النجدة

[مشكلتي]

السلام عليكم
راني نعاني من واحد آفة ربي يجيركم منها وهي الحسد والبغض منحبش الخير لغيري نهار نسمع وحدة زادت فيها حاجة لو كانت بسيطة نغييييير منها ونتمنالها زوال النعمة باش نفرح وتروح لي القنطة منعرف علاه :mad:؟؟؟ والله منحب هذي خصلة تكون فيا أبدا بصح لاصقة فيا ومقدرتش نحيها يعني اذا عطاهم ربي علاه نحسدهم و والمشكلة اني فاهمة أنو الارزاق مكاتيب من عند ربي وواحد ميقدر ينحيهالك ولا يعطيهالك إلا بأذن الله وعلابالي بلي منفيد غير سيئات على كتافي كنحسد ومع ذلك منحبش الخير ودائما نذكر روحي بالحديث النبوي لايؤمن أحدكم حتى يحب لأخيه ما يحب لنفسه ولكن لا فائدة !!!!

ساعدوووني رجاااااء

[مراد سابقا10]

السلام عليكم

يا اختي الحسد اول معصية في السماء واول معصية في الأرض

اياك واياك والحسد فانه ندامة في الدنيا والاخرة

انا نتذكر كاين واحد صديقنا كان يمشي مع واحد مبعد هذاك السيد ابتعد عنه وعاداه كي سقسينا احنا السيد هذاك علاه عاديتوا قالنا يا خاوتي راهو حساد كبير يحسد في

كلش احنا والله مصدقناه قعدنا نمشيوا معاه حتان بيناناتوا الأيام وظهر كلام السيد هذاك صحيح وضرط عاديناه كامل ولا يمشي وحدوا تصوري من كثر الحسد انتاعوا والله

وجهوا اسود وحكموا واحد 7 او 8 امراض .

انا نقولك حاجة يا اختي حذاري يكتشفوا فيك الناس هذه الصفة وهي الحسد والله يا لوكان يمشيوا الهدرة وين تسكني بلي انت حسادة والله واحد ما راح يرحمك خاصة في

المجتمع انتاعنا وانا واحد منهم بصراحة نكره السحود ونبغضوا .

المهم حسب قرائتي لما كتبت فانت تعرفين مشكلتك بالضبط وان الله كتب الأرزاق قبل 50000 الف سنة فلماذا يحسد الإنسان اذا اخاه الإنسان فلا تدرين ما اخذ الله منهم

ولا تدرين انت ما هو مخبئ لك في الحياة من اشياء جملية لذا لا تحسدي

وان كانت نيتك صافية في التخلص من هذا المشكل فسيوفقك الله للتخلص منه انا ننصحك ادعي في الجوف الأخير من الليل قومي الليل وادعي واذا قدرتي ديري عمرة

ديري لربما الله يشفيك من هذا المرض القلبي الخبيث واخيرا نصيحتي لك كل انسان فيه بذرة حسد كما قال الرسول فالمؤمن يخفيه واللئيم يخرجه معليش تحسدي

بصح ميوصلكش الحسد تفعلي اشياء سيئة . لأنوا كاين حوائج في الدنيا هذي اذا قدر الله ودرتيها لا يمكن اصلاحها .

[toulay]

وعليكم السلام ورحمة الله وبركاته
يا اختي هذا مشكل عويص وكون يعرفوا بلي انت حسودة واحد مايحكي معاك وتبقى وحدك
لازم تكون عندك القناعة وقول الله يبارك وماشاء الله
ربي يجعلك الشفاء ان شاء الله
بالتوفيق

[الفارس النبيل 93]

أختي الكريمة إن رفضك لهدا الأمر القبيح دليل على أنك صاحبة خير

فالدي يحب الشر للناس يستمتع بدلك ولا يندم أبدا وهدا من شر أنواع الأمراض النفسية التي ابتلي بها بن آدم

أما أنت فلا ، ففيك الخير الكثير لأنك لا تريدين هدا الشيء ، فاعملي على تغليب جانب الخير على جانب الشر فأنت تستطيعين دلك واكثري من الدعاء والتضرع وقراءة سورة البقرة وآخر ايتن من سورة البقرة قبل النوم ولا تنسي آية الكرسي والمعوذتان

حتى يحصل لقلبك الشفاء

[ابو سليمان10]

غيرك كثير و خاصة من النساء و هن لا يكتفين بالحسد بل ينتقمن من صاحب النعمة
معرفتك بمرضك هذا هو نصف الطريق..عليك ان تسيطري على نفسك الامارة بالسوء

[Saif al-Islam]

الحسد هو ظاهرة شيطانية من أعمال إبليس " لعنة اللّه عليه " ، فتصوّري ما معنى أن يكون إنسان حسود ......

