زُخْرُفَةٌ زعفانة :هل نَتَّحِدْ لمقاطعة هذه الشبكة ؟

[zokhrofa]

السلام عليكم جميعا

شبكة Ooredoo نجمة سابقا و اوريدو حاليا


اليوم حقا بلغ السيل الزبى و فاض الكأس و الطاس

أشتعل غضبا و لا أجد كيف اطفي غليلي الاّ اذا ساندني من حصل معه نفس الأمر

كيما نقولو ما يحس بالجمرة غير لي كواتو

الموضوع و ما فيه هو انو اليوم و هذا ليس اوّل مرة بعدما اختار تسعيرة 200دج للأنترنت اللا محدودة من طرف اوريدو نجمة ooredoo يصلني رسالة قصيرة اننّي تخطيت الحدود في استعمالي لها

مع انو التسعيرة موضّحة بالخط العريض عرض فيه انترنت مجااااااااااااااااااااانا غير محدود + مكالامات غير محدودة نحو اوريدو + 400دج صالحة للاستعمال

كل هذا بدون اي تحذير ولا المطالبة بالنظر في موقع الشبكة لأكثر معلومات لأنّ كل الامر موضّح عند تشكيل *110#


المهم منذ أوت و انا استعمل هذه التسعيرة كل مرّة يخلقون لي مشكل

مرة الشبكة ناقصة

سيدتي غيري جهاز هاتفك

سيدتي سنسجّل تقريرك السيء و نحل الامر

في كل مرة يتحججّون بأمر ما

المهم الشيء الذي لم اره ولا مرة عاودو الاتصال بي و برّرو سبب الانقطاع و عدم استفادتي من التسعيرة التي قمت بالختيارها

تخيلو مرات 200دج مرات 1000دج مرات 2000دج في كل مرة اقول ما علينا زوج دورو نحكي عليها

لكن انا لا اضحك و العب بالانترنت انا كل عملي يتطلب الانترنت

ليأتون في اخر المطاف يقولون لي لقد تخطيتي الحدود في استعمالك مع انو مكتوب بكل وضوع غير محدود


قوقولي ارجوكم

هل انا غالطة ؟

هل نقوم بحملة لمقاطعة شبكة اوريدو ؟

[محمد جديدي التبسي]

مع موبيليس والكل يتألم
في بلادنا كل الشبكات ما فيها فايدة
كلها تسرق جيوب الشعب وتستغلنا

[zokhrofa]

لكن تسرق لأنّ الكل ساكت لو نتّحد ولو مرة في حياتنا ربّما نغير شيء ما

تخيلو معي لو كل الصفحات في الفايسبوك و كل القنوات في اليوتيوب و كل المواقع و كل المنتديات تتحد لقطع شبكة سرقت جيوبها

بالله عليكم ألن يغيّرو سياستهم ؟

طبعا نعم

علي رضي الله عنه عندما اشتكو من غلاء سعر اللحم في وقته ماذا قدّم لهم كحل ؟

قال قاطعوهم

بعدما قاطعم الزبائن اخفضو التجار سعر اللحم

صح ام لا ؟

لماذا لا نعود لنفس الأمر

ليس فقط فيما يخص الشبكات في كل منتوج نرى انو سعره ليس هو او البائع يحاول سرقتنا

[nihal159]

للاسف هذي هي بلادنا، السرقة المقنعة، كل العروض تبدا بصيغة الجنة فوق الارض و في نهاية المطاف تلقايها اكبر اكذوبة.
هوما تمادو كثيرا خاطرش لقاونا ساكتين، نفس المشكل مع الجيل الرابع، في بداية الترويج للجيل الرابع كانت كارت تاع 1000 دينار فيها انترنيت غير محدودة لمدة شهر، و من بعد غيروها بعد ماجات رجلنا فالفلقة، حسبنا الله و نعم الوكيل.

