عصبية زوجي

[مشكلتي]

السلام عليكم ورحمة الله تعالى وبركاته
أتمنى أن تكونوا جميعا بخير .
موضوعي ربما ليست مشكلة كبيرة لكن ارتأيت أن تكتب في هذا القسم إذا ممكن
أنا متزوجة حديثة زوجي إنسان طيب لكنه عصبي جدا جدا جدا . و سريع الغضب.
إذا حدث و كان بيننا سوء تفاهم و كان هو المخطئ اذا تكلمت معه يعني واجهته بما فعل أو قال أقام الدنيا و أقعدها. و إن سمحت في حقي و كتمت مرت كما لم يكن هنالك شيئ.
إذا اخطأت انا والله أسرع للاعتذار و لا أتركه يبقا ساعة و هو غضبان. أما هو أخطأ أم لم يخطأ لا إعتذار و لا هم يحزنون. بالعكس حتى و إن هو أخطأ و أنا دافعت عن موقفي يغضب هو و ينتهي بي الأمر أنا بالاعتذار.
لا أعلم كيف أتعامل معه عندما يخطيء في حقي فبمجرد ما أبدا بالكلام يبدأ بإعلاء صوته و ينتهي ب ابتعدي من أمامي لا أريد أن أراك لا أريد أن أتكلم. هذا كله و أنا والله اتكلم معه بهدوء في بعض الأحيان أعود بعد أن يهدأ كي أناقشه كل ما اتحصل عليه هو ماذا تريدين مني من الأخير ؟ (يعني بلا ماتكسريلي راسي ). كل هذه التصرفات توصل النقطة الثانية من مشكلتي و هي ردت الفعل . إذا حدث أن غضب زوجي اقرأ الفاتحة على أشياء المنزل كسر طاولة الصالون كسر هاتف ذكي غالي الثمن والله كسر تصغير سيارات فخمة لكن أيضا غالية الثمن و اليوم كسر التلفاز 😢😢😢 تلفاز والله ربي ثمنه أكثر من 12 مليون . ماذا أفعل معه كيف أتعامل معه أحاول الصبر لكن انا اصلا إجهاد نفسي في الصبر .
لدي ستة أشهر زواج انا اسكن خارج الجزائر و ليس لدي أصدقاء.
شكرا لكم جميعا
السلام عليكم

[*** عبق الزهور ***]

السلام عليكم
ربي يكون معاك اختي
حاولي انك تبتعدي عنه في حالة الغضب يعني خليه يهدا وحدو ماتكسريش راسك معاه
لانو مواجهتك له تجعله يزيد من حدة غضبه ويعتقد انك بهذه الخطوة تلقين اللوم عليه وتتهيمنه بانه المخطا حتى وان كان يرى نفسه كذلك
صح مانلومكش على حالتك لانو الرجل العصبي صعب الطباع لكن حاولي تتاقلمي
ربي يهديه ويعينك

[غزلانْ]

السلام عليكم


أغلب العصبيون منفردون يتسمون بطيبة لا حدود لها
وما عليك الا المسايرة أو تركه لشأنه ليهدأ
طيب الله بينكما

[*حامل المسك*]

الارجع ان ردود الفعل العنيفه تنم عن ضعف في الشخصيه ولا يتقبلون النقد وتوجيه اللوم لهم يزيد احساسهم بهدا الضعف وماعليك الا الصبر واتركيه وشانه ادا كان الامر لا يستحق علبك ان تتغاضي

[زبدة ذايبة]

راكي وليتي تعرفيه مايحتاجش تواجهيه

واضح جدا أنه إنسان ضعيف الشخصية

ومايقدرش يواجه

وغير اجتماعي

وحتى لا تدفعي ثمن الارتباط بمثل هذا النوع من الشخصيات

ماتزيديش تعتذري كي تغلطي أو يغلط هو

خلي الأمور دائما مفتوحة

كلما حصلتيها في روحك واعتذرتي كلما أقنعتيه أنك لاتصلحي لأن تكوني زوجة

وكلما أعطيتيه الفرصة لأن يمسك عليك الأخطاء ويجي النهار اللي يجبدلك cvتاعك معاه ويلقاه معمر بالأخطاء