أنا لا أشكّك في إيمانك باللّه سبحانه و تعالى يا أختي ، و لكن يلزمك المزيد من التعمّق فيه حتى تستقيم أفكارك و أفعالك ، و لا تنسي يا أختي أنّ المؤمن يسبق على لسانه ما شاء اللّه لا قوّة إلاّ باللّه أو اللّه إيبارك كلّما رأى شيء يخطف بصره ، سواء كان أولاده أو أولاد غيره أو أيّ شيء يخصّه و يخص غيره ..

و ما دُمتي عرفتي علّتك فما عليكي إلاّ تسبيق ما شاء اللّه لا قوّة إلاّ باللّه كلّما رأيتي شيء حرّك فيكي شعور الحسد ، و بهذه الجملة و المداومة عليها ستقضي قضاءًا فعّالاً على شعورك بالحسد

بالتوفيق

[**د لا ل**]

السلام عليكم

سمعت مرة في محاضرة لأحد الشيخ الثقات - نحسبه كذلك - نصيحة لمن يظن أنه قد يحسد أخاه على رزق او نعمة أنعمها الله عليه

بالدعــــــــــــــــــــاء له بالخير

اللهم بارك له في رزقه وفي ماله وعمله وفرج عنه وأصلح احواله وعوضنا خيرا منه ... ..أكثري أختي من الدعاء لها بالخير والصلاح

ولكِ بالمثل ان شاء الله

[رندة.]

عودّي لسانك على عبارة ماشاء الله، والله يبارك في كل حاجة تشوفيها ولو أنك مش قاصدة تحسديها. بإذن الله مع الوقت رايحة ترتاحي وتتخلصي من العادة السيئة تاع الحسد.

[ولد حمد الباتني]

رغبتك في التخلص من هذه الأفة دليل خير
أقراي القرآن اختي وأقراي كتاب عدة الصابرين وذخيرة الشاكرين لابن القيم تستفادي

[Hanan salim]

لا آله إلا الله

[بناتي نور العين]

سلام

اختي قوي ايمانك و اكثري من الدعاء والصلاة و لاتنسي كلمة ماشاء الله تبارك الرحمن

وان شاء الله ربي يهديك و يهدينا أجمعين

[krimo65]

إن شاء الله الفرج القريب

[نور لاتراه]

السلام عليكم
عودي لسانكِ على قول
باسم الله ما شاء الله
وتدريجيا سيعتاد قلبكِ

[نورالهدى**]

هههههههههه

الجزايريين كامل راهم هكا مي الحمدلله انتي راكي ذكية عليهم

كي تعجبك حاجة

قولي ماشاء الله لا قوة الا بالله

تربحي زوج حوايج

1- غلبتي الشيطان وماحسدتيش
2- تجيك حاجة باهية كيما لي عجباتك

[بشـرى]

أسأل الله لكِ الهداية ....

[ALHIKMA]

اديمي قراءة سورة يوسف كل يوم كل يوم كل يوم سيزول عند الحسد باذن الله

[سَامِيَة]

كما قال الاخوة والأخوات
اكثري من قول ماشاء الله
و ربي يبارك....ستكون في
البداية مجرد ألفاظ تتفوهين بها
وبمرور الوقت سينعكس تأثيرها
على قلبك...ويؤمن بها
بالتوفيق

[salamsi]

goli lahi bark w kray el couran w rabi yba3d 3lik chitan

[blanche rose]

لازم تشغلي نفسك بتطوير نفسك وتحسينها
لازم تكون عندك ثقة بنفسك انك مميزة
الحسد والغيرة..معناها راكي مقتنعة انهم احسن منك
وما عندكش ثقة بنفسك
لازم تزيدي ثقتك بنفسك
وان الله عز وجل اعطاك مزايا تتميزي بيها على غيرك
حوسي على النعم اللي اعطاهملك الله عز وجل
واشغلي نفسك بتطوير نفسك واسعادها.
كي تشغلي نفسك بالاهتمام بنفسك رايحة تتحسن امورك
وتحسي انك افضل من غيرك👍
مشكلتك سهلة🌸
ربي يصلح امورك

[abd el nour 2017]

اسالي الله من فضله
لان الله هو الرزاق