ما الحل

[مشكلتي]

السلام عليكم و رحمة الله و بركاته
اشيرو علينا رجاءاااا
اخي عمره تقريبا 25 سنة يريد خطبة فتاة في سبن 25 سنة
هو يشتغل في القطاع الحكومي الراتب ثلاث ملاين و نصف
لم يكون نفسه كيما يقولو لا دار و لا دواااار شومبرة وين يدخل مكانش
البنت من ولاية اخرى تبعدنا ب450 كيلو عادات مختلفة تماما عن عادتنا
اخبر والدي فرفضا
و الان اصبح يهددنا ان لم تخطبو لي لم اتزوج طول عمري و نفسد دراهمي يعني السكرة و ما شابه ذالك
عمرنا ما شفناه معصب هكدا تقول عليه مسحووووور
كيفاه نتعاملو معاه

[خالد عنابي]

اذا غرفة مستقلة وماكانش والبنت لي ناوي عليها ايضا لاتعمل فهذه مشكلة عويصة بكل صراحة

[ابو سليمان10]

بعض الشباب لا يفكر ابدا في العواقب...يكون على عينيه غشاوة...يعتقد ان الفتاه هذه هي الاخيرة من نوعها و لن يجد طعم الحياة مع غيرها...و هو في الحقيقية تحت تأثير مخدر الهرمونات الجنسية في جسمه
...ان رأيتم انه فعلا قد يقوم بحماقات فالحل هو مسايرته مع المماطلة الى اقصى حد....... اكيد هو في علاقة غير شرعية معها عبر الفايس بوك او ربما يدرسان معا ..مثل هذه العلاقات المحرمة لا تدوم و تنتهي بالخصام ..اربحوا الوقت الى ان يفعل الزمن فعلته...

بعض الزملاء يقول ان الله يعين لاكن لا يجب ان ننسى اتخاذ الاسباب...ما كان قديما يكفي للزواج اصبح الان لا يكفي حتى لفطور تدعوا اليه بعض الناس
عدم وجود غرفة مستقلة مشكل...بعض العلماء يقولون انه من الواجب توفير مسكن للزوجة و ان تعذر فلاباس بالعيش مع العائلة بشرط ان يكون لها ظروف مناسبة من حيث الراحة و الخلوة...فما بالك بعدم توفر و لو غرفة
المسافة البعيدة ايضا مشكل...يعني لن تتمكنوا من السؤال على هذه العائلة و لاهم سيتمكنون من ذلك بسهولة....حتى الخطبة و غيرها من المراحل ستكون صعبة ...تخيل لكي تذهب الام فقط لتعطيهم خاتم الخطوبة يجب ان تقطع 450 كلم ...نهار العرس لكي يحضرها من بيت ابيها عليه ان لا ينزعج ان رفض بعض العائلة و الاصدقاء الذهاب معه ...
25 سنة عليه ان يحسن وضعيته الى اقصى حد ممكن...الان يمكنه ان يدخر و يكون نفسه...مثلا يشتري قطعة ارض للمستقبل او يجمع راس مال يتاجر به...كما ان هذه المرحلة من افضل المراحل في حياة الشاب...لديك عمل و شاب صغير و ليس لديك مسؤوليات كبيرة...يجب ان يستمتع بالحرية لديه 4 الى 5 سنوات على الاقل

[المكارم]

مادام أخوك عازم على إكمال نصف دينه في الحلال فمن الواجب عليكم مساعدته قدر المستطاع
إن كان في استطاعتكم مساعدته ماديا فلا تبخلوا عليه وإن لم يكن فساعدوه على الأقل بالموافقة
اللفظية .. واسمح لي إن قلت لك أن اعتراض والديك كان بسبب مصلحة لهما فيه وليس لأجل مصلحته هو
فحسب قولك في الموضوع لم يكن ضعف الراتب هو السبب الوحيد في رفضكم لزواج اخيك إذ قلت
أن عمره 25 ويريد الزواج بفتاة عمرها 25 سنة وكأنكم غير راضين عن عمرها ثم أضفت أنها تبعد
عنكم ب450 كلم وأن عاداتكم وفي الأخير استنتجت أنه مسحووووووور .. اسأل نفسك ووالديك
سؤالا واحدا فربما تبين لكم في جوابه السبب الحقيقي لرفضكم الزواج : إذا لقي فتاة في عمر أصغر
منه وتسكن بالقرب منكم وراتبه 3 ملايين ونصف ، هل ستوافقون عليها أم سترفضونها مثل سابقتها ؟
ربي يكمل بخير

[خالد عنابي]

السيد الراتب تاعو 3 ملاين ونصف في وقت ان الايجار ارتفع
اضن الاعتراض منطقيا
وفي النهاية هو رجل ويمكنه ان يخطب ويتزوج بلا موافقة والديه

[إنسانة بسيطة]

