جامعة التكوين المتواصل قسنطينة

[لجين وفاء]

اليوم جاءني استدعاء من جامعة التكوين المتواصل قسنطينة المطلوب الحظور مصحوبة شهادة النجاح في امتحان الالتحاق بالجامعة وشهادة النجاح المؤقتة بطاقة التعريف
والله تحيرت مافهمتش وعلاه استدعاوني مانقدر نروح هادو الايام عندي ظروف
الرجاء الي عندو معلومة يخبرني وشكرا لكم
انشاء الله تجاوبوني لاني ماعنديش الزهر معاكم السؤال الي نحطو مايسمع بيا حتى واحد حتى نقعد نحاول ونعاود باه يجاوبوني هههههه

[لجين وفاء]

راني قلتلكم واحد يرد عليا يعني مكان حتى واحد من جامعة التكوين المتواصل قسنطينة؟

[بعموري]

انتي مشكلتك مستعصية بزاف ما يقدر يجاوبك غير الهاتف اتصلي بيهم بالهاتف وخبرينا واش قالو لك

[لجين وفاء]

شكرا لك جزيلا لكن مانعرفش الرقم تاعهم والشكر مرة ثانية على الرد

[mayayasmine]

اختي انا اني نخدم في زرزارة اين توجد ادارة جامعة التكوين المتواصل في الطابق الثالث نقدر نصقصيلك بصح يوم الإثنين المقبل اي يوم 11/12/2017 المهم لازم تعطيني المعلومات تاعك باش نعرف نجاوبك ولا تحبي نجيبلك الرقم تعهم وتعيطيلهم وانشاء الله فيها خير وحاجة اخرى زرزارة اي كانت مقفولة وما كناش نخدمو حتى فتحوها اليوم فقط اي يوم الخميس والسلام عليكم

[لجين وفاء]

ياحبيبتي لعزيزة ربي يسترك صقسيلي ربي انشاء الله يعطيك ماتتمناي قلبي راهو يغلي راني مزوجة بعيد ومقدرتش نروح حتى العطلة وبالاك ميخدموش قليلي تعيشي انا بعتولي استدعاء مطلوب احظار شهادة النجاح النهاىءية وشهادة الدخول الي الجامعة النسخة الاصلية مع بطاقة التعريف والاستدعاء طبعا انا قريت فرع توثيق دفعة 2014

[لجين وفاء]

واذا حبيتي مديلي النيميرو تاعهم نعيطلهم وربي يجازيك بالخير

[mayayasmine]

اختي شوفي اليوم ثاني في الصباح قفلو علينا زرزارزة ومدخل حتى واحد والأغلبية بكل روح ومن بعد حل على لمنتصف النهارا المهم اني هبطت لطابق الثالث ما لقيت حتى واحد اني نزيد شوي ونروح عندهم ونقولك .

[لجين وفاء]

تعيشي ربي يخليك ختي

[mayayasmine]

اختي اعطيني الإسم واللقب تاعك باش يعرفوك ويشوفو علاه بعثولك الإستدعاء المهم قالولي ممكن هاد الأوراق لي طلبوها منك باش يحطوها في الملف تاعك من اجل استخراج الديبلوم الأخير اي diplôme final, قبل ما يطلعوهم للجزائر العاصمة للإمضاء وشكرا

[لجين وفاء]

والله حبيت نبعتلك اسمي في رسالة خاصة ماحبتش تفوت قوليلي تعيشي تقدري تمديلي النيميرو تاعهم نتاصل بيهم ونسالهم تعيشي
وربي انشاء الله يسخرلك انسان يقضي حاجتك في الدنيا او في الاخرة امين يارب العالمين واعلمي اختي ان الله لايضيع اجر المحسنين وشكرا لك جزيلا

[mayayasmine]

صباح الخير اختي قوليلي على اللقب تاعك برك والدفعة لانه قالولي ماكاش 2014 بلاك تقصدي 2004 ورقم الهاتف كاين غير تاع المديراو السكرتيرة وقالولي ما يحبش يرد على الطلبة يقلهم لازمكم الحضور والإستفسار المهم سجي هادوك الأوراق لقلولك عليهم وجيبيهم على جال الديبلوم تاعك والله اعلم وربي يوفقك ويكملك مافي قلبك وكاشما تستحقي الني هنا بدون تردد وربي يقدرنا على فعل الخير.

