ما رأيكم في هذه الطريقة الجديدة في سلب الأموال ؟ ............ زُخْرُفَةٌ

[zokhrofa]

السلام عليكم و رحمة الله و بركاته

اليوم وصلتني رسالة قصيرة تقول و يقول صاحبها :

"salut wache raki sava hambouk jadati rahi barya dir opiration w rana lmoulha fi drahme la tkedri t3awnina rabi yjazik hada hewa nimirou cc12887...2cle.."

وهذه المرة الثانية التي تصلني رسالة مثل هذه

المرة لشخص اسمه فايزة و هذه المرة فطيمة

و الاثنان عن مساعدة مالية


هل تضنون انّها صدفة ؟

ام انطلقت طريقة جديدة لسلب الأموال ؟

[kacimo.samy]

السلام عليكم
تطور ملحوظ او تخلف ؟؟
حتى سرقة متخلفين فيها؟؟
لكن تصلح مع مجتمعنا
المهم في وقتنا الحالي كل شئ ممكن بلاك سرقة وهو احتمال الذي ارجحه

[النجمة القطبية]

بل صادفت اعجب من دلك اختي زخرفة
قبل اشهر ربما اكثر كنت انا وزوجي في العاصمة وسط المهم نزل هو يشتري بعض الاشياء وبقيت انا وحدي في السيارة وكانت النافدة من ناحيته مفتوحة
بعد دقائق جاءت الي امراة في حوالي بداية الاربعين ربما اقل تبدوا في افضل حال
لما رايتها لاول وهلة اعتقدت انها موظفة في شركة او ما شابه فهي امراة بيضاء طويلة تلبس ملابس كلاسيكية بشعر ملون بخصل وقصة خاصة واضح انها تولي اهتماما بنفسها وتصرف على شعرها ما لا يقل عن الالاف الدينارات حتى تجعله بهدا المظهر
وجهها مطلي بالاصباغ تحمل حقيبة المهم من يراها لا يشك في كونها موظفة ومن الطبقة الميسورة هدا ما يوحي به مظهرها !
فلما تقدمت نحوي استغربت مادا تريد مني
انزلت وجهها عند النافدة وقالت لي من فضلك اختي ادا ممكن مساعدة ! تقصد مساعدة مادية بالطبع
بصراحة تسمرت في مكاني وبقيت في حالة من الاندهاش
ما تصرفه المراة على مظهرها يكلف بنتها وبنت بنتها !
والحالة الثانية صادفتها في يوم من الايام وانا خارجة من المستشفى فجاة استوقفتني فتاة في مقتبل العمر حوالي 20 سنة زرقاء العينين ملونة الشعر
بارعة الجمال مزينة بمختلف الزخارف :1: ما علينا
المهم اقتربت مني وتقولي انا فتاة من تيزي وزوا ولا ادري زعما جات عند خالها وعمها او لا اعلم وملقاتوش ومعندهاش باش ترجع
المطلوب ثمن تدكرة القطار
ولما سالتها عن الثمن قاتلي حوالي 300 دينار
وقاتلي تعرفي بنت مثلي ادا بقات في الشارع واش يصرالها !
كنت متاكدة انها كادبة ولم يكن لدي شك انها مخادعة الا بنسبة 1 بالمئة
ثم قلت في نفسي مادا لو كان هناك احتمال ولو ضئيل تكون صادقة وانا كنت قادرة نساعدها
قلتلها انا نمدلك بصح لو كنتي مخادعة بيناتنا ربي سبحانوا
قاتلي موافقة وكنت عارفة انها كادبة لكن لا يهم خليها يمكن تتكاكا وتفيق لعمرها
ما علينا المهم ايام بعدها تحكيلي زميلتي عن فتاة بنفس المواصفات وطلبت منها نفس الطلب وحكاتلها نفس الحكاية !
المهم جلب المال باي وسيلة
معلاباليش واش صرا للبعض اختي زخرفة باعوا ضمائرهم وغرقوا في الطمع
مناظر تتكرر يوميا لشباب يستوقفوك في الطريق لتجربة عطر حتى لو شافوا زوج مع زوجته !
ناس تطرق باب بيتك تعرض عليك سلع مغشوشة !
او حتى تدعي انها عروسة وعرسها قريب محتاجة مساعدة
البعض يدعي انه سوري او لا ادري
وما خفي اعظم
ما الدي يحدث فيك يا بلادي

[zokhrofa]

فكرتيني في عرسي راه قريب

تذكرين عندما وضعت في قسم الدردشة فتاة من تيبازة او لا اذكر بالضبط بالحاجة الى مساعدة

علابالك كيفاش حتى حطيتها ؟

كنت ندور في واد كنيس لقيتها حاطة اعلان انا محتاجة لي يعاوني و عرسي قريب

كتبتلها رسالة و بدات تهدر معايا بديت نقوللها انا عندي بزاف حاجات ما عندي ما ندير بيهم و لبستهم ل 15 دقيقة او اقل لا أكثر اذا حبيتي نعطيهملك

بدات تقولي لالا و انا ما نلبسش قدك للأسف انا كنت نهدر من نيتي كنت انا قلتلها شحال نلبس ههههه و من المفروض انا نسقسيها شحال تلبس اولا كان جيت نعرف بلي كاين هذا النوع من الخداع
المهم قاعدة تحكي تحكي من بعد اقتنعت انها خايفة و حابة دراهم في الحساب البريدي

ما نعرف واش كان خاذيني هذاك النهار ما توسوست ما والو غاضتني بزاف

المهم قلتلها شوفي انا نقدر نعاوند ابعثيلي رقم الحساب و ضرك نحط في منتدى يعرفوني فيه البنات و ربما نلقى شكون يعاونك و نبعثولك مبلغ ديري بيه عرسك

بعدها ما نعرف بيوم او بيومين فقت مع روحي ههههههههههههههه يعني استيقضت من السُبات

ربي يهديهم و ثرنتها راهي la mode و أنا لا خبر


شوفي المشكل في الجزائريين انهم ما عادوش يامنو بأصبر تنال

علابيها ولاو يستعملو اي طريقة تسهل الحصول على الاموال

و نساو مقولة دراهم الحرام تروح فالظلام

[لؤلؤة تلمسان]

السلام عليك

شكرا اخية لتطرقك لهدا الامر

فعلا أصبحت هناك طرق شتى لجلب المال او بالأحرى المهم جلب المال ، الله يهدينا ويكاكينا للصواااب هدا ما نقولو

انا يوميا تغيضني كي نشوف بنت في مقتبل عمرها لابسة لثام او نقاب صغير او عجار المهم تخفي شيء من وجهها وتجلس بالطريق على قطعة كرتون وتمد يدها ، يا بنتي او اختي هناك طرق لكسب المال الحلال ، ربي يرزقك ....

بعدما ولت موضة جلب المال بحمل وصف دوااء تاكل عليها الدهر والتسكع بها ، أتت ظاهرة الاناقة ونخرج من عند الحلاقة ونروح نتكسب ماشي بيدي بصح بالدلاقة لمول الصدقة

الله يهدينا اجمعييييييييييين

وكاين صور بزااااااااااااااااااااااااااف

[zokhrofa]

مرات نحمد ربي لي ماراني نخرج ما راني نشوف العباد لي راحلهم الحياء و التربية و الانسانية و القيم الاسلامية