بخصوص معدلاتكم؟؟؟؟؟

[مريم المتفائلة]

معدلي الكارثي


كارثة والله معدلي 13 لم اكن انتظره لك قدر الله وما شاء فعل ومها كان الصح في الباك ان شاء الله نصحح أخطائي وأستوعب نقاط ضعفي واستدركها


اما انتم فكم كانت معدلاتكم؟؟؟؟؟؟

[إبرآهيمـ]

المعدلات الفصلية ليست معيار ، انا شخصيا كنت نجيب 7 و 8 في الفصول ولكن الباك جبت 14.54
لاني ددرت خطة عمل للباك وليس الفصول ، ونتائج الفصول ليست معيار بتاتا مع الباك ،
بالتوفيق

[mohamed.2000]

16.14 ان شاء اكثر في الباك

[مريم المتفائلة]

ربي يوفقك لما هو اكثر اخ محمد واذا كنت ممتاز قي الرياضيات والفيزياء اريد ان اسالك

[pérah tova]

Aaah leh Dédja !!!
Ma3liish Khtii wlh fl Bac Tduu Pluus 15
inShAllah

[مريم المتفائلة]

ان شاء الله حبيبتي

[رونق الصبح]

السلام عليكم
لا بأس مريم ..
أنت تعلمين و أنا أعلم و الكل يعلم أن المعدل غير مهم ، اعملي لأجل البكالوريا و تخلصي من هاجس الفصول
أمام فرصة ذهبية : العملة الثمينة أقصد العطلة الثمينة .. تداركي و ابدئي من الصفر .. المهم لا تستسلمي و لا تيأسي أبدا ..
وفقك الله غاليتي

[مريم المتفائلة]

شكراااااااا رونقتي نعم اعلم انه ليس مستواي وما بوسعي الا ان اصبر وانت كم كان معدلك

[رونق الصبح]

لا أعلم ، درست ساعة واحدة فقط هذا المساء و لم تخبرنا الأستاذة
لكن ما أعلمه أنه لن يكون كسابقيه .. تغيّر الكثيـر

[مريم المتفائلة]

الحمد لله حبيبتي على كل حال

[رونق الصبح]

الحمد لله
مريومة كل ما انتابتك مشاعر أو أفكار سلبية ، اقرئي توقيعكِ
أعجبني (:

[Nyna11]

هل اخذتم معدلاتكم ؟

[mohamed.2000]

ربي يوفقك لما هو اكثر اخ محمد واذا كنت ممتاز قي الرياضيات والفيزياء اريد ان اسالك

تفضلي اختي لن ابخل عليك بما عندي

[اميرة الطموحة]

نفس معدلك اختي . نشاء الله في الباك ندو كثر .بالفعل كارثة ربي يكون معانا

[اميرة الطموحة]

تفضلي اختي لن ابخل عليك بما عندي

ممكن ان اسالك انا ايضا اخي .الرياضيات تمثل هاجسا بالفعل بالنسبة لي . لا اعلم ما الطريقة الصحيحة لدراستها . هل يمكنك ان تمدني ببعض النصائح و طريقتك في دراستك لها . اذا تفضلت اخي . وشكرا لك مسبقا .

[مريم المتفائلة]

ان شاء الله ربي يوفقنا لما هو اكثر اختي اميرة


محمد اريد طريقتك في دراسة المواد العلمية

[mohamed.2000]

ان شاء الله ربي يوفقنا لما هو اكثر اختي اميرة


محمد اريد طريقتك في دراسة المواد العلمية
بالنسبة للفيزياء
شوفي نقرا درس مليح مع الاستاذ
كي نرجع لدار نقرى الدرس من عند الاستاذ رابع شريفي فاليوتوب مشاء الله هايل
بعدها نحل سلاسل الاستاذ شريفي ونشوف التصحيح من عندو وندي الافكار
وبعدها نبدا فالبكالوريات حتى نكملهم
وكل مانحل تمرين ندي الفكرة و نكتبها في مجموعة اوراق تاع افكار
وكذلك لا انسى تمارين قزوري وبعض تمارين كتاب المغني
بالمناسبة حبيت نقلك بلي منيش داير ليكور في حتى مادة غير العلوم

[mohamed.2000]

بالنسبة للرياضيات والله معندي طريقة
عندي الاستاذ نوردين برك
المهم اي دالة اجدها احلها
لا تهملي تمارين البكالوريات انها الاهم

[mohamed.2000]

العلوم اهملتها قلييييلا لاني اجدها سهلة
ولدي استاذ الدروس الخصوصية مشاء الله روعة واستاذتي في الثانوية روعة
تبداي تقراي الدرس هو الاهم في العلوم تفهميه مليح وخاصة الحصيلة المعرفية
بالنسبة للبكالوريات اقراي بيهم بالدرجة الاولى وشوفي الاجابات النموذجية مليييييح
انصحك بتمارين بوالريش و عقريب كمال و احمد امين خليفة

[!~•عًــ سُــيّــدٍ ــلــيّ •~!]

