هل الانفصال هو الحل؟

[besboussa]

[FONT="Arial"]
السلام عليكم
زواجي منذ بدايته كان صعبا وكل يوم تظهر مشكلة بسبب عقلية زوجي
اختارني للزواج لانني المراة التي يمكنه ان يتباهى بها...قبلت به لانه مصلي وطيب...مشكلتي معه هي خضوعه لاهله وخاصة امه...منذ البداية رفضت ان تاتي للتعرف على امي ولم يكن هناك لقاء الا بين ابي واخيه....التقت العائلتان لاول مرة في قاعة الحفلات..قلنا ماعليش اهله صعاب وحابين يصعبولو باش يبقى عايش مع امه (امه صعيبة واللي يحب يزوج لازم يخرج من الدار) وبالتالي من الاحسن بالنسبة لها الا يتزوج
نهار لعقود منعته من انه يجيبلي نوار معاه...قلنا ماعليش..حاجة تافهة...لكن المشكلة انو سمعلها
المهم..خاوتو لاباس بيهم...واحد مادارلو كادو ولا عاونو للعرس..ومادرناش عرس....والله قهوة ماداروهاش
وبعد الزواج دارولي عرضة بصح على حساب راجلي...هو اللي قضى وهو اللي شرالهم كلش....وبداو يطلبو انهم يجيوني زيارات....وانا يقولولي نعرضوك ومايعرضونيش...حابين هوما يجيو وانا ما نروحش....قلت مايهمنيش فيهم المهم راجلي...بصح هو يجي معاهم كيما يهدرو...يحتم عليا نظيرلهم عرضات....ومايدينيش عندهم يقولي مش قاعدين وكل واحد في همو
المهم انو ماعندوش شخصية قدامهم
مع العلم انهم فارغين شغل اما انا خدامة ونقرا في نفس الوقت
من بين عيوب زوجي كذلك انو يطلب مني نصرف ودايما يقولي فلانة هي اللي تصرف على راجلها وما فيها والو كي ما يلحقش... انا عاونتو بزاف قتلو بصح المفروض تكون لمعاونة برغبة المراة ....ديتو معايا على حسابي يحوس في الخارج....قاتلي امه تهلاي فيه....جامي تقولو اتهلا فيها
واخرتها اكتشفت انه يهدر مع البنات عبر الانترنت... قالي الرجالة يديرو ما اكثر ومايهدرولهمش النسا....وقالي نتي تفتشي على المشاكل..وبلي هادي ماتعتبرش خيانة....وهو لي تغشش وقالي حابة تطلقي؟
دارنا قالولي بلي انا الغالطة على خاطر ولفتو ....نصرف على الدار وعلى لولاد...وهو يقولي مدخولي مايكفيش ومايصارحنيش بيه.
ويزيد يطلب مني نكنل قرايتي وندير دراسات عليا وانا لي نصرف عليه ونتهلى في لولاد والدار
يحب كلش واجد[
انا افكر جديا في الطلاق....ما قدرتش نتحمل رجل كهذا...صاحبتي قاتلي احمدي ربي انو مايضربكش وما يديرش امور كبيرة
هل هذا سبب يخليني اكمل مع رجل لا يهتم بي وباولاده ويريد ان يصل الى حياة افضل عن طريق زوجته
اريد رايكم/FONT]

[مراد سابقا10]

كلش مقبول الا الخيانة لازم تلقاي حل للمشكل هذا والا انهار بيتك

[" شاهير خان "]

صحبتك يمكن معاها حق انو م يضربكش الخ لكن انت انسانه مستقله وعندك حياتك ودافع ماتسمعيش حتى لواحد الا تحسي انو لازم هاد الشيئ
وطبعا انت عندك شخصيتك وقرارك وتفكيرك خممي في اولادك ولا ولدك اللي راه جاي وادا م عندكش اولاد وشفتي انو لازم تطلقي فلازم بصراحه
احترت نخاف نقولك اطلقي ونكون خربت عائله ونخاف نقولك نو ونكون زدتك في امور بزاف لهاذا مستحيل يفيدك حتى واحد هنا جمعي مع زوجك
وفهميه كل شيئ + وفهميه كيفاش راكي تخمي وراح تصيبو حل

[besboussa]

