مادية زوجي

[مشكلتي]

السلام عليكم عندي مشكلة مع زوجي عييت قلت بلاك يقهم وخدو لاكن لا حياة لم تنادي انا امراة عاملة يقوم زوجي بصرف رانيبي ولا يترك لي شئ يغني كي ندحل الشهري ة يروح يخلص بيها لكريدي ةيقولي نمد لبابا راني قنلو هدديك نخلصها انا وكي بروج لدارهم يسلف الدراهم ويخلصهم في يوم يعني ميصرقش غليا كي نقلو ديرلي ميزانية يثولي نحاسبي قيا وهو شهريتو يخاص بيها الكريدي نتاع السكن كرهت البارح قالي رايح نصدق لمرة معندهاش كي قتلو صدق عليا راني معنديش مصروف قالي نتي متحيش الصدقة فهموني كيفاه ندير معاه كل شهر يبعث لدارهم الدراهم وانا مش قايم بيا

[toulay]

وعليكم السلام ورحمة الله وبركاته
كيفاش هو غارق فالديونات ويحيب يصدق صح الصدقة مليحة بصح من المفروض يكمل مع الدين تاعه مبعد ساهل الحال
وانت تاني يا اختي كيفاش تعبك يديهولك هذا مشي راجل و le plus beau باقية ساكتة معندكش لسان تهدر بيه وتواجهوا تقولوا حاجة خاطيك مدورش بيها
انت لولفتيه كل مايوصل الشهر يديلك تعبك ومجهوداتك وقاعدة تتفرج
كون مين دار العفسة هاذي المرة الاولى وقفتيه عند حدو بصح انت قررتي تسكت ايا هو حسب قاعدة تشجع فيه طلق روحو و والف
الدراهم ليبعثهم لدارهم من الاحسن يخلص بيهم الدين والكراء
تاني دارهم هاذو ربي يهديهم ان شاء الله ميهدروش معاه ميردوهش للطريق قال انت راك كاري وبزاف المصاريف عجبوهم الدراهم في بالي وعجبهم الحال
ربي يفرج عليك ان شاء الله
بالتوفيق

[الفارس النبيل 93]

أختي هدا هو حال المرأة الخدامة ؛ لو كان بقيتي في بيتك واهتمتي بشؤونك لكان يصرف عليك

[kacimo.samy]

السلام عليكم
تحشمي منو راهو راجلك ؟؟ هذا حقك نتي تتعبي وما تدي والو؟؟
سبب فيك... شهرية قادمة اقتتطفي منه جزء يسير وقوليلو و زيدي في مرة اخرى اكثر و هي ماشيا
صح نعطيك حل حسب رأيي راجلك مادي و في هذه الحالة ما يقدرش يحبسك من الخدمة ؟؟
يعني ادي عطلة مرضية لانه صح مرضك او عطلة وقليلو حبست العمل وفي الحقيقة نتي تخدمي وما تحكميش دراهم
يعني كيف كيف خدامة ولا....وتاعبة في الباطل
المهم في هذه حالة هو يولي يخليك تدي غير باه ما تبطليش
(هذا موش راجل لي يدي حق واحد يتعب غير لوجود صلة.. حتى اب يدي شهرية ابنه لانه ابنه وياكل وساكن في المنزل؟؟ والله عيب وعار اتقو الله في انفسكم راك تتحسب على كلش.. خمم كيفاه تإفيتي صوالح هكذا لي بينك وبين ربي راه تغفر ولي بينك وبين العبد اي والله ماتغفر حتى يسمحلك خممو مليح وربي يفرج عليك)

[إنسانة بسيطة]

بحسب ما فهمت من كلامك حتى شهريتو يخلص بيها الكرا تسمى متسماش مادية منو بقدر ماهي حقرة ليك مفروض يشاورك قبل لا يمس دراهمك و تكون صدقة برضاك
و مقلتيلناش على معاملة تاعو معاك ؟
يا ختي صعيب الحال باه ننصحك مفروض حاجة كيما هاذي يتهدر فيها قبل الزواج في وسط الجماعة يقول الاب تاعك انو شهريتك ليك ( طبعا تكوني انت لي خبرتيه ) ولا تتكتب في عقد الزواج لانو الزوج لي كيما عندك هذا ما يليق بيه

و تعقيب بسيط على الرد لي قبلي الاب لي يصرف على ابنو 25 سنة ربي و كبر وعلم و نهار يولي خدام يقولو شهريتي لالا مقلناش ياكلها كامل مي يمد شوي و يساهم في مصروف الدار

[محمد جديدي التبسي]

هذا هو حال أغلب من يتزوج امرأة عاملة راه طامع فيها
والله تحيروني كيفاه واحد يرضى يمد تعب شهر كامل لشخص آخر؟؟
والمحير أكثر زوجك كيف لا يترك لك مصروف على الأقل؟؟
لازم جلسة حوار معه ان فهم فاللهم بارك وان لم يفهم دخلي فيها والديك
هذا ما أراه والله أعلم
لأنه ليس معقولا واحد يتعب ولا يجد مصروف يحفظ كرامته
امام الأهل والأصدقاء ناهيك عن زملاء العمل
ربي يفتح عليك..

[قدور بن عاشور]

شوفي نقولها لك مباشرة
زوجك هذا طماع و ما يحشمش،
من رأيي غير حبسي الخدمة، و قولي لو ماعندك حتى فائدة منها
و صح، ماذا استفدتي منها غير وجع الراس
و الصدقة تكون من صاحب المال و ليس من غيره.

[زبدة ذايبة]

على كل حال الموقع والمشكلة ماشي باش نحكو لحكايات.

لكن الكثيرات راهم يدقعوا ثمن التنازلات اللي قدموها لأزواجهم بلا حساب


أنت من تسبب في هذا.

عطيتيلوا سنوات تعبك وشقاك بطريقة ساذجة

مانحسبوش النهار اللي بديتي تخدمي فيه

أحسبي من النهار اللي رفدتي فيه هذيك المحفظة على ظهرك وبديتي تقراي

وكان والديك لا يتأخران عليك بشيء

حتى يجي واحد يحمل صفة الزوج تعطيلوا مالك بهذ الطريقة

يالوكان غير كان يصرف عليك


وكأني بيك راكي تخلصي في ثمن زواجك من هذا الرجل.

حق ماتزوجتيه تخلصي.

يفعل في مالك مايشاء.

وياويلك لو كان تهدري يكفي أنه موافق على أن تعيشي معه.

للأسف هذا هو الزواج في الوقت الحالي إلا مارحم ربي

حسابات مادية100%

لذا ياعزيزتي ماتخافيش منو.

واجهيه وشدي دراهمي في يدك.

تعطيه بماتطيب نفسك.

أنا تعطيلوا مالك وهو ملزم شرعا بالإنفاق عليك فهذا والله عين الخطأ.

وحتى من حيث العاطفة ماراكيش رايحة تمثلي بالنسبة ليه سوى

شحيحة تاع دراهم. كل شهر يجي يرفد كل الراتب.

حل مشكلتك بين يديك.

زوجك ليس بخيلا. بل شخص طماع وساقط تاع دراهم.

إختبريه وقوليلوا راني عييت وحاسة روحي مريضة. راني نفكر ناخذ إجازة من دون مرتب. وشوفي ردة الفعل.

ردة الفعل تاعو رايحة تعطيك الصورة الحقيقية لمكانتك عندو.

بعد هذ الحادثة تقرري تصرفك معاه.

ماراناش نهدرو على الطلاق

لكن نشير إلى صرورة تغيير أسلوبك في التعامل والعيش معه.

مالك تعطيهولوا بالمعروف.

أما إذا أخذه عنوة فهذا والله عين السرقة.

ويصبح بهذا لصا من اللصوص ولا فرق بينه وبين لصوص الطرقات.

أخرجي بالمشكلة تاعك لأرض الواقع

وبركاي من الألم الصامت اللي راكي عايشة فيه

ويزيد يستخسر فيك حتى كلمة الصدقة

بئس الرجل هذا الرجل

بل بالعكس هو شبيه الرجال

حطي نقاطك على الحروف معه

لأنه على مايبدو لايصلح.

زيريه تعرفي وش راه مخبيلك

رب يصلح حالك يا أختي

[ROMMEL]

هذا استعباد جديد

[visa uk]

للاسف كاين رجال كثر هكدا بزاف تفكيرهم خبيث ديوثي شيطاني اعرف واحد قالهالي شخصيا لي وماصدقتوش واش قال قالهالي انو المراة تاعي راح تخلص الضريبة تاعها لي قتلو ماهي قال لي المال يعني اعطتلك لقبي عنواني اسمي صفة زوجة واعطيتك الدفتر العائلي ليس مجانا تديه راخ تبقاي تخلصي طول حياتك لانو واحد ماراح يقبل بك زوجة وتبقاي بايرة وحتي لي يقبلك راح يعمل نفس الشيء والتصرف وينزع راتبها واموالها الخ من تصرفات لكن ليس كل رجال هكدا اختي الرجال اصناف وانواع طبعا اتكلم علي هاته الفئة الخبيثة الحقيرة التي لا قلب ولادم لها والمراة طبعا هي الخاسرة في كل الاحوال تتحمل وخلاص لانها حتي بطلاقها راح هي تخسر وتولي تحمل صفة مطلقة وراكي تعرفي مطلقة في نضر المجتمع حياتها انتهت ماعندك حتي حل للاسف الا التحمل والصبر كان بزاف عايشات هاك باش يطلعلك مورال شوية

[غزلانْ]

أغلب من يتزوج بعاملة أكيد من باب المساندة و لكن هناك من تجده متفهم لا يتدخل في راتبها يترك لها حرية التصرف و عليها
أن تساهم بدورها دون طلب من زوجها
و هناك صنف آخرمثل زوجك فقد يكون لا تهمه الزوجة بقدر ما يهمه عملها و بما أنك وصفت زوجك
بأنه مادي فقد يكون اختياره لك على أساس معيار مادي
اذ من غير المعقول يطلب كل الراتب دون مراعاة يبقى من تلقاء نفسك
الايجابي في عمل كليكما ان كان بدافع مساندة و السلبي هو المحاسبة يجب عليكَ أنتَ و يجب عليكِ أنتِ
خذي عطلة مرضية و اختبري مكانتك عنده

[رندة.]

ربي يفرج عليك ويهدي زوجك ان شاء الله

[فاطمة79]

الله يكون فيهذا اسمه ظلم و ما لك الا الصبر و الدعاء.

[ولد حمد الباتني]

المفاهمة النهار اللول
هذا من جماعة نتزوج خدامة تخدم عليا ....

[visa uk]

هدا الصنف بصفة عامدة ديوث كبير وخبيث كبير في تفكيرو هدفو ادلال المراة ونفسه لدرجة كبيرة وهم كثر للاسف يجيب مرا تخدم عليه وهن شابع رقاد راحة بال وشيشو ولحومات وشواء وشراب الخخخخخخخخ وجرائد هدفو فقط مالها ويستمتع بيه طول حياتو ماهوش عامل للمراة اي قيمة داخل نفسو المهم نتزوجك للزواج فقط وفقط كغيره من الرجال

[نورالهدى**]

ايييييييييييييييييييييييه ياختي لعزيزة

ام كامل هكذا ماتعمريش راسك بيه

رانا كيف كيف

واش تحبي تديري

انا وليت ندير مشورع في راسي قدام ماتدخل الشهرية نقولو خاصني صباط وخاصني .... ونزيد نقلو سلفلي وياربي

ومرة هزيتها كيما راهي وسلفتها لحبيبتي هكذا باش ماعندو مايدوموندي

ديري برك الحيلة

واذا لقيتي كاش مشكل حبسي عليك الخدمة الاولوية لزواجك ماتفرطيش فيه

ربي معاك

[blanche rose]

أنت السبب
والمفروض تديري جزء من راتب لوالديك ماشي لوالديه!!!!
هو يبر والديه بدراهمك؟
يسلف على اهلو يسلكهم من جيبو
الحل تجبديهم انت
وتتقاسموا مسؤولية البيت
وجزء ليك ولاهلك وجزء للبيت واللي سلفهم يسلكهم هو..

والا راكي تسلكي فيه حق ما تزوجك؟!!!!
تعاملي بالحسنى معاه..مهما كان زوجك
هو طماع لانك انت السبب ..انت اللي اعطيتيه الجمل بما حمل
حنا كامل نعاونوا رجالنا
بصح ماشي لدرجة انو ما نتصرفوش شوية في دراهمنا
المعيشة غالية صح
بصح ماشي هكذا يكون التصرف!!!
هذي جياحة منك..
وانت تاني سلفي على داركم واصرفي على روحك ورجعيهملهم..
وتقربي لله عز وجل
ربي يفرج عليك

[الرأي الاخر]

لاتشعلوا النار بين الازواج ايها الحاسدون