حنا مزال لانو استاذ الاسلامية مامدش النقاط كاينين تلاميذ جابو معدلاتهم بدون اسلامية
بصح انا يخلوه عندهم مانسحقش نعرفو باين راح يكون 14 ولا

[مريم المتفائلة]

ربي يحفضك اخ محمد لكن انا تقني وايضا مدايراش دروس خصوصيىة ربي يوفقنا كامل

[ilyes1996]

مريم متفائلة رغم تعبي كتيرا كنت استيقض 8.00 ولا انتهي حتى 11 ليلا ولا افعل شىء مع اني معدلي بين 12 و 13 المهمم
هل مممكن نتساعد ونضع مادا ندرسون في العطلة + مع العلم ان بنت عضوية اخي فقط
وانا تقني رياضي تخصص مدنية

[mohamed.2000]

ربي يحفضك اخ محمد لكن انا تقني وايضا مدايراش دروس خصوصيىة ربي يوفقنا كامل

ربي يوفقنا

[شمس الأمنيات]

سلام جميل
لا تيأسي وضعي نقاط ضعفك حافزا لبذل المزيد من الجهد والعمل على سد الثغرات قبل انتهاء العطلة

المعدل في الفصول مجرد نقطة "من قال ذلك فهو مخطئ "
لا يحدد مستواك لكنه ينبهك لاستخدام الخطة البديلة "في حالة النقص "
منبه فعال لتدارك اخطائك

اقولها لك مريم ولكل من تراجعت همته
مزالتم في بداية الطريق ما هي الا بعض الخطوات
فإغتنميها و حاولي عدم التعثر مرة اخرى

مبارك لك وان كان لا يعبر عن جهدك
محمد المعدل كل التوفيق
وان شاء الله اكثر في البكالوريا للجميع
ما هي الا بضع رتوشات وينتهي الم التأخر

وفقنا الله واياكم ^^

[mohamed.2000]

سلام جميل
لا تيأسي وضعي نقاط ضعفك حافزا لبذل المزيد من الجهد والعمل على سد الثغرات قبل انتهاء العطلة

المعدل في الفصول مجرد نقطة "من قال ذلك فهو مخطئ "
لا يحدد مستواك لكنه ينبهك لاستخدام الخطة البديلة "في حالة النقص "
منبه فعال لتدارك اخطائك

اقولها لك مريم ولكل من تراجعت همته
مزالتم في بداية الطريق ما هي الا بعض الخطوات
فإغتنميها و حاولي عدم التعثر مرة اخرى

مبارك لك وان كان لا يعبر عن جهدك
محمد المعدل كل التوفيق
وان شاء الله اكثر في البكالوريا للجميع
ما هي الا بضع رتوشات وينتهي الم التأخر

وفقنا الله واياكم ^^


ان شاء الله ربي ميخيبناش
ان شاء الله الجزاء يكون من جنس العمل
اطلب منك المساعة في الادب

[!~•عًــ سُــيّــدٍ ــلــيّ •~!]

سلام جميل
لا تيأسي وضعي نقاط ضعفك حافزا لبذل المزيد من الجهد والعمل على سد الثغرات قبل انتهاء العطلة

المعدل في الفصول مجرد نقطة "من قال ذلك فهو مخطئ "
لا يحدد مستواك لكنه ينبهك لاستخدام الخطة البديلة "في حالة النقص "
منبه فعال لتدارك اخطائك

اقولها لك مريم ولكل من تراجعت همته
مزالتم في بداية الطريق ما هي الا بعض الخطوات
فإغتنميها و حاولي عدم التعثر مرة اخرى

مبارك لك وان كان لا يعبر عن جهدك
محمد المعدل كل التوفيق
وان شاء الله اكثر في البكالوريا للجميع
ما هي الا بضع رتوشات وينتهي الم التأخر

وفقنا الله واياكم ^^

هاهي الهدرة :1::1::1:

[طالبة لها هدف]

عادي ماش كيما توقعت
مي كان 15.24

[!~•عًــ سُــيّــدٍ ــلــيّ •~!]

عادي ماش كيما توقعت
مي كان 15.24

راكي مليحة اختي

[طالبة لها هدف]

راكي مليحة اختي
علبالي مي ماش كيما خدمتلو

[!~•عًــ سُــيّــدٍ ــلــيّ •~!]