ومن الساهل جدا أن يستغني عليك ويدير العيب فيك

كي تلقاي الحالة تاع الغضب رايحة تجيه

أخطيه وابتعدي حتى ماتجيش الضربة فيك

راه إنسان واضح بالنسبة ليك

أعرفي كيفاش تسيري معاه فقط

رب يصلح حالك يا أختي

[beautifulmin85]

السلام عليكم ورحمة الله

اولا نسال الله ان يهدي زوجك ويهدئء من روعه ويلين قلبه عليك وعلى نفسه قبل دلك

فالغضب تهلكة للنفس والبدن معا ناهيك عن الخسارة الناجمة عن ردات الفعل من اتلاف للأغراض

دواء الغضب قد يكون نفسيا بمعرفة اسبابه وتفاديها وحسب تفصيلك للمشكل فانت قد اصبحت تعرفين

كيف يصل زوجك لمرحلة الغضب فحاولي قدر المستطاع ان تتجنبي ان تصل الامور بينكما الى مرحلة ردات الفعل العنيفة

وايضا قد يكون الدواء باستعمال مسكنات ربما هناك حالة مرضية عند زوجك تجعله ينفس عنها بالغضب

فاحيانا يكون احدنا مصاب بشيء ما داخل جسده وهو لا يعرف فتكون ردات الفعل غير متوقعة حتى يكتشف انه مريض جسديا

عافانا الله وكل المسلمين طبعا حتى وان لم يكن مصابا باي مرض فالغضب وخاصة ان كان مبالغا فيه هو بحد داته مرض

على كل حال حاولي ان تجدي اعشاب مساعدة على الاسترخاء والهدوء اقنعي زوجك باستعمالها لعلها تفيد في تهدئة اعصابه خاصة قبل النقاشات بينكما

نسال الله لكما السعادة والعافية في حياتكما

[kacimo.samy]

السلام عليكم
ربي يصبرك معاه

هل معك فقط او مع الجميع حتى اقارب والمحيطين به؟؟؟
اذا كان مع ناس كل يعني بالعقل معاه واصبري واذا كان معك انتي فقط
فهنا حالة اخرى....

يوجد بعض رجال يوري روحو قدام مرتو برك
ربي يهينيك
وقلتي موضوعي ربما ليست مشكلة كبيرة ؟؟ هذي مشكلة حقا

[فردوس الرحمان]

يا اختي انا نقولك متكثريش معاه الهدرة والمناقشات ، حتى وان كان على خطا، ،. يا اختي السامط يغلب القبيح ، هدا ماهوش تاع مناقشة أصلا ، هكدا يطيح القدر ،. كل مرة نفس السيناريو مناقشة غضب تكسير اعتذار ،. ديما قولي نعم خليه يحس روحو البطل ورآه المشكل ،. واربحي راحتك ،.

[محمد جديدي التبسي]

وعليكم السلام ورحمة الله وبركاته
أظن أن مشكلتك عويصة وكبيرة لكن عليك التعامل معها بشكل جيد
ناقشي زوجك في لحظات هدوئه
الشيء الجيد أن زوجك لا يضربك ويتجه لتكسير أشياء أخرى بدل تكسير عظامك احمدي الله على ذلك ولو ان تلفاز 12 مليون حرام تشروه أصلا خليه يكسرو دراهمو زايدين عليه ...ربما لأنكم في بلد أجنبي فهو لا يضربك لانه سيدخل السجن غالبا
لا تعتذري له ان كان مخطئا وخليه يحس بخطئوا حتى ولو لم يعتذر فالرجل غالبا لا يعتذر بالكلام بل بتصرفات معينة كهدية وما شابه.
بما أنك لا ترين في عصبيته مشكلا كبيرا فهذا يدل على أن فيك خير كبير وتريدين انجاح زواجك واصلاح زوجك فاستعيني بالدعاء بيقين وربي يفتح عليك ويصلح زوجك.

