شاركونا أحلامكم

[صمود خديجة]

السلام عليكم وشراكم ؟؟
العطلة خلاصة كيفان عقبت
ههه بلامانطول عليكم
ممم وش هو الحلم تاعكم يعني كي تنجحوا الباك إن شاء الله وشراكم حابين ديروو😮
انا مالڨيتش وش ندير ههه صراحة
العائلة تاعي وصحاباتي قالولي ديري طب 💉✂
مي لحد الان مالڨيتش وش ندير

😏

[Histidine~]

راني حابة ندير طب ان شاء الله
مي معا المعدل ذا ....

[المداينية26]

هههه انا راني في حيرة كبيرة هههه
بين مدرسة عليا للأساتذة علوم طبيعية للطور الثانوي { ايجابيات : 5 سنوات,,, سلبيات: 70 كلم -لازم نرقد في اقامة- }
و بين طب+تخصص جراحة عيون{ سلبيات : 7+5= 12 سنة... ايجابيات : 40 كلم - نقدر نرقد في دارنا- }
ههه اه يا رب,,, في هاذاك الوقت و نشوف ان شاء الله,,,

[ندوشةة]

بالنسبة ليا حابة ندير طب التخصص جراحة قلب بإذن الله اما الظروف فهي مناسبة حدانا في عنابة فالبوني كاينة الجامعة قريبة بزااف

[صمود خديجة]

الله يبارك ربي يمدلكم وشراكوا حابيييين

[~عيون القلب~]

السلام عليكم
ان شاء الله راني حابة ندير تخصص : طب القلب والاوعية الدموية
ميتة عليه بادن الله نحقق واش راني حابة
موفقين كامل

[صمود خديجة]

ممم بالنسبة اللي اختاروا جراحة قلب أو عيون.....
يعني ماكمش خايفييين ؟؟
هههه انا نشوف جرح صغير نخاف
فمبالكم عملية جراحية!!!!

[~عيون القلب~]

خديجة
انا لما نشوف جرح نتمنى اني نحاول نصلحو ولا نساعد اللي راه مجروح
يعني انا نحب هاد الصوالح الجروح و كل منعيفش منهم كيما البعض يقولولي نعيفو انا عكسهم الحمد لله
ان شاء الله راح نتعلمو مش تدي الباك تجي طبيبة ديراكت ارواحي ديري عملية جراحية راه فيها تجارب وكل
بصح تبقى مهنة الطب اصعب المهن
وربي يقدرنا ليها ان شاء الله

[ندوشةة]

ممم بالنسبة اللي اختاروا جراحة قلب أو عيون.....
يعني ماكمش خايفييين ؟؟
هههه انا نشوف جرح صغير نخاف
فمبالكم عملية جراحية!!!!

ههه لا أنا نحب لعفايس هادو لي يعيفو هه نموت عليهم نحب نضف حاجة و لا نداوي حاجة
المهم كل واحد يروح للمهنة لي تساعدو
موفقةة حبيبتي :rolleyes:

[☜ ندى ☆]

على مايبدو كامل حابين طب هههه انا تاني حابة نديره تخصص جراحة المخ و الاعصاب بإذن الله ربي يوفقنا

[Møhamed belhadj]

أهلااا إخوتي توحشتكمم. ؤدبزاااف علابالي نسيتووني مي. هاني رجعت

[انسام الريح]

بالنسبة لي فحلمي هو طب تخصص * الاطفال * كوني اعشق تلك المخلوقات المخلوقات الصغيرة ... ههه