2018-01-17, 11:52
مدة التاخير كما يقول الجميع وياكدوا انها حتي اخر يوم وهو 28 جانفي يوم غلق الباب والله اعلم ولكن احنا ما رحناش من قبل تبقى في قلبك حاجة تقول بلي راك غالط من نهار الاول على هذا انا نروح 21 ان شاء الله خير الامور اوسطها بلاك نندم عليها كما يقولوا بلاك تكون في الصواب
جاهز
2018-01-17, 13:02
سديقي عندي 2 خاوتي جوزو لارمي ولكن كي نسقسيهم قاع ما يفهمونيش مليح
الاحتياط واجب وعلابالي من بعد قاع نضحكوا على ارواحنا بلاك عطينا القضية اكثر من حقها
المهم من ناحية المصروف ادي معاك قد ما تقدر ما تنزلش تحت المليار ههه كما يقولوا باش تاكل ؟؟
حاول ديما دراهمك تكون معاك (عند الطبيب ما علاباليش كفاه تكون معاك ؟؟؟) المهم ديما معاك

صحا واش تدي حوايج هنا نقولك اذا دخلت وفي يوم او يومين لبست ولا سرحوك بسورسي ولا عفاو عليك ان شاء الله هنا اي حاجة تديها معاك مش مشكل ولكن اذا طولت ما لبست وتكركرت الايام راح الكابا تاعك تولي 'عالا' عليك وتتمنى لوكان جبتها فارغة ولا ما جبتهاش قاع كما قالي واحد اتحب تسمح فيها باسكوا ديما رافدها معاك والله اعلم والجميع يقولوا ما تجيبش حوايج بزاف وعلى هذا انا نقولك واش رايج ندي معايا واغلبها على جال البرد:
اللبسة لي تروح بيها 'على اساس راك لابس من كل حاجة بياسة' زيدلها بدلة رياضية هاذي لها دورين فقط والثالث يرجع ليك الاول باش تبدل بينها وبين اللبسة لي جيت بيها واذا الايام طولت وانتا اذا كما انا شخص متعرق بزاف ودوش كما في الحراش مثلا مرة في الاسبوع للسيفيل تحتاجها هنا الثاني بلاك تلبسها بعد السطاج يمكن تزيد في لاطاي ولا تنقص اذا خرجت سورسي ولا اعفاء كاين لي نقص 9 كيلوا في ايام الانتظار الثالث اذا ترقد بيها وهنا الله اعلم يقولوا كلشي بالكومبا هاذي البدلة الرياضية اذا شفت انوا ما تحتاجهاش ما تديهاش قاع
زيدلها ملابس داخلية 2 من كل حاجة على اساس راك لابس بياسة من كل نوع وكثر من السفلية زيدلها تقاشر هنا ادي معاك نوع يكون خشين وطويل باه تلبسوا مع الرونجاس وللحماية من البق واكدلي على البق فيها فيها وادي معاك واحد رقيق وطويل ثاني احتمال الرونجاس ضيق كاين صديق لبسوا بلاتقاشر وطاب رجلوا هاذي بشوف العين هاذي هي الالبسة ولوكان تلاحظ راك تروح لابسهم قاع بياسة بياسة الباقي احتياط

الاكسيسوارات كما سميتهم : الفوطة +الدرا (الغطاء الصيفي لعمله العادي والحاجة الوحيدة لي تكون متاكد انوا ما فيهاش البق 'ترولا' فيه هههه وارقد مهني ههه)+البليغة ولا بشماق هاذي من الاساسيات+القندورة+الصلاية+(كاس حديد+ملعقة) هاذوا يعطولك هوما ولكن تحاسب بيهم من بعد +مقص اظافر هذا لازم وخبيه مليح لانوا ممنوع+ هاتفين واحد ادفعوا ولاخر خبيه مليح + الدواء تاع الراس وتاع الكرش سميكتا

الاكل ادي معاك كاش قاطوا ادا خلاوك تدخل بيه ومن الاحسن قبل ما تدخل تتغدى واشبع مليح لانوا في العديد من الثكنات تكون مش مبروغرامي في الغدى+ بما انك مدخن ادي معاك

الصاكتواليت: فيها من كل حاجة 2 وكثر ادوات حلاقة جوطابل احسن ممنوع ادوات حادة

لكسر الروتين تحتاج كتاب للمطالعة او القرآن الكريم احسن كل هادوم في كابة متوسطة الحجم تذكر اذا طالت الايام مهما كان حجمها ولا لي فيها ستتمنى لو انها ليست معك وتحب تسمح فيها


قبل الذهاب حاول تقضي اكثر وقت مع الاهل والاصدقاء وانتا تعرف كل هذا والله اعلم

وزيدني ونزيدك

سلاام
naim49
2018-01-17, 14:30
يعطيك الصخة خويا
naim49
2018-01-17, 14:32
جماعة بجاية مالا راحو كامل ف 15 نتمني لي راح وطلقوه يحكينا شويا
naim49
2018-01-17, 14:34
وبارك الله فيك خويا جاهز .......وحكاية البق هاذي وحدها هههههههههههه انا عندبالي نقارض
جاهز
2018-01-17, 22:21
بلا مزية اخي

اما البق السيد لقلتلك لبس الرونجاس بلا تقاشر ورالي لي طراس تاع البق كي شغل كية تاع دخاك اك شايف
واما واحد اخر كلاه البق ويحسبوا ناموس وغفل عليه رجلوا قريب خمجت وسلكلها كي رسلوه لدارهم يداوي


نسيت باش نقولك ادي معاك صاشية صابون باه تغسل حوايجك كاين ثكنات يمدولهم ولكن صاشية صغيرة احتياطا
+ ربع متر تاع سلسلة وكادنة للخزانة قالك اغلبهم مكسرين