[zokhrofa]

لكن اختي نهال علاش الشعب ما قاطعهاش تخيلي ولات 3500دج هذا هبااااااااااااااااااااال

[محمد جديدي التبسي]

المشكلة ان سياسة المقاطعة لا يمكن تطبيقها لان الكثير راضي ويشري
امس كيلو الطماطم بعشرلاف انا قاطعتها الجماعة دايرة لاشان تقولو ديرلي 2 كيلو؟؟؟
يعني لا أمل لي في مقاطعة شيء في هذه البلاد مهما غلا ثمنه

[nihal159]

مش غير هبال هذا لحرام بعينيه، نهار بدلو العرض تاع الجيل الرابع الناس لكل ماعجبهاش الحال لكن واحد ما قاطع، سبحان الله، شعبنا ماعندوش ثقافة المقاطعة ، اصلا شعبنا ماعندوش ثقافة المواطنة، يعني الشعب لازملو دورة تكوينية باش يولي يحس روحو مواطن عندو حقوق و واجبات.

[zokhrofa]

كان نقوللكم انا ناااااااااااااادرا جدا ما اتفرج على قنوات جزائرية مرة درت النهار

تخيّلو واش كاتبين : رأي الشارع في ..... و الله نسيت خاطش كنت مركزة على كلمة شارع

هل وصل الامر بهم ان يقولون عن الشعب شارع ؟

و الشعب راضي و يهدر و فرحان و يبين في السن ديالو في الكميرا

والله كان جات عندي سبتة كبيرة غير نطيح عليهم بالواحد حتى يتعلمو قيمتهم تاع الصح


انا الحمد لله يا ربي كي تكون مثلا الباطاطا غاليا والله ما تدخل للدار حتى تحبط كيفها كيف الطماطم

علاش خلاصو المواكل عليا ؟

كاين الف طبق بدون بطاطا و طماطم

[kacimo.samy]

السلام عليكم
كون شوفتي اضراب تاع جامعات لي هي نخبة مثقفة تعرفي علاه
شعب الجزائري ما يعرفش حاجة اسمها مقاطعة
وكل شبكات تنهب
انا راني بـ اتصالات الجزائر وقريب نهبل
حاجة لي دوختني لوين رايحين ؟؟؟
اللهم ما جعل وجودنا في الوطن العربي شفيعا لنا يوم القيامة

[zokhrofa]

لا حول ولا قوّة الا بالله العلي العظيم

ما نعرف وقتاش شعبنا يتعدّل و يولي بنادم

[وسيمツ]

نجمة تسعيرة الوحدة فيها 10 دج و العياذ بالله...
اقترح عليك العرض الجديد من موبيليس La win
مكالمات غير محدودة نحو موبيليس + انترنيت بخدمة الجيل الرابع
بسرعة محترمة جدًّا تكافئ 8 mo في السرعة بسعة 5Go
هذا ان امكنك شراؤها لأنها تقريبًا مطلوبة جدًّا ...
هوني عليك و الباب اللي يجيك منو الريح سدو و استريح ...
ثم لم لا تتصلين بخدمة الزبائن و تخبرينهم أنها غير محدودة؟
أقترح أن تُفرغي غيظك في مكالمة و تمضي نحو عرض آخر ...
ربي يسهّل.

[zokhrofa]

ههههههههههههههههههه سبحان الله

يشهد الله علي انّي فعلت نفس الشيء

اتصلت بهم و ماخليتلهم ما بقيتلهم

يا سراقين راكم تشوفو فينا جايحين والله راح ندير حملة ضدكم

قاتلي السيدة لي حكيت معاها انا وعلاش قلتلها انا مانحكيش معاك راني نحكي مع اوريدو و الله اوّل مرة في حياتي نعيط لواحد نقولو كلام كيما هذا و بالنرفزة هذيك

عادة ما نكسرش راسي بزاف اكبر حاجة نديرها نقاطع الشركة

لكن والله غاضتني بزاف عمري حسيت روحي جوزوهالي عااااااااادي

ولي زادت نرفزتني كي كانت تقولي مانيش نسمع فيك madame

قلتلها تكوبي نجي نحرق عليك الدنيا

تخيلو والله ما كوبات و كانت ترجعلي معناها كانت تسمع و تقولي المكالمة سيئة

حسبي الله و نعم الوكيل فيهم و الله ما نطلقهم باذن الله

نعم انا حابة ندير la win ان شاء الله ربي يوفقني و نلقاها برك و الله نحتاجها في عملي حقا

