اول مقالة في حياتي

[mohamed.2000]

اليوم دخلت للقسم باش نجوز امتحان فلسفة قلت مستحيل نخدم فيها
حطولنا السوجي قدام كان فيه زوج اسئلة واحد هل انطباق الفكر مع الواقع يمنع انطباقه مع نفسه
والثاني قالك دافع عن الاطروحة القائلة ان الاسئلة في المعرفة اهم من الاجوبة وتحليل نص
المهم ديت السؤال الاول وبدات في تحرير المضوع كتبت 4 صفحات دون توقف حقا لقد احببت المادة
استمتعت بكل حرف اكتبه و كدستها باقوال الفلاسفة الحمد لله . نظرت خلفي لاجد الجميع متعجب من صعوبة الموضوع
ماذا عنكم كيف كانت اول مرة تكتبون فيها مقال خاص بكم

[سہندسہ]

هل حجم المقالة لها علاقة بالتقطة

باسكو كانت مقالتي صغيرة وفي كل برهنة وضعت اكثر من ثلاث حجج

مارايكم

[المُعادلة الصّعبة]

ماجانيش حتى شعور
انا اول مقاله فالفرض الاول الشعور اللي اعتراني هو انو مخي فارغ من الافكار
واني من كثر ما ما اهتميتش بالمواد الادبية ملي طلعت لليسي وغلبت عليها المواد العلمية حتى نسيت مفردات كثيرة و الاستاذه بعد نقدتني فالفرض قاتلي مقالتك موجزة جدا ونفس الخطا لي ارتكبتو اليوم

[Mr.R]

يا خويا تقريبا كيفي
كنت داخل بمنهجية تع تحليل نص و مشي حافظها مليح ههه
حطتلنا نص طويل و شوية صعيب
و كانت مقارنة بين منطق صوري و استقرائي
و جدلية هل يصح القول انه لكل سؤال جواب
أيا قلت ندير الجدلية
قعدت نتفكر وش درنا فلكلاصة لانها اول مقالة درناها
خلطت شوية فالبدية .... و فالوسط و .... المهم درتلها حاجة تشبه لمقالة
كي خرجت م ليسي تفكرت قول تع آرسطو حول الموضوع ,, مي معليش
أيضا أول مرة ندير مقالة فالاختبار اليوم ,, بدون أقوال لكن عجبتني ههههه

[!~•عًــ سُــيّــدٍ ــلــيّ •~!]

خوك خير مقالة مقارنة الكلمات الي في عقلو كامل حطهم ومكتبش 3 صفحات

[Ghada ella]

ههههههه انا تاني مقارنة بين السؤال العلمي والسؤال الفلسفي يقيت أنا آخر وحدة في القسم الحمد لله جاتني الأفكار بديت نكتب حتى لقيت روحي كتبت 3 صفحات البركة إن شاء الله بداية موقفة

[!~•عًــ سُــيّــدٍ ــلــيّ •~!]

ههههههه انا تاني مقارنة بين السؤال العلمي والسؤال الفلسفي يقيت أنا آخر وحدة في القسم الحمد لله جاتني الأفكار بديت نكتب حتى لقيت روحي كتبت 3 صفحات البركة إن شاء الله بداية موقفة

انا درت نتاع السؤال و المشكلة لانو البارح ركزت عليها شوية وكنت حاس تجينا وجاتنا ههههه

[الدرر البهية]

هل حجم المقالة لها علاقة بالتقطة

باسكو كانت مقالتي صغيرة وفي كل برهنة وضعت اكثر من ثلاث حجج

مارايكم

لا لا ختي انا كتبتلها قد ورقة مزدوجة و نصف لكنني لم اكثر الاقوال ديت 8
وحدة كتبتها في ورقة و نصف دات 15
التنقيط على المضمون ختي
لكن رغم عالمتي الا ان الفلسفة رائعة

[mohamed.2000]

انا درت نتاع السؤال و المشكلة لانو البارح ركزت عليها شوية وكنت حاس تجينا وجاتنا ههههه

انا حسيت بالمنطق جا هو راجعتو غير هو والمشكلة والاشكالية والسؤال لعلمي وفلسفي امن ولا متامنش مخزرتش فيهم كامل

[شمس الأمنيات]

جيد ،، ان شاء الله العلامة الكاملة ^^

[Ghada ella]

انا درت نتاع السؤال و المشكلة لانو البارح ركزت عليها شوية وكنت حاس تجينا وجاتنا ههههه

