الخيانة الزوجية

[مشكلتي]

زوجي يخنوني ويتحث مع كل فتاة وهذا الشي يتعبني هو عايش حياتو بطولها وعرضها وانا متذمرة من هذا التصرف وصلت بيه الدنئ انو ايجيب امراة لبيتي في غيابي و عندما انقشه يقول انه هو عايش حياتو بطول والعرض وانا لي خاسرة بحكم منصبو و مستوه المادي وحب اهله له وانا يتيمة ولا افكر في الطلاق ارجوكم كيف اعيش بكرامة واربي اولادي واعيش حياتي ارجوكم

[moss555]

أختاه ... نفس المشكلة مع خالتي !!
تعيش مثلك تمام حتى تزوج عليها وهو راضي عما عليه ... المشكلة ليست هنا فقط بل هو لا يصرف عليها ولا يعطيها أي رأي وكأنها عاملة يستخدمها وقت الحاجة فقط -_-
إذا كان ميصرفش عليك وميهتمش بيك وزيد عايش في لحرام يجب طفلة مشي مزوج بيها في داركم هذا ماهوش تصرف ... المهم انا وش نقلك لعاد مبالغ في الأمر كثيرا ... صلي وأدعي ربي في كل ركعة بالهداية له والفرج ان شاء الله.
ربي يكون معانا كيما رانا .

[toulay]

السلام عليكم
يجيب طفلة اخرى لدارك وفي غيابك ومع هذا لاتفكرين بالطلاق
صحا ابقى عايشة فالنكد والهم والغم حتى ديرلك القنطة
انت لحايبة الشيء هذا مالا اتحمل نتيجة افعالك
بالتوفيق

[kacimo.samy]

السلام عليكم

هذا ماشي راجل والمجتمع معمر بيهم
يا اخت واش نقول واش نخلي
يحقرو ليتيمة برك .. رجلة هاذي؟
والله كون تطيح عليه امن وهو معاها في دار يخرجوه عريان وهذي
شفتها بعيني والله غير بدرا خرج
حابة تمكري فيه ديكلاري به نهار يجيب فتاة اخرى هكذا يتربى لا ويخاف هذا اذا مازوجهش بيها فورسي

(وهذي تاع يتيمة كل رايحين نولو يتمين هذي سنة الحياة ويبقالك غير راجلك وراجل تبقالو غير مرتو كل واحد يعرف واش يخير)
ربي يفتح عليك ويهنيك

[ع.عيسى]

لا حول ولا قوة الا بالله الله يفرج عليك اختي و ينصرك ، وكلي امرك لله عز وجل

[بشـرى]

وكلي ربي صباح وعشية ، ربي يجيبلك حقك أختي ...

[مراد سابقا10]

والنهار الأول كي جاء خطب مسقسيتشو على اخلاقوا كيفاش زير النساء يكون قبل الزواج وبعد الزواج فكيف لم تسالوا عن ماضيه

ام غركم المنصب والمادة

انصحك بانت تتطلقي منه ليعود في يوم من الأيام ينقلك كاش مرض ماشي مليح سيدا او ماشابه

[الفارس النبيل 93]

إختيار الزوج يكون على أساس الخلق والدين وليس على أساس المنصب

وهده نتيجة مخالفة أوامر الرسول صلى الله عليه وسلم

ليس أمامك حل إلا الطلاق وهدا لن يضرك شيئا مادمت مع أولادك فإنه سيكون لك حق النفقة

ربي يعينك

[بناتي نور العين]

سلامـ

الله يهديه يا أختي لكن انا مهما كان منسكتش على الحرام

راجل كيما هدا سمحيلي ختي متعيشيش معاه الا اذا تاب لربه و طلب منك السماح

لا تسكتي على الحرام حتى لو عنده مال الدنيا كلها

ديري لنفسك كرامة و متبقايش في الذل

كوني قوية يا اختي وربي معاك

[زبدة ذايبة]

على الأقل حافظي على احترامك لنفسك !!!!!!!!!!!!!!!!!!!!