[kacimo.samy]

هههه
ما يقطعوش عليك ممنوع
المهم جربي la win كيما قال اخ وسيم بارك الله فيه
اليك نبذة عنها
https://www.youtube.com/watch?v=XEgLjU9uNhY

[وسيمツ]

ولي زادت نرفزتني كي كانت تقولي مانيش نسمع فيك madame

قلتلها تكوبي نجي نحرق عليك الدنيا

تخيلو والله ما كوبات و كانت ترجعلي معناها كانت تسمع و تقولي المكالمة سيئة

حسبي الله و نعم الوكيل فيهم و الله ما نطلقهم باذن الله

نعم انا حابة ندير la win ان شاء الله ربي يوفقني و نلقاها برك و الله نحتاجها في عملي حقا


أضحكتني هذه حقًّا :1:
أيضا ان صادف و مررت بنجمة ادخلي قوليلهم وين راه chef de service
أفرغي ما تبقّى من غيضك هنالك و أخبريه أنك طرحتِ القضية في منتدى ب مليوني عضو :cool:
عن la win استعيني بـ معارف' من الناس اسواءً من تبيع في مقر الخدمة أو الموزعين العاديين ... الله غالب إنها البلاد
ربي يفرج عليك

[zokhrofa]

سلام

راني شفت الفيديو و لقيت تعليك لفت انتباهي

واش رايكم فيه :

اللي يحوس على كونكسيو غي اخطيك
...مافيهاش تدفق منخفض يعني كي تكمل الجيع¨ات تحبس عاود افليكسي ...انا نفليكسي 2000 و ناكتيفي اول تو يعطوني 4 جيع¨ا و 5000 كريدي مع قاع لي ريزو ....و تبقى 2000 تاعك كيما هي نخدم بيها حتى يكملو الجيع¨ات نعاود نفليكسي عشرالاف ناكتيفي 2100 يعطوني 5 جيع¨ا و كي تكمل تبقى 512 يعني تقدر تتفرج يوتوب عادي ...و هكا ب ميتين الف نستفاد من 9 جيع¨ا و 5000 كريدي ..مدة 40 يوم او اكثر ...على حساب ما شدتلك 4 جيع¨ا الاولى ...و تقظر تحافظ على 200 الف تاعك و كي يقرب يكمل الشهر تاكتيفي بيها شهر اخر ....هذا احسن عرض ..انترنت مليحاï»؟

[zokhrofa]

؟؟؟؟؟؟؟؟؟؟؟؟؟؟؟؟؟؟

[kacimo.samy]

سلام
زخرفة لا اعلم لم اجربها
لكن في المستقبل لاشك اشتري واحدة
ايه ونتي فكرتي؟؟ تشتريها؟؟

[zokhrofa]

نعم راح نشري ان شاء الله

[kacimo.samy]

ربي يسهلك ان شاء الله ^ ^

[zokhrofa]

اذا شريتها و عجبتني نكتبلكم تجربتي معاها لكن اكيد ليس بعد 3 ايام من شراءها ^^

[kacimo.samy]

ان شاء الله

لدي 3 اصدقاء اشتروها وهم شاكرينها
لكن ديري في بالك بكري تلقي طلب عليها كثير

[zokhrofa]

في الحقيقة راني طلبت من اخي يشوفلي كاش معريفة ما نعرف اذا يلقى ولا لالا خاطش ما نعرفو حتى واحد في موبيليز

[وسيمツ]

اللي يحوس على كونكسيو غي اخطيك
...مافيهاش تدفق منخفض يعني كي تكمل الجيع¨ات تحبس عاود افليكسي ...انا نفليكسي 2000 و ناكتيفي اول تو يعطوني 4 جيع¨ا و 5000 كريدي مع قاع لي ريزو ....و تبقى 2000 تاعك كيما هي نخدم بيها حتى يكملو الجيع¨ات نعاود نفليكسي عشرالاف ناكتيفي 2100 يعطوني 5 جيع¨ا و كي تكمل تبقى 512 يعني تقدر تتفرج يوتوب عادي ...و هكا ب ميتين الف نستفاد من 9 جيع¨ا و 5000 كريدي ..مدة 40 يوم او اكثر ...على حساب ما شدتلك 4 جيع¨ا الاولى ...و تقظر تحافظ على 200 الف تاعك و كي يقرب يكمل الشهر تاكتيفي بيها شهر اخر ....هذا احسن عرض ..انترنت مليحاï»؟



