مشكل في سيارة alto

[kad_oma]

السلام عليكم
عندي سيارة ألتو 2008 كانت مليحة و مشيت بيها مرة 250 كيلو حتى حبست ديراكت لقيتها مرجعة الما تاع الرادياتور للقرعة تاع فوق النورمال و نحرق الجوان كيلاس و كي بدلته مشات بصح بانو فيها بزاف المشاكل منها
1- صباح ما تحبش تنوض و بعد ما تنوض و نمشي بيها تولي تنوض عادي
2- إهتزاز الموتور كي تشعل المروحة و إذا كانت ساخنة يظهر رمز تاع إبريق (زيت) فالطابلو و يروح
3- كي نشعل كليما و هي بامور يتهز المتور و تطفى
4- نلقاها دائما مرجعة الماء في القرعة.

[khiro501]

شوف اخي كل المشاكل الي صراتلك جات بعد تغيير جوان كيلاس كي سخنت السيارة وجوان كيلاس تحرق . شوف اخي نبداو بالاسهل ممكن يكون هوا في دورة التبريد يعني تنحي لهوا و لازم الميكانيكي يعاود يزير البراغي الي شادين الكيلاص في القروب و تشوف .ادا استمرت المشكلة هدا يعني ان الجوان كيلاص الي ركبتو ماشي مليح او الميكانيكي مركبوش مليح هدا من جهة و الاحتمال الاكبر ان السيارة كي سخنت عوجت الكيلاس و انت ما ديتوش لتور باش يقيسو معوج ولا مليح والله اعلم

[djalalskull]

كيما قال الاخ نسبة كبيرة تولي عواجة الكيلاس الغلطة نتاعكم كي ما وزنتوهاش

[kad_oma]

بارك الله فيكم خوتي دوك نفيريفي واش قلتولي و أن شاء الله يكون هو المشكل
حبيت نخبركم تاني أني لما عاودت جوان كيلاس الميكانيكي كي قلتلو نعاود ندير الفيدونج و نعاود نبدل الماء تاع الرادياتور قالي ما عندك علاه تبدلهم