اريد التحدث...

[سارة بسمة نادية]

السلام عليكم...
كيف حالكم
قبل كل شيئ نحن على مقربة دخول لعام لجديد كل عام وانتم بالف خير ان شاء الله عام مليئ بالتميز والنجاااح واهم شيئ نجاااح ساحق... فريد من نوعه^^في البكالوريا باذن المولى.
لمهم اريد مساعدتكم
لا اعرف ماذا اقول او افعل سوى الكتمان والكتمان وعدم التحدث....
نفسيتي متعبة جدا وخأئفة كثثثيييرا ليس من البكالوريا وانما من النتيجة!،!
لظروف لم ادرس الاسبوع لفارط يعني راح...والامور لي كنت مخططتلها نديرها في 15 يوم نقدر نديرها في اسبوع،!؟معرفتش كييفاه!
ومنعرفش نقرا بذكااااء!
يوووووووووووووجد لكثييير ولكثيييير لكي اعمله لكن هل اسبوع كافية لعمل عمل 15 يوم!!لا اظن
لا اعرف تنظيم وقتي ولا حتى البدا!
ليوم مدرت والو لوقت راه يجري ولعام على نهايته....ويوجد لكثيييير اه اه اه
من التفكير ولخوف من عدم الوصول الى مبتغاي اكاد اجن
ساااعدووني ولو بدعاء

[زهرة جوري]

لا باس لا داعي للخوف الباك مثل الامتحانات العادية صدقيني ستنجحين باذن الله و تفرحينا

[سارة بسمة نادية]

ان شاء الله.....شكرااا

[!~•عًــ سُــيّــدٍ ــلــيّ •~!]

مزالت 6 اشهر
هذا الاسبوع حاولي يكون مكثف شوية وعلى الاقل حاولي تحقي لشتا 70% من واشكنتي حابة ديريه في هاذي 15 يوم والي بقات راكي تكون ماهيش بزاف تقرايها في الفصل الثاني

[زهرة جوري]

مزاااااااااااال الحال وش بيكم؟؟؟؟؟

[رونق الصبح]

السلام عليكم
مجرد اقتراح
إن أردت ضعي جدول أعمالك هنا لكل يوم و نحن سنراقب مدى تقدمك
و ان لم تلتزمي به ستعاقبين
و هكذا ..

[زهرة جوري]

صح لسانك رونق فكرة مليحة باه نعاونوها

[ترانيم الامل]

سلااام سارة
اسبوع كافي لمراجعة جميع المواد ،حاولي فقط ان لا تضيعي الوقت اكثر
مجرد فكرة بسيطة :حاولي ان تصنعي جدولا مشابها لجدول الاختبارات و تخيلي ان هذا الاسبوع اسبوع امتحانات واعملي على اساسه
او اعملي بفكرة رونق
موفقة

[سارة بسمة نادية]

كنت حابة نفهم ونهضم مليح مليح دروس الفصل الاول باش نتهنا منهم سواء من الحفظ او الفهم
لانو مزالولي افكار مشفتهمش
ومنعرفش نقرا بذكاء غير نلبز ونتعب بلا فايدة

[سارة بسمة نادية]

السلام عليكم
مجرد اقتراح
إن أردت ضعي جدول أعمالك هنا لكل يوم و نحن سنراقب مدى تقدمك
و ان لم تلتزمي به ستعاقبين
و هكذا ..
بالمناسبة ليوم نحتاج لعقووبة لاني نظن منيش رايحة نكمل واش قررت
ههههههههه يا رونقتي ضحكتييني شكراااا عندي بزاف مضحكتش:1:
معرفتش ندير جدول معرفتش سبق ودرت جدول هنا في لمنتدى مليح تع 15 يوم بصح ملتزمتش بيه
ههه عقوبة واش هي ،،،،النهار راه يفوت في رمشة عين كيما ليوم مدرت واااالو والنوم لكثييير مفهماش علاه


سلااام سارة
اسبوع كافي لمراجعة جميع المواد ،حاولي فقط ان لا تضيعي الوقت اكثر
مجرد فكرة بسيطة :حاولي ان تصنعي جدولا مشابها لجدول الاختبارات و تخيلي ان هذا الاسبوع اسبوع امتحانات واعملي على اساسه
او اعملي بفكرة رونق
موفقة

كيفاه نحل مواضيع ولا نراجع الاختبار!

[ترانيم الامل]

كيفاه نحل مواضيع ولا نراجع الاختبار!

