ارشدووني ..

[مشكلتي]

مساء الخير اخوتي
ندخل في الموضوع انا عمري 23 سنة مخطوبة من سنة ونصف ...خطيبي قريب ن العائلة كان خاطب قبلي فتاة لعدة اشهر وبعدها تفارقو ..مشكلتي اني نحسه مزال يحبها و متاكدة من هاد الشي بالرغم انه هاد البنت تزوجت !!!
انا بعد ما خطبني سالته سبب انفصاله عليها بدا يحكيلي عليها وقالي سبب الانفصال انها متبرجة بزاف وما حبتش تسمعله كي قالها التزمي و هكا عفايس ومبعد مدة سمعت هدرة انه كان ميت عليها بصح اهله ما عجبتهمش كي عادت مش متحجبة ومن الاول كانو رافضين الخطوبة وهو اصر بعد ما خطبها و تحدئ كامل عائلته لقاها مع واحد مصاحباتو وكل يوم معاه في مكان خدمتها مالا فسخ الخطوبة كي سمعت هاد الكلام فتحتو معاه واكدلي بلي صحيح ....مهم دلاك فاتت الحكاية وانا قلت عادي ماضي و فات ولكن خطيبي هادا مرضني انا ملتزمة ومتحجبة وجميلة جدا في الحقيقة الحمد لله و الله عاقلة وشحال من واحد متخلق خطبني ولكن ما كتبتش كي جا هو وافقت وندمت لانه بالرغم من كل الصفات الي فيا معدبني و يتعصب عليا من ولا شئ ونحسه يتفكرها و يبدا يمعنيلي ما فهمتش انا واش دنبي ....انا والله عاقلة خاطيني كل هاد الطريق نحسه يعاقبني علئ واش دارت فيه هيا ... انا تعبت والله اي حاجة نديرها ما تعجبوش وانا صابرة وما نعرفش واش ندير ما عندي لمن نحكي ونشكي انا اكبر اخوتي و ماما وبابا عاقلين خاطيهم المشاكل ودايرين في بالهم راني مرتاحة وانا والله ما قديييت هدرت معاه وقتله الا مش عجباتك علاه تخطبني عاد يقولي والو عجبتيني و و و ومبعد يومين 3 ايام يتقلب والله كرهت كيفاش الراجل يحب واحدة تمرمده وتخونه و تدير فيه الي ما يتدار والي عاقلة ومتربية وصابرة يعفس عليها ! المشكة الزواج تاعنا بعد شهرين ...واش ندير خايفة من مستقبلي وضايعة !

[nihal159]

السكوت مش حل؛ مادامك على بر الأمان حطي النقاط على الحروف؛ والديك لازم يسمعو منك واش راكي تعاني.

[بناتي نور العين]

اختي العزيزة انتي لازلت في فترة الخطوبة وهي اساسا لكي تتعارفا و تعرفا عقلية بعضكما

بعد صلاة الاستخارة قرري ما ان كنت تستطيعين العيش معه ان لا قبل فوات الاوان


موفقة باذن الله

[kacimo.samy]

السلام عليكم
كملي معاه وجيبي طفل وطلقي؟؟؟؟
يا بنتي حبسي من اخير لي راجل راجل
اذا راها واضحة معالم الخريطة غير توقفي
ديجا موجعلك قلبك؟وحابة تكملي؟؟
ما تقوليش اذا ماتتخبطتيش بعدها تقولي جر عليا قاسم
ربي يهنيك

[زبدة ذايبة]