كلش مقبول الا الخيانة لازم تلقاي حل للمشكل هذا والا انهار بيتك
حابة نعرف الرجالة كيفاش يخممو
قالي الشات مع لبنات ماهوش خيانة...قالي كو نحب نخونك نجيبهم للدار وما تفيقيش

[besboussa]

صحبتك يمكن معاها حق انو م يضربكش الخ لكن انت انسانه مستقله وعندك حياتك ودافع ماتسمعيش حتى لواحد الا تحسي انو لازم هاد الشيئ
وطبعا انت عندك شخصيتك وقرارك وتفكيرك خممي في اولادك ولا ولدك اللي راه جاي وادا م عندكش اولاد وشفتي انو لازم تطلقي فلازم بصراحه
احترت نخاف نقولك اطلقي ونكون خربت عائله ونخاف نقولك نو ونكون زدتك في امور بزاف لهاذا مستحيل يفيدك حتى واحد هنا جمعي مع زوجك
وفهميه كل شيئ + وفهميه كيفاش راكي تخمي وراح تصيبو حل

نعم عندي زوج ولاد وهذا سبب ترددي
والسبب الثاني اني كنت جزء من السببانا اللي ولفتو

[أم سلوى]

هناك حل آخر بما انك لديك اولاد معاه
تغيير شخصيتك ..هل تعلمين انك تستطعين تن تكوني قوية دون الحاجة ان تتكلمي وتوضحي....هذه اسمها الهبة...يهابونك دون فعل شيء
ولكن ادخلي لمواضيع تنمية الذات في الانترنت وتسيطر ي على قرارات حياتك

ولا داعي للطلاق

[kacimo.samy]

السلام عليكم
مرا تصرف على راجل؟؟
المهم مشكلتكم هي بداية غالطة؟؟ واضحة وضوح الشمس
يقولك البيت التي ادرك الزوج مفتاح شخصية زوجته وزوجة ادركت مفتاح شخصية زوجها هي بيوت سعيدة
انتي ادركتي كل هذا وكملتي
وراجل يتحكم حتى في اهله هدرتو تمشي
ونصيحة الصلاة ليست معيار لصلاح
في رأيك يتغير ؟؟ تقدري تحكمي فيه بطريقة غير مباشرة؟؟
قوليلو نكمل دراسة بشرط ... الخ
لان طلاق ليس بحل وانتي باولاد

[kacimo.samy]

حابة نعرف الرجالة كيفاش يخممو
قالي الشات مع لبنات ماهوش خيانة...قالي كو نحب نخونك نجيبهم للدار وما تفيقيش
خيانة
متزوج ماتهدرش اخطيك وحتى خاطب
علاه تهدر مع البنات ؟

[besboussa]

هناك حل آخر بما انك لديك اولاد معاه
تغيير شخصيتك ..هل تعلمين انك تستطعين تن تكوني قوية دون الحاجة ان تتكلمي وتوضحي....هذه اسمها الهبة...يهابونك دون فعل شيء
ولكن ادخلي لمواضيع تنمية الذات في الانترنت وتسيطر ي على قرارات حياتك

ولا داعي للطلاق

جربت....بصح كيندير هكاك يكرهني في حياتي..مثلا يولي مايسقسيش عليا وعلى لولاد ومايشريلهمش اللوازم تاعهم...ومايهزش عليا كي نعيطلو...وكي نكون مريضة ما يديرش عليا يقولي الناس كامل مرضى

[besboussa]

هو يقولي الهدرة مع لبنات عبر الانترنت مش خيانة...ومبعد يقولي نتي موسوسة ومريضة

[kacimo.samy]

هو يقولي الهدرة مع لبنات عبر الانترنت مش خيانة...ومبعد يقولي نتي موسوسة ومريضة
وكون تهدري نتي مع الرجال ليس خيانة هي ايضا

[besboussa]

السلام عليكم
مرا تصرف على راجل؟؟
المهم مشكلتكم هي بداية غالطة؟؟ واضحة وضوح الشمس
يقولك البيت التي ادرك الزوج مفتاح شخصية زوجته وزوجة ادركت مفتاح شخصية زوجها هي بيوت سعيدة
انتي ادركتي كل هذا وكملتي
وراجل يتحكم حتى في اهله هدرتو تمشي
ونصيحة الصلاة ليست معيار لصلاح
في رأيك يتغير ؟؟ تقدري تحكمي فيه بطريقة غير مباشرة؟؟
قوليلو نكمل دراسة بشرط ... الخ
لان طلاق ليس بحل وانتي باولاد