[لجين وفاء]

صحيح انا دفعة 2004 غلطت كيكتبت العام المهم ربي يسترك ويخليك انشاء الله قوليلي برك يخدمو في الفاكونس ولا لالا تعيشي باه لكان يخدمو كيعوشرو لولاد نروح عندهم وياريت نتلقا بيك ونشكرك وجها لوجه لانك تستاهلي كل خير اختي ربي يجازيك

[mayayasmine]

سلام اختي اني نضقصيلك ونردرك قبل العطلة وانا انشاء اني ما نخدمش في العطلة انشاء الله في فرصة اخرى وكاشما تحبي نخدمك اني هنا دائما وربي يوفقك ونجحلك وليداتك يارب

[لجين وفاء]

مشكورة جدا يا القسنطينية الطيبة بنت بلادي ربي يخليك ويخليلك من تحبي انشاء الله

[mayayasmine]

مساء الخير اختي انشاء الله تكوني بخير المهم ادارة جامعة التكوين المتو اصل راهم يخدمو في العطلة.

[لجين وفاء]

شكرا ليك حبيبتي والله عرفتك ماتنساينيش لانو باين اصلك طييب ربي يخليك ويعطيك ماتتمناي انشاء الله . انا لااستطيع ان اكتب رساىءل خاصة ليس مسموح لي بذلك نهار نقدر نكتب رساىءل اكيد رايحة نسال على احوالك.سلام اختي لعزيزة

[لجين وفاء]

مساء الخير اختي مايا ياسمين راني رحت لزرزارة وليقت سي سليم مجاجش بصح والله حرام عليه يشيط فينا كاين الي جاو حتى من الطارف وهو غايب يبعتو ديكونفوكاسيون للناس ومن بعد يقفل البيرو تاعو ومايجيش على بالك والله قريب ورحت شكيت للمدير ومن بعد تراجعت بصح نوكلو عليه ربي وتعيشي وصليلو امانة قلو راهم طلبة جامعة التكوين المتواصل شبعو فيك دعاوي حرام عليك
المهم حبيت نخبرك بلي ماشي الناس كامل ملاح كيفك انتي تساعد في العباد عن بعد وماتعرفيهمش وسيدي سليم يشيط في خلق الله .قالولي الطلبة الي لقيتهم السمانة كاملة وهوما يقولونا اوماجاش .
تصبحي بخير اختي وتعيشي قوليلي اسكو نقدر نبعت بابا في بلاستي يجيب الديبلوم سقسيهم وقوليلي تعيشي .سلام

[لجين وفاء]

ارجو منك الاجابة على سؤالي اختي الفاضلة

[mayayasmine]

اختي سامحيني اليوم وين قريت الميساج تاعك والله ماعلبالي واش كاين المهم هل عرفتي السبب لي استدعاوكم عليه ولا لا(كون جيتي تقدري تمديلي الرقم تاعك تاع الهاتف اوالفيسبوك ولا اي حاجة اخرى نقدر نتواصل معاك خير)

[لجين وفاء]

والله ماعندي فايسبوك والرقم منقدرش نبعتهولك في رسالة خاصة قالولي عدد المشاركات لاتسمح
هما استدعاونا باه يمدولنا الشهادة النهاىءية .
حبيتك تسقسيلي برك لكان نقدر نبعت ابي في مكاني اولا وشكرا لكي جزيل الشكر

[mayayasmine]

صباح الخير اختي انشاء الله تكوني بخير المهم اني نردلك الخبر بكل فرح وسرور