يجب أن يتضح أمر ... لا سبيل للمقارنة بين أنترنيت من إتصالات الجزائر ADSL و الأنترنيت شبكات الهاتف النقال من 3G , 4G
أكيد الأولى أحسن ،و هما من مستويان مختلفان لذا لا نقارن بينهما ... فبالحديث عن الأمر الثاني عرض la win هذا فيه مكالمات غير محدودة نحو موبيليس أولا و قدر محدود نحو الشبكات الأخرى، أما من جهة الأنترنيت فلك سعة محدودة تقدر بـ 5Go على العموم و 8Go عند أول مرة استعمال
و فيها أيضا فيسبوك غير محدود ...
بمعنى بنفاذ السعة يتطلب الأمر إعادة التعبئة بالطبع ...،عن السرعة محترمة جدًا كما ذكرت، لا سيما ان كانت الشبكة في مدينتكم مزودة ب 4G لأنها في طور التعميم و لم تبلغ كل الشبكات
ان كنت تسألين أن كانت مناسبة لك أم لا بالنسبة لشخص يستعملها كما يستعمل أنترنيت ADSL من مشاهدة فيديوهات على اليوتوب بالجودة الممتازة و تحميل كل ما يحضر دون اعتبار ...فبالتأكيد لن تناسبهلأنها ستنفذ سريعًا و لأنه سيضطر لإعادة تعبئتها كل مرة...
أما ان كان الإستعمال يقتصر على التصفح و الفيسبوك و مشاهدات على اليوتوب بشكل عادي فلن تتمكني من استهلاك كل تلك السعة ...
كما أنني أعتقد أن السعة تنتهي صلاحيتها بانتهاء الشهر و الله أعلم...

[FATIHA131]

والله عندك الصح
ماكانش سراق كيما اوريدو
ليوم بعتولي مساج يحوسو يعرفو مستوى رضا الزبون عليهم
غدوة نردلهم 0
هههههههههه هذا باينة التهديد نتاعك خوفهم بغاو يشوفو اراء الناس

[zokhrofa]

سلام انا كل ما يهمني في الامر هو عرضهم لتصفح الموقع واد كنيس مجانا هذا ما يهمني اكثر

هل هذه المعلومة صحيحة ؟

اختي فتيحة ههههههههههههه ردي بالك يدولك دراهمك هذا الامر نسيت نقوللكم عليه

كي يبعثولك هذيك الرسالة لازم تردي عليها تم تم باش ما يدوش دراهم والاّ اذا بطيتي راح يدولك سعر الرسالة هههههه

[وسيمツ]

سلام انا كل ما يهمني في الامر هو عرضهم لتصفح الموقع واد كنيس مجانا هذا ما يهمني اكثر

هل هذه المعلومة صحيحة ؟



حتى لو لم يكن صحيحًا ف 5 جيغا تكفي و يبقى.

[zokhrofa]

لا صراحة ما تكفينيش واد كنيس يديلي بزاف الكونيكسيون على جال الصور

[FATIHA131]

سلام انا كل ما يهمني في الامر هو عرضهم لتصفح الموقع واد كنيس مجانا هذا ما يهمني اكثر

هل هذه المعلومة صحيحة ؟

اختي فتيحة ههههههههههههه ردي بالك يدولك دراهمك هذا الامر نسيت نقوللكم عليه

كي يبعثولك هذيك الرسالة لازم تردي عليها تم تم باش ما يدوش دراهم والاّ اذا بطيتي راح يدولك سعر الرسالة هههههه

هههههههههه الله يهديهم هذا مانقولو

[zokhrofa]

آمين واش راح نقدرو نقولو في بلاد يقولولك خويا خلّص الفاتورة من بعد اشكي ههههههههههههه


حسبي الله و نعم الوكيل