شديتي في الخيط تاع راكي يتيمة وبقيتي في ذمة واحد ماتعنيلوا حتى حاجة

انت أصلا راكي مطلقة عاطفيا

وش من زواج راكي خايفة عليه ينهار

راه كلشي منهار عندك

بقاتلك حاجة وحدة تصرالك هي ترفدي قشك وتروحي لداركم

هذا وش مازالك مع هذ العبد

هو قشك برك اللي راه يدل على أنك زوجته

أما باقي الأمور ماعندك حتى شيء معاه

على الأقل تحركي وأظهري أنك على قيد الحياة

ديري موقف

واحد من الناس مايجي ضدك

لأن الرجل خائن ومخادع ومرتكب للكبيرة

يعني واحد من المجتمع مايغلط وما يتهمك

أما أنك تبقاي تاكلي وتشربي برك

وتظني أن هذا هو الزواج تكوني غالطة

ماعندك حتى قيمة وماعندك حتى قدر عند هذ الراجل

انت والخادمة نفس الشيء

انفضي لغبار على روحك وافطني

قال مارانيش حابة نطلق

وش بقالك على الطلاق ؟؟؟؟؟؟

راكي عايشة في مهانة أكثر من أي وحدة مطلقة

على الأقل تكون عندك الغضب لله

ويكون عندك إنكار المنكر

راكي إنسان على قيد الحياة أثبتي أنك حية وأنك لست ميتة


حافظي على كرامتك وعلى بيتك

هذا الشيء دخلها لغرفة النوم تاعك وماهدرتيش !!!!!!!!!!!!!!!!!!

وين راكي رايحة ؟؟؟؟؟

وقتاش تهدري ؟؟؟؟؟؟

[visa uk]

اعرف شخص يعمل في الحماية المدنية كعون امن او رتبة كضابط وهو متزوج من امراة طبعا امراته جميلة ومتحجبة الخ قالها لي انو كي يبعثها لاهلها موالف يجيب نساء يجيب مرا ويبات معاها او يجوزو نهار كف كف حكاهالي بلسانو انو يجلبها هو انسان عندو فيس النساء وقبل مايتزوج كان يروح لااماكن معروفة ملاهي كباريهات الخ برادل المهم الان تزوجها وجابو اطفال عندو 03 وطبعا مازالو في الخبث تاعو والفيس قالهالي وفرحان انو يرقد معاهم المهم حتي هي طلبت مرة منو طلاق عيات نضن ماحبش لانو فيها نفقة الخ مصاريف راح يصرفها ويخليلها دار قال لي والله مانطلقها كامل لانها عملت معي اولاد باش تربطني بيهم وتحب تطلق باش تدي كل شيء الخ صراحة هدا نوع من رجال صعب جدا تعامل معه لي عندو فيس وشهوة النساء مايتبدلش للاسف يستغل اي فرصة باش ينفد مافي راسو

[محمد جديدي التبسي]

هذا جزاء من يختار صاحب المال والأريحية المادية على حساب الاخلاق
الطلاق ليس حل لأنها لديها أولاد ولا تملك والدين يهتمان بها
هي تريد حلا بعيدا عن الطلاق لأنه ليس حل ينظرها
لأنها لا تملك مكان تذهب اليه مع اولادها
ربما لديها ثلاث أو أكثر حسب وصفها
بالنسبة للأخت ربي يفرج عليك
وضعك صعب جدا والطلاق ليس حلا الا اذا يئست من اصلاح زوجك و كان لك سند من أهلك كأخ أو عم او اي احد قريب... لانو حتى القانون لن يفعل لك شيئا وستكونين ضحية في حال تطلقت وخرجت مع ابنائك للشارع... ربي يفتح عليك

[visa uk]