علبالي مي ماش كيما خدمتلو

انا مانيش حاب نشوفو مره
لانو كي حسبت معدلي كيما يحسبوه للباك يطلعلي وقيلا 14.70 ماهيش المعدل الفصلي يطلع 16 بالتقويم و الفروض ونقول راني مليح :1::1::1:

[شمس الأمنيات]

ان شاء الله ربي ميخيبناش
ان شاء الله الجزاء يكون من جنس العمل
اطلب منك المساعة في الادب

ان شاء الله
دائما اعمل وتأكد انك لن تخيب
وضع نصب عينيك قول الله عز وجل فيما يلي
قَوْله تَعَالَى : { إِنَّ الَّذِينَ آمَنُوا وَعَمِلُوا الصَّالِحَات إِنَّا لَا نُضِيع أَجْر مَنْ أَحْسَنَ عَمَلًا }
وقوله تعالى :(وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ ﴾

اي مساعدة ؟
انا هنا

[Miss Princess]

😒😒😒😒😒 t9elchi Ela Ne3met Rabii t9elChiii
😂😂😂😂😂😂😂😂Kn Nglk Ana Cheal
Rahi Dour bin 9 w 8 w Mel Youm mkch 9raya ma3netha heta le samedi bach na3ref w blk mour l'vacances
😕😕 Debrouli kach keDba ela L'3aiila L'karima

[العالمة الطموحة]

قدر الله و ما شاء فعل اقل معدل رايته في حياتي و المهم ان يتفطن الانسان لاخطائه و يعمل للاحسن في الباكالوريا اختي مريم 16.16 و عندي خطا في المعدل عند تصحيحه سيرتفع المهم ان نعمل للافضل دوما وفقنا اله جميعا:19:

[!~•عًــ سُــيّــدٍ ــلــيّ •~!]

😒😒😒😒😒 t9elchi ela ne3met rabii t9elchiii
😂😂😂😂😂😂😂😂kn nglk ana cheal
rahi dour bin 9 w 8 w mel youm mkch 9raya ma3netha heta le samedi bach na3ref w blk mour l'vacances
😕😕 debrouli kach kedba ela l'3aiila l'karima


قالولنا الي داو مليح بعد العطلة باه نمدولهم المعدلات :1::1::1::1::1::1:

[هاجر سوسو]

بالنسبة لثانويتنا مزلنا مع الإضراب للأسف

[Miss Princess]

قالولنا الي داو مليح بعد العطلة باه نمدولهم المعدلات :1::1::1::1::1::1:


-_- -_- Goul Wlh W BaghiHom Yaemnouni W gae
Rak Aref beli mknch photocopie et t't
Eya Banetli nglhom mzl ma Y'imprimouHom
??Ki banetlek

[طيف الملاك¤اماني¤]

ههههههههههههههه راكو تهدرو على المعدلاااات
والله كيما حات جااات
مي راح يكون سقووووط حر

[ilyes1996]

تقدر مريم تريبوندي عليااا

[!~•عًــ سُــيّــدٍ ــلــيّ •~!]

تقدر مريم تريبوندي عليااا

؟؟؟؟؟؟؟؟؟؟؟؟

[!~•عًــ سُــيّــدٍ ــلــيّ •~!]

-_- -_- goul wlh w baghihom yaemnouni w gae
rak aref beli mknch photocopie et t't
eya banetli nglhom mzl ma y'imprimouhom
??ki banetlek


لو كان جيتي تقراي معايا لوكان قلنالهم بلي استاذة الفرنسية مريضة ومزال مصححناش الاختبار ومزال مادفعتش النقاط لبعد العطلة باه يوجدو معدلاتنا :1::1::1::1:

هي الاستاذة صح مريضة بصح بعثت النقاط هههههههه

[Miss Princess]

لو كان جيتي تقراي معايا لوكان قلنالهم بلي استاذة الفرنسية مريضة ومزال مصححناش الاختبار ومزال مادفعتش النقاط لبعد العطلة باه يوجدو معدلاتنا :1::1::1::1:

هي الاستاذة صح مريضة بصح بعثت النقاط هههههههه


Dertha L'3am li fat
Mais Maelich n3awDou Nseyouha
Hfdk Chriki

[!~•عًــ سُــيّــدٍ ــلــيّ •~!]

dertha l'3am li fat
mais maelich n3awdou nseyouha
hfdk chriki


موفقة :1::1::1::1::1:

[طيف الملاك¤اماني¤]

مريم والله ماتخافي خلاه هذا المعدل جامي تقيسي بيه روحك
انا لي راح يكون معدلي كارثي المدير يشوف فيا دوووووبل هههه مي قلتو 2 كلمات في الباك راح تكوني معدلي ممتاز
قلي وعد
لاومك من هذا المعدل تصنعي الجدث
موفقة حبيبتي

[Miss Princess]

مريم والله ماتخافي خلاه هذا المعدل جامي تقيسي بيه روحك
انا لي راح يكون معدلي كارثي المدير يشوف فيا دوووووبل هههه مي قلتو 2 كلمات في الباك راح تكوني معدلي ممتاز
قلي وعد
لاومك من هذا المعدل تصنعي الجدث
موفقة حبيبتي


B'nsekSik
?خلاه Ki zaeMa
tjrs teketbiHa mais ma nefhemHach


موفقة :1::1::1::1::1:


Nchallah

[طيف الملاك¤اماني¤]