انا ما نتكلحش
حبيت نمشي معاه بالنية
عمرو ما شكرني....بالعكس يقولي ما درتي والو النسا كامل يعاونو
طلع مستواه وكمل قرايتو من عندي بسكو هو يقرا وانا نصرف
ماعليش على بالي ربي معايا

[besboussa]

انا صرفت عليه ودرتلو كادوات
هو كي يدخلولو دراهم ما يتفكرنيش بنوارة
نهار يجيب يجيب شيكولة ويقولي ما عنديش
انا وبنات اخته كيف كيف

[رَكان]

جربت....بصح كيندير هكاك يكرهني في حياتي..مثلا يولي مايسقسيش عليا وعلى لولاد ومايشريلهمش اللوازم تاعهم...ومايهزش عليا كي نعيطلو...وكي نكون مريضة ما يديرش عليا يقولي الناس كامل مرضى

يا سيدة ..أنت هنا تقولين ما يناقض ابتداء طرحك ..
أنت لايمكنك الإستغناء عن هذا الرجل بالرغم من العيوب التي ذكرتها فيه .
أية نعمة هو فيها هذا الرجل ولايدرك قيمتها ...عجبي من حال الدنيا ..

.

[besboussa]

يا سيدة ..أنت هنا تقولين ما يناقض ابتداء طرحك ..
أنت لايمكنك الإستغناء عن هذا الرجل بالرغم من العيوب التي ذكرتها فيه .
أية نعمة هو فيها هذا الرجل ولايدرك قيمتها ...عجبي من حال الدنيا ..

.

لست متناقضة....احيانا فقط احاول ان ارجع كل طرف الى مكانه...رده يكون صعبا

[kacimo.samy]

اختي الفاضلة
مثلما قال اخ ركان
هذا راه في نعمة
ونية طابت في وقتنا و ديري حل لعمرك موش غدوة يطيشك
كاين وحدة خرجت قرض بإسمها وهو دار مشروع وربح وطلقها وهي راها حاصلة مع القرض
المهم ربي يهنيك ويفرج عليك خممي مليح قبل اي حركة

[besboussa]

اختي الفاضلة
مثلما قال اخ ركان
هذا راه في نعمة
ونية طابت في وقتنا و ديري حل لعمرك موش غدوة يطيشك
كاين وحدة خرجت قرض بإسمها وهو دار مشروع وربح وطلقها وهي راها حاصلة مع القرض
المهم ربي يهنيك ويفرج عليك خممي مليح قبل اي حركة


شكرا اخي على النصيحة....صحيح انه في نعمة....لكن النعم يمكن ان تزول...هذا ما قلته له

[fati21]

واش نقولك حبيبتي هذا كيفاه الشات مع لبنات مش خيانة حاولي تدخليلو من جانب الدين ولا شوفي واحد كبير يهدر معاه وادعي ربي يهديه
وانت عيشي حياتك مع اولادك ماتركزيش عليه بزاف يجي نهار ويقد روحو اصبري برك
من عندي متخميش فالطلاق ابدا والله غير صعيب وعلي اولادك خاصة
انتي عطيتيه وش زيادة كيما يقولو المصريين
ادخلي للنت واكتبي قصة بسمة لناعمة الهاشمي اقريها بتمعن اكيد تستفادي

[ksaido]

قرارك جاء متاخر بعد كل هاته الفترة ما عليك الى مسايرته بكل دبلماسيه وادعي الله ان يهديكم الى طريق الصواب

[إنسانة بسيطة]

