اعطوني رأيكم وماذا افعل

[ام خليل المصطفى]

السلام عليكم أردت أن احكي لكم مشكلتي وماذا تنصحوني أنا متزوجة تقريبا 6 سنوات عندي ولد وبنت بقيت مع ام زوجي سنتين ثم انتقلنا لولاية اخرى من اجل عمل زوجي مشكلتي ان ام زوجي لاتحبني منذ اليوم الأول ولم تزرني ولامرة وحتى عندما اذهب لهم لاتحبني ان اذهب لاهلي تريدني ان ابقى واقوم بالأعمال بدل كنتها التي معها للعلم لديها 5 كنات غيري لكل منزلها وهذه المرة ذهب زوجي للخارج 15 يوم دراسة فبقيت 5ايام هناك حتى ذهب زوجي وذهبت لاهلي واتفقنا أن ابقى عند اهلي اسبوع ثم اذهب عندها وعندما اتممت الأسبوع وكنت اريد ان اذهب جاءت عند اهلي ولم تترك ماتقول وذهبت وليست المرة الاولى دائما تهينني واسكت غضبت هذه المرة وبقيت عند اهلي ثم زوجي من أجل عمله ذهب مباشرة لمنزلنا في الولاية التي يعمل بها وأنا اخذني اخي ولما علمت ذهبت لأبي ووبخته وهي مقاطعتني وتدعوا عليا وقالت لهم لاتاتيني ولاتدخل منزلي. أنا كنت انتظر زوجي ياتي ويحلها لكن هو لم يأتي مارايكم للعلم اخته اتصلت بيا وانا عند اهلي بقيت تهدد فيا سنقاطعك وانت تكذبين .....هي مسامحة ابنها وأنا لاترد عليا حتى بالهاتف

[ام خليل المصطفى]

............................................

[إنسانة بسيطة]

اهدري مع راجلك علاخاطر هو الصح و حماتك واجبك معاها ديريه وكي تغلط فوتي ياك راكي عايشة وحدك و تتلاقاو في فترات متباعدة متعمريش راسك والا بيك على جات لداركم ودارتلكم التقلقيل هاهي هي الغالطة وتتحسب عليها مرا كبيرة و تحرش في ديار الناس

[آسيا 25]

شوفي يا أختي إذا أنت ما غلطتيش فيها و ماشية بالنية معاها ما تتأثريش بيها صمطيها أو خليها و كي تفوت مدة روحي عندها أنت و راجلك(ما تروحيش وحدك باش ما تتعرضيش للطرد و تزيد تنهان كرامتك) و أديلها هدية معاك و تعاملي معاها كأنو ما صرا والو و إذا لاحتلك الكلام ديري روحك ما فهمتيش ربي يصلح أحوالك أختي.

[ام خليل المصطفى]

شكرا لكن اخواتي والله أنا دايما نعاملها مليح ومشي هادي الخطرة الاولى دايما تبهدلني ونسكت ودركا وليت نمرض منيش نقدر ودرك راني خايفة من ربي لا يغضب عليا وهوما كامل شغل جاتهم على طبق من ذهب وزادوا كبروها وقالولي متدخليش للدار وكامل راهم منايفيني وحتى اهلي غي يتفرجوا مكان فايدة .دعوا معايا ربي يفرجها عليا

[samir-physique]

السلام عليكم
يا اختي باينة انت انسانة طيبة و عطوفة.لان الناس الطيبين
هم من يعمل الف حساب لشعور الاخرين. ثانيا يبدو ان زوجكي
هو احب الابناء الى امهم. و هي تشعر انكي اخذتي ابنها
منها و لذا هي تريد ان تعاقبكي بكل وسيلة. حسب ماذكرتي
فان زوجكي واقف على الحياد و هذا يدل على انه يحبكي.
انت اظهري لزوجكي دائما انكي مهتمة بامه .بطبيعة الحال
على حسب طاقتك و تذكري دائما انكي افضل حدث في حياتك
فلا تضغطي على نفسك الطبية. وربي يحفظلك اولادك و زوجك.

[zokhrofa]

سلام اختي ام زوجك اذا فاتت ال 50 تقدر تكون بدات تخرف ساعفيها و ما ترديش عليها كامل و روحي ليها و لو غلقت الباب اذا شفتي انها مصرة خلاص اقعدي في دارك و خلي زوجك يروح ليها و كل مرة ابعثيلها معاه هدية او حاجة تحبها حتى تعرف انها غالطة في حقك

حتى و تعرفيها راهي ترمي فيهم في المزبلة ابعثيلها معليش و ربي يحنن القلوب

[خالد عنابي]

اذا راكي منفصلة ببيتك تخبط راسها على الحيطان ماكش متزوجة بيها


لي في بالك اعمليه وما تديري حتى اعتبار الا لزوجك وفقط


قلصي من صلاحياتها ولا تعيريها اي اهتمام و راح تولي كي العسل

[هـــدوء]

أنت متزوجة بيها و لا بولدها ,علاه راكي معمرة راسك بيها يخي عندكم داركم وحدكم و علاقتك بيها من بكري مش مليحة وش جد الآن ؟

احكمي دارك مع راجلك و هي تروح تلعب ما تعيطيلها ما تكسري راسك معاها,بغات تكون محضر خير مرحبا مبغاتش ربي يسهل.

وديجا علاه تروحيلها و راجلك ماكانش,كي مايكونش راجلك دار باباك أولى بيك .

المهم ماتخليش بنها برك يقطع علاقتو مع أمو خاطر هو ملزم بيها بصح نتي لا.

[كاميلا]

تخبط راسها في الف حيط واش انت مهرج وين يحكمها لهبال تفرغ فيك الغش سمطيها وخليها تهبل انا كي منقيسش عبد منسمعش بيه ومدامك انك متاكدة باللي ماديتيهاش نحيها من راسك وزيد تجيكم لداركم وتهينكم ماينة ماينة مقواها

[أبو عبد الرحمان 1978]

اختي الكريمة على قدر راجل زيدي اصبري

[رشيد عبد الرحمان]

السلام عليكم أردت أن احكي لكم مشكلتي وماذا تنصحوني أنا متزوجة تقريبا 6 سنوات عندي ولد وبنت بقيت مع ام زوجي سنتين ثم انتقلنا لولاية اخرى من اجل عمل زوجي مشكلتي ان ام زوجي لاتحبني منذ اليوم الأول ولم تزرني ولامرة وحتى عندما اذهب لهم لاتحبني ان اذهب لاهلي تريدني ان ابقى واقوم بالأعمال بدل كنتها التي معها للعلم لديها 5 كنات غيري لكل منزلها وهذه المرة ذهب زوجي للخارج 15 يوم دراسة فبقيت 5ايام هناك حتى ذهب زوجي وذهبت لاهلي واتفقنا أن ابقى عند اهلي اسبوع ثم اذهب عندها وعندما اتممت الأسبوع وكنت اريد ان اذهب جاءت عند اهلي ولم تترك ماتقول وذهبت وليست المرة الاولى دائما تهينني واسكت غضبت هذه المرة وبقيت عند اهلي ثم زوجي من أجل عمله ذهب مباشرة لمنزلنا في الولاية التي يعمل بها وأنا اخذني اخي ولما علمت ذهبت لأبي ووبخته وهي مقاطعتني وتدعوا عليا وقالت لهم لاتاتيني ولاتدخل منزلي. أنا كنت انتظر زوجي ياتي ويحلها لكن هو لم يأتي مارايكم للعلم اخته اتصلت بيا وانا عند اهلي بقيت تهدد فيا سنقاطعك وانت تكذبين .....هي مسامحة ابنها وأنا لاترد عليا حتى بالهاتف

بدون إساءة

النساء دائما يجعلون من الحبة قبة

إذا كانت لاتحبك فأنت تحبينها وهذا يكفي مع الله ومع زوجك

وحتى لو لم تكن تحبك فهي فليست بالضرورة تكرهك

فالمطلوب فقط هو النظر الى النصف الممتلئ من الكأس

[الفتاة السعيدة]

ربي.يفرج.عليك