امينة يعني كيفاه راح نفهمهالك
خلاه افهميها مجموعة خالية فااي

[Miss Princess]

امينة يعني كيفاه راح نفهمهالك
خلاه افهميها مجموعة خالية فااي


∅
Seha Maelich

[المُعادلة الصّعبة]

امينة يعني كيفاه راح نفهمهالك
خلاه افهميها مجموعة خالية فااي
خلاه معناها خلاص
وهوما يقولوا قاع ميقولوش خلاص
مثلا ما تخافيش خلاص = ماتخافيش قاع ولا ماتخافيش كامل
هاذا هو معناها
ولا مثلا ما خدمتش خلاه = مخدمتش خلاص = مخدمتش قاع
وكاين لي يقولوا "طول"
هاكا

[Miss Princess]

خلاه معناها خلاص
وهوما يقولوا قاع ميقولوش خلاص
مثلا ما تخافيش خلاص = ماتخافيش قاع ولا ماتخافيش كامل
هاذا هو معناها
ولا مثلا ما خدمتش خلاه = مخدمتش خلاص = مخدمتش قاع
وكاين لي يقولوا "طول"
هاكا


Oua Amani mwaLfa tGoul ma khDemtch خلااه
😑😑😐😐W ana ne9raha khalah Ngoul Chkn da li khelah
Hada Win fhemTha Mercii Bcp bcp Rayan
Rahi da cheal g3ada takolni fi galbii

[~QUeen Of Darkness ~]

هههههه حتى انا مكنتش نعرف وش معنتها

[المُعادلة الصّعبة]

oua amani mwalfa tgoul ma khdemtch خلااه
😑😑😐😐w ana ne9raha khalah ngoul chkn da li khelah
hada win fhemtha mercii bcp bcp rayan
rahi da cheal g3ada takolni fi galbii


هههههههه اني والله علابالي خاطر غير حنا وياها نقولوها
وانا ثاني نقول تبان خلاه كيما نطقتيها نتي
هيا باهي اسيدي استفدتوا حاجا :1:

[Miss Princess]

هههههه حتى انا مكنتش نعرف وش معنتها


😁😁nouvelle information
😶😐😐خلاه nass tsekssi ki yHelou tamrin W mo3adalat w ana 😑😑Cha me3netha

[Miss Princess]

هههههههه اني والله علابالي خاطر غير حنا وياها نقولوها
وانا ثاني نقول تبان خلاه كيما نطقتيها نتي
هيا باهي اسيدي استفدتوا حاجا :1:


Ouah fi mizek
??Elh min Ntya

[المُعادلة الصّعبة]

ouah fi mizek
??elh min ntya


انا من الشرق م تبسه
اماني تحكي كيفنا بعد
حتا نحير فيها ساعات منين تجيب فالهدرة

[مريم المتفائلة]

نعم صاحبة العضوية ilyes راني هنا ديما وربي يوفقنا كامل ايه كاش حاجة قوليلي

[!~•عًــ سُــيّــدٍ ــلــيّ •~!]

لو كان سقسيتوني وكان جاوبتكم :1::1::1:

[Miss Princess]

انا من الشرق م تبسه
اماني تحكي كيفنا بعد
حتا نحير فيها ساعات منين تجيب فالهدرة


Khyar Nass


لو كان سقسيتوني وكان جاوبتكم :1::1::1:


Gae taheDrou kif-kif
Rani intrus BinatKom

[!~•عًــ سُــيّــدٍ ــلــيّ •~!]

khyar nass





gae tahedrou kif-kif
rani intrus binatkom


لالا انا خاطيهم وخاطيكم :1::1::1:

[Miss Princess]

لالا انا خاطيهم وخاطيكم :1::1::1:


répondii f Gmail a Rahj
-_-

[mohamed.2000]

انا نفهمكم كامل كيفاش تهدرو معنديش مشكل فاللغات هههههههه
لهجة تاع الشرق هايلة خلاه مام الغرب واه غاية

[!~•عًــ سُــيّــدٍ ــلــيّ •~!]

انا نفهمكم كامل كيفاش تهدرو معنديش مشكل فاللغات هههههههه
لهجة تاع الشرق هايلة خلاه مام الغرب واه غاية

حتى انا نفهمكم كامل

[!~•عًــ سُــيّــدٍ ــلــيّ •~!]

répondii f Gmail a Rahj
-_-


d9i9a brk ya mrhoja

[Miss Princess]

انا نفهمكم كامل كيفاش تهدرو معنديش مشكل فاللغات هههههههه
لهجة تاع الشرق هايلة خلاه مام الغرب واه غاية


😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂
واه غاية Mzlni neDhek ela hadi tae
hna 3anna des mots gae mkch mnhom surtout la génération taena

[Miss Princess]

