هل يمكن ان اعتاد االسهر ابتداءا من العطلة

[ورد الاوليف]

اخواني انا قمت باعداد برنامج مراجعة بحيث انام على الحادية عشر ليلا وانهض على الثالثة صباحا هل استطيع البعض يقول لي نعم لاني ساعتاد السهر مع العلم اني مجبرة على هذا البرنامج لتدارك الوضع

[!~•عًــ سُــيّــدٍ ــلــيّ •~!]

هي تقدري تسهر عادي بصح لوكان تنوضي على 5 ولا 4.30 خير على الاقل تكوني راقدة وقت كافي لانك قادرة تضري روحك

[مُـ‘ـُنُـ‘ـُـعُـ‘ـُمُـ‘ـُ]

سيصيبك ارهاق ، 4 ساعات نوم فقط !

[ورد الاوليف]

حسنا نقلبها 5 ساعات نوم

[!~•عًــ سُــيّــدٍ ــلــيّ •~!]

حسنا نقلبها 5 ساعات نوم

لالا اقلبيها اكثر 6 ولا 6.30

[mohamed.2000]

ماااااااهذا يا اختي هل جننت
دعيها 6 صباحا :confused::confused::confused:

[ورد الاوليف]

ان جعلتها 6 ساعات فسافشل

[!~•عًــ سُــيّــدٍ ــلــيّ •~!]

ان جعلتها 6 ساعات فسافشل

علاه تفشلي
راكي رايحة تقراي 18 ساعة من 24
نتي اقراي الثلثين وارقدي الثلث
ارقدي 8 سوايع واقرااي 16 ساعة

[مُـ‘ـُنُـ‘ـُـعُـ‘ـُمُـ‘ـُ]

ان جعلتها 6 ساعات فسافشل

وكيف حكمت على نفسك انك ستفشلين :confused: ! مفهمتش ؟ 18سا مكفاتكش ؟

[Ghada ella]

اختي 5 ساعات نوم كافية ابن حلماا تستحقين أن تسهري لأجله ^^
الطموحات العظيمة تستحق التضحية

[المُعادلة الصّعبة]

عجبتني سأفشل هاذي
ختي نقلك حاجه المستوى تاعك ما يتقاسش بعدد الساعات لي ترقديها
قادرة تجيبي نهار كامل ونتي تقراي وتجبدي وتستفيديش ياسر يعني تقراي بطريقه غالطة في حين قادره تقراي ساعتين مالزمان وتحسي روحك ستفدتي بزاف
لذلك ماهوش معيار ابدا عدد ساعات النوم ووو ..
اهم شي تقراي وماتضيعيش نهارك في لا شيئ ، كيما ندير انا :) ساعات نضيع وقتي في حتى شي ويغيضني الوقت لي يروح بزاف

[ترانيم الامل]

السلام عليكم ورحمة الله تعالى وبركاته
صدقيني جربت طريقتك هذه فكانت من بين اهم الاسباب التي ادت لتراجع معدلي في الفصل الاول
يجب عليك ان تنامي لساعات كافية على الاقل 6 ساعات كما قال الاخوة لانك ستصابين بارهاق شديد و لن تستطيعي ان تركزي جيدا
موفقة

[!~•عًــ سُــيّــدٍ ــلــيّ •~!]

اختي 5 ساعات نوم كافية ابن حلماا تستحقين أن تسهري لأجله ^^
الطموحات العظيمة تستحق التضحية

لالا ماهيش كافية اختي
الله لا جاء هذا الحلم اذا كان يكلفني صحتي

[Miss Princess]

أنا نرقد على 12 ونوض على ال9 ونزيد نرقد مور الظهر وتبانلي راني ظالمة روحي😂😂😂😂😂
لا ختي ماجاياش على الأقل نوضي على الخمسة
واقراي بذكاء وليس بجهد راكي تعيي في روحك بزاف

[Ghada ella]

لالا ماهيش كافية اختي
الله لا جاء هذا الحلم اذا كان يكلفني صحتي

والله تكفي ماقتلهاش اقتلي روحك نهار كامل تقدر ترتح و كلش
انا تبانلي كي العبد يحب يدير حاجة لازم يضحي الجزاء من جنس العمل ^^
هذا رأي فقط

[!~•عًــ سُــيّــدٍ ــلــيّ •~!]

والله تكفي ماقتلهاش اقتلي روحك نهار كامل تقدر ترتح و كلش
انا تبانلي كي العبد يحب يدير حاجة لازم يضحي الجزاء من جنس العمل ^^
هذا رأي فقط

لالا هي ماقالتش نهار واحد هي قالت نقدر نتعود
ماتقدرش كل يوم ترقد 5 ساعات لمدة اسبوعين ولا لمدة 5 اشهر ماتقدرش
صح بلاك يجي ضرف في مرة من الزمن ترقد غير 5 ساعات اما كل يوم لالا
هاذا ثاني مجرد راي

[Ghada ella]

لالا هي ماقالتش نهار واحد هي قالت نقدر نتعود
ماتقدرش كل يوم ترقد 5 ساعات لمدة اسبوعين ولا لمدة 5 اشهر ماتقدرش
صح بلاك يجي ضرف في مرة من الزمن ترقد غير 5 ساعات اما كل يوم لالا
هاذا ثاني مجرد راي

تقدر تخير نهار بنهار تاني مش دايما المهم تولف روحها أنها تنوض وتولي تقاوم الرقادد

[!~•عًــ سُــيّــدٍ ــلــيّ •~!]

تقدر تخير نهار بنهار تاني مش دايما المهم تولف روحها أنها تنوض وتولي تقاوم الرقادد

ايه بصح ماهيش 5 ساعات برك على الاكثر ترقد 8 ساعات وتقرا 16 ساعة

[Ghada ella]

ايه بصح ماهيش 5 ساعات برك على الاكثر ترقد 8 ساعات وتقرا 16 ساعة

6 ساعات كافية قادر في النهار هذاك كاش ما عندها ليكور أو أي حاجة
يرجع هذا هي وقدماه متخلفة في الدروس وإرادتوإرادتها طبعا بصح كي تشوف روحها قادرة تنوض تستغل الوقت خير

[ورد الاوليف]

نعم لقد جعلتها 6 ساعات هكذا افضل :)

[halima st]

صحتك لها أهمية أيضا..على الأقل 5 ساعات ونصف نوم تكون كافية