السلام عليكم
وعليكِ السّلام
اختارني للزواج لانني المراة التي يمكنه ان يتباهى بها...قبلت به لانه مصلي وطيب...مشكلتي معه هي خضوعه لاهله وخاصة امه...منذ البداية رفضت ان تاتي للتعرف على امي ولم يكن هناك لقاء الا بين ابي واخيه....التقت العائلتان لاول مرة في قاعة الحفلات..قلنا ماعليش اهله صعاب وحابين يصعبولو باش يبقى عايش مع امه (امه صعيبة واللي يحب يزوج لازم يخرج من الدار) وبالتالي من الاحسن بالنسبة لها الا يتزوج
نهار لعقود منعته من انه يجيبلي نوار معاه...قلنا ماعليش..حاجة تافهة...لكن المشكلة انو سمعلها
كيفاه معليش و يسمعلها ؟
المهم..خاوتو لاباس بيهم...واحد مادارلو كادو ولا عاونو للعرس..ومادرناش عرس....والله قهوة ماداروهاش
[font=amiri]حاجة الكادو بينو وبين خاوتو نظن مزال مدخلتش للعادات خاوتو يجيبولك كادو والا علاه راه مش عاجبك الحال ؟ مدرتوش العرس كان باتفاق ؟ الا باتفاق علاه تذكري فيها ؟
وبعد الزواج دارولي عرضة بصح على حساب راجلي...هو اللي قضى وهو اللي شرالهم كلش....وبداو يطلبو انهم يجيوني زيارات....وانا يقولولي نعرضوك ومايعرضونيش...حابين هوما يجيو وانا ما نروحش....قلت مايهمنيش فيهم المهم راجلي...بصح هو يجي معاهم كيما يهدرو...يحتم عليا نظيرلهم عرضات....ومايدينيش عندهم يقولي مش قاعدين وكل واحد في همو
المهم انو ماعندوش شخصية قدامهم
مع العلم انهم فارغين شغل اما انا خدامة ونقرا في نفس الوقت
من بين عيوب زوجي كذلك انو يطلب مني نصرف ودايما يقولي فلانة هي اللي تصرف على راجلها وما فيها والو كي ما يلحقش... انا عاونتو بزاف قتلو بصح المفروض تكون لمعاونة برغبة المراة ....ديتو معايا على حسابي يحوس في الخارج....قاتلي امه تهلاي فيه....جامي تقولو اتهلا فيها
تقضي للدار جاتك بيزار و ديتيه يحوس على حسابك جاتك نورمال ؟
واخرتها اكتشفت انه يهدر مع البنات عبر الانترنت... قالي الرجالة يديرو ما اكثر ومايهدرولهمش النسا....وقالي نتي تفتشي على المشاكل..وبلي هادي ماتعتبرش خيانة....وهو لي تغشش وقالي حابة تطلقي؟
على حساب هدرتك تباني تخدمي خدمة مليحة ومثقفة نوعا ما كيفاه ملقيتيش رد تفحميه بيه بلي خيانة وش راه يدير ؟
دارنا قالولي بلي انا الغالطة على خاطر ولفتو ....نصرف على الدار وعلى لولاد...وهو يقولي مدخولي مايكفيش ومايصارحنيش بيه.
ويزيد يطلب مني نكنل قرايتي وندير دراسات عليا وانا لي نصرف عليه ونتهلى في لولاد والدار
يحب كلش واجد[
انا افكر جديا في الطلاق....ما قدرتش نتحمل رجل كهذا...صاحبتي قاتلي احمدي ربي انو مايضربكش وما يديرش امور كبيرة
هل هذا سبب يخليني اكمل مع رجل لا يهتم بي وباولاده ويريد ان يصل الى حياة افضل عن طريق زوجته
اريد رايكم/font]


انا ما نتكلحش
حبيت نمشي معاه بالنية
عمرو ما شكرني....بالعكس يقولي ما درتي والو النسا كامل يعاونو
طلع مستواه وكمل قرايتو من عندي بسكو هو يقرا وانا نصرف
ماعليش على بالي ربي معايا

انا صرفت عليه ودرتلو كادوات
هو كي يدخلولو دراهم ما يتفكرنيش بنوارة
نهار يجيب يجيب شيكولة ويقولي ما عنديش
انا وبنات اخته كيف كيف


وش حكايتك مع كادو و نوار :1: يا ختي الا راكي ديري فيهم بيك تحبي راجلك متعنيّش والا درتي باه تنتظري مقابل نظن راكي أم لولدين وعرفت عقليتو علاه تزيدي تصرفي عليه حبسي عليه


........