حتى انا نفهمكم كامل

انا نفهمكم كامل كيفاش تهدرو معنديش مشكل فاللغات هههههههه
لهجة تاع الشرق هايلة خلاه مام الغرب واه غاية

na3tiKom des mots ma Ghadi tefehMou fiHom walou
tGesrouhalich haja kbira
-_-

d9i9a brk ya mrhoja

Ha Activi sadiki

[!~•عًــ سُــيّــدٍ ــلــيّ •~!]

na3tiKom des mots ma Ghadi tefehMou fiHom walou
tGesrouhalich haja kbira
-_-



Ha Activi sadiki


hani dkhalt whdart w5rajt ya wa7d sahlofa :1::1:

[Miss Princess]

hani dkhalt whdart w5rajt ya wa7d sahlofa :1::1:


W Khelitni m3elGa
-_-

[!~•عًــ سُــيّــدٍ ــلــيّ •~!]

w khelitni m3elga
-_-


الله غالب

[Miss Princess]

الله غالب


???Chawala

Seuha

[!~•عًــ سُــيّــدٍ ــلــيّ •~!]

???chawala

seuha


قصدي كي خليتك معلقة
نسيت بلي نتي قصيرة ماقدرتيش تهبطي ههههه :1::1::1::1::1:

[Miss Princess]

قصدي كي خليتك معلقة
نسيت بلي نتي قصيرة ماقدرتيش تهبطي ههههه :1::1::1::1::1:


Seuha Seuha

[!~•عًــ سُــيّــدٍ ــلــيّ •~!]

seuha seuha


ماتبكيش برك :1::1::1:

[~QUeen Of Darkness ~]

تعجبني الهدرة تع الشرق و الغرب بصح نفضل تع الشرق ،وحنا تع الوسط ولا وش يسمونا هههه مكاش لي تعجبو هدرتنا ولا واش ؟ باينة ولا وش قالووو سيدو خخ

ايا bonne nuit tt lmonde

[سارة بسمة نادية]

تعجبني الهدرة تع الشرق و الغرب بصح نفضل تع الشرق ،وحنا تع الوسط ولا وش يسمونا هههه مكاش لي تعجبو هدرتنا ولا واش ؟ باينة ولا وش قالووو سيدو خخ

ايا bonne nuit tt lmonde

ههههههههه راكي تشوفي حنا وسط بيناتهم...نورمال هههه:1:

[!~•عًــ سُــيّــدٍ ــلــيّ •~!]

تعجبني الهدرة تع الشرق و الغرب بصح نفضل تع الشرق ،وحنا تع الوسط ولا وش يسمونا هههه مكاش لي تعجبو هدرتنا ولا واش ؟ باينة ولا وش قالووو سيدو خخ

ايا bonne nuit tt lmonde

ياي قالو قالو

ههههههههه راكي تشوفي حنا وسط بيناتهم...نورمال هههه:1:

ايا مليح راكي معانا

[سندس سندوسة]

هههههه رااكم تفرقوا هده هي العنصرية بالدات حقرتوو ناس الوسط هههههه

[ياسمين نجوم]

ان شااااااء الله

[Miss Princess]

ماتبكيش برك :1::1::1:
NN tkt
تعجبني الهدرة تع الشرق و الغرب بصح نفضل تع الشرق ،وحنا تع الوسط ولا وش يسمونا هههه مكاش لي تعجبو هدرتنا ولا واش ؟ باينة ولا وش قالووو سيدو خخ

ايا bonne nuit tt lmonde
ههههههههه راكي تشوفي حنا وسط بيناتهم...نورمال هههه:1:
laa Ntouma li Elihom Chii

هههههه رااكم تفرقوا هده هي العنصرية بالدات حقرتوو ناس الوسط هههههه


Hhhhhh la ma HgernaHom Mais houma ma Bghawch Ybanou

[!~•عًــ سُــيّــدٍ ــلــيّ •~!]

nn tkt


laa ntouma li elihom chii




hhhhhh la ma hgernahom mais houma ma bghawch ybanou


نحن جنود الخفاء
حنا متواضعين بانو وحدكم :1::1::1:

[Miss Princess]

نحن جنود الخفاء
حنا متواضعين بانو وحدكم :1::1::1:


جنود الخفاء
3aGoun
متواضعين Rouh Rouh......gae
jat fik nta Bedel L'hedRa

[مريم المتفائلة]

ياي موضوعي اصبح دردشة

[fadiiii]

السلام بعد غياب طويل
المعدل 15.88
صراحة مش هادا هو حق تعبي
ليسونيآآلــــ بالتوفيق

[ilyes1996]

فادي اننت تخصص هندسة مدنية ممكن نراجع مع بعض + مواضيعكم من فضلك

[!~•عًــ سُــيّــدٍ ــلــيّ •~!]

ياي موضوعي اصبح دردشة

اسمحيلنا برك

[!~•عًــ سُــيّــدٍ ــلــيّ •~!]