هههههه وانا راجعت السؤال العلمي والفلسفي

[nooor31]

دكرتني بسنتي الاولى حقاا انه احساس رائع

[mohamed.2000]

دكرتني بسنتي الاولى حقاا انه احساس رائع

واش راكي تقراي ظرك

[Miss Princess]

أيا ملــيح
إن شاء الله تدي نقطة مليحة

ما حسيت بوالو فالحق
😕😕

[mohamed.2000]

جيد ،، ان شاء الله العلامة الكاملة ^^


كاملة 20 ههههههه :o:o:1: فوق 15 برك معليش اول مقالة وبالشوية نتحسن

[هاجر سوسو]

هل حجم المقالة لها علاقة بالتقطة

باسكو كانت مقالتي صغيرة وفي كل برهنة وضعت اكثر من ثلاث حجج

مارايكم

أبدا أبدا ما ينقاسش على حساب الطول إنما المضمون وتوظيف الحجج

[iL_AlGiRiAnO]

ههههه أنا درت تحليل نص ويادرا ،، حلبنا فالطريقة هاذي تاع تكتب 4 ورق o.o

[ترانيم الامل]

اول مرة كتبت مقالة في الفرض حسيت بلي درت انجاز ، نتيجة الفرض كانت مرضية الى حد ما لكن بصراحة مازلت نحس الفلسفة مادة غريبة ههه و مقدرتش نتقبلها

[mohamed.2000]

ههههه أنا درت تحليل نص ويادرا ،، حلبنا فالطريقة هاذي تاع تكتب 4 ورق o.o

والله محسيت حتى حطيت القلم

[mohamed.2000]

المهم انك تحب المقالة
وانا كنت نعشق فالمنطق هههههههه

[اَشْرَفْ اَنيِسْ]

انا حفظت مقالة تع المنطق الصوري جدل و كنت متوقع 99 بالمية تجي حتى تشوكيت بالموضوع الاول السؤال و المشكلة و الثاني استقصاء بالوضع خيرت الموضوع ثاني و درت واش شفيت

[mohamed.2000]

انا حفظت مقالة تع المنطق الصوري جدل و كنت متوقع 99 بالمية تجي حتى تشوكيت بالموضوع الاول السؤال و المشكلة و الثاني استقصاء بالوضع خيرت الموضوع ثاني و درت واش شفيت

الجدل المقالة الام منها تقدر تخرج كلش مع فهمك للمنهجيات الاخرى فقط

[jieona]

حنا تان طاحنا اليوم المنطق المادي و الصوري
و استقصاء بالوضع ندافعو على اهمية الفرض
و تحليل نص في المشك و الاشكالية
راني شافية مليح بلي فالفرض حسيت روحي مخدمتش
مرجعلناش الاوراق بصح كلما كنت ندير مقالة و نقراها على الاستاذ كان يقولي هايلة حتى لوكان قصيرة مافيها والو
منكدبش عليكم حسيتو يجيب بي الوقت
و البارح كي كنت نريفيزي فلسفة كنت بزاف مخلوعة حسيت روحي ماحاش يكفيني الوقت
كان عندي 14 مقال لازم نديرو و مكنتش حافظة اقوال الفلاسفة
المهم جوزت ليلة بيضاء و كي حقت 5 رقدت 2 سوايع و رحت للثانوية
كي حطو الورقة غير شفت الفرض بديت نعمر
درت 3 صفحات و كمت فيهم 1.45 و ربع ساعة الباقي في نقل المقالة لورقة ااختبار
راني شافية قعدت انا و صحبتي اللخرين في القسم
مع صونات كتبيت اخر جملة
حسيت روحي خدمت و عمرتها اقوال فلاسفة خاطرش كنت فاهمتها و درتها في الدار 2 مرات
نهار مدلنا الشيخ نديروها و مصححهاش و زدت عاودت درت وحدوخرا ليلة اامتحان
بصح مالغري الخلعة تع فيلو و الله نحبها حلوة

[طالبة لها هدف]

جاتنا جدل منطق الصوري يحقق الفكر السليم ولا حاجة هكذا
مقارنة مشكلة و اشكالية
و تحليل نص
قبل ما ندخل دايرة في بالي نختار مقارنة
اعتمدت الجدل في الفرض و اعتمدت المقارنة في الاختبار مع انو الافكار لي عني في المنطق اكثر مي حبيت نشوف روحي وين نلحق
الحمد لله كتبت 2 صفحات في ساعة وربع
اما الاحاسيس هههههههه فلا شيء