هي هدا النوع من رجال زير شديد للنساء احيانا يبانو من هينيهم سبحان الله وهيئتهم الخ اعرف كثير منهم واحد طلقاتو مرتو والان عندو 43 سنة تعرفو علاه لانو كان حياتو كامل يتبه بنات لحرام كنت نعرف انو يروح للكباريهات كل ماطخلو فرص وايضا بيوت دعارة الخ من صغرو وايضا انسان شرايبي حتي خرجت كرشو واضحة للعيان الان تزوجت به اخري مؤخرا اواضن انه طلقها او طلبت الخلع منه لتصرفاته التي ضاق درعا منها ونزدلك عايش في دار والديه وعندو منها طفل 07 سنوات

[الصديق قروف]

ربي يفرج حاولي تصلحيه
و تهتمي بصلاتو ومن ناحية واجباته الدينية
وخافي على صحتك
اذا معندكش وين تروحي اشارع لايرحم اكثر من هم زوجك

[قدور بن عاشور]

لا حول ولا قوة إلا بالله
المرة الجاية يجيبها و أنت في الدار و يقول لك روحي ترقدي في الصالون
إذا لم تكن لديك كرامة على الأقل حافظي على أولادك من هذا الإنسان الغير محترم

[نُـون]

السلام عليكم ورحمة الله وبركاته

على الرغم من أن أبغض الحلال عند الله الطلاق
إلاّ أنّ زوجك إن كان زان وإثبات ذلك ليس بالأمر الهين
فالزاني لا ينكح إلاّ زانية أو مشركة

كما أنّها قد تؤدي إلى أمراض خطيرة قد تكون مميتة.
وفقك الله إلى ما يحبه ويرضاه

[nihal159]

صراحة ياختي لم أفهم لهاذا لم أتعاطف معك، و الله كون جيتي قدامي راني ضربتك بكف كاشما تفيقي مع روحك شوية و اسمحيلي على التعبير، انتي غرك المال و الجاه علابيها مش حابة تطلقي، فيقي مع روحك، راجلك راهو يذل فيك و يمسح بكرامتك فالأرض و انتي تقولي عليه صاحب مال و جاه؟ شراك بدراهمو؟ واشبيك؟ كاش كاين اكتر من انو راجلك يجيب امراة أخرى لفراشك؟ فيقي مع روحك راكي في غيبوبة، على الاقل حافضي على كرامتك و قيمتك قدام اولادك .

[ام رضوان]

لاحول ولاقوة الا بالله
يعني يابنت الناس واش من حياة بقيت لك مع هذا الزاني
تحوسي حتى يجيبلك كاش مرض وتخلي وليداتك يتامى
قولو يديرلك دارك وينفق عليك وعلى ولادو اذا عندك ولاد وهو خليه
يتخبط في نجاستو وحدو
واحتسبي عند ربي سبحانو
والله على الظالم
ربي يتولى امرك ويفك كربك
امييييييين

[إنسانة بسيطة]

مانيش رايحة نهدر على لي فات وكيفاش قبلتي بيه نحكو على الحاضر
مش خايفة من الامراض لي تجي من العلاقات المشبوهة ؟ مش خايفة غدوة ولادك يكبرو على منظر العشيقة ترقد في فراش امهم ؟ مش خايفة يطلقك هو بلا سبب ؟
راني معاك بلي يتيمة و مكاش لي يعاونك في الدنيا وراكي بلا خدمة مكاش كيفاش تعيشي ولادك بصح من جهة اخرى خممي في ولادك وفي مستقبلهم انت حياتك وصلت لنقطة اللانهاية القصد انو راجلك مش سامع بيك
وش تقولي لابنتك غدوة الا قاتلك الخطاب مجاونيش على سمعة بابا الخايبة ولدك وش تقوليلو الا خرج لباباه زير نسا ولا العكس يخرجولك معقدين

خممي مليح يا اختي الدنيا تاعك فيها انت وولادك ولا حياتك توقفت متوقفيهاش علا ولادك نظن فهمت قصدي

[sarajevo]

العكس فان الاولاد هم اكبر سبب للطلاق لانها ليست يتيمة وقانونيا تستفيد من نفقة ومنزل وتعيش حياة كريمة فلما العيش في قهر ونكد وامراض نفسية لك ولاطفالك اسمحي لي ان اقول لك بان قلبك حديد لا توجد امراة تقبل التعدد وهو حلال فكيف بالحرام