هههه اظن ان فكرتي غريبة
مثلا ضعي في عقلك انه لديك امتحان في مادتي الفيزياء والانجليزية بعد غدا
اذا غدا ان شاء الله سيكون يوما لمراجعة هاتين المادتين (معناه انك تراجعي المادة وتحلي تمارين ومواضيع فيها مثلما تراجعي يوم الامتحان الحقيقي)
اظن انك فهمتي فكرتي الان

[رونق الصبح]

أعجبتني فكرة ابتهال :19:
جميل - ربي يدوم الضحكة -
رأيت في موضوع سابق لاحدى العضوات هنا اقتراحات لعقوبات : كالصوم أو قراءة سورة البقرة كاملة .. يعني استفادة من جهتين
بامكانك تعويض ما فات اليوم الليلة - السهر - بما أنك نمتي ..

[believe in ur DreamS]

نصيحة لوجه الله :
"الخوف أول خطوة نحو الفشل " اتمنى ان تبتعدي عنه و ان تدرسي دون التفكير في النتيجة اجعلي هدفك هو العلم لا غير و انسي الوقت ستستمتعين و ستتقدمين و اياك و مقارنة نفسك بأحد
وفقك المولى ^^

[سارة بسمة نادية]

هههه اظن ان فكرتي غريبة
مثلا ضعي في عقلك انه لديك امتحان في مادتي الفيزياء والانجليزية بعد غدا
اذا غدا ان شاء الله سيكون يوما لمراجعة هاتين المادتين (معناه انك تراجعي المادة وتحلي تمارين ومواضيع فيها مثلما تراجعي يوم الامتحان الحقيقي)
اظن انك فهمتي فكرتي الان
هههههه ابتهال فكرة رائعة لكن منقدرش نطبقها ندير قائمة المهام وخلاص وليالي بيضاء على الاقل نتدارك شوية....مع انو يوجد لكثييير للعمل ولا اظن نقدر نكمل كلشي في اسبوع لا اظن

أعجبتني فكرة ابتهال :19:
جميل - ربي يدوم الضحكة -
رأيت في موضوع سابق لاحدى العضوات هنا اقتراحات لعقوبات : كالصوم أو قراءة سورة البقرة كاملة .. يعني استفادة من جهتين
بامكانك تعويض ما فات اليوم الليلة - السهر - بما أنك نمتي ..
ايه قلت هكا ندير...
راح نحاول
شكرااااة


نصيحة لوجه الله :
"الخوف أول خطوة نحو الفشل " اتمنى ان تبتعدي عنه و ان تدرسي دون التفكير في النتيجة اجعلي هدفك هو العلم لا غير و انسي الوقت ستستمتعين و ستتقدمين و اياك و مقارنة نفسك بأحد
وفقك المولى ^^
اه صح صح اصبت في قولك....
لكن بماذا استمتع!!
ان شاء الله...
شكرااااااا على النصيحة

[believe in ur DreamS]

هههههه ابتهال فكرة رائعة لكن منقدرش نطبقها ندير قائمة المهام وخلاص وليالي بيضاء على الاقل نتدارك شوية....مع انو يوجد لكثييير للعمل ولا اظن نقدر نكمل كلشي في اسبوع لا اظن



اه صح صح اصبت في قولك....
لكن بماذا استمتع!!
ان شاء الله...
شكرااااااا على النصيحة
قصدي بالدراسة
العفو

[ورد الاوليف]

والله يا حبيتي حالي كحالك لا املك لك ولي سوى الدعاء يفرجها ربي ان شاء الله نظمي وقتك وخلاه ربي يوفقك حبيبتي

[Aminzaim]

لا داعي للخوف يا اختي انا ايضا لم ادرس شيء الاسبوع الماضي اليوم وين بديت و كيما راكي تقولي عندي بزاف حوايج نديرهم مي حاولي برك تنظمي امورك وتقراي
بالتوفيق للجميع

[ملاك]

ليكن همك السعي لا الوصول

[طيف الملاك¤اماني¤]

حاولي التدارك فقط في المواد العلمية4اما المواد الادبية كي تدخلي تقراي نوضي الصبااح واحفظي

[سارة بسمة نادية]

والله يا حبيتي حالي كحالك لا املك لك ولي سوى الدعاء يفرجها ربي ان شاء الله نظمي وقتك وخلاه ربي يوفقك حبيبتي
ان شاء الله عزيزتي ربي يوفقنا
لا داعي للخوف يا اختي انا ايضا لم ادرس شيء الاسبوع الماضي اليوم وين بديت و كيما راكي تقولي عندي بزاف حوايج نديرهم مي حاولي برك تنظمي امورك وتقراي
بالتوفيق للجميع
ان شاء الله راح نحاول
بالتوفيق
ليكن همك السعي لا الوصول
!!!
بارك الله فيك
حاولي التدارك فقط في المواد العلمية4اما المواد الادبية كي تدخلي تقراي نوضي الصبااح واحفظي