شبيبة في سن اكبر و بمرتب اكبر و مزالهم يدوروا بالكرارس يهزوا في لبنات من الطريق ، الحمد لله ان خوك خمم في الزواج وهاذي في حد ذاتها مبشر خير
اخاك له دخل ثابت بالامكان البدء بمرحلة الخطبة و تاجيل الزواج لغاية تجهيز غرفة خاصة او تجهيز مستحقات الزواج ككل
ثم لماذا ربطت الامر بالسحر مباشرة ؟ فانت لما يتقدم لك شاب يعمل معك او من عائلتك ويكون هنالك انجذاب بينكما و يقف في وجه اهله لاجلك سيعجبك الامر و تعتبرينه فحلا يريدك بصدق ولما فعلها اخوك صار سحر ؟

[ksaido]

ان كان من الممكن ان يجد حتى استيدو يعني اف01 بسعر مناسب لراتبه ماعليكم الى مساعدته حتى يكمل نصف دين تتهناو منو ويزيد يخلي يلصتو فلدار والله يرزق من يشاء

[زبدة ذايبة]

خلوه يروح يخطب ويتزوج

هذ النوع من الشباب متهور جدا

مدام ولى يهدد فيكم

يعني توقعوا يدير كلش

خلوه يروح يخطب ويتمحن

ولا راجل رايح يتحمل المسؤولية

ونظن حتى أهل الفتاة مارايحينش يزوجوه

يعني الموضوع ماراهوش قرار تاعكم برك

بل توجد أسرة ثانية تقرر والتي هي أسرة الفتاة

لذا خلوه يروح يخطب

ونهار مايبداو يعصرو فيه كي حبة القارص

يعرف وش معناتو يروح لديار الناس بيديه فارغين

وانتوما واحد مايعطيه الغرفة اللي يرقد فيها

خلوه يدير غرفة النوم في الديبارة

أغلقو عليه المنافذ كيما غلقها عليكم

لعل وعسى يعاود يفكر مليح

[الصديق قروف]

ربي يهديكم
معليش او بطل عليها ايه ومنبعد راح تلقاو زعما وحدة تصلح ماشي مزوجة
اناس فيهم واحد بلميئة على حسب مانشوف الي يصلح
يخي قال نخطب برك مقالش نجيبها تسكن معكم
حياتو وحر فيها
25 سنة راه مبقالوش ياربي يزوج
سهلو للحلال و صعبو لحرام يرحم والديكم

[nina hnina]

الزواج نصف الدين والفقر ليس عيب وربي يرزق من عندو وبالاك هي فال خير عليه ويوسعها عليه ربي خيرا من الذهاب الى الطريق الخاطئ والله ولي التوفيق

[ابو سليمان10]

الجملة التي تحيرني هي الزواج نصف الدين...لما تقال هذه الجملة امامي انصح قائلها بالحصول على النصف الاول من الدين اولا...و اتمامه بالزواج سهل حين تجهز نفسك...مع ان اغلبهم لا يتزوجون بدافع ديني

[خالد عنابي]

اتراجع عن نصيحتي السابقة واقول الان :


يشوف كاش دويرة على قد الحال بكراء مليون وحويجة نضن ممكن ينجح الامر


يخطب واثناء ذلك يلم شوية صوارد ولما يكون جاهز يقدر يتزوج


واذا كان الاهل قادرين يعاونوه ببعض المال فلم لا ؟


اعتقد هذا هو الحل الافضل والسيد راه راجل وطالب الحلال وخدام

[toulay]

السلام عليكم
بما انه راهو بle poste تاعه يعني بشويا بشويا ويكون روحه
واش نقترح هي انكم تحكموا البنت وبعدها لكل حادث حديث
خلات درك لكان اي واحد معندوش غرفة النوم ميروحش يخطب
واش فيها اذا تسكن بعيدة
ياو كاين لجابوهم من بلدان الناس وراهم لباس بيهم
سهلوها تسهال
بالتوفيق

[nina hnina]

هل يخطئ الشخص حين يقول الزواج نصف الدين اليس هذا القول صحيح واما النصف الاول انا لست الخولة بنصحه مادام السؤال عن النصف الثاني ولاول يبقى بينه وبين خالقه نحن بصدد التكلم عن الزواج الذي يعتير النصف الثاني هذا موجه للاخ خالد العنابي

[روح المي]

الرزق على الله كم من شخص اعرفه لا يملك عمل بمجرد ان خطب وسع الله رزقه
يعني هو طلب الحلال وهي حياته يعني الا وقع في الحرام هل ترضون ليس شرط الله بيده الرزق
فالحديث حسن رواه الترمذي والبيهقي وأحمد وغيرهم ولفظه كما عند الترمذي: ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف. قال أبو عيسى: هذا حديث حسن، كذا قال الشيخ الألباني رحمه الله،

[رندة.]

مادام راهو خدام وبشهريته وهو الي طلب تخطبولو علاه توقفو في وجهه؟
روحو اخطبولو الطفلة الي يحوس عليها، وين راه المشكل كي راهي قدو في العمر وبعيدة في السكن؟ يخي هو عارف وقابل.....
روحو اخطبولو كيما كل الناس وخلوه يكوّن روحو يدير غرفة ولا يكري ربي يسهل عليه، المهم ماتوقفوش في وجهه وعاونوه بلي تقدرو عليه.

ربي يسهلو ويعينه ان شاء الله

[mohamed nadim]

المشكل كيفاش الطفلة قابلة

و علابالها بلي الطفل لا دار لا دوار