[mohamed.2000]

حنا تان طاحنا اليوم المنطق المادي و الصوري
و استقصاء بالوضع ندافعو على اهمية الفرض
و تحليل نص في المشك و الاشكالية
راني شافية مليح بلي فالفرض حسيت روحي مخدمتش
مرجعلناش الاوراق بصح كلما كنت ندير مقالة و نقراها على الاستاذ كان يقولي هايلة حتى لوكان قصيرة مافيها والو
منكدبش عليكم حسيتو يجيب بي الوقت
و البارح كي كنت نريفيزي فلسفة كنت بزاف مخلوعة حسيت روحي ماحاش يكفيني الوقت
كان عندي 14 مقال لازم نديرو و مكنتش حافظة اقوال الفلاسفة
المهم جوزت ليلة بيضاء و كي حقت 5 رقدت 2 سوايع و رحت للثانوية
كي حطو الورقة غير شفت الفرض بديت نعمر
درت 3 صفحات و كمت فيهم 1.45 و ربع ساعة الباقي في نقل المقالة لورقة ااختبار
راني شافية قعدت انا و صحبتي اللخرين في القسم
مع صونات كتبيت اخر جملة
حسيت روحي خدمت و عمرتها اقوال فلاسفة خاطرش كنت فاهمتها و درتها في الدار 2 مرات
نهار مدلنا الشيخ نديروها و مصححهاش و زدت عاودت درت وحدوخرا ليلة اامتحان
بصح مالغري الخلعة تع فيلو و الله نحبها حلوة

مشاء الله
ولكن اختي انت تعيرينها اكثر مما تستحقه
صح جبتي 5 تاع صبح ههههههههههه

[mohamed.2000]

جاتنا جدل منطق الصوري يحقق الفكر السليم ولا حاجة هكذا
مقارنة مشكلة و اشكالية
و تحليل نص
قبل ما ندخل دايرة في بالي نختار مقارنة
اعتمدت الجدل في الفرض و اعتمدت المقارنة في الاختبار مع انو الافكار لي عني في المنطق اكثر مي حبيت نشوف روحي وين نلحق
الحمد لله كتبت 2 صفحات في ساعة وربع
اما الاحاسيس هههههههه فلا شيء

موضوع هايل في متناول الجميع
حنا مكاش المشكلة والاشكالية و مقارنة مكاش
تجي حدل بسيف

[*** عبق الزهور ***]

السلام عليكم
خخخ لازلت اتذكر اول مقالة كانت تشبه كل شيء ما عدى مقال
بالتوفيق

[مريم المتفائلة]

ربي يبارك محمد مام انا جاتني مقالة هل الفلسفة ضرورية

بديتها جدل ههه كملت الورقة تاع الامتحان هه والناس كامل تخزر والاساتذة متعجبين هههه والله حقا أحببت المادة

[malak.math]

اول مقالة لي كانت في الاختبار لانو مدرناش فرض
كان الموضوع فيه مقترنة التفكير العلمي و الفلسفي
و الثاني جدلية على المنطق
و في الخير تحليل نص

كنت حابة ندير تع المنطق لاتو حبيت بزاف هذاك الدرس لكن للاسف نسيت بزاف صوالح

المهم خبرها في غيرها
درت الموضوع الاول كنت حافظة مقالة حطيتها و خرجت ههه و مبعد مرضيتش عليها مكتبتش بزاف هههه
المهم خير من والو

بالتوفيق

[سارة بسمة نادية]

ههههه راكم شاطرين
في لفرض كنت معولة ندير جدل بصح لوقت مكفانيش درت مقارنة
وليوما معولة ندير جدل تع المنطق بصح كان عندنا تاريخ وجغرافيا وفلسفة حفظت غير تاريخ وجغرافيا والفلسفة وااالو كي جيت راجعت منهجية تحليل نص درتو مع اني لا علاقة

[jieona]

مشاء الله
ولكن اختي انت تعيرينها اكثر مما تستحقه
صح جبتي 5 تاع صبح ههههههههههه

هههههه من الخلعة
بصح والله نحبها
واقيل رجعت نحبها كي كان شيخنا يشجعنا
نحسو يجيب بي الوقت بصح كي يقولي مليحة نفرح و نزيد نخدم من قلبي
خاطرش ماكنتش موجدتها كامل كنت ندير غير وش يقول الاستاذ
هكدا تاني صراتلي في الفرض