احببته و لكن

[مشكلتي]

السلام عليكم
فتاة في سن 18
رجاءا قراءة موضوعي دون الرد بالكلام الجارح
لم يمر على تعرفي به شهر
لكن صفاته و اخلاقه تجذبني اليه باستمرار
انه خلوق رجل صالح ليس طالح
يكبرني سنا ليس مراهق تجاوز 25
صراحة تعرفت عليه صدفة ليس عن طريق مواقع التواصل الاجتماعي
احيانا اريد اخباره بانني اريده لي مستقبلا اخاف ان ارد مرفوضة
لكنه اخلاقه عالية حقا قد لا تصدقوني لكنها الحقيقة
اخاف انني ان لم اخبره قد اضيع شاب في مثل اخلاقه
ماذا افعل

[oumhana]

كملي قرايتك وشوفي مستقبلك والأيام تنسيك يابنتي 18سنه راكي في بداية المشوار،السفرطويل والمركب غالي، إهتمي بمستقبلك وربي يرزقك بوليد الحلال

[11111]

يجوز للمرأة أن تخطب لنفسها من تراه كفؤا في دينه وأخلاقه ، حتى إن البخاري قد بوب باب عرض المرأة نفسها للزواج

ولكن يجب أن يكون بالطريقة الشرعية أي إما عن طريق محارمه أو محارمك ولا تتكلمي معه أنت بنفسك

وإن كان دو دين وخلق فلا تضيعي هده الفرصة ولا تصغي لم يقول لك مازلت صغيرة فأنت في السن المناسب

و انزعي من رأسك فكرة نكمل قرايتي !! لأن قرايتك ماغديش تنجحك وتعطيك الإستقرار النفسي وتوكلي على الله

[kacimo.samy]

السلام عليكم
بلاك مرتبط؟؟
شوفي ادرسي وربي يديرلها حل
نقلك قليلو مشكلة نقلك لا ..مشكلة
ربي يرزقك ان شاء الله

[*** عبق الزهور ***]

السلام عليكم
قد لا يعجبك ردي اخية
نصيحتي ارمي عليييييييييييييييييييييك تصوري لو سمع والدك بهذا الموضوع ماذا ستكون ردة فعله فكري في مستقبلك و دراستك لان هذا وش رح تلقاي
ثم ما يدريك لعله متزوج او خاطب او حاط وحدة في بالو وصدقيني غاليتي لو كان من نصيبك فسيكون لك حتى ولو وقف العالم باسره في طريقكم وحتى ولو فرق بينكم الزمن والمسافات انا متفهمة ان هذه المشاعر خارجة عن سيطرتك لكن حاولي نسيان الموضوع اعملي على غض بصرك واشغلي اوقات فراغك
وفقك المولى لما فيه خير لك واصلح حالك بالتوفيق لك اخية ^^

[زبدة ذايبة]

ألتهاي بقرايتك !!!!!!!!!!!!!

ضرك اللي تشوفيه من برا شباب وعاقل تحسبيه متخلق !!!!!!!!!!!!!!!!!!

ماخص تروحي تهدري معاه !!!!!!!!!!!!!!!!!!!

وين راه الشرع والدين والحياء

وين راه حيائك ؟؟؟؟؟؟

وش رايحة تقوليلوا

عجبتني جيت نخطبك خفت تديك أخرى استناني حتى نكمل قرايتي ؟؟؟؟؟؟

شوية يا بنتي !!!!!!!!!!!!!

أعقلي !!!!!!!!!!!!!!!


درتي كلش يقالك غير تحبي الرجال !!!!!!!!!!!!!!!!!!!!!!!!!!

وين تروحي بهذا التفكير ؟؟؟؟؟؟

من اللي خلق الله عزوجل آدم وحواء

وهي معروفة أن الرجل هو اللي يخطب البنت

يعجبك سعيد أو بوزيد أو ...... ماشي مهم

المهم أن سعيد أو بوزيد يجي للدار يخطبك

يعني ماعندك حتى حق تروحي عند راجل وتقوليلوا نحبك نجي نخطبك


ولو كان ديري كيما راكي تفكري

رايح يقول عليك أنك إنسانة ماتسوايش ورخيصة وماعندك لا تربية ولا أخلاق

أقراي وش كتبتلك مليح

وخليك من الأفلام والمسلسلات تاع العشق و ....... اللي فسدتلكم عقولكم

وحافظي على شرفك وعرضك

إذا كانت أخلاق هذا الشاب ممتازة فتأكدي أنه أي خطوة تجي من ناحيتك رايح تكون ضدك

بالتالي يابنيتي فكري ألف مرة قبل ما دوري براجل ما حللهولكش رب العالمين

حافظي على دينك وحيائك

المرأة إذا ضيعت دينها وحيائها وشرفها تولي أرخص من الدمية في محل اللعب.