الحال اللي راكي فيه ماشي بالسيف تحمليه

الأحاسيس اللي تجيك عادية جدا

أنه كان خاطب ،،، وكان يحب خطيبته

كل هذا عادي

اللي ماراهوش عادي أنه يشنف عليك ويزعف عليك

هنا المشكل

لازم جلسة حوار مع هذ الراجل

ولازم تهدري مع أمك وتخليها تكون في الصورة لما يحدث لك

ردي بالك تخبي عليها

الوضع تاع التشناف في فترة الخطوبة ينبئ بشر

ماتسكتيش

أحلى لحظات الحياة الزوجية تكون بعد العقد الشرعي

يكون فيها للمشاعر كلمتها الأولى والأخيرة

إلى حين الدخول بالزوجة دخولا شرعيا

وانت مع الأسف هذا الشيء ماعنكش وماكانش وماراكيش تحسي أنه موجود

بالعكس كاين الجفاء من جيهة هذا الرجل والعصبية

وكأنه يحملك السبب أنك وافقتي عليه

يتسمى حصلتيه بالزواج منك.

أهدري مع أمك واحكيلها تصرفات هذا الخاطب

فترة الخطوبة ليست فترة للصبر

بل هي فترة للتفاهم والمفاهمة والتخطيط لحياة هادئة وسعيدة

هذا الشيء مازال مارحتيش لعندو وراه يدير هكذا

لوكان راكي معاه راس براس وش يدير ؟؟؟؟؟؟؟؟

لازم جلسة حوار معه

وإذا ماشي عاجبو الحال معاك يخلي الطريق لشخص آخر

عرفت كثيرات كانت مرحلة خطوبتهن سيئة

وكانت تقول نصبر وبعد الزواج طلقها زوجها

اللي مايحملكش في فترة الخطوبة مايحملكش بعد الزواج

ماتكذبيش على روحك وتغلطي نفسك

مدام راكي في بر الأمان ماتسكتيش

رب يصلح حالك

[إنسانة بسيطة]

هذا و انت تقولي على روحك عاقلة قاعدة تقرعجي عليه و زيد تواجهيه بواش سمعتي ملا لو كان جيتي واعرة وش يصرا !!
نقولك بصراحة مشكلتك ؟ منين خبرتيه بواش عرفتي تقلب عليك ، قعدتي تفكري فيه ، ضركا حليها انت .

[FATIHA131]

يا اختي كيما قالو الاعضاء يعطيهم الصحة قولي لوالديك وماتخافي من والو هذا زواج مشي لعب
تفسخو خطبة خييييير من الطلاق وتندمي اكثر
مادام ماشي مقدرك و يشنف عليك و قلبو ماشي معاك اخطيك منه
وربي يرزقك الزوج الصالح

[ابو سليمان10]

مساء الخير اخوتي
ندخل في الموضوع انا عمري 23 سنة مخطوبة من سنة ونصف ...خطيبي قريب ن العائلة كان خاطب قبلي فتاة لعدة اشهر وبعدها تفارقو ..مشكلتي اني نحسه مزال يحبها و متاكدة من هاد الشي بالرغم انه هاد البنت تزوجت !!!
انا بعد ما خطبني سالته سبب انفصاله عليها بدا يحكيلي عليها وقالي سبب الانفصال انها متبرجة بزاف وما حبتش تسمعله كي قالها التزمي و هكا عفايس ومبعد مدة سمعت هدرة انه كان ميت عليها بصح اهله ما عجبتهمش كي عادت مش متحجبة ومن الاول كانو رافضين الخطوبة وهو اصر بعد ما خطبها و تحدئ كامل عائلته لقاها مع واحد مصاحباتو وكل يوم معاه في مكان خدمتها مالا فسخ الخطوبة كي سمعت هاد الكلام فتحتو معاه واكدلي بلي صحيح ....مهم دلاك فاتت الحكاية وانا قلت عادي ماضي و فات ولكن خطيبي هادا مرضني انا ملتزمة ومتحجبة وجميلة جدا في الحقيقة الحمد لله و الله عاقلة وشحال من واحد متخلق خطبني ولكن ما كتبتش كي جا هو وافقت وندمت لانه بالرغم من كل الصفات الي فيا معدبني و يتعصب عليا من ولا شئ ونحسه يتفكرها و يبدا يمعنيلي ما فهمتش انا واش دنبي ....انا والله عاقلة خاطيني كل هاد الطريق نحسه يعاقبني علئ واش دارت فيه هيا ... انا تعبت والله اي حاجة نديرها ما تعجبوش وانا صابرة وما نعرفش واش ندير ما عندي لمن نحكي ونشكي انا اكبر اخوتي و ماما وبابا عاقلين خاطيهم المشاكل ودايرين في بالهم راني مرتاحة وانا والله ما قديييت هدرت معاه وقتله الا مش عجباتك علاه تخطبني عاد يقولي والو عجبتيني و و و ومبعد يومين 3 ايام يتقلب والله كرهت كيفاش الراجل يحب واحدة تمرمده وتخونه و تدير فيه الي ما يتدار والي عاقلة ومتربية وصابرة يعفس عليها ! المشكة الزواج تاعنا بعد شهرين ...واش ندير خايفة من مستقبلي وضايعة !