[الواثق]

تقريبا يشبهلي ههههه لكن انا مانكسرش هههه ...............هو الزوج يشعر بالذنب لكن لايستطيع الاعتذار وانما تشعرين بذلك من كثرة صمته وتهربه.......عليك بتهدئته ولا تناقشيه اثناء غضبه ..........فالرجل يفجره ارجاع الكلام فالصمت افضل ............وديري كراس للمذكرات اكتبي الحوادث هذه مع بعض التعليقات وخليه يقراهم بطريقة غير مباشرة فسوف تعاجينه بهدوء...............وكمثال للكتابة تابعي معي .......""اليوم اغضبت زوجي فحطم التلفاز وتمنيت ان اكون مكان هذا التلفاز لاني لا استطيع عيش دقيقة وهو غاضب مني فيارب ارشدني لارضاءه فهو كل شيء بالنسبة لي """...................صدقيني بهذه الطريقة رايح يحس بالذنب ويحشم على روحو
وفقكم الله

[visa uk]

صراحة هدا الزوج حسب ماتحكين عصبي جدا جدا وعندو امراض في اعصابو يعني مخصوص في عقلو كامل متيقر في راسو وهاته الفئة من المجتمع موجودة عقليات سلبية جدا او سلبية يعني يعني انا اعرف صديق اخت والله في المنزل كلمة زوج يضرب في الباب الطبسي المغارف الكراسة الخ يعني نتي تفهميه كي مايفهمش يجوه النوباات العصبية يولي هايج يولي يخبط في البيبان يضرب بالركالي بالرجلين لوليدو مسكين عقدو تصوري اب يكون هادئ نهار يجوه احوالو يبدا العياط والتكسار ووووو حتي فهامتو مخصوصة بزاف يعني شوية كلام يبدا يعيط ويتشنج ويسب فينا ويقول خلوني اخرجو من داري وووو كلام سب وشتم من صغرو هاك صدقيني هدا عندو مرض الاعصاب في راسو يعني نوبات كاينة وهدا يلزملو دواء يشربو للاسف الشديد دواء خاص بالاعصاب ادوه عند طبيب مختص في الامراض العصبية neurologue في اسرع واقرب وقت لانو قادر صراحة يعمل كوارث هدا باين مخو محدود وفهامتو محدودة ناقص فهامة قدراتو العقلية منخفضة جدا لايعرف ان يتناقش ويفهم ويترزن بصفة عامة مايمشيش بعقلو ابدا يعني عندو الاعصاب في عقلو كي الكهرباء تمشي ترسيتي تاع الصح شاعلة فيه masse كبيرة ربي يشافيه ان شاء الله نصيحة لكي اديه لطبيب امراض عصبية اوك في اقرب وقت وحكيلها جيدا المشكلة بتدقيق باش توصفلو دواء حساب حالتو الدقيقة اوك
لانو نعرف ناس اخرين يتسمو بالهدوء وناس بكامل قواهم العقلية ويفهمو بالايجاب ويتمهبلو بزاف ويرجع نفسو عصبي وعندو الاعصاب وهو كي تشوفيه في عقلو صافي تماما ومابيه حتي شيء مرحي في راسو ويعملك امراض ويخلقلك امراض كثيرة في مخو والطبة يفيقولهم من اول نضرة

[visa uk]

وصفيلنا حالتو مليح مليح بالتدقيق باش نشوفو نوجهو لواحد طبيب اعصاب مختص مليح ينحيلو المرض هدا بحول الله لانو حالتو فعلا خطيرة هدا لي حكتلك عليه باباه وصل حتي انو منعهم من مشاهدة التلفاز ورمالهم الموديم برا وحتي جهاز الحاسوب كان راح يكسرو من شدة فقدانه لاعصابه تصوري يحكيلي انو حتي كي يجيه النوبات يولي يرعش بزاف بزاف صدقيني يديه يرعشو ويرجفو مسكين الان راه في حالة للاسف فقد اعصابه همو اصلا هكدا عامل

[قدور بن عاشور]

ههههههه أنا مثال عن الزوج الذي يكسر أي شيء أمامه
ليس عن ضعف شخصية و لا هروب من النقاش
المرأة في النقاشات كالسمكة الحية منين جي تحكمها تزلق و تهرب
و تسوطي من موضوع لآخر حتى تلعب لك على الأعصاب
يبدو أنك بارعة في اللعب على الأعصاب عن قصد أو ربما من دون قصد
الله يعين زوجك عليك
ماديريش راسك براسو،
حاولي أن يكون حديثك معه حديثا يُستأنَسُ به و ليس نقاش و جدل و محاولة فرض وجهة النظر
و المشكلة إذا كان مستواك الدراسي أعلى من مستواه فتجدين نفسك تحتقرينه عن غير قصد.

