جامعيونا في ال:"French cultural center"

[ابن الجزائر 65]

http://zupimages.net/up/17/46/nhy9.png

http://zupimages.net/up/17/46/ym03.png

http://zupimages.net/up/17/46/bu21.png
https://www.fb.com/photo.php?fbid=10212772525781656&set=p.10212772525781656&type=3

https://www.fb.com/photo.php?fbid=10212769425664155&set=a.2091471980059.110401.1643044076&type=3

[EL MADJDOUB]

بقاي على خير يا هذا الدشرة ** اللي غاشيها غير فلان ايصك فلان

راني حالف ما انولـي ذا المر ه ** يا لو كان نموت في صحرا عطشان

نعشر بر الروم و بلاد الكفرة ** و لا نعشر بر الشمايت و الرعيان

لحديث تنوفيق و الضحكة صفرة ** و الصحبة تحيا و تفنى بالقضيان

بلسانو يعطيك قنطار مسرة ** و الحيلة متلمدة تحت البيطان

بالرشوة تلقاه ماشي للعمرة ** و يصلي في البيت في آخر رمضان

و يولي بكلاح و عباية صفرة ** و يعطيها للزور و كلام البهتان

يحلفلك ليمين قداه مرة ** و يحلف بالكعبة و يحلف بالقرآن

و يحرم البزوز و يحرم لمرا ** و غير يصد عليك تلقى كذبو بان

أبقاي على خير ياهذا الدشرة ** للي يحكمها غير الجاهل و الخوان

تلقى اللي ملو اقبال السبورة ** للسياسة داخلين بلا سلطان

المرفوعة تاليتــها مجرورة ** و العطف يوروه غير لفلان و فلان

و الفعل المجهول مبني على للكسرة ** و اسماء الخمسة يديرو ليهم شان

تلقى المير احمار و النايب بقرة ** و المجلس ثعبان يختل في ثعبان

ما تفرز أمي على واحد يقرا ** و لا تفرز صاحي على واحد سكران

كي تسمع لحديثهم عند الهدرة ** تقول أنت لبطال هاذو و الشجعان

لو تعجنهم ما يجو في ساق امرا ** و لو توزنهم ما يوفولك ميزان

كـي لغـراب امنين يعلى في الشجرة ** يحسب كل الخلق تحتو غي ذبان

ابقـاي علـى خير يا هـذا الدشره ** اللي لاحت تاريخها في عقب ازمان

يا سعـد اللـي جا موظف مـن برا ** بالوصله يحظى اعزيز ومولى شان

يـدو لـو لفـراش وايزيدوه امرا ** وكل خميس اعشاه مشوي عند افلان

مـا يحتاجـش لا حليب ولا خضرة ** كلش خالص جاي من عند الرعيان

هـذا باهـز جايب امخـدة حمرا ** وهذا يجري جايـب اقريـعات ادهان

وتلقى المشمت غي اتوصل في الهدرا ** وتلقى المرعن غي اتوصل فيالخرفان

اخزيهم يـاخالقي فـي ذا الدشرة ** ذا القــوم اللـي شانهم زايد يشيان

وارزقهـم لعـجاج وامعاه الغبره ** وزلـط اللـي بدراهمو يصبح جيعان

اذا اراد اللـه مـن هـاذ المرة ** ما رنجعـش اخـلاص لبـلاد البهتان

وانقـول على خيــر يا هاذ الحفرة ** وراهـا ليكم يا المشمت والرعيان

ما رانيش على الرجال اهل النعرة ** وما رانيـش على اللي سكنو لكفان

مقصـادي رعـيان عشرتهـم مرة ** وما رانيـش على اللي سكنو لكفان

كانـو مدسوسيـن فـي وقت الكفرة ** وياسر منهم كان في صف العديان

وذروك جاب اشهود وادخل في الثورة ** واخرج عندو كاميـو قهوة وبلان

ولحـق لـو رابيـل حجْ وزاد امرا ** واصبح فـي التاريخ يفتي بالبرهان

وايعــود ايقـول بـيا واش اصرا ** كي كنا في الزيش نا وحيات افلان

فـوق احـمار ولاحقتني طيارة ** وذاك الشـي واضربتـها بين الجنحان

اهجمـت علـى شار بعمـود وحجرة ** دقدقتـو واقديـت في جدو نيران

اخزيهـم يا خالقـي في ذا الدشرة ** ذا الحرك اللي عايـشا غي بالبهتان

وارحـم من شافـو الكحلة والمرة ** وماتو شهداء على الصدق والايمان

متعهـم بالحـور فـي الجنـة الخضرا ** واسكنهم يا خالقي خير الجنان

قصيدة الدشرة للشاعر جلجلي جلول عن و لاية البيض

[ابن الجزائر 65]

وارحـم من شافـو الكحلة والمرة ** وماتو شهداء على الصدق والايمان

متعهـم بالحـور فـي الجنـة الخضرا ** واسكنهم يا خالقي خير الجنان


بارك الله فيك أخي الكريم على القصيدة....
اللهم أرحم شهداءنا يا رب العالمين....
الله يجيب أهل الخير لهاذ البلاد ....

[أمير جزائري حر]

ألا ترى يا ابن جيل الاستقلال أن في ذلك تهويل وتضخيم بعض الشيء ؟


كم نسبة هؤلاء بلغة الأرقام إلى مُجمل شباب الجزائر المنتظم في دراسته في الجامعات وفي مختلف المهن بدءا من رجال الأمن والجيش والدرك وحماة الحدود الذين يجعلونك تنام أنت وغيرك قرير العين !


هم يقينا رقم ضئيل



===============


ومع ذلك ما أشبه اليوم بالأمس :rolleyes::rolleyes::rolleyes:



=================

[djfr]

تلقى المير احمار و النايب بقرة ** و المجلس ثعبان يختل في ثعبان



بارك الله فيك

[ابن الجزائر 65]

ألا ترى يا ابن جيل الاستقلال أن في ذلك تهويل وتضخيم بعض الشيء ؟


كم نسبة هؤلاء بلغة الأرقام إلى مُجمل شباب الجزائر المنتظم في دراسته في الجامعات وفي مختلف المهن بدءا من رجال الأمن والجيش والدرك وحماة الحدود الذين يجعلونك تنام أنت وغيرك قرير العين !


هم يقينا رقم ضئيل



===============


ومع ذلك ما أشبه اليوم بالأمس :rolleyes::rolleyes::rolleyes:



=================






دون تعليق.....................