لم توضحي سبب عصبيته...هل هو شك او شىء اخر
هناك احتمال يكون تاثر من حكاية الاولى و هو في مرحلة فقدان الثقة في النساء و هو يعاملك على هذا الاساس...يعني مزال قلبو طالع من الاولى

قد يتغير...لاكن ناقشيه في الامر و اعرفي السبب الحقيقي

[قدور بن عاشور]

مادام مازال ماتزوجتيهش غير أهربي من ضرك و افسخي الخطبة
لأنك رايحا تتزوجي و تقولي ياليتني فسخت الخطبة
و بعدها تقولي ياليتني تطلقت قبل أن يكون عندي أولاد و هكذا.

[جالب الخيرات]

مساء الخير اخوتي
ندخل في الموضوع انا عمري 23 سنة مخطوبة من سنة ونصف ...خطيبي قريب ن العائلة كان خاطب قبلي فتاة لعدة اشهر وبعدها تفارقو ..مشكلتي اني نحسه مزال يحبها و متاكدة من هاد الشي بالرغم انه هاد البنت تزوجت !!!
انا بعد ما خطبني سالته سبب انفصاله عليها بدا يحكيلي عليها وقالي سبب الانفصال انها متبرجة بزاف وما حبتش تسمعله كي قالها التزمي و هكا عفايس ومبعد مدة سمعت هدرة انه كان ميت عليها بصح اهله ما عجبتهمش كي عادت مش متحجبة ومن الاول كانو رافضين الخطوبة وهو اصر بعد ما خطبها و تحدئ كامل عائلته لقاها مع واحد مصاحباتو وكل يوم معاه في مكان خدمتها مالا فسخ الخطوبة كي سمعت هاد الكلام فتحتو معاه واكدلي بلي صحيح ....مهم دلاك فاتت الحكاية وانا قلت عادي ماضي و فات ولكن خطيبي هادا مرضني انا ملتزمة ومتحجبة وجميلة جدا في الحقيقة الحمد لله و الله عاقلة وشحال من واحد متخلق خطبني ولكن ما كتبتش كي جا هو وافقت وندمت لانه بالرغم من كل الصفات الي فيا معدبني و يتعصب عليا من ولا شئ ونحسه يتفكرها و يبدا يمعنيلي ما فهمتش انا واش دنبي ....انا والله عاقلة خاطيني كل هاد الطريق نحسه يعاقبني علئ واش دارت فيه هيا ... انا تعبت والله اي حاجة نديرها ما تعجبوش وانا صابرة وما نعرفش واش ندير ما عندي لمن نحكي ونشكي انا اكبر اخوتي و ماما وبابا عاقلين خاطيهم المشاكل ودايرين في بالهم راني مرتاحة وانا والله ما قديييت هدرت معاه وقتله الا مش عجباتك علاه تخطبني عاد يقولي والو عجبتيني و و و ومبعد يومين 3 ايام يتقلب والله كرهت كيفاش الراجل يحب واحدة تمرمده وتخونه و تدير فيه الي ما يتدار والي عاقلة ومتربية وصابرة يعفس عليها ! المشكة الزواج تاعنا بعد شهرين ...واش ندير خايفة من مستقبلي وضايعة !

