صديقي في ورطة...

[مشكلتي]

بسم الله الرحمن الرحيم
تحية عطرة ...وبعد
ساحاول الاختصار قدر الامكان.....بدات الحكاية من حوالي شهرين...صديقي خطب فتاة وتمت الموافقة وعقد القران وكل شئ كان يسير على احسن ما يكون...وتم تحديد يوم العرس اخر شهر نوفمبر.....لكن ...وقبل يوم الزفاف بعشرين يوم تقريبا ...بدأ الشك يساور صديقي ...نتيجة بعض التصرفات من الفتاة.....والتي كان اخرها والقطرة التي افاضت الكاس....انو تحدث معها في امور خاصه جدا...ليتفاجأ صباح الغد بشخص يتصل به ويخبره بكل ما دار بينه وبين الفتاة التي من المفروض ان تكون زوجته.....ليبدا في التحري والتقصي ...والخلاصة انو الفتاة ذات سوابق عاطفية اكثر من مرة....وهو الان في حيرة كبيرة .....كيف يتصرف.......افيدونا جزاكم الله كل خير.......

[محمد جديدي التبسي]

إذا تأكد من الأمر فلم يبق هناك ما يقوم به سوى انهاء هذه العلاقة
ما يحير ما يدوخ في مجتمعنا تتوقع كل شيء
المفروض يتروى ويسقسي مليح ويتبع الفتاة ويراقبها قبل ما يعقد
ربي يفتح عليه.

[3ahmed3]

سبحان الله.....................العلي العظيم هذه فعلا ورطة ........

[مراد سابقا10]

يا اخي انا نقولك حاجة هو صاحبك غلط كي مسقساش مليح

بصح ضرك وقع الفاس في الراس

هناك حل وحيد يواجه الفتاة ويخبرها بما سمع عنها يعني يدير باقار مليح معاه ويعرفوا العائلتين وهكذا ينتهي الأمر ولو بقي العرس يوم واحد

خاصة اذا لم تكن له علاقات هو اي انسان متدين اما اذا كان هو انتاع علاقات فكما تدين تدان

انا نقولك الصراحة شديدة حكاية الزواج في الجزائر وليت منامنش بيها

[krimo65]

فرج الله الهموم و الكروب

[* الحلم سكر *]

لو طرحت هاته المسألة سابقا كنت راح نقول يواجهها و يبطل منها اذا فعلا حوارهم خرج برا
لكن للأسف حاليا عندي وعي اكثر انو الجزائري ممثل بارح -بعضهم اكيد لا اعمم - و الاصعب من ممثل مخترع روايات ممكن هذا فيلم من عنده و ربي يسترنا و يعطي كل واحد على قد نيته
(اسفة لا اقصد التجريح او التشكيك لكن اتحدث عن واقعنا )

[زبدة ذايبة]

لازم يتأكد أولا من حقيقة الشخص.

إذا كان أجنبي عن الفتاة أو قريب.

ثم يتحرى عن الفتاة ثانيا.

محاولة إيجاد العلاقة بين الفتاة والمذكور أعلاه.

ممكن تكون البنت هدرت مع قريبتها او صديقتها.

وكاين اللي حاب يفسد عليها زواجها.

وممكن يكون فيه اللي كان ناوي يخطبها وراه يحاول يفسد عليها الزواج.

كل شيء محتمل ووارد.

لهذا يجب ان يتروى ويتأكد.

وإذا تبين له أن الفتاة بالفعل غير صالحة.

خيرها في غيرها حتى ولاكان بقى يوم على العرس.

براكات من الخيانة الزوجية.

المرأة اللي عندها سوابق مع الرجال هي إمرأة ماتخافش وماتفكرش في العواقب.

وهمها شهواتها العاطفية والبدنية، آخر ماتفكر فيه هو خوف الله عزوجل ثم زوجها.

عليه بالإسراع في البحث والتحقق.