[تاج الوقار16]

أختي شوفي
راجلك لازم لو صفعة قوية
هي اولا لازم تبلغي عليه الشرطة في الجرم المشهود
خليه يدخلها للدار واتصلي بيهم
تم يتادب
اذا عندك اطفال راح تربحي النفقة والسكن وما تترمايش برا
اذا ماعندكش خممي تلقاي عمل محترم يعيشك
أما تبقاي معاه فتوقعي السيدا في دمك ومشاكل أخرى بزاف نسا خرجو للحياة وصبرو وكافحو ورباو والدهم احسن تربية
انت شرط لازم تعاقبيه قبل الطلاق وتحليله شيعة قدام الناس
صل واستخيري ربي يهديك لحل صواب وربي يفرج عليك قريبا

[visa uk]

صراحة انا نحير في بعض النساء يتزوجن من هدا النوع الخامج سمحولي علي الكلمة هادي خامج وموسخ الخ واحد حياتو كامل يتبع الاماكن النجسة والوسخة والخامجة كامل لي يروحلها الا ناس خامجين كما هادو فقط ومن بعد يتزوج ويبقي انسان عندو داك الخبث والفيس في دماغو ويبقي دايمن يتبع النساء لما تحلو اول فرصة كاين بزاف امثالو لي عندهم غريزة اتباع النساء واي نساء نساء خامجات وتاع وسط معفن جدا كما قالولك خلط كم امراة في حياتو هدا اكيد العشرات بل المئات ولي يجي يمنحلها جسدو الموسخ لانو هو ببساطة معفن سمحيلي كاين رجال ساجيين رغم انو له كل شيء من جمال وعقل ومستوي دراسي الخ لكن مايتبعش ابدا هاته الاماكن القدرة لانو انسان محترم جدا وعقلو مش موسخ تخافي يكون عندو مرض ونتي ماتعرفيش ابدا سيدا الخ بسبب احتكاكو الماضي والحاضر بالفاسقات العاهرات الخ هدا لو مراة اخري لهربت منه علي الاقل وتخليه وحدو كي الكلب حاشاكم لانو مدمن جنس وهدا مكانو للاسف في الافلام الاباحية ومواقع اباحية مثل هؤلاء العاهرين المومسين النتئين جدا هاديك هي بلاصتو بالضبط
عاودي خمي مع راسك مليح مليح سمحيلي تزوجتي مع عاهر محترف وليس رجل شهم نضيف نقي خاطيه نساء الموسخات كيفو ردي بالك يطمعك وتغرك اموالو كما قالولك الاخوة نتي حرة علي كل حال

والله نعرف واحد لي حكتلك ليه تاع الحماية موسخ معفن خامج تاع ميليو والمراة مازاله صابرة عليه وحاملة همو وهو عندو 03 اولاد ويروح يزني وقال لي ماعلاباليش بها مازالو لحد اللحضة يعشق ويرمي عينيه هادوك لي تزني حزرتو باينة تاع واحد عاهر وزاني وزير نساء بالحق قوليلو يطلقك باش تدي النفقة والبيت هدا لي نعرفو للاسف عايش في منزل اختو aadl وهو مادار والو من قبل ماعندو دارو ولاسيارة ولا اي شيء عملو في حاتو الا تتبع النساء والعاهرات حياتهم مكشوفة وباينة ووجوهم وعيونهم معروفة من اول نضرة

هدا لي نعرفو من قريب مرتو اسرعت في عمل اولاد معه وراها ربطاتو ل تقول نفقة وسكن ادا رجل هو لي طلق مراة هناك يلزم عليه دلك بالقانون طبعا اما الا ماطلقها كيف تدي النفقة هدا السيد ماحبش يطلقها رغم انها كم مرة طلبت مو دلك طلقني طلقن ماحبش يطلقها كيف تدي نفقة