السلام بعد غياب طويل
المعدل 15.88
صراحة مش هادا هو حق تعبي
ليسونيآآلــــ بالتوفيق

راك مليح خوك راه يدور في 13 و 14

[ترانيم الامل]

سلاااام مريم
معدلي كان 15،21، رغم انه لا يعكس المجهود الذي بذلته ،مع ذلك الحمد لله على كل حال
لا تقلقي غاليتي المهم ان نتدارك اخطاءنا ونحاول العمل من اجل تحقيق الافضل في شهادة البكالوريا ان شاء الله
موفقة

[benmoz]

سلامووووووو
عدت بعد غياب طوييييييييييييييل وشراكم ؟؟؟
عقلتوا عليا ؟؟؟ وي زينب ههههههه
المهم كيف الاحوال مع النقاط انا كارثة جبت 13.11 مهيش عاجبتني خلاص لخاطر كاين لي كنت جايبا خير منهم و فاتوني و هادي لي قادتني حتا و مقريتش كيما يلزم غير قراية تع ليكووووور المهم راني معولة نعوض لي فاتني في العطلة و انتم وش معولين ديرو

[Miss Princess]

ياي موضوعي اصبح دردشة


Désolé Meryem

[مُـ‘ـُنُـ‘ـُـعُـ‘ـُمُـ‘ـُ]

معدلي كان 14 (بدون فروض او تقويم يكون أفضل) ، معدلات الفصول ليس معيار فقط هي فرصة لتصحيح الأخطاء

[ملكة القمر]

لا تقلقوا ابدا بخصول المعدلات
جميعكم سيرتفع معدله في الباك
انا الفصل الاول اتذكر جيدا 16.69 هههع ندبت نكرهت
و في الباك الحمد لله طلع

[Miss Princess]

لا تقلقوا ابدا بخصول المعدلات
جميعكم سيرتفع معدله في الباك
انا الفصل الاول اتذكر جيدا 16.69 هههع ندبت نكرهت
و في الباك الحمد لله طلع


Nchallah
Mais Khety b'nseksik
Cheal diti fel BAC

[ملكة القمر]

nchallah
mais khety b'nseksik
cheal diti fel bac


اهلا بك معدلي كان 17.89
في الصيف الماضي فتحت موضوع للاستفسارات حول الباك يمكنك الاطلاع على الردود فيه علها تفيدك
اطلعي كذلك على مواضيعي اعتقد ان فينا مايسعدك
بالتوفيق و سلامي

[Miss Princess]

اهلا بك معدلي كان 17.89
في الصيف الماضي فتحت موضوع للاستفسارات حول الباك يمكنك الاطلاع على الردود فيه علها تفيدك
اطلعي كذلك على مواضيعي اعتقد ان فينا مايسعدك
بالتوفيق و سلامي


ما شاء الله
إن شاء الله غادي نشوفهم
وفقك المولى

[❀بُشرَﮮ❀]

السلام عليكم
تحصلت على 15,51 نعلم جيدا ان هذه المعدلات ليست معيارا للحكم لا عليك الحمد لله قد عرفنا اخطاءنا جيدا و وسنعمل باذن الله على تدارك الامور
بالتوفيق مريم

[العالمة الطموحة]

اين انت يا ريان عزيزتي شاركينا الريانة الطموحة:o:o:o;);)

[!~•عًــ سُــيّــدٍ ــلــيّ •~!]

انـــــــــــا 14.48

[pérah tova]

انـــــــــــا 14.48
Mabrouuk Inshallah ktarman haak fl bac

[!~•عًــ سُــيّــدٍ ــلــيّ •~!]

Mabrouuk Inshallah ktarman haak fl bac

يبارك فيك
لازم الواحد يعاود روحو ويبدا يتعب من ضرك خصوصا بعد ما قاللنا استاذ نتوما طلعتو فارغين وكانو يزيدولكم في العلامات :mad::mad::mad:

[pérah tova]

يبارك فيك
لازم الواحد يعاود روحو ويبدا يتعب من ضرك خصوصا بعد ما قاللنا استاذ نتوما طلعتو فارغين وكانو يزيدولكم في العلامات :mad::mad::mad:

يخي علبالك لازم في نهاية كل فصل تكون محاضرة تانيب الضمير
باه يشجعكم لوول
اي جاية العطلة اقراوا كلش وخصوصا تاع الفصل الاول وادخلوا بقوة في الفصل 2 :mh31::mh31:

[المُعادلة الصّعبة]

اين انت يا ريان عزيزتي شاركينا الريانة الطموحة:o:o:o;);)
اهلا عبير ،
مازال ما ظهر حتى خبر
كانت خرجت هدرات السمانه لي فاتت عالمعدلات تاعنا ومبعد ظهروا مزال ما حسبوهم
قالوا جماعة الباك فالعطله ولا بعد العطله مي جماعة البروميار والدوزيام دارولهم
وانتي قداش

[!~•عًــ سُــيّــدٍ ــلــيّ •~!]