دخلتيها بدارهم وبعدها عقليتو والردود بينولي انت الغالطة للاسف ، غيري من تعاملك مع راجلك راكي ماشاء الله أم و ربة بيت قبل لا تكوني موظفة مرموقة انت دخلتيلو بالجانب المادي علابيها راه يبروفيتي و حكاية تسفريه فيها نظر الا انت ولفيه ولا هو يستغل فيك
حطي دارهم اكوتي علاخاطر تباني مستقلة في بيت لوحدك الهاي براجلك و بالشات و بعدها انتقلي للمصروف على الاقل انقذي زواجك من الانهيار وغيري طريقة تفكيرك مش نجيبلو كادو باه يرجعولي اصلا متجيبيلوش نحي حكاية الماديات بالتدريج باه يحس بالمسؤولية واهم شيء هو سبب مشكلتكم انو تزوجك ليتباهى بيك وكنت عارفة و قبلت فكرة نتزوج بيه و نبدلوا طبايعو راه قالوها قبلك و منجحتش متقدريش عبد عاش 25 سنة بعقلية وتجي تبدليهالو بصح تقدري تحطي حدود للتجاوزات تقدري تتخذي موقف يخليه يبدل حساباتو .
شخصيا يا ختي وصلتيلي احساس انك بدراهمك فمابالك بزوج لي معاك في بيت واحد
كيما قتلك ابداي بحكاية الشات لانها هي لي تهدم بيتك وبعد الحوايج الاخرى وفي وسط كل هاذ المشاكل متنسيش ولادك اعطيهم الحنانة و متقطعيهمش على الاب تاعهم لان كاين نساء كي دابز مع راجلها تحاربو بلولاد تقسيّهم عليه مهم انت كوني واعية و جيبيها بالسياسة باه ميتقلبش عليك

[رندة.]

اقول لصاحبة الموضوع نحّي كلمة الطلاق من قاموسك نهائيا. وحاولي تصلحي زواجك وبيتك بيدك، بالطلاق مش راح يتحل المشكل ومش انتي راح تنفصلي على هذا الزوج برك... رايحة أسرة كامل تتهدم، خممي في أولادك الي رايحين يكونو ضحية لهذا الطلاق.

زوجك انتي عودتيه على العطاء وكنتي تنتظري في المقابل سواء مادي او على الاقل يشكرك على العطاء تاعك لكن أنتي انصدمتي لما قابلك بالجفاء وعدم شكرك. هو كان يظن انك راكي تمديلو بطيبة خاطر وماراكيش تستناي في المقابل.
من خلال ردودك فهمنا انك حاولتي تكسبي زوجك بالماديات وهنا خرجتي على فطرة المرأة الي تتمتاز بالعاطفة والحنان وكأنك هنا تبادلتي الادوار مع زوجك... وهذا الشيء خطأ.

الي ننصحك بيه أرجعي لنفسك ولدورك الحقيقي كزوجة، توقفي عن العطاء اللامحدود الا اذا احتاج زوجك هنا لازم تعاونيه.
اهتمي بيه وما تتذمريش وتبقاي تلومي فيه كيفاش انا درتلو كلش وهو يشاتي مع البنات.
ألحقي زوجك مادام مازال الخيط في يدك اليوم شات وغدوى مانعرف واش.

ربي ينورلك بصيرتك ويسعدك ان شاء الله

[Elwawy]

هل المشكل هو الدردشة مع الفتيات, عدم الإهتمام بك و بالأولاد أم المصروف, أم عائلته و أمه, أم هذه الكرة الثلجمة برمتها؟

[besboussa]

وش حكايتك مع كادو و نوار :1: يا ختي الا راكي ديري فيهم بيك تحبي راجلك متعنيّش والا درتي باه تنتظري مقابل نظن راكي أم لولدين وعرفت عقليتو علاه تزيدي تصرفي عليه حبسي عليه


........