[طالبة لها هدف]

اختي مزالكي صغيرة
تلهاي بقرايتك خير ليك
مزال الوقت و تصيبي مكتوبك

[um hajar]

ونعم الرأي يا أختي زبده ذايبه والله والله. ربي يسرلك لك الخير . ان كانت اخلاقه ممتازه فلتك انت ايضا اخلاقك ممتازه

[سَامِيَة]

مدة شهر هذه ليست إلا
المقدمة
والمقدمة عادة تجي شابة
ومشوقة
الصح فالعرض والخاتمة
ربي ينورك

[بناتي نور العين]

شوفي بنيتي انا ننصحك ونقولك حبسي ماتحكي مع حتى واحد ماتقولي لي عاقل ما ما والو ان شاء الله حاج بيت ربي

حبسي من التعارف شوفي لوالديك و خطيك من الصحبة الغير جيدة لانو اكيد رايحة تجرك لطريق مشي مليحة

و اهم حاجة هي قرايتك ما ينفعك والو غير قرايتك

انا تزوجت صغيييييرة 16 سنة بخطبة تقليدية الحمد لله مع زوجي لاباس ماتقوليش لازم نتعارف و لازم نحكي ووووو .....

و لكن ندمت على الدراسة والآن ادرس بالمراسلة معاناة

ننصحك تتلهاي بدينك و قوي ايمانك بالله و كملي الدراسة باجتهاد و ربي يرزقك بعد انهاء الدراسة بأفضل زوج متخلق قولي آمين

موفقة :)

[Aniraz]

هل شهر كفيل بأن تحبيه وأن تحكمي على أخلاقه وسيرته وووو ؟؟؟؟؟؟؟؟؟؟؟؟؟ عزيزتي أنت مازلتي صغيرة ومستقبلك أمامك انتبهي أكثر لدراستك لانك حتما ستضيعيها عند تفكيرك بهكذا أمور ولا يمكن أبدا استدراكها فأتركي أمر الزواج والحب ولوقته ولا تخيبي ثقة والديك فيك.

[الصديق قروف]

هذا اعجاب مراهقة فقط
ننصحك بعدي على العلاقات المحرمة لتبقى نفسيتك مرتاحة
وحكاية تاع شهر هاذي يضهر مكيش عاقلة مليح

[الداعي الى الحق]

زبدة ديبة تعجبني ارائك لانها صريحة وبعيدة عن تصنع مثل حال الاخرين ولكن اخطئتي كي قلتي ان فساد الشباب يرجع الى المسلسلات .

لانه لو صح المشاهدين يقلدوا المسلسلات لعشنا في جنة فاغلب شخصيات بلمسلسلات تركية يكونوا على اخلاق كبيرة وطيبة ضمير بصح ناس خلاو جع هدي الاشياء المليحة وركزوا فقط في الجانب السيئ في المسلسلات ولهو العري وزنا . انما لو ركزوا على الجانب الايجابي لهو الطيبة كيما هما وتحلي بضمير والاخلاق الكبيرة وتفاهم وتسماح ونزيدوا عليه الجانب الايجابي نتاعنا لهو الشرف والحياء والله العظيم وراني حلفت غادي نكونوا مجتمع راقي .

ولهدا ملزمش نلوموا المسلسلات لانهم يقدملنا نمادج صالحة جدا واحنا لكنقلدوا فقط الجانب المسيئ فقط . ادن العيب فينا والحلال بين والحرام بين .

[قدور بن عاشور]

أعجبتني أخلاقه هههههههههه
ألتهاي بقرايتك ياطفلة و أحشمي على عرضك و عرض والديك.
و زيد الناس جاية تفتي و البخاري بوب بابا بكذا و كذا
ربي يهدينا