يخي علبالك لازم في نهاية كل فصل تكون محاضرة تانيب الضمير
باه يشجعكم لوول
اي جاية العطلة اقراوا كلش وخصوصا تاع الفصل الاول وادخلوا بقوة في الفصل 2 :mh31::mh31:

هاذي باينة وهذاك الاستاذ يشوفنا في الفصل الثاني

[المُعادلة الصّعبة]

مبروك عليك سيدو زيد فورسي شوي تجيب كثر ان شا الله

[!~•عًــ سُــيّــدٍ ــلــيّ •~!]

مبروك عليك سيدو زيد فورسي شوي تجيب كثر ان شا الله

يبارك فيك
ياي لازم نزيد
ونتي شحال ديتي ؟؟

[المُعادلة الصّعبة]

يبارك فيك
ياي لازم نزيد
ونتي شحال ديتي ؟؟
مزال مزال مي نتوقع 15 ان شا الله

[!~•عًــ سُــيّــدٍ ــلــيّ •~!]

مزال مزال مي نتوقع 15 ان شا الله

ان شاء الله اكثر في الباك

[المُعادلة الصّعبة]

ان شاء الله اكثر في الباك
Inshaa Allah lina kamel yaa rab

[!~•عًــ سُــيّــدٍ ــلــيّ •~!]

inshaa allah lina kamel yaa rab


اسكتي اسكتي
راها جاتني واحد النفحة هكذا نتاع نقرا
بسبب ذاك الاستاذ راني وجدت روحي ضرك بعد الظهر نبدا نقرا ونتلاقاو في الفصل الثاني

[المُعادلة الصّعبة]

اسكتي اسكتي
راها جاتني واحد النفحة هكذا نتاع نقرا
بسبب ذاك الاستاذ راني وجدت روحي ضرك بعد الظهر نبدا نقرا ونتلاقاو في الفصل الثاني
اعطيني شوي مالنفحة تاعك
انا والله ملي خلاصوا لي كومبو ما قريت حاجا
باغيه غير نرتاح وفي نفس الوقت باغيه نقرا مي ماقدرتش
نتا كون تفورسي روحك شوي تجيب معدل كبير خاطر تركز غير على الموادالاساسيه رانا كيف كيف
انا الفصل هذا ركزت صح على الفيزيا والمات بصح كاين مواد ما طليتش عليهم ليلة الاختبار ملقيتلهمش وقت كيما الاجتماعيات والانجليزية ووو..

[!~•عًــ سُــيّــدٍ ــلــيّ •~!]

اعطيني شوي مالنفحة تاعك
انا والله ملي خلاصوا لي كومبو ما قريت حاجا
باغيه غير نرتاح وفي نفس الوقت باغيه نقرا مي ماقدرتش
نتا كون تفورسي روحك شوي تجيب معدل كبير خاطر تركز غير على الموادالاساسيه رانا كيف كيف
انا الفصل هذا ركزت صح على الفيزيا والمات بصح كاين مواد ما طليتش عليهم ليلة الاختبار ملقيتلهمش وقت كيما الاجتماعيات والانجليزية ووو..

انا ثاني مركز على الفيزياء و الرياضيات الكهرباء المادة الاساسية ومحليت فيها حتى اختبار ولا شفتها الادب شفتو الليلة قبل الاختبار ديت 15
انا ثاني ملي خلاصو الاختبارات حبست كلش
كاين الفترة الي قريت فيها مليح شوية هي قبل الاختبارات بسمانتين ولا
حتى نتي لوكان تركزي شوية على المواد الاخرى تدي مليح
لازملنا مانهملوهمش ماهيش غير المواد الاساسية
بما اننا نحوسو على المعدل ماناش نحوسو على النجاح لازم نركزو على المواد كامل ماهيش نهملو المواد الاخرى
اما الي حاب ينجح برك المهم ينجح يالوكان ب 10.00 هو الي يركز على المواد الاساسية برك

[المُعادلة الصّعبة]

انا ثاني مركز على الفيزياء و الرياضيات الكهرباء المادة الاساسية ومحليت فيها حتى اختبار ولا شفتها الادب شفتو الليلة قبل الاختبار ديت 15
انا ثاني ملي خلاصو الاختبارات حبست كلش
كاين الفترة الي قريت فيها مليح شوية هي قبل الاختبارات بسمانتين ولا
حتى نتي لوكان تركزي شوية على المواد الاخرى تدي مليح
لازملنا مانهملوهمش ماهيش غير المواد الاساسية
بما اننا نحوسو على المعدل ماناش نحوسو على النجاح لازم نركزو على المواد كامل ماهيش نهملو المواد الاخرى
اما الي حاب ينجح برك المهم ينجح يالوكان ب 10.00 هو الي يركز على المواد الاساسية برك
وي اكزاكتلي هاذي هي لي حبيت نوصلهالك انا
ربي يوفقك ان شاء الله تجيب وش تحب خويا ونجيبوا كامل وش نحبوا
حتا نا لازم نقلب الفيستا ونقتل روحي شوي المرة هاذي

[!~•عًــ سُــيّــدٍ ــلــيّ •~!]

