فــرض فلسفة

[المُعادلة الصّعبة]

السلام عليكم
ان شاء الله تكونوا ملاح كامل
غدوة عندي فرض فلسفه خاوتي ومنيش عارفه كيفاش نقراها ما راجعت فيها والو
قالتلنا راجعوا تاع المنطق الصوري والمادي مي مانيش عارفه كيفاش نراجع ووش لازم نعرف
قالتلنا تجيكم منهجية مقارنه
زعمه تجينا مقارنه بين المنطق المادي والمنطق الصوري؟
فهموني برك كيفاش نراجع عييت نعرف
و شكرا

[طيف الملاك¤اماني¤]

Slm ech homa ma9alat li 9ritihm

[nooor31]

السلام عليكم يا اختي اضن انه عليك حفض 3 اقوال فلسفية من كل درس و فهم اي مقالة محتملة حول تلك الدروس بما انه ليس لديك الوقت واهم شيء معهرفة المنهجيات انشاء الله اكون افدتك و لو بالقليل

[المُعادلة الصّعبة]

ماقريت حتى مقالة وغدوة ان شا الله فرض فلسفه وفيزيا الوقت محصور

[طيف الملاك¤اماني¤]

Nn 9asdi li dertohm fi clasa

[المُعادلة الصّعبة]

والو ما درناش
درنا غير مقارنه بين المشكلة والاشكالية وحنا اصلا رح نراجعوا غيرالمنطق الصوري والمادي

[المُعادلة الصّعبة]

اماني وش جاكم ف فرض الفيزيا حطيلي سوجي تاعكم تعيشي
وقوليلي ااذا خدمتي ولا نووو

[ترانيم الامل]

سلااام ريان
وي تقدر تجيك مقالة مقارنة بين المنطق الصوري والمنطق المادي
وتقدر تقولك ثاني ما الفرق بين الملاحظة العلمية والملاحظة العادية
بالنسبة للفلسفة نظن متعتامدش على الحفظ بزاااف اذا كنتي فاهمة الدرس وعارفة المنهجية وحافظة مجموعة من الاقوال تقدري تكتبي مقالتك الخاصة
بالنسبة لي كي كنا رايحين نديرو فرض اكتفيت بقراءة مجموعة من المقالات ثم تدوين اهم الافكار لي موجودة فيها واحفظتهم
ان شاء الله نكون افدتك
موفقة ان شاء الله

[!~•عًــ سُــيّــدٍ ــلــيّ •~!]

منقراوهمش اختي

[Miss Princess]

Ma ne9rawHomch
Bn Courage

[شمس الأمنيات]

سلام
ريان راجعي مقالة مقارنية بين المنطقين واكتبي رؤوس اقلام
واحفظى 4 اقوال 2 للمنطق الصوري و2 للمنطق المادي

[Mr.R]

أهلا ريان
شوفي أولا لازم تكوني تعرفي المنهجية
مانعرت الاستاذة اذا عطاتكم طريقة ام لا
حنا عطاتنا بعض كلمات قالتلنا ستوندار دايما يتعاودوا ,,
هذي بالنسبة للمنهجية
فمحاولة حل مشكلة تبداي أولا ب أوجه الاختلاف ثم التشابه ثم التداخل
و تكملي المنهجية
المنهجية هيا الصح
الدرس نورمالمو تكون شارحتهولكم
تكوني حافظة بعض أقوال و لازم تعرفي وين تحطيهم
وتشوفي مثال تع مقالة مقارنة درتوه من قبل تع سؤال علمي و فلسفي او مقالة أخرى


ياريت لو تدخلي و توضحيلنا وش هو المشكل
حنا مازال ما تعطينا أستاذة مقالة تع هذا النوع

[amin8]

ممكن تجيكم مقارنة بين الاستقراء و الاستنتاج و الفلسفة ننصحكم ديرولها يامات خاصة بيها في العطل الفصلية لانو القسم مراحش يفيدكم بزاف لان هناك اختلاف كبير بين الاساتذة في كيفية تدريسها و حسب اعتقادي اغلبهم يفشلون

مقالة مليحة : http://bouzidi.ahlamontada.net/t204-topic

[رونق الصبح]

السلام عليكم
كيف حالكِ ريان؟
بما ان الوقت ضيق
راجعي منهجية المقارنة
ثم اطلعي على المقالات الخاصة بالمقارنة في كل من المنطق الصوري و المادي سواء من كتاب خارجي او أي مصدر آخر
اظن توجد 3 مقالات فقط
مقارنة بين الملاحظة العادية و العلمية - مع انها قصيرة -
و بين المنطق الصوري و المادي
و بين المنطق الصوري و المنطق الرمزي ( او المتعدد القيم أو المنطق الجدلي)
ًدوني رؤوس أقلام ( اوجه الاختلاف و التشابه و طبيعة العلاقة ) على ورقة خارجية لتسهلي عليكِ و راجعيها جيدا
و غدا اكتبي مقالتك الخاصة استنادا لما راجعته - عومي بحرك - ستكون تجربة جيدة لكِ ..
و ان تبقى لكِ وقت اطلعي على بقية المنهجيات فالاحتياط واجب
وفقكِ الله