دخلتيها بدارهم وبعدها عقليتو والردود بينولي انت الغالطة للاسف ، غيري من تعاملك مع راجلك راكي ماشاء الله أم و ربة بيت قبل لا تكوني موظفة مرموقة انت دخلتيلو بالجانب المادي علابيها راه يبروفيتي و حكاية تسفريه فيها نظر الا انت ولفيه ولا هو يستغل فيك
حطي دارهم اكوتي علاخاطر تباني مستقلة في بيت لوحدك الهاي براجلك و بالشات و بعدها انتقلي للمصروف على الاقل انقذي زواجك من الانهيار وغيري طريقة تفكيرك مش نجيبلو كادو باه يرجعولي اصلا متجيبيلوش نحي حكاية الماديات بالتدريج باه يحس بالمسؤولية واهم شيء هو سبب مشكلتكم انو تزوجك ليتباهى بيك وكنت عارفة و قبلت فكرة نتزوج بيه و نبدلوا طبايعو راه قالوها قبلك و منجحتش متقدريش عبد عاش 25 سنة بعقلية وتجي تبدليهالو بصح تقدري تحطي حدود للتجاوزات تقدري تتخذي موقف يخليه يبدل حساباتو .
شخصيا يا ختي وصلتيلي احساس انك بدراهمك فمابالك بزوج لي معاك في بيت واحد
كيما قتلك ابداي بحكاية الشات لانها هي لي تهدم بيتك وبعد الحوايج الاخرى وفي وسط كل هاذ المشاكل متنسيش ولادك اعطيهم الحنانة و متقطعيهمش على الاب تاعهم لان كاين نساء كي دابز مع راجلها تحاربو بلولاد تقسيّهم عليه مهم انت كوني واعية و جيبيها بالسياسة باه ميتقلبش عليك


استغرب من هذه الردود التي لا تستند الى المنطق.....كي هدرت على لي كادو...مانيش مخصوصة ولا ناقصتني حاجة...نهدر على ال"جيست"
وانا ما طلبتش الذهب والغالي...على الاقل يتفكرني ....هو لاشتا يتفكر مايجيبش..والسبب هو البخل
وماناش اكثر فهما من الرسول عليه الصلاة والسلام كي قال تهادوا تحابوا
وبالنسبة للماديات تكلمت عليها لانها تسبب مشكل وماهدرتش على الجانب العاطفي لانه شيء خاص جدا....ولمعلوماتك حاجة ماهي خاصته معايا من هاديك الناحية...ولا احد يمكنه انكار ان الجانب المادي يوضح العلاقة العاطفية..وبالنسبة لخاوتو انا ما سنيتش لي كادو ليا...المقصود بالكلام انه بالرغم من عدم مساعدتهم له باي شكل من الاشكال الا انه يسمعلهم ويديرلهم رايهم وكانهم يسايلولو....اما انا فالعكس.
طريقة كلامك مرفوضة....وكيما يقولو ما يحس بالجمرة غير اللي عفس عليها

[إنسانة بسيطة]

اعطيتك نصائح في اخر مشاركتي حاولي قرائتها ولا تركزي على النقد فقط

سلام

[الفارس النبيل 93]

هدا هو مصير عمل المرأة في رأي ، فطبعا الرجل الدي يقبل بالمرأة العاملة يعني أنه يهتم لمدخولها

أما الكلام مع البنات عبر الفايسبوك فلا يمكن لأحد أن يقول هو حق ، فهو باطل و بطلانه واضح وضوح الشمس غي لي يبغي يتمهبل

[besboussa]

هدا هو مصير عمل المرأة في رأي ، فطبعا الرجل الدي يقبل بالمرأة العاملة يعني أنه يهتم لمدخولها

أما الكلام مع البنات عبر الفايسبوك فلا يمكن لأحد أن يقول هو حق ، فهو باطل و بطلانه واضح وضوح الشمس غي لي يبغي يتمهبل

كلامك غير منطقي يا اخي....ماذا عن المراة الغنية....حتى لو كانت لا تعمل....

[الحاج انطوان]

اختي اسف اعذري تدخلي لكن الظاهر من كلامك ان زوجك مازال مراهق او صبي ممكن نعرف عمركما وكم مدة ارتباطكما

[Elwawy]

أختي المصروف لازم تحسيسه بخطر ما و نقص في الموارد تدريجيا إلى أن يعلم أنه لا يمكن الإعتماد عليك, عادة ما يتكاسل البنادم عندما يجدها خابزة مع الوالدين الإخوة م حتى الزوجة أو المحسنين إن كان يتسول, إذا جائه تهديد و الخطر سيخاف و يغير سلوكه, تماما كالأطفال الذين عنهم عادات أكل سيئة يأكل الحلوى و الياغورت فقط, يجب تجويعه لمدة يوم ليتغيير, أخترعي شيء منطقي في هذا السياق مفاده أن الموارد ستنقص و هناك خطر...