وي اكزاكتلي هاذي هي لي حبيت نوصلهالك انا
ربي يوفقك ان شاء الله تجيب وش تحب خويا ونجيبوا كامل وش نحبوا
حتا نا لازم نقلب الفيستا ونقتل روحي شوي المرة هاذي

ايه ولازم هذا كامل في العطلة هاذي قبل مايفوت القطار

[benmoz]

سلام
تخيلوا جبت 13.11 و لقيتهم دايرينلي 00 في العربية وانا جايبا 14 طلعلي المعدل 14.51 مزية و الله باسك قلت خلاص راح الحلم مي الحمد لله

[مريم المتفائلة]

+-hhhh sidou ضحكتني علابالك حنا تاني قالولنا زادولكم ههههههgonflageوبلي الهندسة هي لي طلعتلنا المعدل هه وزيد وزيد لكن الحمد لله هههههههههه والله لا غايا بيمسحو الموس غير فينا

[Miss Princess]

معدلاتكم قاع ملاح تبارك الله
إن شاء الله تدو كثر من هاك فالباك

[!~•عًــ سُــيّــدٍ ــلــيّ •~!]

+-hhhh sidou ضحكتني علابالك حنا تاني قالولنا زادولكم ههههههgonflageوبلي الهندسة هي لي طلعتلنا المعدل هه وزيد وزيد لكن الحمد لله هههههههههه والله لا غايا بيمسحو الموس غير فينا

راكي شفتي
حقرونا :1::1:

[طيف الملاك¤اماني¤]

انـــــــــــا 14.48
مبروك عليك عضو متالق والمعدل

[المُعادلة الصّعبة]

مبروك عليك عضو متالق والمعدل
نعم نعم
:o
ونتي شحال يا متألقة

[طالبة لها هدف]

نعم نعم
:o
ونتي شحال يا متألقة
خخخ ونتي شعال !!
ليك وحشة يا وحشة خخخ من كثرة التاثر
كيف احوالك

[طيف الملاك¤اماني¤]

نعم نعم
:o
ونتي شحال يا متألقة
ههههههههههههههه انا وسيدو كيف كيف 14.98 للاسف
وانتي

[طالبة لها هدف]

ههههههههههههههه انا وسيدو كيف كيف 14.98 للاسف
وانتي
اهلا اماني
كيف الاحوال هل من مخطط

[Miss Princess]

انـــــــــــا 14.48

ههههههههههههههه انا وسيدو كيف كيف 14.98 للاسف
وانتي


Ya omrii Ki Sajyiin
.2ème triMestre Tzidou tetel3Ou Nchallah

[!~•عًــ سُــيّــدٍ ــلــيّ •~!]

مبروك عليك عضو متالق والمعدل

يبارك فيك

[المُعادلة الصّعبة]

خخخ ونتي شعال !!
ليك وحشة يا وحشة خخخ من كثرة التاثر
كيف احوالك

قتلتيني برومنسيتك مع اول لقاء بيناتنا خخخ :1:
والله مام انا توحشتك
انا شوفي وش قلت فالصفحة لي قبل هاذي
نتي 15 نورمالمو نو ؟ مبروك عليك لعقوبه لكثر خلاااص فالباك

[مريم المتفائلة]

ريونا حبيبتي شعال جبتي

[العالمة الطموحة]

اهلا عبير ،
مازال ما ظهر حتى خبر
كانت خرجت هدرات السمانه لي فاتت عالمعدلات تاعنا ومبعد ظهروا مزال ما حسبوهم
قالوا جماعة الباك فالعطله ولا بعد العطله مي جماعة البروميار والدوزيام دارولهم
وانتي قداش

اهلا ريان معدلي سقوط حر و لا يعبر ابدا عن جهدي او عن هدفي 16.16 و لدي اخطاء في الحساب و لكن لن يرتفع كثيرا المهم نتدارك الاخطاء و نمضي قدما اخبريني عن معدلك

[المُعادلة الصّعبة]

اهلا ريان معدلي سقوط حر و لا يعبر ابدا عن جهدي او عن هدفي 16.16 و لدي اخطاء في الحساب و لكن لن يرتفع كثيرا المهم نتدارك الاخطاء و نمضي قدما اخبريني عن معدلك
معليش عبورة تأبهيش للفصول ومعدلك ماشاء الله مليح
انا الحقيقه نتوقعو 15 ومانقوللكش قد جهدي ولا ماشي قدو
ماهتميتش ياسر للفصل يعني لدرجة توصلت بيا في فروض تاع مواد اساسيه نعرف الاجابه و منجاوبش
هاذ الشي ما قلقنيش لاني ادرى بنفسي
المهم كامل فالبكالوريا :rolleyes: