بدأت افقد الامل من الفيزياء

[مريم المتفائلة]

بتحية الاسلام احييكم


جماعة راني حاسة روحي ما جبتهاش فالفيزياء رانا بندخلوا الوحدة 4 وانا مازال نحس روحي ناقصة خاصة الوحدة الاولى في المماس السرعة الحجمية ديما نتيجة تخرجلي خلاف كاش عفسة الله يخليكم بديت نيأس


وفقكم المولى

[طيف الملاك¤اماني¤]

عبالك والله راح تهبليني
شحال من مرة نحذرك انو هاذي العواطف نحيها انو ماندر هكذا راكي تحقري في روحك
مريم صلي على محمد صلى الله عليه وسلم
اليلة نحبك تحلي تمارين الكتاب تاع الوحدة الاولى خلي على روحك متديش في الفروض مليح اقاي براحتك
نمدلك ملخصات وتمارين
اولا عديني تحلي تمارين الكتاب تاع الوحدة الاولى
وانا نمدلك ملخصات مفهمتيش اجة نجاوبك كاين الاعضاء الاستاذ مولاي واستاذك
بعدها كي تكملي تمارين الكتاب حلي الباك
ومبعد في اخر وحدة لخصي وحدك القوانين
وحلي تمارين الكتاب المغني

[مريم المتفائلة]

وعد راح نحل اماني تاع الكتاب حليتهم


هل ترين تماريين المغني كافية حبيبتي انا اعجبني بصح فالمماس تلخبطت

[!~•عًــ سُــيّــدٍ ــلــيّ •~!]

عادي اختي يخي المماس برك
ماهيش حاجة كبيرة حاولي تتمرني برك حاولي تقربيه باه يكون يقيس المنحنى برك
متفقديش الامل
وش فيها اذا عدتو رايحين تدخلو الوحدة 4 ونتي متعرفيش للمماس عادي متتقلقيش
المهم تلقاي حل وبسطيها تبساط اختي
ايه علابالي خلطت عليك المهم طلعي المورال برك
ايه كاش فروض كاش علامات ؟؟

[مريم المتفائلة]

والو خي 09 فالفييزيك طبعا و14 فرنسية فقط

[!~•عًــ سُــيّــدٍ ــلــيّ •~!]

والو خي 09 فالفييزيك طبعا و14 فرنسية فقط

الاهم هو الباك
انا ديت 9 في الفلسفة هذا مكان خخخ

[طيف الملاك¤اماني¤]

هههههه دبرتوها في2
انا اكبر علامة في الانجليزية 18
الباقي من 15 مافتش
الفرنسية تحت المعدل ههه كانو جامي قريتها 8.5
والله حاسة روحي جامي قريت
مي الشيئ الجميل فيا ماتاثرتش بنقاطي كيما مالفة
اولا كلنا هبطنا وتاني حاسة بلي راني نشوف غير الباك الفروض والاختبارات نستفيد منهم برك النقكة ماهمتنيش
ا


.بالنسبة ليك مريم كتاب المغني في حوايج قد تصادفك في الباك لانو تمارين الكتاب تعودك على انك تكوتي في المخ واعية في كل نقطة يعني يفتحو الذهن ومن المستحيل تلقاي تمارين الباك كيما تاع الكتاب تاع باك يجيوك ساهلين عليها انا حتمتك بتاع كتاب لولين باه باكات
ومتخافيش رانا هنا معاك
انا اني نحل في الفيزياء وتارين الكتاب والمغني والباكات ديت 12،5
مي جابتلنا تمرين طويل على الوحد1 وتمرين 2 على وحدة 2
ماكفانيش الوقت حليت غير تمرين كامل وجبتو صحيح ماغضتنيش روحي لانو شفت روحي بلي ليت تمرين لول كامل صحيح خير انلم نقط من لول والثاني ومانوصلش للمعدل هنا تباني اسكو بذلتي مجهود ولا لا
ولله يعيشك احنونة مابقييش تتذمري لانو نحسك تحقري روحك

[jieona]

أنا تاني رهي مخلطتلي شوية
بصح في العلاقات ننساهم بزاف
المماس قاتلنا الأستاذة بش يخرجلكم صحيح نديرو دائرة تمس المنحنى في النقطة اللحضية
ممبعد نديرو المماس و يكون عمودي على نصف القطر تع هديك الدائرة
انا راهو دايما يخرجلي صحيح

[!~•عًــ سُــيّــدٍ ــلــيّ •~!]

انا النووي مزلت نغلطت في طو ونصف العمر و لاندا والتناقص الاشعاعي وبين الاشعاعت بيتا و النشطار والاندماج
وطاقة الربط وطاقة الاخرا هاذيك

[مريم المتفائلة]

سيدوا تسمى قاع الوحدة ولالا

[!~•عًــ سُــيّــدٍ ــلــيّ •~!]

سيدوا تسمى قاع الوحدة ولالا

تقدري تقولي كامل تقريبا بصح بشوية ونداركها
وغدوة عندي فرض داخل النووي فيه
هي نعرف العلاقات و القوانين بصح يتخلطولي مع بعضاهم يشبهو لبعضاهم بزاف
حتى نعاود نرجع للكراس باه نقدر نحل هههه

[طيف الملاك¤اماني¤]

تقدري تقولي كامل تقريبا بصح بشوية ونداركها
وغدوة عندي فرض داخل النووي فيه
هي نعرف العلاقات و القوانين بصح يتخلطولي مع بعضاهم يشبهو لبعضاهم بزاف
حتى نعاود نرجع للكراس باه نقدر نحل هههه
ماااريوس بلييز فهمني في طاقة الربط النووي
وعبالك الاستاذة هبلتها في مسلمة انشتاين انا قبلت شفت كيفماه اتطرق اليها انشتاين مي مبعد مافهمتش كيفاه خرج جد المعادلة تاعو ماما قتلي اقبليها اي مسلمة قتلي العلماء وحايرين فيها حابتنا حنا نفهموك فيها
مي انا حارتلي في حاجة كيفاه كتلة ذرة الهيدروجين اقل من كتلة جزيئات المكونة لها

[!~•عًــ سُــيّــدٍ ــلــيّ •~!]

ماااريوس بلييز فهمني في طاقة الربط النووي
وعبالك الاستاذة هبلتها في مسلمة انشتاين انا قبلت شفت كيفماه اتطرق اليها انشتاين مي مبعد مافهمتش كيفاه خرج جد المعادلة تاعو ماما قتلي اقبليها اي مسلمة قتلي العلماء وحايرين فيها حابتنا حنا نفهموك فيها
مي انا حارتلي في حاجة كيفاه كتلة ذرة الهيدروجين اقل من كتلة جزيئات المكونة لها

احفظيها متبداي تتفلسفي ما والو
كيما قالتلك ماماك احفظيها
ياو احفظيهاااا

[طيف الملاك¤اماني¤]

احفظيها متبداي تتفلسفي ما والو
كيما قالتلك ماماك احفظيها
ياو احفظيهاااا
اي محفوظة في راسي ههه بالشوي عليا حسيتك كيما ماما يالهي
ايه طاقة الربط النووي فهمني فيها والله ماني فهمتها

[!~•عًــ سُــيّــدٍ ــلــيّ •~!]

العلماء قالو بلي كاينة قوة خفية تخلي النواة متماسكة
وعندنا القوة او الطاقة يخي تساوي الكتلة في السرعة مربع
عندنا النويات تتحرك و الطاقة كاينة معناتها الكتلة كاينة على هذا خدم النضرية نتاعو
يخي هو كي عرفها قال بلي الكتلة شكل من اشكال الطاقة
نورمالمون هكذا شرحهالنا استاذ الكور و معرف بلاك راني غير نخلط وغلطت في واش قاللنا

[!~•عًــ سُــيّــدٍ ــلــيّ •~!]

طاقة الربط هي النقص الكتلي في سرعة الضوء في الخلاء مربع وش نفهمك ؟؟؟ فيها
انا تبانلي هاذي الوحدة القوانين نتاوعها يتحفظو ماهيش كي الوحدة الاولى

[طيف الملاك¤اماني¤]

العلماء قالو بلي كاينة قوة خفية تخلي النواة متماسكة
وعندنا القوة او الطاقة يخي تساوي الكتلة في السرعة مربع
عندنا النويات تتحرك و الطاقة كاينة معناتها الكتلة كاينة على هذا خدم النضرية نتاعو
يخي هو كي عرفها قال بلي الكتلة شكل من اشكال الطاقة
نورمالمون هكذا شرحهالنا استاذ الكور و معرف بلاك راني غير نخلط وغلطت في واش قاللنا
مي كيفاه توصلو العلماء باه يحسبو الطاقة المفقودة لربط مكونات النواة ؟؟؟؟؟!

[طيف الملاك¤اماني¤]

طاقة الربط هي النقص الكتلي في سرعة الضوء في الخلاء مربع وش نفهمك ؟؟؟ فيها
انا تبانلي هاذي الوحدة القوانين نتاوعها يتحفظو ماهيش كي الوحدة الاولى
بالعكس فيها تخدام مخ انا من النوع مايتقبلش حاجة بدون برهان
عبالي مسلمات
مي في بعض التمارين الباك تاع فرنسا في الفيزياء لقيت امور كيما هاذي

[!~•عًــ سُــيّــدٍ ــلــيّ •~!]

معرف غدوة الصباح نوض نعاود نراجع هاذوك القوانين باه منخلطش بيناتهم ونروح ندير الفرض

[شمس الأمنيات]

مريم المتفائلة اسمك كان كافيا لرفع معنوياتي فكيف لك ان تستسلمي بهذه البساطة وتتركي المجال لمماس غبي ونقطة فرض ان تغير تفاؤلك وتثبط عزيمة
انت مدركة ان ل 0،25 ان تغير تخصصك فلما الاستسلام اذا
نعم يمكنك ذلك وببساطة
تخيلي فرحتك بالمعدل وتحطيم الحلم بسبب 0،01
الن تندمي على ذلك مازلت في بداية الطريق فلا تتركي مجال للندم لاحقا واعلمي ان الله لا يضيع اجرمن أحسن عملا
انصحك بان تجمعي الكثير من المنحنيات او ارسميها انت وحاولي ولا تيأسي ابدا
الم نتعلم الحروف والهجاء بهذه الطريقة تخيلي لو اننا يأسنا في ذلك الوقت اكنا سنصل الا ما وصلنا اليه ؟؟
توكلي على الله ولا تتكاسلي ووني الفتاة التي يضرب بها المثل لاصرارها على النجاح
وتذكري دائما ان عائلتك الثانية دائما بقربك متى احتجتي اليها

[طالب العلى]

لتقريب المعنى نواة اليورانيوم 238 هو مكون من بروتونات و نيترونات تخيليها عبارة عن كرات من حديد و لكي نشكل نواة قمنا بثقب هذه الكرات لربطها بواسطة خيط هذه الثقوب ستسبب ضياع في كتلة الكرات لو وزنا الكرات قبل سنجدها اثقل من كتلتها مجموعة بالخيط و السبب هو الثقوب نفس الشيء بالنسبة الى طاقة الربط اتمنى اني قربت المعنى و ان شاء الله لا يرى تعليقي عالم فيزياء ههه حظ موفق

[طيف الملاك¤اماني¤]

معرف غدوة الصباح نوض نعاود نراجع هاذوك القوانين باه منخلطش بيناتهم ونروح ندير الفرض
علابالي بلي هبلتك باسئلتي صاي سوف اتقبل القوانين كما هي
وانت عندك فرض وانا زدت هبلتك معايا
اسفة

[!~•عًــ سُــيّــدٍ ــلــيّ •~!]

علابالي بلي هبلتك باسئلتي صاي سوف اتقبل القوانين كما هي
وانت عندك فرض وانا زدت هبلتك معايا
اسفة

يا عادي الفرض علابالي يجي ساهل

[!~•عًــ سُــيّــدٍ ــلــيّ •~!]

يا عادي اختي
درنا فرض فيزياء وعلابالي بلي النتيجة كارثة
التمرين نتاع الوحدة 1 حليتو عادي
في التمرين الثاني حاولت فيه في 10 دقايق الي بقاولي
وقالي دير قانون التناقص انا درتلو نتاع نشاطية العينة ومنها مقدرتش نكمل المهم تتعلمي من اخطائك ههه:D:D:D:rolleyes::rolleyes::rolleyes:

[Miss Princess]

?? Wééé Chayala had L'heDra
علا جال مماس راكي دايرة مندبة وبتفقدي الأمل و تيأسي؟؟؟
شوفيني أنا الوحدة الثانية ما رانيش عارفتها كي دايرة دابزت مع الأستاذة أي ما وليتش ندخل عنها اليوم برك لي يقراو معايا هبلوني أيا دخلت
معنتها وحدة كاملة ضيعتها ونورمال مازالني عايشة

مارانيش نقلك كوني باردة القلب كيما أنا Mais ما طيحيش لمورال تاعك غير علاجال حاجة صغيرة
ديري القلب وزيري روحك و تنجحي ان شاء الله

والميكانيك شاراكي دايرة فيها؟؟

الله غالب ما نعرفش نهدر و نطلع المورال
Bn Courage

[مريم المتفائلة]

الحمد لله اختي والله رانا متفكراتك بصح ملقيتش الوقت نطلعلك اانتضريني

[Miss Princess]

الحمد لله اختي والله رانا متفكراتك بصح ملقيتش الوقت نطلعلك اانتضريني


Maelich khEty
Fi Ghardek

[مريم المتفائلة]

المهم نوصيك بكتاب المختار روووووووووووووووووعة

[pérah tova]

عند 0 حطي مطة توشي الانحناء و بعدها حطي مسطرتك و مددي
ويصلح في حالة المنحنى هابط ولا طالع