الحديث مع البنات غير مقبول, نصيحتي لا تضحكي عليها ربما تبدو سخيفة : إن كنتي تستطيعين تغيير مظهركي يوميا, قومي بذلك, المرأة يمكنها تغيير المظهر في مئات الصور و كأنها شخص أخر, الرجل بطبعه visual يحب أن يرى, و أي شيء جديد لم يراه من قبل يشعل مخه و يفتنه في ثانية واحدة, تظاهري أنه لا شيء جديد و أظيفي بعض التشناف الطفيف أو أنكي مشغولة بشيء ما, سترين النتيحة لأنه مهما كان الأمر la chasse تلهمه أيضا, و تنوض قطة الفضول بداخله.

الإهتمام بالأولاد, ليست لي أدنى فكرة, أخر مرة زرت قريب لي لعبت مع أولاده, ضلو يسألون عني دائما, إستغربت من شخص لم يلعب مع إبنه ولا مرة, لا أدري الجميع عنده فكرة ضمان الكل و النوم فقط للأولاد و لا أكثر

[Abdou0102]

الانفصال ليس بحل أصلا ، وانظري إلى الواقع حولك وستجدين أن الانفصال سبب أزمات نفسية واجتماعية للمطلقة وأبنائها ومرارة عيش مضاعفة لما كانت تعيشه في بيت الزوجية، لذلك أنصحك بالتروي والتعامل مع المشكل بحكمة وتأن وإن شاء الله ربي يفرج عليك وعلى سائر المسلمين

[wala]

عندي قصص كثيرة وحقيقية في موضوعك هذا والحل اما ان تسلمي امرك لله وتكملي المشوار او تضعي النقاط على الحروف وانت اعلم بالنتيجة والله كثرة المشاكل ترجع على الصحة والمشوار مازال طويل واولادك في حاجة الى رعايتك الله يهديه تصدقي وانوي تلك الصدقة لهداية زوجك وبدورنا ندعو معك بالهداية لجميع الازواج سواء زوج ام زوجة والله المعين

[besboussa]

اختي اسف اعذري تدخلي لكن الظاهر من كلامك ان زوجك مازال مراهق او صبي ممكن نعرف عمركما وكم مدة ارتباطكما

زوجي في عمره 39 سنة وانا 31 وعندنا اربع سنوات زواج وولدان

[الفارس النبيل 93]

كلامك غير منطقي يا اخي....ماذا عن المراة الغنية....حتى لو كانت لا تعمل....



ليس المشكل في كون المرأة غنية أم فقيرة وانما المشكلة هل تزوجها من أجل غناها ؟؟ أما من أجل أنه أحبها بصدق ؟!!

فمثلا إدا قال شخص : أنا أريد الزواج بطبيبة ؟ وهو لم يرى بعد هده الطبيبة !! لا يهم المهم طبيبة !!

فمادا يريد هدا الشخص ؟؟ طبعا يريد الجاه والمال

وبالنسبة للدردشة في الفايسبوك فهي ممنوع سواء قبل الزواج أو بعده فهل كنت أهلا لدلك ؟ هدا أيضا سؤال يبقى مطروح

أما نصيحتي لك أن لا تستعجلي في طلب الطلاق لعل الأمور تتغير بإدن الله

تحياتي

[نوال12]

ممكن اختي انتي المظلومة
لكن الزوجة لازم عليها تعاون راجلها و ما تقولش عاونتو ولا درتلو قدام الناس في كل مرة يتعاركو فيها هاذي راهي تقيس الراجل اصلا بعد الزواج ماتبقاش كاين حاجة وسمها تاعك وتاعي.
عجوزتك ديريها برك كيما امك اللي جاباتك و تحمليها يعني لو كان جات امك كيما هي راح تبدليها ....طبعا لالا و ابقي انتي برك عامليها بالحسنى يجي نهار و تتبدل صدقيني
بالنسبة لانهم يجيوك زيارات الواحد ديما يقول مرحبابالضياف
الضيف ضيف لو بقا شتاء وصيف
حكايت الخيان القيلها حل بصح ما تطلقيش عليها خممي في اولادك خاطر لو كان امهاتنا ما تحمكلوش على جالنا ما كناش جينا للدنيا اياك ان تفككي اسرتك
الصبر مفتاح الفرج