تعبت نفسيا

[قرويجة]

السلام عليكم
إخوتي فالله انسان رقد ناض جبد روحو منك بدون أي تفسير
تحاول بكل الطرق تفهم واش ذنبك مع انك متاكد مليار في المئة مراكش غالط معاه
و يبدا التجريح فيك كي دافع على نفسك
يقولك مرانيش عليك و متحسبش روحك انت المقصود بكلامي و انت مشي محور العالم
وهو كاتب paragrafe يمعني فيه عليك خص يكتب غير إسمك و لقبك و تاريخ ومكان ميلادك.....علامات خصوصية
والله اللذي لا إله إلا هو تعبت نفسيا ........أستغفر الله العلي العظيم و أتوب إليه
مجرد فضفصة .........سامحوني

[قدوتي رسولي]

الناس تبدلت اختي واللي حب يجبد روحو يدير اي سبب لا تهتمي الله يخلص الحق

[غصن البآن]

سلامتك حبيبتي

شوفي نقولك كاين درجات لعلاقتنا بالناس كاين الي ميهمناش و غريب ..هذا كلامو ولا ياثر
وكاين الي نريحولهم و نوثقو فيهم لما نحسوهم انقلبو نتاذاو لكن هنا الثقه هاذيك نحيها بصمت و جبدي طويل
وكاين الي تقولي هاذا صديق او حبيب طبعا نقصد اي شخص صديقة اقارب او اي احد ...اذا بينكم عشرة هنا انتي اوزني .حتى ولو اذاك هاذ الانسان مرات نفوتو كلمة تجر باش منخسروش عشره طويله ...مي نولو نتجبنو الاحاديث و نحبسو نحكو واش فقلوبنا
وكاين انسان تحكيه كأنو توامك او شريكك ......هاذا لي صح يوجع بزااف و تحسي باختناق لما تنصدمي بكلامو او تحسيه يطعن فيك فظهرك
مي نقولك هاذ الحياة رانا نتعلمو منها الي لا والدينا و لا المدارس تعلمهولنا و مازالكي تدي دروس من اقرب الناس وتعرفي لي صح يحبلك الخير و نيتو طيبة و لي بزوج وجوه

وسعي خاطرك و استغفري ومادامكي مش غالطه وكلي ربي و ارمي مور ظهرك ..صدقيني ولا واحد يستحق نقهرو انفسنا واحنا مش ظالمين
الا لو غلطتي فحق واحد هنا الي تتعبي حبيبتي ......ربي يريح بالك

[kacimo.samy]

السلام عليكم
تحدث يا اخت
ما عليك الا تكبري بالك
ربي معك

[قرويجة]

الناس تبدلت اختي واللي حب يجبد روحو يدير اي سبب لا تهتمي الله يخلص الحق

امين يارب شكرا على مرورك

[قرويجة]

سلامتك حبيبتي

شوفي نقولك كاين درجات لعلاقتنا بالناس كاين الي ميهمناش و غريب ..هذا كلامو ولا ياثر
وكاين الي نريحولهم و نوثقو فيهم لما نحسوهم انقلبو نتاذاو لكن هنا الثقه هاذيك نحيها بصمت و جبدي طويل
وكاين الي تقولي هاذا صديق او حبيب طبعا نقصد اي شخص صديقة اقارب او اي احد ...اذا بينكم عشرة هنا انتي اوزني .حتى ولو اذاك هاذ الانسان مرات نفوتو كلمة تجر باش منخسروش عشره طويله ...مي نولو نتجبنو الاحاديث و نحبسو نحكو واش فقلوبنا
وكاين انسان تحكيه كأنو توامك او شريكك ......هاذا لي صح يوجع بزااف و تحسي باختناق لما تنصدمي بكلامو او تحسيه يطعن فيك فظهرك
مي نقولك هاذ الحياة رانا نتعلمو منها الي لا والدينا و لا المدارس تعلمهولنا و مازالكي تدي دروس من اقرب الناس وتعرفي لي صح يحبلك الخير و نيتو طيبة و لي بزوج وجوه

وسعي خاطرك و استغفري ومادامكي مش غالطه وكلي ربي و ارمي مور ظهرك ..صدقيني ولا واحد يستحق نقهرو انفسنا واحنا مش ظالمين
الا لو غلطتي فحق واحد هنا الي تتعبي حبيبتي ......ربي يريح بالك
شكرا يا طيبة
مرورك و ردك أثلج صدري
الناس هبلت يا اختي ام اسيل والشي لي محيرني أن هذا الناس غير واثقين قدرة ربي وفي كثير من المناسبات نلقاهم ينصحو في غيرهم يوكلو ربي على من ظلمهم كأنهم منزهين عن الخطأ
استغفر الله استغفر الله استغفر الله

[قرويجة]

السلام عليكم
تحدث يا اخت
ما عليك الا تكبري بالك
ربي معك



مرحبا اخي قاسم
كبرت بالي حتى سكنوا فيه
امين ربي معى كل مهموم
وكيما قرأت لك إحدى إجاباتك لي يحب يخرج من حياتك يشوف الثقب باب

[فردوس الرحمان]

خليها على الله ، الناس تبدلت ، المهم منظلمش معليش يظلموني هده هي طبيعتي

[قرويجة]

خليها على الله ، الناس تبدلت ، المهم منظلمش معليش يظلموني هده هي طبيعتي

و نعم بالله ياختي فردوس الله يعطيني صبرك
أنا رجعت نحس راهم ديروفيها بالعاني باش يقلقوني
يلدغوني ويرجعو لجحورهم يتخباو
ياخي .ي.ي.ي.ي.ي..................معرفتش واش نسميهم
شكرا على مرورك يا ختي

[إنسانة بسيطة]

شكرا يا طيبة
مرورك و ردك أثلج صدري
الناس هبلت يا اختي ام اسيل والشي لي محيرني أن هذا الناس غير واثقين قدرة ربي وفي كثير من المناسبات نلقاهم ينصحو في غيرهم يوكلو ربي على من ظلمهمن كأنهم منزهين عن الخطأ
استغفر الله استغفر الله استغفر الله

برك نسقسيك في نظرك واحد ظلمك صافي ظالم خلاص متقدريش تهضمي انو تظلم في ماضي ولا في حاضر .
يعني لي يظلمك خلاص عندك تحبس كلمة مظلومة ؟!

[قرويجة]

برك نسقسيك في نظرك واحد ظلمك صافي ظالم خلاص متقدريش تهضمي انو تظلم في ماضي ولا في حاضر .
يعني لي يظلمك خلاص عندك تحبس كلمة مظلومة ؟!

السلام عليكم
لا ياأختي العزيزة لي تظلم من حاجة ميظلم الناس بيها لأن جرب وجع الظلم
حاجة ثانية واحد كي يعرف روحو ممكن يظلم الناس ميبقاش يوري في روحو شوفوني راني هنا و ميبقاش يتبع فالإنسان لي ظلمو ويزيد عليه من تحت لتحت ......على العموم مراكي فاهم والو بصح حبيت نجاوبك