[ابو سليمان10]

لا حول ولاقوة الا بالله
يا اخي ان صح ما يقول ...ينهي العلاقة الان قبل العرس باقل الاضرار خير من الطلاق بعد الزواج...وهته الامور صرنا نسمع بها كثيرا ..شباب تحدثوا امامي انهم يواصلون علاقتهم مع فتيات رغم انهن خطبن او تزوجن...بعض الفتيات دعون خلان للعرس ايضا

ولاكن مدة الخطبة قصيرة جدا ان فهمت جيدا فهي لا تعدوا ثلاث اشهر...في الامر تسرع....الافضل ان تكون على الاقل 6 اشهر او اكثر

و مع هذا يجب ان تتاكد من الشخص هل هو فعلا اجنبي
ولاكن مع هذا و ذاك ...حتى لو كان تحدثت مع فتاة اخرى من العائلة فالامر غير مقبول...لايجب افشاء احاديث كهذه

[kacimo.samy]

سلام
كان من المفروض انه تكلم معاها سابقا
ويتفهم وضعهها
موش يطيح على راسه
المهم لازم يسقسيها ويعرف صح كيما قالو زملاء
بلاك واحد مع وحدة حابو يفسدو ...
سقسي مليح ويعرف ما يظلمها ما يظلم نفسو
الحل يلتقي معها ويطرح اسئلته ويلاحظ تصرفاتها..
......مشكلة الثقة يولي كل يوم شاك فيها كون يتزوجها
(كي تجي تزوج ماضي يبقى ماضي وسقسي على الحاضر والمستقبل
ربي يقبل توبة والعبد؟؟)
(عمر زوجته كم بلاك ذراري مازال غير تخلط ماهي فاهمة والو تهدر برك حتى جابتها في عشها .. كيما واحد تزوج وحدة 17 سنة عام بلاك طلقها بويسك ردت الهدرة ليماه وقاتله خلوني نرقد وو..)
سلام

[mohamed nadim]

بدأ الشك قبل الزواج
كيف سيصبح هدا الشك بعد الزواج

على حساب كلامك
ادا كان هو خاطيه الدخلات و الخرجات
ينسحب بصمت و بهدوء
هدا طبعا في حالة افترضنا ان ما يقوله حقيقة و ليست وساوس او اطراف مشوشة

[غزلانْ]

لعل ما أخبرته به سبق و أخبرته لصديقة و هي بدورها نقلته لهذا الشخص لا تتسرع
و ان كانت لها سوابق عاطفية ان شاء الله تكون منعدمة في صديقك اذ من غير المعقول
لصاحب سوابق يعترض عن ذات سوابق
بالتوفيق

[بناتي نور العين]

تأكد أولا أن هاتف الفتاة غير مهكر ممكن يتم التجسس عليها من خلال الهاتف

[احمد يحي]

لا حولة ولا قوة الا بالله يارب فرج عليه

[oumhana]

ربي يستروخلاص مي كبدات بالشك غيريحبس درك خاطر راح يمرض .

[فردوس الرحمان]

الشك يحطم كل شي، ،. عليه بمواجهتها قبل فوات الاوان

[Aniraz]

ربي يهديها ويكون في عون صديقك
من رأيي انو يواجهها وان استلزم الامر يقابلهم ببعض هكدا لكي يرتاح

[اخلاص الجزائرية]

بلاك هاتفها مهكر

[رندة.]

ما لازمش يظلم الفتاة حتى يتحقق من الأمر
احتمال تكون تكلمت مع صديقة أو قريبة في الموضوع، والغيرة عندها ما ادير.
عموما ربي يكون معاه ويبين الحق ان شاء الله

[djalal200984]

ما عليه هو التخري ومواجهة الفتاة قبل ان توقع الفاس في الراس

[manothebest]

سبحان الله نفس الاشكالية قريتها في مجموعة تاع نساء طرحتها وحدة مسكينة وقالت بلي بقالها 20 يوم على عرسها وتبكي وهي ثاني ماعرفتش شكون الشخص لي هدر مع راجلها..
نصيحتي لك، حاول تحكي معاها وتتحراو الحكاية نتا وهي ولازم تكونو صادقين مع بعض وربي معاكم..الناس ولات ماترحمش بالاك وحدة من صديقاتها وصات واحد من الجزع ولا واحد حاب يخطبها ولا خطبها ويسمط عليها..لا تتسرع بالحكم.