عجبا من أمرك.............................................. .يا أختي الغلطة مش في الراجل الغلطة فيك وفي أهلك...................كيفاش من عام و نص مخطوبين و الضرك ما تزوجتوش............... و المشكل انت كيفاش تقوليلي راك ملتزمة و مزيونة و متخلقة و....و.... و من بعد تقولي لي اهدرت معاه و حكاكلي و قالي و...و... و يناه هذا حتى تقسري و تحكي معاه راجلك مش راجلك.......خطيبك إيه و هذا مربط الفرس. فهو محرم عليك و لا يجب الإلتقاء به إلا مع محرم..................................يا بنت الناس لازمكم تتزوجوا و خلوكم من عقلية الأفلام الهندية و المكسيكية...............و الله الفرقة خير.............قالك عام و نص مخطوبين.....................يرحم والدينا بكري كان يخطبها اليوم يرفدها غدوة و يدير العرس و يتهناو............................ما يحاول يعرف ما تحاول تعرف المهم راهم متزوجين و المحبة تجي مبعد العشرة.......................................

[جالب الخيرات]

مادام مازال ماتزوجتيهش غير أهربي من ضرك و افسخي الخطبة
لأنك رايحا تتزوجي و تقولي ياليتني فسخت الخطبة
و بعدها تقولي ياليتني تطلقت قبل أن يكون عندي أولاد و هكذا.


وش راك...................تقول........................ .................الله يهديك.................الطفلة تقلك انصحني و انت تقلها افرقي الحالة.................قلها اتزوجي..........

[11111]

أولا : كيف عرفتي أنه مازال يحبها ؟؟؟؟؟ لا يوجد مرض مدمر مثل مرض الشك

ثانيا : لا يحق له أن يحاسبك على شيء لم تفعليه ولكن هده غلطة النساء فهن من إخترعن التعميم فأصبح يضيق صدر الرجل عندما يجد فتاة منحرفة

والحل هنا يكون بالحوار الهادئ واشرحي له أنك مختلفة وبيني له شخصيتك هدا إن كنتما قد عقدتما العقد الشرعي

والغريب تقولين أنك ملتزمة ومتخلقة وتتكلمي مع خطبك لي هو أجنبي عليك !!!

ونزيدك حاجة إدا كان سبب فسخ خطوبته هو التبرج فأقول لك هدا رجل و ملك الرجال

أما قولك أنه مازال يحب خطيبته فهدا مجرد وهم ، فمادا عن الدي يكون مطلق ؟؟!! يعني لا يستطيع أن يتزوج !!

صدقني هدا الرجل نادر ما تجدي مثله فتمسكي به وبيني له أنك مختلفة وأنك بنت فاميلية

[موح الحراشي]

"ولكن ما كتبتش كي جا هو وافقت وندمت " لقد اجبت بنفسك على مشكلتك،وحلها بيدك،الزواج سكينة ، وليت الواحد يلقى وحدة بالصفات لي فيك -ان صدقتي-

[first first]

لازال يحب تلك الفتاة؟......مجرد شك!!!.....ولو اني اتساال هل بعد الخيانة يبقى الحب او الاعجاب؟؟؟؟؟؟
كنصيحة نقولك ثقي في نفسك وفي مؤهلاتك.....خليك من يحبها ومايحبها...لو يحبها ورايح يجن عليها كون ماخلاهاش ....يعني حتى لو كان متعلق بها فهناك بينهما اشياء قتلت تلك العلاقة.
استخيري الله وحاولي تفهمي شخصيته وتتفهميها بعيدا عن تلك القصة

[توتة2008]

نصيحة من عندي افسخي الخطبة ورب يعوضك خير خاصة انكم عاقلين و خاطيكم المشاكل