اه فكرة اماني صح...بلاك ندير هكا
شكرااااااا
بالتوفيق

[ماريا للنجاح]

السلام عليكم اختي....ذكرتيني بصديقة لي شعبة رياضيات نفس حالتك نفسها وبدات في فيفري وشحال دات؟؟؟....15.72نعم كان ديما انا مقدرتش انا ادرس ليس بذكاء انا كانت تعييش دوااامة من الاحباط في يوم من الايام سمعت امها تحدث والدها ابنتنا ماتديش الباك؟؟؟
والوالد يتحدى بلي راهي تديه عن جدااارة ....هنا بدا حديث نفسها واشتعلت الارادة وتوقفت عن النحيب لان كثرة الكلام توقف العمل,,,,تغير جدري في شهر....اولا اختي كوني واثقة بلي تنجحي بمعدل جيد جدا ثانيا توكلي على الله واقرااااي بجهد بذكاء بكلش المهم تلحقي....قصية الفيزيك تنساي مام انا كانت تصرالي ولكن لازمك تبقاي كلما تكملي ترجعي تعاودي كلما تكملي تعاودي واهم حاجة هي فهم الدرس جيدا جيدا جيدا ثم ملخص صغيير للقواعد واهم الملاحظات اللي تتكرر كما تحويلات والمقارنات ثم
بعد ماتتمكني من فهم الدرس جيدااا والمثادر كثيرة ابداي حلي التمارين وبقي القوانين من الورقة لي لخصتيها الصورة رح تترسخ فالذاكرة تمارين البكالوريات طبعا....الرياضيات منعرفش شكون هذا مصطفى انا كنت الوحدات لي نتمكن منها نحل البكالوريات ولي نستصعبها نتبع الاستاذ الرائع نور دين خاصة فالدوال والاعداد المركبة نفعني بزااااف .....يعني دوكا نتي نظامية تعلمي تنظمي وقتك ....كي تخرجي من ليكور وترجعي للدار نظمي لاشامبر تاعك ابري ماتاكلي وتصلي ابداي قسم وقتك مثلا ثال اليوم انا مع الفيزيك وحدة السرعة ندير 5سوايع للدرس نفهمو مليييييح وبش تقدري تركزي امحي الافكار السبية من راسك والمقارنات السخيفة بالاخرين وسرعة تقدمهم عندك هدف توثليلو بطريقتك وباسلوب الخاص كملو خمس سوايع نحل 3بكالوريات على الاقل ونرقد بش نرتح مليييح اذا كنتي من النوع لي يسهر بزاف كملي اذا عييتي ارقدي ونوصي بكري كمليها غدوة الوقت مع الرياضيات بعد غدوة مع الفيزيك وبعدها مع الرياضيات يبقاولي ثلاث ايام الخميس اهتمي بالعلوم الجمعة والسبت اللغات ومواد الجحفظ وكي تكرهي من مواد الحفظ تقدري ترجعي لمادة علمية تحفظي ملخصها خفافي ....والحفظ احفظي بذكاااء مش بلابلابلا افهمي الاحداث اربطيهم كتسلسل تاريخي لفيلم تترسخ الاحداث مع التواريخ تبقى الشخصيات مثلا تع الاتحاد السوفياتي كامل لميهم في ورقة وحدهم لخصيه بالاحمر تكتبي تاريخ الميلاد والوفاة بالاخصر تاريخ الحكم اربع نقاط لاهم انجازاتو تكون ملخصة خلالاص ورتبي الشخصيات حسب فترة الحكم يعني حكم ستالين ومبعد خروتشوف وهكذا النظام مليح يعاونك واستخدمي الالوان رح يترسخو واحد ماينحيهملك نفس الشيء مع باقي شخصيات الوحدات نفس الشيء مع المصطلحات وهكذا .....اتعبي اخدمي متبقايش تخزري للناس لي دارين بيك اتحدايهم كااامل خليهم يهدرو ونتي اخدمي في صمت لانك اذا كثرتي الهدرة تحفزي دماغك مايخدمش الور بون كوراج وصدقيني الوقت كلو في يدك جوست نتي تديسيدي تقراي على الصح مش فوق فوق....بون كورااااج اختي [