إذا عندك أسئلة أخرى نجاوبك مكان زوجك لأنني أظنني مكريزي كيما هو هههههه

[visa uk]

اخي بن قدور كاين ناس نعرفهم فعلا مكريزيين يعني عندهم فعلا نوباات يعني طبيعة فيه هو اصلو عصبي حتي تحركاتو وطريقة كلامو وشوية معاه كلام يتنرفز ويتعصب هدا هو لي فعلا جقيقي متعصب عندو اعصاب تاعو فيها خلل يااخي كاين بزاف غاشي يقلك انا وانا متقلق بزاف ومكريزي الخ وعندي العصبية ووالله العضيم هو اصلو كالم واغلبهم يخدمو ند الدولة موضفين ولاباس بيه واعصابهم كامل هادئة ورزينة وواثق من نفسو ومترزن كفاه كاين فرق هادو دواهم ولا اي حاجة لانو فقط يتسبب ويتحجج الخ وكم رايت كثيرا جدا منهم نتا ماشفتش واحد لي فري عندو اعصاب حتي في كلامو حتي في حركات عينيه تفيقلو بسرعة انو خفيف بزاف هادو يلزم الادوية للاعصاب تاعو

[visa uk]

هدا دواه اخطيك منو حتي انا لي صديق يعمل في الحماية يقل لي كم مرة نخبط اولادي في الحيط ونضربهم ضرب مبرح ونكسر الهاتف والتابلات الخ هدا عندو اعصاب ههه وهو كي تتكلم معاه وتحركاتو الخ عاقل بزاف طبيعتو

[abdou30]

الله يهديه

[visa uk]

ادا كما تقولي راه يعمل هكدا نعطك نصيحة اديه لطبيب مختص تاع الامراض العقلية راه في حالة راه ولا كي الشخص المتوتر والمريض فعلا بالاعصاب حقيقة neurologe

[visa uk]

نصيحة لكي اختي ادا راه معصب ومتوتر ومقلق بزاف بزاف وحتي انو راه يكسر ويخبط الخ الاواني والتلفاز يجي نهار يخبط اولادو او حتي يرميهم لاقدر الله لدا نعطك عنوان طبيبة مختصة تبعثوه اليها اوك هي ان شاء الله تعالجو وتعطلو ادوية خاصة بالمتعصبين اصحاب الاعصاب nerveux عندو خلل في الجهاز العصبي الخاص به systeme nerveux انا اعرف واحد والله راح حتي يشرب الادوية المهدئة وبوصف من الطبيب المختص باش يتهدا ويولي يداوم عليها للاسف الشديد حتي قدرات العقلية منخفضة جدا وفهامتو ناقصة بزاف بزاف لدا يلجا الي التعصب والضرب والتكسير الخ حتي طريقة مشيتو ومشية تاعو تبين انو انسان عصبي وعندو اعصاب في دماعو وليس عقلو مستقر وصافي

[rose2010]

انت يا أختي فالغربة ووحيدة تنتضرين عودة زوجك الى البيت لتنهالي عليه بالكلام المتراكم اثناء اليوم.
لا تجادليه واجعليه يشتاق للعودة الى المنزل.
لا يمكنك مهما حاولتي تغيير طباعه لكن يمكنك تجنب الجدال.هدخلي الى الحمام مثلا وخدي دوش الى ان يهدأ وتهدأ اعصابك أيضا.
ربي معاك

[mohamed nadim]

قالها لك الأخ من قبل
هدا يحتاج لوصف دواء مهدئ
ربما كان يستعمله من قبل و أوقفه